::: البولونيز المظلومة :::

[asaeed]

أنا حت أضبط زوايا بتاع الزوايا قاللى بيض المقصات مبوش وعاوز يتغير وقاللى اللى راكب فيها هو بيض الفبريكا فلازم تروح تفورة وتخرم المقص 3 أخرام وأجيب بيض ال132 وأركبة وأغير جلب المقص تحت وفوق
أنا رحت سألت على أسعار بيض المقصات لاقيت الأتى الألمانى الطقم 4 بيضات السعر 200 جنية الأسبانى الطقم 170 جنية الايرلندى ب170 جنية الإيطالى 135 جنية
وأسعر جلب المقصات الألمانى 130 جنية والإيطالى 65 جنية وفية نوع صينى تقريباً 35 جنية
ورحت أسال على مصنعية العفشجى قالى 140 جنية علشان هيفور العفشة الأمامية بالكامل وينزل المقصات
يا ترى الأسعار دية كويسة ولا فيها كلام (أنا سألت فى التوفيقية) والمصنعية عالية ولا هى كدة كويسة ويا ريت اللى يعرف فشجى كويس للبولونيز قريب من ميت عقبة أو إمبابة أو بولاق يقوللى علية ولكم جزيل الشكر

السلام عليكم
في عفشجي كويس أنا أتعاملت معاه في عربيتي الـ 127، وبعدها الـ 128 بس حتى الآن لم أتعامل معه في البولونيز لأني مستني أحوش مبلغ كده علشان أشد العربية بالمرة وهو عنده ضمير جداً (الله يبارك له) اسمه الأسطى هاني لكن هو للأسف على طول عنده شغل كتيير فلازم تروح له يوم يبص على الشغل إللي عنده ولو لاقيته فاضي يبقى ربنا كرمك ولو مش فاضي تتفق معاه تجيلوا تاني يوم ويكون هو مفضي نفسه علشان يمسك الشغل عندك من الألف للياء
هو مكانه في بشتيل بس خلي بالك مش بشتيل جوه ده هو في الأول خالص نواحي شارع الأقصر كده ممكن تكلمني ولو عايزني نتقابل أروح معاك أنا تحت أمرك وتليفوني 0127233681

[f_of_koka]

السلام عليكم
لن ازيد شكر فى البلونيز...............
ولن اتكلم الان فى المشاكل ( فرامل , سخونة , معدل استهلاك الوقود , ............)
انا معايا عربية مو 1989 مصرى نصر 1500 cc
انا بحب هذة السيارة !
مش عشان انها اول سيارة لى فقط
ولاكن انها سيارة اصيلة و بتسعف فى اوقات الشدة ( ظروف جوية , اراضى وعرة , قطر سيارة أخري , تحميل أوزان ,............)
بالرغم من قلة قطع الغيار الاصلية و الكماليات مثل ( مستر الفرامل الفرعى "امامى - خلفى" , بعض الكمليات مثل الكاوتشوك الاسود المثبت فى الامام و الخلف من الكبوت و الشنطة ,....................)
و معدل استهلاك الوقود فى المتوسط داخل المدن (150 كم/الصفيحة)
[bor=#ff0000]تحزير " قطع الغيار الصينى " [/bor]
واشكر كل من ساهم فى عرض مشكلة و حلها و بالطبع ادارة المنتدى
أخوكم وحيد....

[sobhysm]

السلام عليكم
في عفشجي كويس أنا أتعاملت معاه في عربيتي الـ 127، وبعدها الـ 128 بس حتى الآن لم أتعامل معه في البولونيز لأني مستني أحوش مبلغ كده علشان أشد العربية بالمرة وهو عنده ضمير جداً (الله يبارك له) اسمه الأسطى هاني لكن هو للأسف على طول عنده شغل كتيير فلازم تروح له يوم يبص على الشغل إللي عنده ولو لاقيته فاضي يبقى ربنا كرمك ولو مش فاضي تتفق معاه تجيلوا تاني يوم ويكون هو مفضي نفسه علشان يمسك الشغل عندك من الألف للياء
هو مكانه في بشتيل بس خلي بالك مش بشتيل جوه ده هو في الأول خالص نواحي شارع الأقصر كده ممكن تكلمني ولو عايزني نتقابل أروح معاك أنا تحت أمرك وتليفوني 0127233681

