::: البولونيز المظلومة :::

[Zika9909]

أنا فرحاااااااااااااااان جدااااااااااااااااااااااااااا إن رابطة البولونيز اتثبتت و بقت في "قسم رابطات فيات"، ده كده -إن شاء الله- هيساهم في تطور الرابطة و هيساهم في تحسين صورة البولونيز في مصر.

[Zika9909]

بالنسبة للمشكلة إللي كانت في عربيتي لما ماكانتش بتجيب أكتر من 70كم/س: بصراحة أنا مش عارف إيه إللي جرالها، أنا النهاردة و أنا ماشي على الدائري العربية جابت 90 كم/س مستريح، و كمان ماحدش فات مني طول الطريق!! أنا تقريبًا سبقت كل إللي كانوا على الطريق لدرجة إني شكيت إن أمبير السرعة عندي مش مظبوط و بيقرأ سرعة أقل من الحقيقي.
سؤالين للي بيسوقوا بولونيز على الطرق السريعة:
1) سرعة 90 تخليك تفوت من كل العربيات و ماحدش يفوت منك؟
2) أعرف إزاي إذا كان أمبير السرعة مظبوط و لا لأ؟ لأن أنا كده ممكن ألبس مخالفة و أنا متهيألي إني ماشي في السليم.

[hugan]

شكرً للأستاذ hugan على نصيحته الغالية بأن نطلب تثبيت الموضوع، و شكرًا لإدارة المنتدى لقبولها طلب التثبيت و نقل الموضوع إلى "قسم رابطات فيات".

الحمد لله ان تم التثبيت
شكرا للا داره

[kreka]

ألف مبروك تثبيت الرابطه فالمنتدى يا رجاله

بالنسبة للمشكلة إللي كانت في عربيتي لما ماكانتش بتجيب أكتر من 70كم/س: بصراحة أنا مش عارف إيه إللي جرالها، أنا النهاردة و أنا ماشي على الدائري العربية جابت 90 كم/س مستريح، و كمان ماحدش فات مني طول الطريق!! أنا تقريبًا سبقت كل إللي كانوا على الطريق لدرجة إني شكيت إن أمبير السرعة عندي مش مظبوط و بيقرأ سرعة أقل من الحقيقي.
سؤالين للي بيسوقوا بولونيز على الطرق السريعة:
1) سرعة 90 تخليك تفوت من كل العربيات و ماحدش يفوت منك؟
2) أعرف إزاي إذا كان أمبير السرعة مظبوط و لا لأ؟ لأن أنا كده ممكن ألبس مخالفة و أنا متهيألي إني ماشي في السليم.

اللى حصل معاك دا حاجه من اتين يا أمبير السرعه بايظ يإما اللى حوليك مشين براحه ودا صعب لأنى على اى طريق سريع بمشى 120 والعربيات بتعدى منى زى الفل لو موتورك سليم وطقم الدبرياج هتلاقى آخر عربيتك 140 او 150 ودا للحظات عشان متهلكش الموتور بس اقصى سرعه جبتها والموتور مرتاح 130 على ار بى ام 4 تقريبا فالغيار الخامس

[Zika9909]

ألف مبروك تثبيت الرابطه فالمنتدى يا رجاله
الله يبارك فيك


اللى حصل معاك دا حاجه من اتين يا أمبير السرعه بايظ يإما اللى حوليك مشين براحه ودا صعب لأنى على اى طريق سريع بمشى 120 والعربيات بتعدى منى زى الفل لو موتورك سليم وطقم الدبرياج هتلاقى آخر عربيتك 140 او 150 ودا للحظات عشان متهلكش الموتور بس اقصى سرعه جبتها والموتور مرتاح 130 على ار بى ام 4 تقريبا فالغيار الخامس
يبقى تقريبًا أنا كنت ماشي على 120 أو 130 و أمبير السرعة سرحان و بيقول لي 90، و ده بردو معناه إن أنا ساعة ما كنت فاكر إن العربية آخرها 70 ده كان كلام فاضي و احتمال إن أنا كنت ماشي على 90 و ده معناه إن العربية سليمة و الحمد لله.

المشكلة دلوقتي إن أنا مش هبقى عارف أنا ماشي على سرعة كام.

[kreka]

المشكلة دلوقتي إن أنا مش هبقى عارف أنا ماشي على سرعة كام.

