::: البولونيز المظلومة :::

[Zika9909]

لامواخذة يازيكا اصل اسمك انت وكاريكا قريب من بعض واصلا مافيش الا انتم الاثنين اللى مشغلين المنتدى بالنسبة للعربية مابشمش بنزين الصبح وهشوف موضوع التاكيهات ممكن يكون العيب منه ومافيش حد بيركب العربية غيرى

ابدأ الأول بنضافة الكربراتير و تغيير طقم الكهرباء كله (أبلاتين و كوندنسر و بوجيهات)
يستحسن تنضف الكربراتير بنفسك و ماتخليش حد يفكه
هتجيب منظف كربراتير من عند أي حد بتاع قطع غيار
أقل حاجة بـ 15 جنيه تقريبًا
دور العربية و سخنها و رش جوه الكربراتير و زود بنزين جامد عشان العربية ماتطفيش و لو طفت دورها تاني
افضل رش و زود بنزين لغاية ماتحس إن الكربراتير نضف
روح في ساعتها غير طقم الكهرباء عند أي ميكانيكي.

طقم الدبرياج عليه عامل كبير بردو.

ضبط التاكيهات زي ماقولت لك قبل كده.


إن شاء الله المشكلة تتحل معاك بسرعة من غير تكاليف.

[Zika9909]

يا زيكا انا شفت انهرده سينسو حكايه .... فيه واحد بيقلك المسافه وراك غير الشاشه

اه حاجه بالنسبه للاستهلاك ... انا بعمل حوالى 140 ل 150 فالصفيحه جوه البلد و 190 على السفر

كويس و الله
مين بيبيعه؟
و ده عامل كام؟ و تكلفة تركيبه هتكون كام تقريبًا؟

[kreka]

أولاً:
أنا ماقولتش إني هشد العربية خالص
كاريكا هو إللي كان ناوي يشدها
و بعدين إحنا مش عارفين ظروفه إيه
وقت مايخلص أكيد هيرفع الصور

ثانيًا:
مقاسات البيكات هي 115/125
بس مش متأكد من المعلومة دي

على فكرة، لو أنت بتحسب استهلاك العربية في الزحمة هتلاقي الاستهلاك جبااااااااار فوق ما تتخيل و ممكن تكون العربية سليمة و أنت متوهم إن في مشكلة.

طب و أنت رايح تدور العربية الصبح و هي باردة بتشم ريحة بنزين؟؟ ممكن تكون العربية بتسرب بنزين من التانك أو الخراطيم أو يكون غطاء التانك مش مقفول كويس.

اضبط التاكيهات بردو لأنها بتزود استهلاك البنزين لكن مش بالصورة إللي أنت بتقولها دي.
اضبط كهرباء العربية كمان و احسب الاستهلاك تاني و شوف النتيجة إيه.

حد بيسوق العربية غيرك حتى لو مشاوير صغيرة؟؟

انت يا عم زيكا انت هتمثل ........ انا مش وريتك الصور

مش باقى غير الباركينج سينسور والازاز الكهربا

[mhasen57]

حبيبى عشاق البلونيز
بالمناسبه الكلام عن البنزين انا معايا 1500 موديل87 بتستهلك من 160 الى 180 جوه البلد مجربتش فى السفر وبمون 80

[Zika9909]

انت يا عم زيكا انت هتمثل ........ انا مش وريتك الصور

مش باقى غير الباركينج سينسور والازاز الكهربا

مش بمثل و لا حاجة
طالما أنت مارفعتش الصور هنا يبقى أنت أكيد لسه عايز تكمل شغل

عمومًا
إحنا منتظرين تكمل شغل و ترفع لنا الصور.

[Zika9909]

إيه يا جماعة؟
الناس نامت ليه؟؟!!

استهلاك البنزين اتظبط معاك و لا لسه يا صبري؟؟


أنا غيرت سلك الدبرياج
السلك كان وصل لمرحلة إني لو واقف بره العربية و دست دبرياج العربية تتحرك و الدواسة تفضل في مكانها ماتتحركش
السلك جديد بـ30 جنيه
أنا عملته عمولة بـ20 جنيه
و الحمد لله الدواسة بقت ناعمة جدًا
لدرجة إني بقيت مش عارف أسوق العربية كويس :d

اصحوا كده شوية

[elhelaly]

السلك جديد بـ30 جنيه
أنا عملته عمولة بـ20 جنيه
اصحوا كده شوية

يعنى ايه عملته عمولة ؟
أصل انا عاوز اشترى واحد
--

نصحى ازاي فى الساقعة اللى احنا فيها الواحد مقفز وهو قاعد على الجهاز

[Zika9909]

يعنى ايه عملته عمولة ؟
أصل انا عاوز اشترى واحد
في ورش بتدي لهم السلك القديم
و بيفكوه و يحطوا سلك جديد مكان القديم بنفس الطول
خللي بالك
بيغيروا السلك بس مش المسمارين إللي في الطرفين


--

نصحى ازاي فى الساقعة اللى احنا فيها الواحد مقفز وهو قاعد على الجهاز

أنا بقول نصحى مش نسخن

[HishamElgazzar]

