::: البولونيز المظلومة :::

[الصبر حلو]

السلام عليكم

اخى الكريم

1- خلى الكهربائى يفك المارش وينظفة وينظف الكليكتور ويفلجه .....ويشوف ترس البنديكس بيتحرك مع دوران المارش طبيعى ......

2- كذلك خلى الكهربائى يكشف على الكونتاكت يمكن يكون بيعلق .....
3- تاكد ان الاوتوماتيك اللى اشتريته سليم ...........................
4- هام جدا البطارية تكون سليمة ..وشحن الدينامو مضبوط ..........

وان شاء الله تحل المشكلة ...

شكرا جزيلا على الرد أخي alaa0000000 وان شاء الله هعمل المكوب خطوة خطوة وربنا ييسر والمشكلة تتحل يا رب

[khmonir]

بالنسبة لتعديل الدبرياج الميكانيكى بيفك طقم الدبرياج وبيروح للخراط يظبط مقاسات فصل الفلام مع الديسك وبيخلى الدواسة انعم من البنزين و الميكانيكى فى الهرم لو عاوز تروحلة قولى وهبعتلك عنوانة ورقم تليفونة
على فكرة هو نفس الراجل اللى عدل البولونيز باور

أكون شاكر لو بعتلي عنوانه ورقم تليفونه ﻷنه واضح إنه فاهم قوي في البولونيز

[khmonir]

أنا يا جماعة هتغيب عن المنتدى لمدة سنة و احتمال تزيد بداية من الأسبوع الجاي
لظروف ما
بس أنا على قد ما أقدر هحاول أدخل و أشارك معاكم
و مش هوصيكم على بعض بقى :d

و بالمناسبة دي
ماحدش يعرف خطوات رفع العربية إيه؟ و خطوات تشغيلها تاني إيه؟

تروحوترجع بالسلامة إن شاء الله
بس حاول برضه تتواصل معانا

[khmonir]

استشارة
أنا قبل كده كنت سألت عن إن العربية بتبطل في السلانسية واﻷخوة اﻷفاضل قالوا إنه بك السلانسيه ، وفعلاً رحت لميكانيكي ونظفه لكن لقيته عمل تيست للبوجيهات أعتقد علشان يتأكد إنها مش مثلثة وبعدين قام ضبط مسمار الهوا بتاع الكاربراتير ، أنا بصراحة لما لقيته بيعمل كده قلتله خلاص هيا اتظبطت بس هو قال لي ثواني وكمل اللي بيعمله وبعدين لما خلص أنا ملقتش اختلاف في حاجة الأر بي إم زي ما هو ومضبوط والعربية مضبوطة وكل حاجة مضبوطة وسقتها في اليوم ده ومكنتش حاسس بأي اختلاف
لكن في اليوم التاني سقت العربية على طريق 6 أكتوبر وبما إني موسوس بقيت حاسس إن العربية مخنوقة شوية أو إني بحتاج أدوس دواسة البنزين بمعدل أكثر من اللي كنت بدوسه شوية ، مش عارف هو دي وسوسة من عندي والا فعلاً مسمار الهوا ممكن يسبب الموضوع ده لو مش مضبوط
وأعرف منين إذا كان مسمار الهوا مضبوط والا ﻷ؟؟؟؟؟

الاستشارة التانية:
لما الميكانيكي فك العمة لاحظت إن الموتور فيه فتحة تحت الزجاج كده بطلع زي زيت كده وسألته عليها قالي ده بخار .... مش عارف بخار ايه وبعدين هو بيصرف كده على جنب الموتور / هو كده طبيعي ولا فيه خرطوم أو حاجة ناقص للفتحة دي مفروض يركب؟؟؟؟

الاستشارة الثالثة:
حوض الموتور لقيت فيه حتة بسيطة كده فيها بدايات صدأ مش عارف أعمل فيها ايه أصنفرها وأدهنها والا أعمل فيها ايه .... أنا مش عايز أعمل حاجة تضر بقيمة العربية وخايف أروح ﻷي سمكري يعمل اللي يضر العربية فأشيروا عليا بالحل اﻷفضل علشان أبقى عارفه

شكراً لكم وآسف على اﻹطالة

[MuhKhallaf]

استفسار يا شباب عن كسوة البولونيز و أماكن بيعها و أسعارها

[محمد الصباغ]

السلام عليكم ورحمه الله وبركاته اسمحو لى ان اكون معكم فى رابطه البولونيز انا معى بولونيز 87 وهى عشره عمر معى من14 سنه بالنسبه لمشكله المرش ممكن يكون ترس الفولام تأكل وعايز عند الميكانيكى يقلبه وممكن تكون طبله الكونتاكت او الفيش يتاعه الطبله بتهرب وكده المشكله بعيد عن المرش خالص لان من كلام حضرتك عملت كل حاجه فى المرش والعيب مستمر

