::: البولونيز المظلومة :::

[Zika9909]

السلام عليكم ورحمة الله وبركاته ...... نصيحة لكل بولونيزى ولكل من يقراء هذة المداخلة لاتشترى بطارية كلورايد لانهم عام ماعندهومش ضمير انا لسه مشترى بطاريه من 6 اشهر ورحت امبارح لقيتها نايمة على الاخر وبعدين جبت الكهربائى وعملت وصلة ومشيت بيها مسافة جامدة مادرتش الا زق رحت التو كيل فى شارع احمد حلمى قالى البطارية فيها ربع ضارب قلتله ازاى ده لسه جديدة قالى عليك وعل المصنع فى ابو رواش دى مشكلتهم هما قلت له ازى قالى مافيش حل تانى غير انك تاخد بطارية من عندنا وتدفع فرق استخدام قلت ماشى هيقولى 50 او ستين جنية لقيت بيقولى 222 جنيى قلتله ماينفعش 220 قالى ماشى وهندفع احنا 2 جنية وخليها علينا والنصيبة هيدونى بطارية تبع كلورايد يعنى مش كلورايد اسمها جى بى او بى جى حاجة زى كدة قلت حسبى الله ونعم الوكيل ومشيت لانى ماكنش معايا فلوس ورحت اديتها لواحد عندنا فى الزاوية وسئل فى الشركة قلوله نفس السعر خدتها وامرى لله مع وعد بالدفع كمان يومين لانه معرفة خلو باكم من نفسكم

شكرًا على التحذير يا صبري.
بس مش المفروض إن البطارية في الضمان؟
و أنت بتحافظ على مواعيد المراجعة في المحل إللي اشتريتها منه؟
يبقى المفروض يبدلوها مجانًا
بس واضح إنهم هيلاوعوا كتير و مش هيغيروا لك حاجة ببلاش

ربنا يعوضك خير إن شاء الله
و حاول المرة الجاية تجيب بطارية جافة

متشكر قوى يا استاذ zika على الرد وعلى هذة النصائح الشاملة

العفو يا pupil

[elhelaly]

عاوز نصيحة ياشباب فى مرايات الجنب ايه أفضل مرايات جنب ممكن أركبها
لأنى كنت مركب مرايات جنب شاهين ومتركبة بالعافية ومحشورة لحد م واحد ربنا يبارك له وانا راكن وهو بيرجع بسرعه فكسرها
المهم انا بدور على مرايتها مش موجوده فإية أقرب حل

[Zika9909]

عاوز نصيحة ياشباب فى مرايات الجنب ايه أفضل مرايات جنب ممكن أركبها
لأنى كنت مركب مرايات جنب شاهين ومتركبة بالعافية ومحشورة لحد م واحد ربنا يبارك له وانا راكن وهو بيرجع بسرعه فكسرها
المهم انا بدور على مرايتها مش موجوده فإية أقرب حل

و الله علمي علمك
أنا ركبت مرايات الشاهين
اليمين واحد كسرها لي منه لله
الشمال مش بشوف بيها حاجة !! و بربطها عشان تفضل مفتوحة و أشوف الطريق !!
و مش لاقي حل للموضوع ده
لو لاقيت له حل قول لي
لأن أنا جيبت آخري في الموضوع ده

[kreka]

و الله علمي علمك
أنا ركبت مرايات الشاهين
اليمين واحد كسرها لي منه لله
الشمال مش بشوف بيها حاجة !! و بربطها عشان تفضل مفتوحة و أشوف الطريق !!
و مش لاقي حل للموضوع ده
لو لاقيت له حل قول لي
لأن أنا جيبت آخري في الموضوع ده

انا مركب مرايات الشاهين وزى الفل معايا .......... بس هتحتاج شويه ورد عشان مقاس المسمار مش مظبوط

[RMADAN0056]

عاوز نصيحة ياشباب فى مرايات الجنب ايه أفضل مرايات جنب ممكن أركبها
لأنى كنت مركب مرايات جنب شاهين ومتركبة بالعافية ومحشورة لحد م واحد ربنا يبارك له وانا راكن وهو بيرجع بسرعه فكسرها
المهم انا بدور على مرايتها مش موجوده فإية أقرب حل

سلامى الى اخوانى بالمنتدى بالنسبة لمرايات بولونيز البولندى انا مركبهم عندى من حوالى سنة وبيتباعة فى سوق التوفيقيةالمرايتين ب70 جنية الاصلى بتاع بلادها وهذا للعلم وشكرا

[RMADAN0056]

عاوز نصيحة ياشباب فى مرايات الجنب ايه أفضل مرايات جنب ممكن أركبها
لأنى كنت مركب مرايات جنب شاهين ومتركبة بالعافية ومحشورة لحد م واحد ربنا يبارك له وانا راكن وهو بيرجع بسرعه فكسرها
المهم انا بدور على مرايتها مش موجوده فإية أقرب حل

سلامى الى اخوانى بالمنتدى بالنسبة لمرايات بولونيز البولندى انا مركبهم عندى من حوالى سنة وبيتباعة فى سوق التوفيقيةالمرايتين ب70 جنية الاصلى بتاع بلادها وهذا للعلم وشكرا

[RMADAN0056]

عاوز نصيحة ياشباب فى مرايات الجنب ايه أفضل مرايات جنب ممكن أركبها
لأنى كنت مركب مرايات جنب شاهين ومتركبة بالعافية ومحشورة لحد م واحد ربنا يبارك له وانا راكن وهو بيرجع بسرعه فكسرها
المهم انا بدور على مرايتها مش موجوده فإية أقرب حل

