::: البولونيز المظلومة :::

[mobitic]

هههههههه انت قلت مشاكل ومصايب انا قلت اية العربية هيطلعلها قرار حرق سخونة اية بس اللي بتسخنها انا عربيتي الحمد لله اهية ولا في سخونة ولا بتنجان ودرجة حرارتها مبتعديش التسعين في عز الحر والصيف وكل اللي اعرفهم بردو كدة يمكن رئيك دة بناء علي تجربة شخصية او عربية مش متظبطة ثانيا بقي حكاية الصوت دة في فئة العربيات القديمة انا مبعتبروش عالي متقدرش تقارنه بعربية هيونداي لان دة حاجة ودة حاجة ودة موديل ودة موديل ودة امكنيات ودة امكانيات فماتور البولنيز اللي بيجر القاطرة والقوة دي والوزن دة مينفعش اقارنه بماتور اعم ورقيق وبيشد كتكوتة زي الاكسيل او الاكسنت مثلا وشكرا ليك ياباشا علي مرورك

بجد انا بفكر اقنعك تغير دراستك وتشتغل محامى علشان تدافع عن دبابتنا المظلومة

[dr_timo]

لألألألألألأ هنغلط في الأكسل ولا ايييييه
هيا اه كتكوتة بس العفشة و الماتور مش كتاكيت خالصصصص
يا اخي دانا لما باخد غرزة و مايوسعليش بقرص شوية بلاقي اللي قدامي هاينط الناحية التانية من صوتو

ههههههه انا مارضيتش اقوله سوزوكي سويفت مثلا عشان عارف انها معمولة من الورق المقووي فقلت خلليني في المعقول فخلتني في الاكسيل

[semsem_uno]

بجد انا بفكر اقنعك تغير دراستك وتشتغل محامى علشان تدافع عن دبابتنا المظلومة :f_eyeb1[1]:

هو فعلا ينفع و ردودو لذيذة اوي والله :))
و يقنع كمان

[dr_timo]

بجد انا بفكر اقنعك تغير دراستك وتشتغل محامى علشان تدافع عن دبابتنا المظلومة :f_eyeb1[1]:

هههههه ماتخافش يامحمد باشا انا متولي فريق الدفاع عن البولونيز بجانب الطب ولو حسيت ان المستشفي هتشغلني عن الدفاع اكيد هستقيل

[Youssef.Awad]

هههههه ماتخافش يامحمد باشا انا متولي فريق الدفاع عن البولونيز بجانب الطب ولو حسيت ان المستشفي هتشغلني عن الدفاع اكيد هستقيل

يارب يخليك لينا وللبولونيز المظلومة

[dr_timo]

يارب يخليك لينا وللبولونيز المظلومة

هههههه حمد الله عالسلامة انا لسة كنت بقول فينك ياعم يوسف تيجي تشوف بيقولو اية عن البولونيز في غيبتنا ازاي يقولو عليها كدة هية موراهاش رجالة واهل يوقفو جمبها

[Youssef.Awad]

هههههه حمد الله عالسلامة انا لسة كنت بقول فينك ياعم يوسف تيجي تشوف بيقولو اية عن البولونيز في غيبتنا ازاي يقولو عليها كدة هية موراهاش رجالة واهل يوقفو جمبها

ليها أهل طبعا يا دكترة
ووراها رجالة تأكل الزلط
الله يسلمك أنا فعلا كنت مسافر الاسكندرية يومين كده فى شغل ولسه راجع النهاردة

وبعدين سيبك من اللى مابيحبهاش
لأن اللى بيحبوها كتيييييييييييير ومش محتاجين نضيع وقت ع الفاضى
------------------------------------------------

إمتى بقى يبقالنا منتدى للبولونيز خاص بينا بدل الرابطة الموجودة فى منتدى الفيات دى

[x_gomgom]

السلام عليكم ورحمه الله وبركاته

انا تابعت الموضوع كله وقراته بالكامل ومشكورين على مساهماتكم العديده والمفيده بالضروره للعديد من الاعضاء


لكن..........




