::: البولونيز المظلومة :::

[Zika9909]

الاخوة الافاضل
بعد سؤالى عن البولونيز لانه كان معروض عليا واحدة اتضح الاتي عن السيارات البولونيز
* بالنسبة للماتور صوته عالى ومزعج
عالي و مزعج زي الجرار مثلاً؟!
*ومكنه خشنه بطئه فى السحب وماتورها اذا قارناه بماوتير سيارات فى نفس فئتها السعرية نجده ضعيف
إيه هي السيارات دي إللي من نفس فئتها و البولونيز أضعف منها؟
*ماتورها قديم ويوجد به الكثير من الاعطال
موتور قديم!! موديل سنة كام؟
* السيارة من حيث الرفاهية لا يوجد اى سبل للرفاهية
يعني مافيهاش زجاج مثلاً و لا أبواب زي الجرار؟!
* العفشه ناشفة وهتحس بكل مطب بتاخده واى حفره بتعدي عليها وكانك راكب جرار مش عربية
فعلاً البولونيز مالهاش سوست و لا مساعدين
* الشكل الخارجي سيئ جدا .
دي أذواق
باختصار البولونيز سيارة تصلح تكون ربع نقل حمل وشون وامشي بيها فى الطرق الطينية والمكسره
السيارة الربع نقل موتورها قوي و عفشتها قوية، و ده يناقض كلامك عن إن موتور البولونيز ضعيف و كثير الأعطال و عفشتها تعبانة
وعاوزه سواق بتاع جرار مش سواق ملاكي
انما هى غير صالحة لركوب الملاكي والشعور بالراحة فيها
متأكد من المعلومة دي؟
هذا بعد بحث وتنقيب عن السيارة وراكبيها والميكانيكيا
يعني بعد البحث و التنقيب ده كله ما اكتشفتش غير إنها جرار؟!
يعني على كده أنا سايق جرار زراعي صوته عالي و مزعج و موتوره ضعيف جدًا كثير الأعطال يبلغ أقصى سرعة 30 كم/ساعة و مالوش سوست و لا مساعدين أصلاً و مافيهوش أي نوع من أنواع الرفاهية و أنا مش واخد بالي !!
سلام احبائي
كل سنة و أنت طيب

[alaasamy5611]

كل سنة و أنتم طيبين بمناسبة شهر رمضان.

وانت طيب وكل الأعضاء بخير وصحه وعافيه

[alaasamy5611]

الاخوة الافاضل
بعد سؤالى عن البولونيز لانه كان معروض عليا واحدة اتضح الاتي عن السيارات البولونيز
* بالنسبة للماتور صوته عالى ومزعج
*ومكنه خشنه بطئه فى السحب وماتورها اذا قارناه بماوتير سيارات فى نفس فئتها السعرية نجده ضعيف .
*ماتورها قديم ويوجد به الكثير من الاعطال
* السيارة من حيث الرفاهية لا يوجد اى سبل للرفاهية
* العفشه ناشفة وهتحس بكل مطب بتاخده واى حفره بتعدي عليها وكانك راكب جرار مش عربية
* الشكل الخارجي سيئ جدا .
باختصار البولونيز سيارة تصلح تكون ربع نقل حمل وشون وامشي بيها فى الطرق الطينية والمكسره وعاوزه سواق بتاع جرار مش سواق ملاكي .
انما هى غير صالحة لركوب الملاكي والشعور بالراحة فيها
هذا بعد بحث وتنقيب عن السيارة وراكبيها والميكانيكيا
سلام احبائي

ربما كنت على حق ولكنها تخدم فئة من الشعب الغير قادر على أثمان السيارات الفارهة فهى بالنسبة لهم مرسيدس لهذه الفئه من الشعب

وكل عام وانت بخير

[yourfreeman]

ربما كنت على حق ولكنها تخدم فئة من الشعب الغير قادر على أثمان السيارات الفارهة فهى بالنسبة لهم مرسيدس لهذه الفئه من الشعب