أسف على التأخير وشكراً جداً على الرد وعلى زوقك أنت إنسان محترم وخدوم بس أنا هأجلها شوية علشان ظروف خاصة

[asaeed]

أسف على التأخير وشكراً جداً على الرد وعلى زوقك أنت إنسان محترم وخدوم بس أنا هأجلها شوية علشان ظروف خاصة

ياباشا لا شكر على واجب
عموماً في أي وقت تجهز أنا تحت أمرك، وخصوصاً أن البولونيز ممكن تمشي بيها فترة وهي العفشة تعبانة.. مش هتقول لأ
وربنا يوفقك

[asaeed]

السلام عليكم أحلى شباب مالكي المدرعة الملاكي
اليومين دول بتحصل لي حاجات غريبة، شكل العربية اتحسدت
أولاً:- العربية واقفة ومركونة ومتغطية في أمان الله وأصحى الصبح واكتشف أنها مخبوطة من الجنب (حسبنا الله ونعم الوكيل) وألاحظ على الأرض بجانب عربيتي فانوس مدغدغ شكل إللي خبطني فانوسه إدغدغ بس الحمد لله دون تأثير جامد عندي، يادوب الرفرف الخلفي شمال دخل لجوه شويه بسيطة وسهل رده.
ثانياً:- بعد كده بكام يوم، واقف في طابور البنزينة علشان أمون 80 وأمامي سيارة 1300 فالطابور مشي مسافة حلوة وكنت فاتح باب العربية ورجلي الشمال بره فنزلت فرامل اليد وزأيت العربية برجلي الشمال علشان الشارع عبارة عن منزل، فلاحظت تحرك العربية بسرعة، وفجأة من غير ما أعرف إزاي دست على الدبرياج بدل ما أدوس على الفرامل، تقول لي إزاي والله أنا ما عارف حصل مني الموقف ده إزاي (ساعة القدر يعمى البصر) ولاقيت وش العربية تااااااااخ في ظهر الـ 1300، أنا قلت في نفسي هنزل ألاقي الوش عندي مدغدغ، فلما نزلت وبصيت (الحمد لله) الإشارة الشمال جزء منها مكسور، ولكن للأسف لما حبيت أفتح الكبوت، غلبني لحد ما فتح، وبعدين لاحظت الجنب الشمال واليمين من الكبوت مش متساوي مع الرفرف زي الأول.
ثالثاً:- إنبارح وأنا ماشي ناحية موقف العاشر والمنطقة دي على طول في ازدحام شديد، وأتفاجأ بواحد لسة متعلم السواقة معاه عربية ماتركس والعربية بترجع منه للخلف وهو مش عارف يعمل إيه وراح لابس فييا.. طبعاً إديته بما فيه الكفاية من الكلام وحمدت ربنا إن ما حصلش حاجة في عربيتي والحمد لله.
طبعاً شيء غريب، وبالذات أنا محنتف شوية في موضوع العربية دي وأي حاجة بتحصل فيها بتزعلني جداً علشان بأحب أشوفها ديماً رايقة جداً.

الموضوع بقى إللي كنت عايز أسألكوا فيه

وجزاكم الله خيراً

[ehab_10]

السلام عليكم
انا فكرت اغير 127 ببولونيز بس حبيت اسالكم فى الأول حد فكر يركبلها تكييف لانى نفسى اجيب سيارة كبيرة و مكيفة لكن الأمكانات لا تسمح

[khmonir]

بالنسبه للسعر احب اقولك مثال....