[الصبر حلو]

السلام عليكم ورحمه الله وبركاته اسمحو لى ان اكون معكم فى رابطه البولونيز انا معى بولونيز 87 وهى عشره عمر معى من14 سنه بالنسبه لمشكله المرش ممكن يكون ترس الفولام تأكل وعايز عند الميكانيكى يقلبه وممكن تكون طبله الكونتاكت او الفيش يتاعه الطبله بتهرب وكده المشكله بعيد عن المرش خالص لان من كلام حضرتك عملت كل حاجه فى المرش والعيب مستمر

أشكرك أستاذ محمد الصباغ على الرد ومحاولة المساعدة وأنا فعلا عملت كل حاجة خاصة بالمارش صيانه وتغيير الترس واوتوماتيك استيراد هشوف الكونتاكت اخر حاجة وربنا ييسر لان المشكلة مازالت موجودة ومفيش صنايعي فاهم حاجة هنا في اكتوبر اشتغالات وبس

[Mr.R]

استفسار يا شباب عن كسوة البولونيز و أماكن بيعها و أسعارها

التوفيقيه سعره بيبداء من 150 جنيه لحد ما انت عايز وعمتا اللى ب 150 مش بطال حلو انا مركبه عندى جلد *قطيفه ... .. اسال على محل المصرى هوا فى شارع شمال فى الةفيقيه اول او تانى شارع .. التركيب اسعار متفاوته مش اقل من 50 جنيه انا ركبته ب 70 بالعافيه :)

تحياتى

[samehkaramel]

التوفيقيه سعره بيبداء من 150 جنيه لحد ما انت عايز وعمتا اللى ب 150 مش بطال حلو انا مركبه عندى جلد *قطيفه ... .. اسال على محل المصرى هوا فى شارع شمال فى الةفيقيه اول او تانى شارع .. التركيب اسعار متفاوته مش اقل من 50 جنيه انا ركبته ب 70 بالعافيه :)

تحياتى

معلش يا جماعه انا عايز استفسر عن الكسوه ....دي كسوة الكراسي يعنى ولا كسوة ايه؟

[Mr.R]

معلش يا جماعه انا عايز استفسر عن الكسوه ....دي كسوة الكراسي يعنى ولا كسوة ايه؟

ايوه يا غالى كسوه كراسى وكنبه :)

الارضه والسقف بيحتاج سروجى طبعا وبتكون اغلى بكتير

[MuhKhallaf]

التوفيقيه سعره بيبداء من 150 جنيه لحد ما انت عايز وعمتا اللى ب 150 مش بطال حلو انا مركبه عندى جلد *قطيفه ... .. اسال على محل المصرى هوا فى شارع شمال فى الةفيقيه اول او تانى شارع .. التركيب اسعار متفاوته مش اقل من 50 جنيه انا ركبته ب 70 بالعافيه :)

تحياتى

شكرا يا غالي على الإقادة

[الصبر حلو]

السلام عليكم ورحمة الله وبركاته أصحاب الرابطة الكرام أحب اقولكم ان مشكلة المارش الحمد لله اتحلت وسوف اكتب لكم تجربتي حتى يستفيد منها الجميع بإذن الله وقبل ان ابدأ أحب أن اشكر كل من ساعدني في حل المشكلة
( المشكلة بدأت منذ شهور كنت بعد مشوار طويل ابطل العربية واجي ادور مفيش حاجة خالص الكونتكت ينور ومفيش اي صوت تكة ولا الهوا استنى شوية كتير وبعدين احاول معاها تدور بدأت خطوات العلاج بعد معرفة ان سبب ذلك هو اوتوماتيك المارش المهم فكيت وركبت اوتوماتيك استيراد ومششيت مشوار عادي على امل انها خلاص اتصلحت بطلت وجيت ادور لقيت صوت تكة ومفيش درواة الموضوع كان وهيه سخنة المهم رحت للافندي الكهربائي حل تاني وقالي كان في سلك بيسخن جنب الشكمان وبيشربن وبيفصل انا ظبطته قلتله شكرا وطبعا كل شوية ادفع فلوس المهم مشيت ونفس المشكلة زي ما هية رحت لواحد تاني غيره فك وقالي فيه صاجة بتاعت الفتيس بتعض في الاوتوماتك وبيعلق روح للميكانيكي خليها يشيلها او يغيرها روحت للميكانيكي استغرب قالي ملهاش دعوة للمهم قلت اتعامل مع الوضع كده وخلاص واثناء ما انا بدور في النت عن المشكلة قريت عن حاجة اسمها كتاوت تقوية للمارش روحت لكهربائي جديد قلتله عايز اركب كتاوت تقوية بدون شرح للمشكلة قالي حاضر ركبت الكتاوت وشتغلت تمام جربتها كذا مرة الحمد لله تمام فاضل مشكلة رائحة العادم مع السرعة لما تتحل هنقل التجربة باذن الله