ممكن تعمل اختبار صغير خلى حد يمشى وراك بنفس سرعتك وخليك معاه بالموبايل وأعرف سرعته كام وقارنها بالقرايه اللى عندك

[Zika9909]

ممكن تعمل اختبار صغير خلى حد يمشى وراك بنفس سرعتك وخليك معاه بالموبايل وأعرف سرعته كام وقارنها بالقرايه اللى عندك

فكرة كويسة، بس يا ترى مين بقى إللي هيوافق يعمل التجربة دي معايا؟؟؟

[kreka]

فكرة كويسة، بس يا ترى مين بقى إللي هيوافق يعمل التجربة دي معايا؟؟؟

عادى اى واحد قريبك او صديقك
هو هيمشى بعربيته وراك عشان يكون قريب من نفس سرعتك وشوفوا السرعه فنفس الوقت على ال100 وفوق ال 100

[shand0]

هو يا جماعة إيه أفضل مقاس إطارات للبلونيز للحفاظ على العفشة و يكون مقاس متوفر سواء لجنوط 13 أو 14. و شكراً مقدماً.. سعات بسمع تصفير خفيف كده مش عارف ده سببه ايه؟؟

[kreka]

هو يا جماعة إيه أفضل مقاس إطارات للبلونيز للحفاظ على العفشة و يكون مقاس متوفر سواء لجنوط 13 أو 14. و شكراً مقدماً.. سعات بسمع تصفير خفيف كده مش عارف ده سببه ايه؟؟

افضل حاجه طبعاً الاستوك 13 بس ال 14 يركب من غير تعديل عادى

[Zika9909]

هو يا جماعة إيه أفضل مقاس إطارات للبلونيز للحفاظ على العفشة و يكون مقاس متوفر سواء لجنوط 13 أو 14. و شكراً مقدماً.. سعات بسمع تصفير خفيف كده مش عارف ده سببه ايه؟؟

بص أنا ماعنديش خبرة كافية في الموضوع ده، بس كده كده أنت لو جبت جنط 14 يبقى هتحط له كاوتش رفيع عشان يبقى القطر الكلي للإطار القديم هو هو الجديد أو حتى قريب منه، و كل ما كان الكاوتش أرفع كل ما هتحس أكتر بالحفر و النقر و الزلط إللي مالي الشوارع بس الثبات هيبقى أحسن، أحسن لك خللي الجنط الأصلي بتاعها، و لو هتغيره يبقى غيره بواحد ألمونيوم يكون نفس مقاس الأصلي (الأمنيوم أخف من الحديد و ده هيخف حمل من على العربية).
غير كده أنا ماعنديش فكرة.
أتمنى أكون أفدت.

[kreka]

بص أنا ماعنديش خبرة كافية في الموضوع ده، بس كده كده أنت لو جبت جنط 14 يبقى هتحط له كاوتش رفيع عشان يبقى القطر الكلي للإطار القديم هو هو الجديد أو حتى قريب منه، و كل ما كان الكاوتش أرفع كل ما هتحس أكتر بالحفر و النقر و الزلط إللي مالي الشوارع بس الثبات هيبقى أحسن، أحسن لك خللي الجنط الأصلي بتاعها، و لو هتغيره يبقى غيره بواحد ألمونيوم يكون نفس مقاس الأصلي (الأمنيوم أخف من الحديد و ده هيخف حمل من على العربية).
غير كده أنا ماعنديش فكرة.
أتمنى أكون أفدت.

لأ انت الاستوك بتاعك 13\70\185 تقريبا انت ممكن تركب 14\70\185 بدون اى تعديل وتحس بالفرق للأفضل

بس طبعا الأفضل تركب 14\60\185 ولعلمك مش هيحس بالمطبات جامد دا فرق صغير

[kreka]

العربيه سخنت وجابت جوان وش سلندر عشان اعمله صرفت 450 جنيه
12 ساعه بعمل فيها اوووووووووووووووووووووووووووووووووف

[shand0]

العربيه سخنت وجابت جوان وش سلندر عشان اعمله صرفت 450 جنيه
12 ساعه بعمل فيها اوووووووووووووووووووووووووووووووووف

هى دى مشكلة البولونيز، بس ليها حلول عشان ماتعملش كده مرة تانية. ممكن تفتح موضوع عن مشكلة السخونية و اذاى نحلها ببعض التعديلات

[shand0]

طيب سؤال لكل مالكى البولونيز، انا مركب حالياً إطارات 175/70 r13 هل فى اى مشكلة مع إستخدام هذا المقاس؟