انا ملاحظ مبالغه غير طبيعيه منكم في امكانيات السياره المدعوه بولونيز حسستوني وانا بقرا الموضوع ان دي رابطه ملاك البي ام دبليو؟؟؟؟؟؟؟؟






اولا لابد من الاعتراف ان لكل سياره مميزات وعيوب ولايوجد سياره في العالم ليس لها عيوب ولكن من خلا ل التجربه العميقه للبولونيز وللعلم البولونيز قعدت معايا 3سنين ونص استطيع من خلال هذه الفتره الطويله الحكم الجيد على السياره من مختلف النواحي الايجابيه والسلبيه.


اولا ايجابيات البولونيز
1-سياره واسعه من الداخل الي حد ما مقارنه بفئات اخرى مثل ال131.


2-تابلوه شيك جدا مقارنه بتابلوهات جميع السيارات السابقه على سنه91 وهو اخر موديلات البولونيز في مصر.


3-ارتفاعها الملحوظ عن الارض حتى لو محمله ركاب وده بيخلي العربيه بعيده كل البعد عن المطبات.



4-اتزانها معقول لحد 80 90 اخرها يعني بعد ده زباله.



5-الصاج متين بطريقه رهيبه يعني لو دخلت في حيطه ممكن تهدها.




6- الشنطه واسعه .




لكن ناتي لسلبيات السياره او مصائب السياره



1-ياتي في مقدمه العيوب وهو عيب خطير جدا وهوسخونه الموتور اللامعقوله العربيه بتسخن في عز الشتا وده طبعا لوحده مصيبه وليس له حل.




2-صوت السياره العالي جدا كانها كراكه او جرار زراعي

من الواضح ان تجاربك مع البولونيز كانت مع البولونيز المتوفي اكلينيكياً...
انا موضوع السخونه دا كان موجود عندي و كان حله ان الردياتير كان 2 ماسوره و كان متوفي وغيرته حاليا السخونيه راحت...
الثبات و بشهاده ملاك ياباني و كوري انها اثبت بمراحل من سيارات كتير (90 ايه و مفهاش ثبات و زباله يا باشا انا و اعوذ بالله من كلمه انا كاسر العداد كذا مره و ملقوط ردار على 210 و لا عمرها قالت بم و باخد غرز على 140 و الدنيا تمام و في صور رفعتها قبل ذلك) ولا تقولي فيرنا ولا يحزنون و عن تجارب مش تجربه
اما موضوع العيوب فهي بالفعل ليها عيوب اهمها الابعاد و موضوع الدركسيون التقيل ...
و في عيب يمكن في ناس موقعتش فيه ان قطع الغيار بتاعتها غاليه و في بعض القطع مش موجوده(مثلا ذي قاعده كرسي النص لفيت عليها من يومين في عزبه شلبي لما دخت)...
اما موضوع الصوت انه كراكه دا مبالغ فيه شويه بس هي صوتها مش عالي جدا انا عندي الحمد لله صوتها هادي جداً لكن مع القرص صوت تاني خالص...
عامه حبيت اقول ان في مقابله لملاك الفيات يوم الجمعه القادم ان شاء الله في 6 اكتوبر عن نادي نقابه المهندسي الساعه 2 و ان شاء الله رايح بإذن الله لو حبيت حضرتك تاخد فكره عن البولونيز...
ارجو اكون وضحتلك شويه عنها

[star1991]

لا بقى موضوع السخونيه مبالغ فيه جدا وهي تسعين دي شويه وبعدين شوف البولونيز بتجيب التسعين بعد اد ايه في الحر يادوب 5 دقايق في وسط البلد وكفايه انها عامله زي ماتكون واكله زلعه مش دانت لو رحت بيها مشوار بتلاقي الرادياتير فاضي .