وكل عام وانت بخير

شكرا الك
ودت ان اظهر للمترددين على الرابطة بعض من الحقيقة فكما يتفنن اعضاء الرابطة فى اظهار محاسن السيارة ودت ان اظهر بعض عيوبها حتى تكون دليل للمقلبلين على الشراء وانا كنت واحد منهم
ولكني تراجعت عن الشراء لما اسردته سابقا
والله الموفق
على فكرة رمضان ملوش طعم خالص السنة دة :b4_384:

[Youssef.Awad]

على فكرة رمضان ملوش طعم خالص السنة دة :b4_384:

معاك حق والله يعنى اول يوم النهاردة والناس كده مش فرحانة حتى وهى بتقول لبعضها كل سنة وانت طيب

[kreka]

الاخوة الافاضل
بعد سؤالى عن البولونيز لانه كان معروض عليا واحدة اتضح الاتي عن السيارات البولونيز
* بالنسبة للماتور صوته عالى ومزعج
مش كل المواتير .. من بدايه 90 الكاتينه كاوتش والموتور صوته هادى قبل ذلك صوته عالى (مع العلم انك لو مش بتحرق الغيار ومظبط تكيهات صوت العربيه مقبول)
*ومكنه خشنه بطئه فى السحب وماتورها اذا قارناه بماوتير سيارات فى نفس فئتها السعرية نجده ضعيف .
يا باشا حضرتك سوقتها ؟؟ انا شديت مع لانسر 1300 موديل 2006 عدانى على الأول ومشفنيش على التانى والتالت (الموتور بيجيب 110 على التانى ار بى ام 6)
*ماتورها قديم ويوجد به الكثير من الاعطال
اظن موديل اواخر الثمانينات والتسعينات احدث من ال 132 اللى حضرتك كاتب عندك انك ناوى تشتريها
بالنسبه للأعطال الحمد لله العربيه اتعملها عمره واحده طول ما هيا معانا ومفيش أعطال بروح للميكانيكى وقت تغير الزيت او البوجيهات او السيور زى صيانه اى موتور آخر
* السيارة من حيث الرفاهية لا يوجد اى سبل للرفاهية
العربيه بصراحه أنضف صالون ففئتها وتحدى تجبلى عربيه ففئتها ليها طابلوه نضيف زى طابلوه البولونيز العربيه الوحيده ففئتها فيها تحكم فارتفاع التاره وقفل اطفال فالأبواب
بالنسبه للتكيف والزجاج الكهربا والباور والسنتر كل دا بيركب ومش بتقول لأ بس معاك اصرف

* العفشه ناشفة وهتحس بكل مطب بتاخده واى حفره بتعدي عليها وكانك راكب جرار مش عربية
* الشكل الخارجي سيئ جدا .
دا لو العربيه عفشتها مش سليمه انت مش راكب حديده (دا ميمنعش ان عفشتها انشف من اى عربيه تانيه ) ومفيش عربيه مفهاش عيوب
باختصار البولونيز سيارة تصلح تكون ربع نقل حمل وشون وامشي بيها فى الطرق الطينية والمكسره وعاوزه سواق بتاع جرار مش سواق ملاكي .
انما هى غير صالحة لركوب الملاكي والشعور بالراحة فيها
هذا بعد بحث وتنقيب عن السيارة وراكبيها والميكانيكيا
سلام احبائي

يريت يا باشا تدور على عربيه حالتها نضيفه وبعدين احكم عليها ... وخد فإعتبارك انها مهما راحت ولا جات هيا عربيه قديمه مش بومه ولا سيراتو

[Zika9909]

ودت ان اظهر للمترددين على الرابطة بعض من الحقيقة فكما يتفنن اعضاء الرابطة فى اظهار محاسن السيارة ودت ان اظهر بعض عيوبها حتى تكون دليل للمقلبلين على الشراء وانا كنت واحد منهم
ولكني تراجعت عن الشراء لما اسردته سابقا
والله الموفق

أولاً: أنت حر في اختيار العربية إللي تناسبك.
ثانيًا: أنت ليه ماردتش على كلامي؟! و لا أنا بكلم نفسي؟!!
ثالثًا:إحنا مش بنتفنن في إظهار محاسن البولونيز، إحنا بنقول تجربتنا مع عربياتنا، إلا لو أنت مش مصدق كلامنا و بتعتبره تفنن في إخفاء العيوب.
رابعًا: إحنا مش بنقول إن البولونيز دي لانسر و لا كورولا، لأ البولونيز بولونيز، لكن مش لدرجة إننا نقارن البولونيز بالجرار الزراعي.

