::: البولونيز المظلومة :::

[khmonir]

انتو فين ىىىىىىىىىىىىىىىىىىىىىىىىىى

اللي أعرفه إنها بتعمل من ٣٠٠ لـ ٤٠٠ جنيه
حاول تراجع المشاركات السابقة أعتقد إن أحد الأخوة ذكر تمنها قبل كده

[bisssso]

انا عايز انضم الى الرابطة
على فكرة لو راكب عربية غالية جدا ومش مهتم بيها برضة هتزقها
وهتفوت موتورها
البولونيز سيارة لا يعلى عليها
بس نصيحة كل قطعة غيار تحطها فيها تكون اصلية وليست صينى
ثابتة وقوية وسريعة .

[mode2002]

هذبت بنفسي الى عزبة شلبي وعرفت الاسعار وهي
1- الدفرنس كامل ب600 جنيه
2- كارونه فقط 300 جنيه
والكلام ده من التاجر لسه بدون فصال
تحياتي للجميع

[khmonir]

ممكن تقللي عزية شلبي دي فين بالضبط

شكراً

[x_gomgom]

انا بس حابب اضيف معلومه ليك.....
انا شاري كرونه قبل كده من عزبه شلبي لعربيتي النيفا (انا معايا بولونيز برضه)
سيبك من السعر اهم حاجه الضمان و انك تجربها كويس هما بيدوا ضمان اسبوعين.....
اهم حاجه في الموضوع انك ينزل معاك ميكانيكي بيفهم.....

[khmonir]

ممكن تقللي عزية شلبي دي فين بالضبط

شكراً

ممكن حد يخبرني أين توجد عزبة شلبي

من فضلكم

[mahmoudhigazy]

انا لدى بلونيز 89 وليس فيها مشكله الا انى لا اجد الاكصدام الامامى

[shaaban2008]

1- عزبة شلبي في المطرية مكن تدخلها شمال من عند الاميرية تحديدا من عند شركات الادويه وبعد كده طوالي ثم شمال.
2-الاكصدام ياباشا هتلاقيه متوفر في الوكاله عند بتوع الفيات وممكن تجيبه ب 120 جنيه بس تفاصل معاهم كويس

[khmonir]

1- عزبة شلبي في المطرية مكن تدخلها شمال من عند الاميرية تحديدا من عند شركات الادويه وبعد كده طوالي ثم شمال.

شكراً أخي
جزاك الله كل خير

[moataz30]

السلام عليكم ورحمة الله وبركاته

أنا حبيت أشكر أخوتي الزملاء وكل من شارك بالإفاده أو النصيحة لأني فعلا أستفدت كتير من خبراتكم
مع خالص شكري وتقديري وجزاكم الله عنا خير أخوتي أعضاء المنتدى الكرام

معتز محمد

[bunybuny]

ممكن حد يقول فين عفشجى كويس علشان العربية محتاجة شوية ظبط

كان فى احد الاعضاء بيتكلم عن عفشجى كويس ممكن يقول هو مكانة فين

وشكرا

[eg_falcon]

يا جماعة حد عارف مواتير البولونيز الاستيراد سعرها كام

[itshfree]

بالنسبة لتقل الدركسيون بتاع البولنيز انا كندى تقيل جدا ولما اقريت الكتالوج بتاع العربية عرفت حكايته
حكايته بالظبط انه محتاج اتحط زيت فى علبة الدركسيون ولما تروح لمكانيكى هيضحك من ان انت بتقوله عاوز ازود زيت الدركسيون هايقولك هو باور اقوله لأ بس بص عليه
علشان مكانه ضيق جدا انا لما خليت الماكنيكى يبص عليه كانت الدنيا نشفه على الاخر
جربوا وادعولى

[mobitic]

بالنسبة لتقل الدركسيون بتاع البولنيز انا كندى تقيل جدا ولما اقريت الكتالوج بتاع العربية عرفت حكايته
حكايته بالظبط انه محتاج اتحط زيت فى علبة الدركسيون ولما تروح لمكانيكى هيضحك من ان انت بتقوله عاوز ازود زيت الدركسيون هايقولك هو باور اقوله لأ بس بص عليه
علشان مكانه ضيق جدا انا لما خليت الماكنيكى يبص عليه كانت الدنيا نشفه على الاخر
جربوا وادعولى

فعلا كلامك صحيح
عارف المشكلة فى ايه
ان مكان علبة الدركسيون صعب شوية على الصنايعية
فلما تيجى تقول لحد اكشف عليه يقولك لا يا بيه ده تمام وكويس
لحد لما لقيت ميكانيكى رايق شوية
وبص على علبة الدركسيون لقاها مفيهاش نقطة زيت واحدة
قام قاللى انت ماشى بيها ازاى
وفعلا حط زيت فى علبة الدركسيون
ودلوقت فعلا ما شاء الله
الدركسيون بقى خفيف الى حد ما
واحسن من الأول بكتير
تقبل تحياتى

[mobitic]

يا جماعة حد عارف مواتير البولونيز الاستيراد سعرها كام

+ وانا كمان بالاضافة انى عايز اعرف لو كان فى مواتير انجيكشن للبلونيز خصوصا انها نزلت فى الموديلات الأحدث بمواتير انجيكشن وتكييف
فياريت لو حد يعرف يبقى جزاه الله خيرا