::: البولونيز المظلومة :::

[asaeed]

وعليكم السلام ورحمه الله وبركاته
أولا : متأسف على التأخير ف الرد
ثانيا : منور رابطة البولونيز
على فكرة عربيتك نفس موديل عربيتى
على حسب خبرتى المتواضعة اعتقد انك محتاج تنضف الكربراتير إن شاء الله كله يبقى تمام

بس أوعى تنظف الكربراتير عند ورشة مش محترمة وأياك أن تغتر بالشهرة
أديك مثال لورشة معندهاش ضمير وبسببها حصل مشاكل كتيييييييير في عربيتي بعد ما عملت هندهم الكربراتير وهي (ورشة الحاج إبراهيم الموجودة نواحي شارع الترعة البولاقية بشبرا) الشارع إللي هو أمام عمر أفندي (حسبنا الله ونعم الوكيل في هذه الورشة) لأنهم ليس أهلاً للثقة والأمانة ومعانهمش مانع أنهم يسرقوا إللي في جيبك كله

[khmonir]

الآن أصبحت عضواً في الرابطة ببولونيز موديل 90
تحية لكل أعضاء الرابطة
ولي سؤال: كيف أحافظ على تابلوه السيارة من التشقق ﻷنه سليم ، هل استخدم الاسبراي الملمع أم أنها تفسد التابلوه

شكراً

[bunybuny]

90

انا كمان جبت بلونيز 90 يوم الجمعة اللى فات

[rockana9112007]

انا كمان جبت بلونيز 90 يوم الجمعة اللى فات

ياريت بس حالة العربية والسعر عشان نعرف رنج الاسعار

[bunybuny]

ياريت بس حالة العربية والسعر عشان نعرف رنج الاسعار

انا عربية فابريكة دواخل والتابلوة فابريكة والصالون جيد جدا والموتور بحالة ممتاز

والحمد لله العربية مش محتاجة اى مصاريف انا العربية معى من اسبوع باركب وامشى على دور

وكمان السعر خاص جدا 16000

انا لسة شايف عربية موديل 88 والعربية كلها بارومة من تحت صاحبها عاوز 17500

الحمد لله انا ربنا كرمنى جدا بصراحة مش انا السبب انا مش بفهم فى العربيات خالص بس زوج اختى هو اللى كان بيدور على العربية

[khmonir]

ياريت بس حالة العربية والسعر عشان نعرف رنج الاسعار

العربية موديل 90 فابريكة برة وجوة ، مرفوعة فترة طويلة ، عاملة 86000 كم بس
تابوه الفابريكة (سليم ومش مشقق) ، فرش الفبريكة ، العربية بحالة ممتازة (موتور وعفشة وصالون) بشهادة بنزينة شل فرع الهرم

جبتها بـ 18250 جنيه

[khmonir]

كنت عايز أعرف إزاي أحافظ على التابلوه من التشقق

ممكن حد يقلنا طريقة مناسبة

[mobitic]

الآن أصبحت عضواً في الرابطة ببولونيز موديل 90
تحية لكل أعضاء الرابطة
ولي سؤال: كيف أحافظ على تابلوه السيارة من التشقق ﻷنه سليم ، هل استخدم الاسبراي الملمع أم أنها تفسد التابلوه

شكراً

ألف مبروك ومرحبا بيك معانا
بالنسبة للتابلوة انصحك بلاش الاسبراى لأنى اعتقد انه ممكن يخليه يشقق وينشفه.
كان فى زميل معانا ف المنتدى نصح بإستخدام الفازلين الطبى ، يعنى تحط طبقة من الفازلين على التابلوه وتسيب العربية فى الشمس ساعتين كده وبعدها تمسح الباقى بفوطه نضيفة ، على فكرة أنا جربت الطريقة دى وجميلة جدا وخلت التابلوه يلمع قوى ، وفى طريقة تانية باستخدام زيت البرافين بتحط نقطة أو اتنين على قطنه وتمسح هتخلى التابلوه يلمع جدااااااااا.
اعتقد العضو اسمه أشرف فتحى وهو انسان محترم جدا ( أحسبه كذلك ولا ازكى على الله احد ).
وربنا يوفقك ومبروك مرة تانية.

[khmonir]

ألف مبروك ومرحبا بيك معانا
بالنسبة للتابلوة انصحك بلاش الاسبراى لأنى اعتقد انه ممكن يخليه يشقق وينشفه.
كان فى زميل معانا ف المنتدى نصح بإستخدام الفازلين الطبى ، يعنى تحط طبقة من الفازلين على التابلوه وتسيب العربية فى الشمس ساعتين كده وبعدها تمسح الباقى بفوطه نضيفة ، على فكرة أنا جربت الطريقة دى وجميلة جدا وخلت التابلوه يلمع قوى ، وفى طريقة تانية باستخدام زيت البرافين بتحط نقطة أو اتنين على قطنه وتمسح هتخلى التابلوه يلمع جدااااااااا.
اعتقد العضو اسمه أشرف فتحى وهو انسان محترم جدا ( أحسبه كذلك ولا ازكى على الله احد ).
وربنا يوفقك ومبروك مرة تانية.