[yourfreeman]

يريت يا باشا تدور على عربيه حالتها نضيفه وبعدين احكم عليها ... وخد فإعتبارك انها مهما راحت ولا جات هيا عربيه قديمه مش بومه ولا سيراتو

شكرا اخي الفاضل على تعاونك واسف لتاخرى على الرد فانت تعلم جيدا عدم انتظام مواعيدنا فى رمضان خصوصا
اما عن العيوب التى كتبتها فهى بعد تقصي وسؤال لاكثر من ميكانيكي .
وانا بالفعل كان قدامي عربية بولونيز حالتها ممتازة ولكن خشيت شرائها للاسباب التى عرضتها سابقا
بالاضافة الى تخوفي الكبير من عدم تمكني من اعادة بيعها ثانية بسهولة
لك مني كل التحيه والتقدير

[yourfreeman]

الاخ الفاضل زيكا
عظيم اعتذارى لبطئي فى الرد عليك فانا لم ولن اتعمد تجاهلك باي صورة من الصور .
اما عن العيوب التى اسردتها سابقا فهى تاتي بعد تقصي للحقائق من العديد من الميكانيكيا الذين لم يشكروا فى السيارة بشكل عام - مع تحفظى اذا كانت سيارتك حالتها جيده - فانت بالتالي لن تشعر بمشاكلها ووتوهم بان البولونيز ممتازة جميعها .
كما اسردت سابقا اننى اخشى من ثقل اعادة البيع وهى نقطة خطيرة .
لك مني جزيل التحيه والاحترام
معا لنتواصل

[kreka]

الاخ الفاضل زيكا
عظيم اعتذارى لبطئي فى الرد عليك فانا لم ولن اتعمد تجاهلك باي صورة من الصور .
اما عن العيوب التى اسردتها سابقا فهى تاتي بعد تقصي للحقائق من العديد من الميكانيكيا الذين لم يشكروا فى السيارة بشكل عام - مع تحفظى اذا كانت سيارتك حالتها جيده - فانت بالتالي لن تشعر بمشاكلها ووتوهم بان البولونيز ممتازة جميعها .
كما اسردت سابقا اننى اخشى من ثقل اعادة البيع وهى نقطة خطيرة .
لك مني جزيل التحيه والاحترام
معا لنتواصل

للعلم يا باشا اكيد الميكانيكى بياجيله عربيه تعبانه عشان تتصلح .... اكيد مش هيجيله عربيه سليمه عشان يركبها وخير دليل ان الميكانيكيه والعفشجيه بيشكو من الإلنترا هل كده تعتبر عربيه سيئه ؟؟؟؟


انا احب افهمك الميكانيكيه بيكرهوها ليه .... الخواجه اللى عمل العربيه عامل كل قطعه فيها فمكان محكم صعب انك تطلعه ..... فهى بطلع عينه فالصيانه


منتظر منك تقلى ايه المميزات اللى فال 132 اللى حضرتك عايز تشتريها ؟؟ ويريت تقارنها مع البولونيز كده

[Zika9909]