سلامى الى اخوانى بالمنتدى بالنسبة لمرايات بولونيز البولندى انا مركبهم عندى من حوالى سنة وبيتباعة فى سوق التوفيقيةالمرايتين ب70 جنية الاصلى بتاع بلادها وهذا للعلم وشكرا

[Zika9909]

انا مركب مرايات الشاهين وزى الفل معايا .......... بس هتحتاج شويه ورد عشان مقاس المسمار مش مظبوط

أنا عندي
اليمين كانت بتجيب الطريق حلو قبل ما تتكسر
الشمال دي جابت لي شلل
لأن زاويتها زي زاوية اليمين فهي بتدي الرؤية لإللي قاعد جنبي مش ليا
أكيد أكيد المرايات دي مش أصلية بأي حال من الأحوال

سلامى الى اخوانى بالمنتدى بالنسبة لمرايات بولونيز البولندى انا مركبهم عندى من حوالى سنة وبيتباعة فى سوق التوفيقيةالمرايتين ب70 جنية الاصلى بتاع بلادها وهذا للعلم وشكرا

فين في التوفيقية؟
اسم المحل إيه على الأقل؟
و هل لازم أشتري مرايتين و لا كل واحدة بـ35 جنيه؟

[RMADAN0056]

أنا عندي
اليمين كانت بتجيب الطريق حلو قبل ما تتكسر
الشمال دي جابت لي شلل
لأن زاويتها زي زاوية اليمين فهي بتدي الرؤية لإللي قاعد جنبي مش ليا
أكيد أكيد المرايات دي مش أصلية بأي حال من الأحوال



فين في التوفيقية؟
اسم المحل إيه على الأقل؟
و هل لازم أشتري مرايتين و لا كل واحدة بـ35 جنيه؟

المحل ع بعد ما تعدى اشارة الاسعاف متجها ناحية شارع رمسيس هو على ناصية اول شارع يمين الى التوفيقية و ممكن تشترى مراية واحدة فقط ب35 جنية

[RMADAN0056]

أنا عندي
اليمين كانت بتجيب الطريق حلو قبل ما تتكسر
الشمال دي جابت لي شلل
لأن زاويتها زي زاوية اليمين فهي بتدي الرؤية لإللي قاعد جنبي مش ليا
أكيد أكيد المرايات دي مش أصلية بأي حال من الأحوال



فين في التوفيقية؟
اسم المحل إيه على الأقل؟
و هل لازم أشتري مرايتين و لا كل واحدة بـ35 جنيه؟

المحل ع بعد ما تعدى اشارة الاسعاف متجها ناحية شارع رمسيس هو على ناصية اول شارع يمين الى التوفيقية و ممكن تشترى مراية واحدة فقط ب35 جنية

[Zika9909]

المحل ع بعد ما تعدى اشارة الاسعاف متجها ناحية شارع رمسيس هو على ناصية اول شارع يمين الى التوفيقية و ممكن تشترى مراية واحدة فقط ب35 جنية

شكرًا يا رمضان
أنا هبقى أنزل أسأل هناك قريب

[lanos2004]

بمناسبه البلونيز مرة كنت على الزراعى وواحد بتاع ميكروباس غبى اخد ملف وبتاع البلونيز كان جاى طياره- اقسم بالله الميكروباس طار فى الهوا قول 3 متر والبلونيز وقفت مكانها ومحصلهاش الا شويه خدوش

[elhelaly]

كنت امبارح عند العفشجى غيرت المساعدين الأمامين وركبت طقم بيض جديد وزودت ورقة سوسته
والحمد لله العربية بقت تمام
بس للأسف مشيت من عند العفشجى من هنا لقيت الكلكس فاصل ومروحة الردياتير مش شغاله
مش عارف ايه اللى حصل هروح للكهربائى اشوف
عاوز استفسر عن حاجه يارجاله
بالنسبة لفرش العربية
عاوز اشترى فرش يخلى شكلها كويس من جوه
ايه افضل الألوان وهل الجلد أفضل ولا فيه حاجه تانية
وايه افضل الأماكن اللى اشتريه منها من حيث النضافة والرخص
انا عربيتى لونها سن فيل فإيه الألوان اللى تمشى معاها

[sabry7]

خير ماعملت ياهلاالى بس ياريت اللى يعمل حاجة يقولنا اشتراها بكام والصنيعى خد اد اية يعن عاوزين نعرف المساعدين بكام ومنين ونوعهم اية وطقم البيض بكام وبلد الصنع وكدة يعنى وعاوز ايضا اعرف راى البلونيزين فى تركيب غاز للعربية ولو حد ركبة يقولنا راية ايه فية واتكلف كام عاوزين نشغل المنتدى ونستفيد من بعض

[elhelaly]

المساعدين كانوا ألمانى وطقم البيض تركى بس كان طقم بيض 32 والعفشجى هو اللى قال لى انه بيركب على البلونيز وراكب وتمام دلوقتى
انا فاكر التكلفه الكلية للجوز المساعدين وطقم البيض التكلفه كلها كانت تقريبا 370 جنيه واعذرونى لان ذاكرتى مش بتشيل الاسعار خالص وبنسى بسرعه جدا
بس الحمد لله فاكر سعر ورقتين السوستة كانو ب 95 جنيه
والصنايعى اخد 150 جنيه

ومنتظر رأيكم برده فى موضوع الفرش ياريت اللى عنده تجارب يقولها