انا عربيتي موديل 1990 اول مالك(والدي كان شاريها زيرو و بالقسط ب 17,000 تصور!) ماشيه 195,000 كيلو فابيركه دواخل. و رش نضافه على مر عمرها مرتين موتور معموله عمره من 50,000 الف كيلو سليمه والله ما فيها الهوا(هي فيها خبطه في الشنب اللي فوق الفانوس للامانه) تعرف اتفصلت بكام؟؟؟؟ 13,000 فقط!!
انا و الله مش بقول كدا عشان ببيع كنت بالصدفه معدي جنب سوق السيارات لاقيت واحد شبط فيا و عايز يشتريها و فضل متشعبط في الباب والله انا ركنت بقوله عايز ايه قالي يا باشا اديلك 13000 و تبيع!!!
هي حالياً موديل 1989 و ال 1990 اخرها من 10 ل 13,500 فحبيت اقول لحضرتك عشان تعرف السوق ماشي ازاي و تحدد على الاساس دا لو ناوي تبيع هتصرف في حدود كام...
يا رب اكون افدت

أنا بس عايز أعرف الأسعار دي بتيجي منين ، ده كل اللي عارض بولونيز من 88 إلى 90 بيبقى عارضها بداية من 17000 ، وشفت واحدة بس ملحقتش أخدها اتباعت بسرعة موديل 90 وكان صاحبها طالب فيها 18000 وباعها بـ 16500 أنا مش فاهم فيه حاجة غلط ، وبعدين اللي اتشعلق في الباب ده واضح إنه تاجر وكمان باين من السعر اللي عرضه عليك إنه تاجر
عارف أنا معايا 127 موديل 73 ومن فترة كنت عارضها للبيع وعلى 13000 علشان تنزل لـ 12000 (ده وقتها طبعاً قبل ما أسعار العربيات يتخسف بيها الأرض ) وجالي واحد صنايعي وبدأ معايا بـ 10000 ووصل معايا في الآخر للـ 12000 اللي العربية كانت متمنة بيهم

نصيحة يا جماعة متخدوش أسعار التجار مقياس بالعكس لازم نزود على سعرهم شوية لأن التاجر هياخد العربية منك بالسعر اللي قاله وهيزود هو ويبيعها لحد تاني

شكراً

[khmonir]

هل تعقل !!!!!
إزاي يكون موديل 1991 بـ 12000 جنيه وإيه إللي جابر البايع أن يبيع بهذا السعر، وبخسارة قدرها على الأقل 6000 جنيه ده إن ما كنش 8000 جنيه، أكيد ورقها مضروب أو رقم الشاسيه عليه مشكلة جامدة ولما تيجي تنقل ملكية هيبقى صعب، لأني سمعت موضوع بايخ حصل مع شخص لما جه يشتري عربية أغروه جداً بالسعر، ولما جه يرخص العربية في المرور باسمه والفني أخذ البصمة للشاسيه أكتشف أن العربية عبارة عن نصفين :b4_556:
فطبعاً الرجل جن جنونه في المرور ووقع من طوله فالضابط لما شاف الراجل هيحصله حاجة وحس أنه نتيجعة استغفال من بائع عرض عليهم عرضين حلوييييييييين:
إما أن يأخذوا العربية ويمشوا من غير شوشرة ويبقى كده خدمهم، أو أن يحتجز السيارة ويعمل بيها محضر اثبات حالة وسعتها العربية هتتحرز
فجري على الراجل إللي اشتراها منه وطبعاً إداله إللي في الكفاية من شتائم وعدم الضمير، فرد البائع عليه (أنا ماليش دعوه انا كنت ضحية زيي زيكم بالضبط... إلخ) المهم حاولو يرجعوها وطبعاً المشتري قال أنفد بجلدي وبأي مبلغ لو حتى هخسر أي جزء بس أطول من البائع أي حاجة، المهم من هنا لهنا أخذ الفلوس بتاعته بالتقسيط بعد ما خسر ما يقرب من 7000 جنيه

ربنا يسترها معنا لأن والله الغش بقى في كل حاجة دلوقتي، لدرجة أني لما أشتري منتج دلوقتي بأفتش فيه كويس جداً وأهم حاجة أوراقه تكون سليمة 100×100