الاخ الفاضل زيكا
عظيم اعتذارى لبطئي فى الرد عليك فانا لم ولن اتعمد تجاهلك باي صورة من الصور .
مافيش مشاكل، بس بردو أنت لسه ماردتش على كلامي أنا و kreka.
اما عن العيوب التى اسردتها سابقا فهى تاتي بعد تقصي للحقائق من العديد من الميكانيكيا الذين لم يشكروا فى السيارة بشكل عام - مع تحفظى اذا كانت سيارتك حالتها جيده - فانت بالتالي لن تشعر بمشاكلها ووتوهم بان البولونيز ممتازة جميعها .
أنا مش فاهم الكلمة إللي تحتها خط
كما اسردت سابقا اننى اخشى من ثقل اعادة البيع وهى نقطة خطيرة .
ثقل إعادة البيع ده مشكلة السوق و يجب أخذه في الاعتبار عند الشراء بكل تأكيد، لكن ده مش معناه إن البولونيز جرار زراعي.
لك مني جزيل التحيه والاحترام
معا لنتواصل
شكرًا

دي مشاركة سابقة ليا كانت رد على استفسار أحد الأعضاء عن البولونيز (كان متردد في الشراء)

العربية حسب حالتها مش حسب نوعها، يعني لو لاقيت عربية استعمال نضيف يبقى مش هتروح للميكانيكي إلا كل فين و فين، إنما لو كان صاحبها طاحنها و مش بيصرف عليها غير البنزين يبقى سيبهاله و ماتاخدهاش و لو ببلاش مهما كان نوعها و موديلها.
بالنسبة للبولونيز: بردو الحالة بتفرق، في بولونيز تكرهك في العربيات و في بولونيز تانية تخليك ماتستغناش عنها مهما كان السعر المعروض عليك. البولونيز بصفة عامة كويسة يعني صالونها واسع و شنطتها واسعة و عفشتها قوية و مش خشنة زي ما الناس فاكرة و موتورها لو حالته كويسة تجيب بيه 130 مستريح و لو قرصت عليه تجيب 150 أو 160، أهم حاجة و أنت بتشتري إن العربية تكون فابريكة دواخل و الموتور مش خفيف لأنك لو أخدته خفيف يبقى هتعمل طقم شنبر قريب أو عمرة كاملة كمان سنتين و ساعتها هتكره العربيات كلها.

أظن واضح جدًا إننا مش بنتفنن في إظهار محاسن البولونيز و إخفاء عيوبها زي ما أنت بتقول.

[yourfreeman]

دي مشاركة سابقة ليا كانت رد على استفسار أحد الأعضاء عن البولونيز (كان متردد في الشراء)



أظن واضح جدًا إننا مش بنتفنن في إظهار محاسن البولونيز و إخفاء عيوبها زي ما أنت بتقول.

الاخ الفاضل زيكا وكاريكا
يبدو ان جملة - تفنن فى اظهار محاسن البولونيز - اخذت على محمل خاطئ تماما
انما سعيت من وراء ذلك الى اظهار العيوب التى يقابلها المشترى بالاضافة الى المحاسن التى اسردتموها .
كما قلت انني اخشي جزئيتين هامتين فى اى سيارة عامة وفى البولونيز خاصة
* ضعف قدرة الموتور وكثرة مشاكله وصوته العالى - كما حكي لى الميكانيكيا- وصوته العالى هذا ما يجعلني اشبها بالجرار الزراعي .
* شكلها القبيح - الى حد ما - وثقل اعاده بيعها .
اما بالنسبة للقوة والتحميل فهى اقرب ما تكون بسيارة ربع نقل وهذه تحسب لها لا عليها .
وانا شخصيا معروض عليا بولونيز بحالة جيده جدا موديل 86 بازاز كهربا اربع ابواب وباور وسنتر ومعروضة على 14 الف
ولكن اخشى انى البسها انتوا فاهمين لان صاحبها مش عارف يبيعها بالسعر دة لغاية دلوقتي يعني هى تقيله معاه فى البيع زي ما انتم شايفين .
........................
سؤال خاص ما هو الموتور الى ينفع يتسقط عليها بدون تعديل فى قواعد الموتور والعفشه ؟؟؟
وانا متابع معكم

[kreka]