ودركسيونها التقيل جدا وماتقوليش ان ليه حل ولا زيت ولا شحم هيفضل كده





وقطع غيارها الزباله المش معمره خالص




وسحبها الطين العربيه تقيله اوي في السحب




والعربيه روحها مش طويله يعني صوتها بيعلى بسرعه في الغيار بتحرق الغيارات بسرعه يعني ماتعرفش تمشي على الاولاني لو انت في مكان زحمه تلاقي العربيه سخنت وبتجعر منك وصوتها يعلى

[asaeed]

لا بقى موضوع السخونيه مبالغ فيه جدا وهي تسعين دي شويه وبعدين شوف البولونيز بتجيب التسعين بعد اد ايه في الحر يادوب 5 دقايق في وسط البلد وكفايه انها عامله زي ماتكون واكله زلعه مش دانت لو رحت بيها مشوار بتلاقي الرادياتير فاضي .




ودركسيونها التقيل جدا وماتقوليش ان ليه حل ولا زيت ولا شحم هيفضل كده





وقطع غيارها الزباله المش معمره خالص




وسحبها الطين العربيه تقيله اوي في السحب




والعربيه روحها مش طويله يعني صوتها بيعلى بسرعه في الغيار بتحرق الغيارات بسرعه يعني ماتعرفش تمشي على الاولاني لو انت في مكان زحمه تلاقي العربيه سخنت وبتجعر منك وصوتها يعلى

أكيد عربيتك كان فيها مشكلة مثل
عدم ضبط التاكيهات___ وخلي بالك أن التاكيهات لو مش مظبوطة تسخن العربية ومن ضمن عوامل الصوت العالي للموتور بده.
وفي مشكلة تانية تخلي العربية تسخن برده هو الجوانات بتاعة الهيد ووش السلندر.
من ضمن عوامل السخونة عدم تسليك الردياتير أو من الممكن أن يكون الردياتير عدد مواسير أقل ويستلزم تغييره بعدد مواسير أكبر

[asaeed]

وبعدين أحنا عموماً لما نركب موديل أحدث من إللي كان معانا نحس باختلاف كبير يعني مثلاً ما تكونش راكب عربية بولونيز وبعد كدة تركب لانسر 2009 وتيجي تقول ده البولونيز سواقتها أحسن بكتير !!!!!!!؟؟
بس أنا بالنسبة لي البولونيز من أقوى العربيات إللي ركبتها وفيها والله مميزات حلوة كتيييير تغطي على عيوبها إللي الناس بتتكلم عنها
وبرده أنا في الآخر فخور أني راكب هذه المدرعة الملاكي
طبعاً أنا قلت قبل كده أن الموتور إللي في عرابيتي 132 الـ 1600 سي سي وأعتقد أن الموتور ده مناسب جداً لهذه السيارة وكمان صوته واطييييييييييييييي جداً
أنا دلوقتي بأعمل طقم شنبر للموتور والحمد لله هي العربية بتلين من إنبارح وبإذن الله النهاردة هستلمها من الميكانيكي ونطلع بيها مشوار طوييييل أنا والميكانيكي علشان نكمل تليين على الطريق،
وادعولي أن تتم كل حاجة على أكمل وجه

[x_gomgom]

ربنا يكرمك و نخلص عربيتك على خير يا استاذ asaeed....
الاستاذ starter 1991 شايفك متحامل جداً على البولونيز و لو كانت عن تجربه يبقي للاسف كانت تجربه على سياره متوفاه اكلينيكياً...
حضرتك الكلام اللي بتقوله دا لو في عربيه عمر ما حد هيفكر يدفع فيها مليم كمان احب اوضح لسيادتك معلومه نسبه كبيره من سيارات البولونيز الموجوده حالياً و اللي ابتدت تقل حالتها ضعيفه و اظن الملاك يشاركوني هذا الرأي...
سبب موضوع قطه الغيار الغير معمره سبق و ذكرته في اكتر من موضوع سابق ان المضروب مالي السوق من اول البوجيهات للبساتم و الشنابر و عن تجارب....
و طبعاً اكيد في فرق بين موديل 1990 و ال 2000 و ما بعدها لكن مش بالطريقه اللي حضرتك متصورها...
ارجو ان اكون افدت

[x_gomgom]