طيب الواحد يعرف إزاي وهو بيشتري حاجة زي دي ، الواحد بقى نفسه يعرف حتة أو مكان مضمون بيعرف الحاجات دي قبل ما يشتري
ومش عارف البنزينة لما برفع فيها بيعرفوا الحاجات دي والا لأ
أنا عايز أشتري عربية ومعرفش ميكانيكية ولا سمكرية أخدهم معايا يبصوا والحل اللي قدامي هو البنزينة بس خايف يكونوا برضه بتعدي عليهم الحاجات اللي زي المثال السابق ده

[asaeed]

يا جماعة أنا لما نزلت السوق لاقيت الأسعار
موديل من 89-91 بتعمل من أول 17000 إلى.... فوق حسب الحالة وفي إللي ضايع بقى يعمل 13000 و14000
موديل من 85-88 بيعمل من 13000-16500 حسب الحالة والـ 13000 دي حالتها وحشة والمتوسط 15000 وإللي جاهزة على الركوب يادوب هتصرف صيانة بسيطة هتلاقيها عامله 16500

وده الكلام الحقيقي لأسعار البولونيز مع احتمال الزيادة والنقصان والله أعلم
الأسعار دي أنا سألت عليها لأني للأسف أحتمال أبيع عربيتي في الفترة المستقبلية وذلك لظروف

[khmonir]

اﻷخوة اﻷفاضل
أحياناً أجد سيارات بولونيز ، ولكن مواتيرها تكون 132 أو 131
هل في هذه الحالة إذا كانت السيارة بحالة جيدة أخدها واﻻ أخد عربية بماتورها اﻷصلي
وسؤال تاني تركيب تكييف في البولونيز ينفع واﻻ ﻷ؟

[asaeed]

اﻷخوة اﻷفاضل
أحياناً أجد سيارات بولونيز ، ولكن مواتيرها تكون 132 أو 131
هل في هذه الحالة إذا كانت السيارة بحالة جيدة أخدها واﻻ أخد عربية بماتورها اﻷصلي
وسؤال تاني تركيب تكييف في البولونيز ينفع واﻻ ﻷ؟

أخي الفاضل أنا هجاوبك بخصوص الموتور
من المعروف عن البولونيز أن الشاسيه ثقيل على الموتور، بمعنى آخر أن عزم الموتور ضعيف على هذه السيارة ده غير أنه خشن جداً وصوته عالي على عكس الـ 131، الـ 132، وطبعاً كونك تحط موتور 131 ألماني 1600 سي سي، أو 132 الـ 1600 فأنت كده بتقوي من عزم العربية، أعرف ناس كتييييير بتغير موتور البولونيز بهذه المواتير إللي حضرتك ذكرتها وده طبعاً أحسن بكتيييير وعن تجربة
أنا موتور عربيتي 132 الـ 1600 وده آداء أحسن للعربية، وقبل ما أشتري العربية سألت الميكانيكي على موضوع موتور الـ 132 طبعاً كان الرد أن كده ممتاز جداً لأني لو كنت جبت العربية بموتور بولونيز واحتاج عمرة ماكنتش هاعمل عمرة وكنت هغير الموتور بموتور 132 أو 131
وكلامي ده ممكن يأكده لك الميكانيكي إللي انت بتتعامل معاه
أرجو أن اكون أفدتك في جزئية الموتور وبالتوفيق إن شاء الله

[khmonir]