الاخ الفاضل زيكا وكاريكا
يبدو ان جملة - تفنن فى اظهار محاسن البولونيز - اخذت على محمل خاطئ تماما
انما سعيت من وراء ذلك الى اظهار العيوب التى يقابلها المشترى بالاضافة الى المحاسن التى اسردتموها .
كما قلت انني اخشي جزئيتين هامتين فى اى سيارة عامة وفى البولونيز خاصة
* ضعف قدرة الموتور وكثرة مشاكله وصوته العالى - كما حكي لى الميكانيكيا- وصوته العالى هذا ما يجعلني اشبها بالجرار الزراعي .
* شكلها القبيح - الى حد ما - وثقل اعاده بيعها .
اما بالنسبة للقوة والتحميل فهى اقرب ما تكون بسيارة ربع نقل وهذه تحسب لها لا عليها .
وانا شخصيا معروض عليا بولونيز بحالة جيده جدا موديل 86 بازاز كهربا اربع ابواب وباور وسنتر ومعروضة على 14 الف
ولكن اخشى انى البسها انتوا فاهمين لان صاحبها مش عارف يبيعها بالسعر دة لغاية دلوقتي يعني هى تقيله معاه فى البيع زي ما انتم شايفين .
........................
سؤال خاص ما هو الموتور الى ينفع يتسقط عليها بدون تعديل فى قواعد الموتور والعفشه ؟؟؟
وانا متابع معكم

نتكلم فتقطه نقطه قبح الشكل ... مش لدرجه القبح ممكن نقول مش شبابى او عصرى بس قبح دى صعبه اوى
بالنسبه للعزم اقل موتور للبولونيز اللى هو 1500 كامه واحده ودا اللى عندى بيطلع 75 هور باور يعنى زى المواتير بتاعه العربيات اللى مغرقه السوق ال 1300 ... الفرق فالسحب بيكون فنسب تخفيض الفتيس وطول ذراع الفتيس ودا طبعا عشان فرق التكنولوجيا .... وزن العربيه 1 طن وجرب زقها هتلقيها خفيفه لإنها نفس وزن الفرنا (ومتقارنهاش بالفيرنا على الطريق لإختلاف الأيرودينامك بينهم والعفشه والموتور ودنيا )
انا عشان اقنعك انا هصورلك فيديو بتسارع الموتور عندى بس يريت تنتظر لحد مغير البوجيهات لأن عدى عليها سنه
زى مقال زيكا الموتور بيجيب 130 بسهوله ... بالنسبه ليا مجربتش ازود عشان مش بحب اققرص على الموتور

نيجى للعربيه اللى معروضه علي حضرتك تكلفه 4 ازاز كهربا وسنتر وانزار وباور تصل الى 1500 جنيه وعشان يركب باور يبقى مسقطلها موتور مجهو لتركيب باور .... مع السعر دا (بالعاميه العربيه مشمومه ) ويريت تزور ميكانيكى وعفشجى واهم حاجه سمكرى نظيف واتأكد من حاله العربيه

انا عربيتى موديل 88 بحاله المصنع بإستثناء رفرفين قدام .... فرش المصنع الأصلى تحت الكسوه -- عفشه المانى جديده بالكامل -- بطاريه جديده -فردتين كاوتش جداد - كاسيت ريموت فلاشه وايكولايزر - سنتر - عمره موتور واحده فقط للموتور - اول يد - الصيانه دوريه واى عيب بصلحه فوقته - استعمال والدى مهندس ميكانيكا سيارات
هل تقارن دى مثلا باللى كانت معروضه عليك ؟؟؟؟
احب اوضحلك فكره ان اى عربيه مهمله هتكرهك فعشتك ودى شفتها مع واحد قريبى جاب عربيه سيتروبن وطلعت عينه ............ انا غير مؤمن بنظريه عربيه اعطالها كتيره وعربيه ملهاش اعطال

انا الحمد لله عربيتى بتزور الميكانيكى مره كل شهرين لتغير الزيت والكشف على العربيه وكل 4 شهور عند العفشجى للكشف على العفشه والتربيط .... غير كده الحمد لله مفيش باستثناء مره من شهر العربيه سخنت وجابت جوان وش سلندر