أخي الفاضل
شكراً على الرد وبارك الله فيك ، وسأجرب إن شاء الله الطرق التي ذكرتها

[jemsbond_007]

بولونيز

انا بصراحة كنت فاكر ان انا بس الي بحب البولونيز لكن الحمد لله لقيت جروب انا من امبارح بشوف ف 42 صفحة كلهم اجمد من بعض انا معايا بولونيز موديل 1987 كانت مركونة من سنة 90 وعاملة 60.000ك/م بس فابريكة بره وجوه واشتريتها شهر 7/2009 صراحة ممتازة ومصرفتش كتير لكن مشكلتي فالسخونية
ولكن عملت فيها تعديلات للافادة لأصحاب المدرعة الملاكي بالنسبة للسخونة جبت ريداتير اماراتي 3 ماسورة و غيرت طرمبة المياه و حطيت بتاعت فيات 131 و شلت الترموستات اللي عامل زي الغطا فالطرنبة لأن ده معمول انه يسخن العربية بالنسبة لتصيم بلادها و كمان شلت مروحة الريداتير و حطيتها على سير الدينامو و بقت ممتازة
ده غير اني عملت عمرة كاملة لأن الركنة كان ليها اثر على البساتم
صراحة العربية بتجري و شديت مع فيرنا وكانت الفيرنا بتسرخ وانا محافظ عليها صراحة بحطلها بنزين 92 و بغير زيت شل كل 3000ك والعربية ممتازة وانا معجب بيعا عن اجدعها عربية فالسوق
وياريت تقبلوني عضو فرابطة (البلونيز)

[khmonir]

انا بصراحة كنت فاكر ان انا بس الي بحب البولونيز لكن الحمد لله لقيت جروب انا من امبارح بشوف ف 42 صفحة كلهم اجمد من بعض انا معايا بولونيز موديل 1987 كانت مركونة من سنة 90 وعاملة 60.000ك/م بس فابريكة بره وجوه واشتريتها شهر 7/2009 صراحة ممتازة ومصرفتش كتير لكن مشكلتي فالسخونية
ولكن عملت فيها تعديلات للافادة لأصحاب المدرعة الملاكي بالنسبة للسخونة جبت ريداتير اماراتي 3 ماسورة و غيرت طرمبة المياه و حطيت بتاعت فيات 131 و شلت الترموستات اللي عامل زي الغطا فالطرنبة لأن ده معمول انه يسخن العربية بالنسبة لتصيم بلادها و كمان شلت مروحة الريداتير و حطيتها على سير الدينامو و بقت ممتازة
ده غير اني عملت عمرة كاملة لأن الركنة كان ليها اثر على البساتم
صراحة العربية بتجري و شديت مع فيرنا وكانت الفيرنا بتسرخ وانا محافظ عليها صراحة بحطلها بنزين 92 و بغير زيت شل كل 3000ك والعربية ممتازة وانا معجب بيعا عن اجدعها عربية فالسوق
وياريت تقبلوني عضو فرابطة (البلونيز)

أهلاً بيك ونورت الرابطة
وإن شاء الله العدد في ازدياد

[khmonir]

سؤال لأهل الخبرة قبل مروح للميكانيكي
العربية اللي اشتريتها لقيت الفتيس بتاعها بعلق معايا في الثاني ، يعني لما أجيب الثاني وأحب أغير للأول أو الثالث ألاقيها معلق وبعد محاولات ينقل
حد عارف المشكلة دي ممكن تكون من إيه

ملحوظة بقية السرعات مفهياش أي مشاكل

[jemsbond_007]

روح فضي زيت الفيتيس مش تزوده فضي بالكامل واملاه من الأول بعد ما يتصفى هتحس بفرق شاسع حصلت معايا قبل كده
ولو مظبطتش شوف الغويشة بتاعت التاني عند اخصائي فتيس ولو عايز حد اوديك
على فكرة زيت الفتيس ممكن يكون السبب وتكلفته 40 جنيه

[khmonir]

روح فضي زيت الفيتيس مش تزوده فضي بالكامل واملاه من الأول بعد ما يتصفى هتحس بفرق شاسع حصلت معايا قبل كده
ولو مظبطتش شوف الغويشة بتاعت التاني عند اخصائي فتيس ولو عايز حد اوديك
على فكرة زيت الفتيس ممكن يكون السبب وتكلفته 40 جنيه

جزاك الله كل خير أخي
وإن شاء الله أفعل ما قلته

شكراً

[gazzar]

ياجماعة انا عضو جديد معكم وولسة بايع عربيتى 128 وعاوز اجيب بولونيز
بس عاوز اعرف اسعار اليومين دول بالنسبة لموديلات 88:90 كام لوحالة العربية معقولة و لو الكرونة فيها شغل هو ممكن الكرونة تتغير وسعرها كام
معلش سؤال تانى بالنسبة لو استعملت بنزين 80 دة حيأثر على السحب بتعها بشكل ظاهر مع العلم اننا فى ال128 عمرى ماستعملت بنزين 80