بالنسبه لموضوع اعتراضك على درجه التشغيل العاديه اللي هي 90 في البولونيز احب اضيف ان العربيه دي بولندي صممت للتشغيل في ظل ظروف درجه الحراره المتدنيه و دي بالفعل درجه الحراره الطبيعيه لعديد من السيارات الاوروبيه المنشأ...
يعني ال 90 دا طبيعي جداً مش مولعه ولا سخنه بالطريقه اللي حضرنك بتتكلم بيها خالص انت حسستني ان عربيتي هتنفجر!!!!
يا ريت تجرب عربيه بولونيز سليمه و بعدين تطلق الاحكام عليها....
يا ري اكون افدت

[Hhassan]

انا بقالى قنرة بدور على بولونيز ولقيت كذا عربية فى سوق الجمعة وكنت فعلا هخلص فى واحدة
الجمعة اللى فاتت بس محصلش نصيب
المهم انا قريت النهاردة فة موقع ContactCars | الحكومة تستخدم &#34العصا والجزرة&#34 لإجبار المواطنين على إحلال الملاكي!
عن الاحلال وخايف اشتري واحدة وبعدة سنة يطلع القانون ده وابقى خسرت فلوسي
غير كده كمان خايف من اعادة بيع السيارة بعد فترة
بس بجد انا شايف ان العربية ديه مش واخدة حقها خالص

[dr_timo]

انا بقالى قنرة بدور على بولونيز ولقيت كذا عربية فى سوق الجمعة وكنت فعلا هخلص فى واحدة
الجمعة اللى فاتت بس محصلش نصيب
المهم انا قريت النهاردة فة موقع ContactCars | الحكومة تستخدم &#34العصا والجزرة&#34 لإجبار المواطنين على إحلال الملاكي!
عن الاحلال وخايف اشتري واحدة وبعدة سنة يطلع القانون ده وابقى خسرت فلوسي
غير كده كمان خايف من اعادة بيع السيارة بعد فترة
بس بجد انا شايف ان العربية ديه مش واخدة حقها خالص

بص ياباشا طبعا لو اتعمل الموضوع دة هيبقي اختياري ودة مروف من غير ميكتبو لاه مش دستوري ومفيش قانون هينفع يطلع ثانيا عمرهم مهيقدرو يزودو ترخيص القديم يبقي كدة بيزودو العبء علي صاحب القديم اللي همة اساسا قالو انهم مش هيعملو اجباري الاحلال لانه هيبقي عبء فكل دي اقتراحات ثالثا البولونيز موديل عالي يعني مش ستينات ولا سبعينات زي المية سبعة وعشرين والمية تمانية وعشرين والواحد وتلاتين والاتينين وتلاتين وهمة كل كزا سنة هيفتحو احلال لسة نعينة يعني مثلا هياخدو العربيات اللي فيات عليها خمسة وتلاتين وبعد كدة كل سنة الموضوع هيقل سنة فلو جيبتلك بولونيز موديل عالي هيبقي قدامك ييجي خمستاشر سنة علي مالدور يوصلك وتبقي في زومرة القديم اللي بيقولو عليه دة وبعد الخمستاشر سنة دول هيبقي العربيات بتمشي بالطاقة النووية يبقي ساعتها ياسيدي اديهالهم وهيشيلو عنك الجمارك والضريبة وتغير ولو حتي مش عايز تغير محدش هيجبرك بس دة اصلا بعد عمر طويل لان البولونيز فيها منها موديلات عالية من خمسة وتمانين لحد تسعين يعني مفيش بينها وبين الاكسيل والتويوتا كرولا موديلات اربعة وتسعين غير اربع خمس سنين كان اولي بقي الناس متجيبش الاكسيل والكورولا الموديلات دي وبيدفعو فيها فوق التلاتين الف مش عربية بولونيز سعرها اقل منهم بكتير يارب اكون اقنعتك وتنضملنا قريب ان شاء الله خد اتفرج علي عربيتي اهية عشان نبقي نعمللك عربيتك زيها ونجوزهم كمان

http://www.nilemotors.net/Nile/96352-a.html