انا معاك ان العربيه صوتها مزعج بس على رأى المثل على اد لحافك مد رجليك


تقدر تسقط 132 1600 سى سى 2كامه و 2000 سى سى
بولونيز 1500 سى سى و 1600 سى سى كربيراتير و 1600 سى سى انجكشن ودا قليل

افضل موتور على الإطلاق موتور بولونيز 1600 2 كامه 16 v وده بيطلع هو باور 150 تقريبا صناعته تقريبا من 97 ل 2002 ودا مش هتلاقيه كتير الا فإنصاص الشكل الجديد والموديلات العاليه

ولو عقدتك الصوت ركب موتور بولونيز كاتينه كاوتش موديل فوق ال 90 ودا مغرق السوق

[yourfreeman]

نتكلم فتقطه نقطه قبح الشكل ... مش لدرجه القبح ممكن نقول مش شبابى او عصرى بس قبح دى صعبه اوى
بالنسبه للعزم اقل موتور للبولونيز اللى هو 1500 كامه واحده ودا اللى عندى بيطلع 75 هور باور يعنى زى المواتير بتاعه العربيات اللى مغرقه السوق ال 1300 ... الفرق فالسحب بيكون فنسب تخفيض الفتيس وطول ذراع الفتيس ودا طبعا عشان فرق التكنولوجيا .... وزن العربيه 1 طن وجرب زقها هتلقيها خفيفه لإنها نفس وزن الفرنا (ومتقارنهاش بالفيرنا على الطريق لإختلاف الأيرودينامك بينهم والعفشه والموتور ودنيا )
انا عشان اقنعك انا هصورلك فيديو بتسارع الموتور عندى بس يريت تنتظر لحد مغير البوجيهات لأن عدى عليها سنه
زى مقال زيكا الموتور بيجيب 130 بسهوله ... بالنسبه ليا مجربتش ازود عشان مش بحب اققرص على الموتور

نيجى للعربيه اللى معروضه علي حضرتك تكلفه 4 ازاز كهربا وسنتر وانزار وباور تصل الى 1500 جنيه وعشان يركب باور يبقى مسقطلها موتور مجهو لتركيب باور .... مع السعر دا (بالعاميه العربيه مشمومه ) ويريت تزور ميكانيكى وعفشجى واهم حاجه سمكرى نظيف واتأكد من حاله العربيه

انا عربيتى موديل 88 بحاله المصنع بإستثناء رفرفين قدام .... فرش المصنع الأصلى تحت الكسوه -- عفشه المانى جديده بالكامل -- بطاريه جديده -فردتين كاوتش جداد - كاسيت ريموت فلاشه وايكولايزر - سنتر - عمره موتور واحده فقط للموتور - اول يد - الصيانه دوريه واى عيب بصلحه فوقته - استعمال والدى مهندس ميكانيكا سيارات
هل تقارن دى مثلا باللى كانت معروضه عليك ؟؟؟؟
احب اوضحلك فكره ان اى عربيه مهمله هتكرهك فعشتك ودى شفتها مع واحد قريبى جاب عربيه سيتروبن وطلعت عينه ............ انا غير مؤمن بنظريه عربيه اعطالها كتيره وعربيه ملهاش اعطال

انا الحمد لله عربيتى بتزور الميكانيكى مره كل شهرين لتغير الزيت والكشف على العربيه وكل 4 شهور عند العفشجى للكشف على العفشه والتربيط .... غير كده الحمد لله مفيش باستثناء مره من شهر العربيه سخنت وجابت جوان وش سلندر

انا معاك ان العربيه صوتها مزعج بس على رأى المثل على اد لحافك مد رجليك


تقدر تسقط 132 1600 سى سى 2كامه و 2000 سى سى
بولونيز 1500 سى سى و 1600 سى سى كربيراتير و 1600 سى سى انجكشن ودا قليل