النتيجة واللي استفتدته كلاتي : التشخيص السليم يؤدي إلى علاج سليم وفيه فايدة كويسة تانية ان 6 اكتوبر قلما تلاقي حد صنايعي بيفهم خلو بالكم

وشكرا للجميع

[mahdymegahed]

تحياتى للجميع و كل عام و حضراتكم بألف خير
اسمحوا لى أن أسأل الأخوة عن واقعة حدثت معى و هى ان السيارة بعد سرعة 70 كم فى الساعة بدأت "تنتش معايا و تترج " و طبعا نزلت بالسرعة تحت السبعين و بعد ما وصلت و خلصت مشوارى بفضل الله قمت بفك البوجيهات و صنفرتها و تركيبها تانى , و قمت بحل البيكيهات و تنضيفها و مشيت بالسيارة تانى , لكن مع الأسف تكرر العيب
فكرت فى أن المشكلة ممكن تكون فى الكربيراتير أو طلمبة البنزين
ياريت اسمع مقترحاتكم .... و لكم منى خالص ىالشكر

[alaa0000000]

السلام عليكم ورحمة الله وبركاته أصحاب الرابطة الكرام أحب اقولكم ان مشكلة المارش الحمد لله اتحلت وسوف اكتب لكم تجربتي حتى يستفيد منها الجميع بإذن الله وقبل ان ابدأ أحب أن اشكر كل من ساعدني في حل المشكلة
( المشكلة بدأت منذ شهور كنت بعد مشوار طويل ابطل العربية واجي ادور مفيش حاجة خالص الكونتكت ينور ومفيش اي صوت تكة ولا الهوا استنى شوية كتير وبعدين احاول معاها تدور بدأت خطوات العلاج بعد معرفة ان سبب ذلك هو اوتوماتيك المارش المهم فكيت وركبت اوتوماتيك استيراد ومششيت مشوار عادي على امل انها خلاص اتصلحت بطلت وجيت ادور لقيت صوت تكة ومفيش درواة الموضوع كان وهيه سخنة المهم رحت للافندي الكهربائي حل تاني وقالي كان في سلك بيسخن جنب الشكمان وبيشربن وبيفصل انا ظبطته قلتله شكرا وطبعا كل شوية ادفع فلوس المهم مشيت ونفس المشكلة زي ما هية رحت لواحد تاني غيره فك وقالي فيه صاجة بتاعت الفتيس بتعض في الاوتوماتك وبيعلق روح للميكانيكي خليها يشيلها او يغيرها روحت للميكانيكي استغرب قالي ملهاش دعوة للمهم قلت اتعامل مع الوضع كده وخلاص واثناء ما انا بدور في النت عن المشكلة قريت عن حاجة اسمها كتاوت تقوية للمارش روحت لكهربائي جديد قلتله عايز اركب كتاوت تقوية بدون شرح للمشكلة قالي حاضر ركبت الكتاوت وشتغلت تمام جربتها كذا مرة الحمد لله تمام فاضل مشكلة رائحة العادم مع السرعة لما تتحل هنقل التجربة باذن الله

النتيجة واللي استفتدته كلاتي : التشخيص السليم يؤدي إلى علاج سليم وفيه فايدة كويسة تانية ان 6 اكتوبر قلما تلاقي حد صنايعي بيفهم خلو بالكم

وشكرا للجميع

السلام عليكم

الف مبروك على الحل!!!!!!! وعلى فكرة العيب برضو فى اتوماتيك المارش ؟؟؟

المهم الحمد لله ...... وعل فكرة اكتوبر الصنايعية فيها على ما تفرج .....

[alaa0000000]

تحياتى للجميع و كل عام و حضراتكم بألف خير
اسمحوا لى أن أسأل الأخوة عن واقعة حدثت معى و هى ان السيارة بعد سرعة 70 كم فى الساعة بدأت "تنتش معايا و تترج " و طبعا نزلت بالسرعة تحت السبعين و بعد ما وصلت و خلصت مشوارى بفضل الله قمت بفك البوجيهات و صنفرتها و تركيبها تانى , و قمت بحل البيكيهات و تنضيفها و مشيت بالسيارة تانى , لكن مع الأسف تكرر العيب
فكرت فى أن المشكلة ممكن تكون فى الكربيراتير أو طلمبة البنزين
ياريت اسمع مقترحاتكم .... و لكم منى خالص ىالشكر

السلام عليكم

اخى الكريم ....

اكشف على الابلتين و الكوندنسر عند الكهربائى ..... وان شاء الله خير