أخي الفاضل أنا هجاوبك بخصوص الموتور

من المعروف عن البولونيز أن الشاسيه ثقيل على الموتور، بمعنى آخر أن عزم الموتور ضعيف على هذه السيارة ده غير أنه خشن جداً وصوته عالي على عكس الـ 131، الـ 132، وطبعاً كونك تحط موتور 131 ألماني 1600 سي سي، أو 132 الـ 1600 فأنت كده بتقوي من عزم العربية، أعرف ناس كتييييير بتغير موتور البولونيز بهذه المواتير إللي حضرتك ذكرتها وده طبعاً أحسن بكتيييير وعن تجربة
أنا موتور عربيتي 132 الـ 1600 وده آداء أحسن للعربية، وقبل ما أشتري العربية سألت الميكانيكي على موضوع موتور الـ 132 طبعاً كان الرد أن كده ممتاز جداً لأني لو كنت جبت العربية بموتور بولونيز واحتاج عمرة ماكنتش هاعمل عمرة وكنت هغير الموتور بموتور 132 أو 131
وكلامي ده ممكن يأكده لك الميكانيكي إللي انت بتتعامل معاه
أرجو أن اكون أفدتك في جزئية الموتور وبالتوفيق إن شاء الله

اخي الفاضل عمرو السقا
دائماً سباق للخير ، ومهما تكلمت لن أوفيك حقك شكراً

لي استفسار آخر ، أنا الحقيقة ما يقلقني أيضاً في موضوع تغيير موتور السيارة المرور فـأنا أخشى من المشاكل في المرور عند تغيير الرخصة باسمي (معلش وسواس ) ، فهل هناك مشاكل ممكن أن تواجهني عند نقل الملكية ، وإذا كان فيه فكيف أتأكد أن هذه المشاكل ليست موجودة في السيارة

شكراً

[asaeed]

[right]

اخي الفاضل عمرو السقا
دائماً سباق للخير ، ومهما تكلمت لن أوفيك حقك شكراً

لي استفسار آخر ، أنا الحقيقة ما يقلقني أيضاً في موضوع تغيير موتور السيارة المرور فـأنا أخشى من المشاكل في المرور عند تغيير الرخصة باسمي (معلش وسواس ) ، فهل هناك مشاكل ممكن أن تواجهني عند نقل الملكية ، وإذا كان فيه فكيف أتأكد أن هذه المشاكل ليست موجودة في السيارة

شكراً

عذراً لتأخري في الرد
بص يا باشا،
أهم حاجة في الموضوع أنك تشتري عربية من واحد يكون كويس ومراعي ربنا في البيع والشراء.
الحاجة الثانية أنك لما تيجي تشتري عربية اتأكد أن رقم الموتور ورقم الشاسيه هم بالضبط إللي مكتوبين في الرخصة.
وقصة موتور الـ 132 أو الـ 131 ده لا تقلق بشأنه ما دام رقم الموتور إللي راكب مثبوت على الرخصة وزي ما قلت قبل كده أن تغيير الموتور بـ 132 أو 131 ده شيء كويس مش وحش
وربنا يوفقك

[khmonir]

أخي asaeed

جزاك الله كل خير
وبارك الله فيك

[sobhysm]

عذراً لتأخري في الرد
بص يا باشا،
أهم حاجة في الموضوع أنك تشتري عربية من واحد يكون كويس ومراعي ربنا في البيع والشراء.
الحاجة الثانية أنك لما تيجي تشتري عربية اتأكد أن رقم الموتور ورقم الشاسيه هم بالضبط إللي مكتوبين في الرخصة.
وقصة موتور الـ 132 أو الـ 131 ده لا تقلق بشأنه ما دام رقم الموتور إللي راكب مثبوت على الرخصة وزي ما قلت قبل كده أن تغيير الموتور بـ 132 أو 131 ده شيء كويس مش وحش
وربنا يوفقك

كلامك مضوط بس خالى بالك لو الماتور جاب أخرة وحبيت تجيب واحد إستيراد ممكن يعمل مشكلة وممكن المرور يجبرة أنه يركب موتور بولونيز تانى
على فكرة مواتير البولونيز الجديدة موديل 91 والموجودة الأن فى عزبة شلبى الميكانيكى بتاعى قاللى أنها جميلة وناعمة والسير بتاعها كاوتش مش جنزير ولما قلته عاوز أجيب موتور 31 نصحنى وقاللة هات موتور بولونيز أحسن وأرخص ومش بيعمل مشاكل (مواتير الإستيراد فوق 91)