افضل موتور على الإطلاق موتور بولونيز 1600 2 كامه 16 v وده بيطلع هو باور 150 تقريبا صناعته تقريبا من 97 ل 2002 ودا مش هتلاقيه كتير الا فإنصاص الشكل الجديد والموديلات العاليه

ولو عقدتك الصوت ركب موتور بولونيز كاتينه كاوتش موديل فوق ال 90 ودا مغرق السوق

الاخ الكريم كريكا لك منى جزيل التحية على حسن اخلاقك والتى تعودتها دائما من الفيوميين اللطفاء ( اقوم بزيارة بحيرة قارون بالصيف كثيرا للترفيه )
ولك مني التحيه كذلك على سعه صدرك لي
انا كان معايا ريجاتا 86 عربية كانت حالتها سيئة كنت جايبها بغرض التعليم ليس الا ولكن خلال فترة التعليم اتضح ليا حاجات كتير
منها ان انا لما اجيب عربية تانية احط فى بالي شوية حاجات
* توافر قطع الغيار ورخصها --- ودة محققه فى البولونيز
* اشتراك العربية وعفشتها مع عربية تانية مما تيح فرصة اكبر للوصول لقطع غيار رخيصة -- وده متحقق فى البولونيز ايضا باشتراكها مع فيات 125 فى الماتور
* قوة الماتور ودة الى قلقني بصراحة لانى بسافر كتير من مصر للاسكندرية ومن مصر لبني سويف وهكذا والريجاتا السابقة ماتورها خف معايا من كتر المشاوير والسفر فخايف دة يحصل فى ماتور البولونيز من تاني ( فهمت تخوفي من ايه )
* اعاده البيع : لما جيت ابيع الريجاتا لقيت ناس كتير بتتهافت على شان تشتريها فى حين انى اشك انى اعرف ابيع البلولونيز لو جبتها.
* اهم شئ بعد الماتور عندي --- العفشة لانى قرفت من المطبات والحفر واحساسي بيهم مشكلة نفسي محسش بالمطبات والحفر فهل دة موجود مع عفشه البولونيز ؟؟
.... بالنسبة لشكل يمكن يتعالج انا شفت اشكال عربيات معمولها بودي كات روعه وبولونيز
ودة صور الى بفكر اعمل زيها

بص معايا الاكصدامات عريضة وواخده نفس لون الدهان ودة الى بفكر فيه وعلى فكرة العربية المعروضة عليا نفس اللون بس اغمق شوية
بفكر عاوز اعمل فوانيس عريضة زي دة بدل المدورة بس مش عارف اعمل ايه الصراحة ؟
خايف اجيب البولونيز ومعرفش اعمل فيها حاجة زي الى فى الصورة فاهمني
افتيني يا كاريكا ؟

[kreka]

الاخ الكريم كريكا لك منى جزيل التحية على حسن اخلاقك والتى تعودتها دائما من الفيوميين اللطفاء ( اقوم بزيارة بحيرة قارون بالصيف كثيرا للترفيه )
ولك مني التحيه كذلك على سعه صدرك لي
انا كان معايا ريجاتا 86 عربية كانت حالتها سيئة كنت جايبها بغرض التعليم ليس الا ولكن خلال فترة التعليم اتضح ليا حاجات كتير
منها ان انا لما اجيب عربية تانية احط فى بالي شوية حاجات
* توافر قطع الغيار ورخصها --- ودة محققه فى البولونيز
* اشتراك العربية وعفشتها مع عربية تانية مما تيح فرصة اكبر للوصول لقطع غيار رخيصة -- وده متحقق فى البولونيز ايضا باشتراكها مع فيات 125 فى الماتور
* قوة الماتور ودة الى قلقني بصراحة لانى بسافر كتير من مصر للاسكندرية ومن مصر لبني سويف وهكذا والريجاتا السابقة ماتورها خف معايا من كتر المشاوير والسفر فخايف دة يحصل فى ماتور البولونيز من تاني ( فهمت تخوفي من ايه )
* اعاده البيع : لما جيت ابيع الريجاتا لقيت ناس كتير بتتهافت على شان تشتريها فى حين انى اشك انى اعرف ابيع البلولونيز لو جبتها.
* اهم شئ بعد الماتور عندي --- العفشة لانى قرفت من المطبات والحفر واحساسي بيهم مشكلة نفسي محسش بالمطبات والحفر فهل دة موجود مع عفشه البولونيز ؟؟
.... بالنسبة لشكل يمكن يتعالج انا شفت اشكال عربيات معمولها بودي كات روعه وبولونيز
ودة صور الى بفكر اعمل زيها

بص معايا الاكصدامات عريضة وواخده نفس لون الدهان ودة الى بفكر فيه وعلى فكرة العربية المعروضة عليا نفس اللون بس اغمق شوية
بفكر عاوز اعمل فوانيس عريضة زي دة بدل المدورة بس مش عارف اعمل ايه الصراحة ؟
خايف اجيب البولونيز ومعرفش اعمل فيها حاجة زي الى فى الصورة فاهمني
افتيني يا كاريكا ؟

الله يخليك والفيوم تنور بيك فأى وقت
بالنسبه للمطبات والحفر اكيد هتحس بيها اولا عربيه قديمه ثانيا عفشتها الخلفيه ناشفه لأنها على سوست ورق لكن لو مش هتجرى مش هتحس بالمطبات والحفر لو العفشه مظبوطه
العفشه بتاعتها نفس عفشه ال 132 .. والعربيه قطع غيارها مرميه فكل حته
موضوع الموتور .. اهم حاجه الكشف على الزيت وتغييره بإستمرار ومراقبه عداد الحراره والسواقه الجيده وبلاش السواقه الرياضيه ( لو اهتميت بالنقط دى اى عربيه موتورها معاك هيكون زى الفل )

الصوره اللى حضرتك جايبها دى صوره للبولونيز موديلات اعلى من 91 ودا الشكل الاستوك اللى بينزل من المصنع مش كيت
ودا سهل انك تعمله بتفك الرفرفين والكبوت والشنب والستاره وبتبدلهم بالشكل دا ونفس الشئ وورا (لكن انا محبزش الموضوع دا لأنه ممكن يقلل من تمن العربيه وبالنسبه للربع الخلفى بيركب لحام فأنا محبزش القطع واللحام ) لكن الأرباع دى مرميه فكل حته فعزبه شلبى ورخيصه يعنى ربع قدام تقريبا بحوالى 600 ونفس الشئ ورا دا غير انك لو هتبيع القديم هتلاقى الفرق 200 جنيه مثلا

لو معاك ريجاتا ظبطها احسن .... لو موتورها تعبان سقطلها مكنه وظبط العفشه وآلات الجر وفرش نضيف من جوه مع شويه اكسسوارات من جوه


هديك نصيحتى انا مش عاجبنى شكل البولونيز بس انا واحد من الناس ميهمنيش الشكل أد راحه البال
انا احب العربيه موتورها وعفشتها تمام بعدها العربيه من جوه تكون نضيفه ومريحه (انا راكب جوه مليش دعوى باللى بره غير انها تكون نضيفه )

شوف انا واخد العربيه من والدى فآخر شهر واحد اللى فات ... اول مخدتها بدأت التظبيط الصح .. سبتنى من هجص الصنايعيه ركبت عفشه كامله ألمانى وكان فى خبطه فالرفرف واحد الله يسامحه خبطهالى وهى مركونه عملتها ورشتها والموتور مكنش فيه حاجه دخلت على جوه جبت كاسيت وشويه اكسسوارات جوه لذيذه تحسسنى انى راكب عربيه + كل اسبوعين العربيه تروح المغسله وبعد كل مشوار أغطيها ... باقى ان شاء الله بعد رمضان هركب فرش للعربيه وتكون آخر حاجه والعربيه بقت ألف الألف

عايز اوصلك ان اهم حاجه نضافه العربيه وتكون انت قابلها .... يعنى لو كاره البولونيز بلاش تجبها وشوف اللى يريحك وجيبه


اى حاجه انا فالخدمه