السلام عليكم جميعا أه أخباركم
البولونيز بتعتى بقت بتاكل بنزين بشكل غبى
روحت فاكك الكربراتير ومنظفه وفكيت كل البكات ونظفتها وبالإسبراى
أبلتين وكوندينسر وطقم بوجيهات العربية بقت سالكة بس لسه بتاكل بنزين
فيه صوت تنقير تحت غطا التاكيهات مش زى زمان كانت أهدى من كده هبقى أظبط التاكيهات و أقولكوا اه الأخبار قريب

دمتم بود

[sabry7]

السلام عليكم ازيك يازيكا والله انا مفول العربية وراكنها لحد مالاقى مشوار طويل ويكون يوم رايق علشان اقدر اضبط الاستهلاك بالضبط يعنى امشى فى الطوالى وارجع امون من نفس البنزينة واشوف خدت كام لتر وعملت كام كيلو واذا لاقيتها لسه مخرفة هوديها لمتخصص كربيراتير وربنا يسهل واذا لاقيته مضبوط هشوف التاكيهات لانى لسه مغير طقم الكهرباء وضابطها عند الميكانيكى

[pupil]

السلام عليكم. دى اول مشاركة لى فى هذا المنتدى بعد متابعة له استمرت شهور ولى كذا سؤال بعد اذنكم.
1- هل يمكن ان تمون البلونيز ب بنزين 80 باستمرار ام يؤدى ذلك الى مشاكل بالموتور؟
2- هل هى سيارة مريحة عائليا بمعنى ان يجلس الافراد على الكنبة الخلفية ومشاكل مع كل مطب بسبب وجود عفشة سوست ربع نقل؟
3-ما النصائح عند معاينة سيارة معروضة للبيع؟(آخد بالى من ايه اكثر من غيره ) وما رأيكم فى سيارة مدهونة حديثا ؟
أسف على الاطالة وتقبلوا تحياتى

[Zika9909]

السلام عليكم جميعا أه أخباركم
البولونيز بتعتى بقت بتاكل بنزين بشكل غبى
روحت فاكك الكربراتير ومنظفه وفكيت كل البكات ونظفتها وبالإسبراى
أبلتين وكوندينسر وطقم بوجيهات العربية بقت سالكة بس لسه بتاكل بنزين
فيه صوت تنقير تحت غطا التاكيهات مش زى زمان كانت أهدى من كده هبقى أظبط التاكيهات و أقولكوا اه الأخبار قريب

دمتم بود

ياريت يا أ/هشام لما توصل لحل تقول لنا لأن واضح إنها بقت مشكلة عامة.
بس أنا عندي سؤال:
هو الاستهلاك كان كام و بقى كام؟؟

السلام عليكم ازيك يازيكا والله انا مفول العربية وراكنها لحد مالاقى مشوار طويل ويكون يوم رايق علشان اقدر اضبط الاستهلاك بالضبط يعنى امشى فى الطوالى وارجع امون من نفس البنزينة واشوف خدت كام لتر وعملت كام كيلو واذا لاقيتها لسه مخرفة هوديها لمتخصص كربيراتير وربنا يسهل واذا لاقيته مضبوط هشوف التاكيهات لانى لسه مغير طقم الكهرباء وضابطها عند الميكانيكى

بالتوفيق يا صبري

السلام عليكم. دى اول مشاركة لى فى هذا المنتدى بعد متابعة له استمرت شهور ولى كذا سؤال بعد اذنكم.
1- هل يمكن ان تمون البلونيز ب بنزين 80 باستمرار ام يؤدى ذلك الى مشاكل بالموتور؟
2- هل هى سيارة مريحة عائليا بمعنى ان يجلس الافراد على الكنبة الخلفية ومشاكل مع كل مطب بسبب وجود عفشة سوست ربع نقل؟
3-ما النصائح عند معاينة سيارة معروضة للبيع؟(آخد بالى من ايه اكثر من غيره ) وما رأيكم فى سيارة مدهونة حديثا ؟
أسف على الاطالة وتقبلوا تحياتى

هجاوبك على أسئلتك سؤال سؤال
1-
أيوه ممكن تمونها بنزين 80 باستمرار بدون مشاكل لو البنزين نضيف و مافيهوش شوائب تضر الكربراتير و الموتور، لكن إللي بيحصل إن أغلب المحطات إللي فيها بنزين 80 بتكون مش نضيفة و لا بتهتم بنضافة الخزانات. حاول تشوف بنزينة نضيفة تمون منها.
أكيد بنزين 90 و 92 هيخلوا العربية سحبها أحسن بكتير من الـ80 و هيحسن الاستهلاك شوية.

2-
هي سيارة عائلية، الكنبة بتشيل 3 أفراد مستريحين أو 4 محشورين غير الكرسي إللي جنب السائق و السائق ذات نفسه، فشوف أنت ظروفك إيه من حيث عدد و حجم الأفراد إللي أنت ناوي تشيلهم في العربية.
بالنسبة للعفشة هي مش ناشفة زي ما أنت متخيل، عفشة نص النقل أنشف بكتير من البولونيز، لكن في نفس الوقت مش ناعمة زي العربيات الجديدة. بردو شوف العفشة دي تناسبك و لا لأ.

3-
أهم حاجة في أي عربية تشتريها إن حالتها تكون كويسة، لو العربية مطحونة ماتخدهاش لأنها هتخليك زبون دائم عند الميكانيكي مهما كان نوع العربية.
طبعًا العربية لازم على الأقل تكون:
فابريكة دواخل
الموتور سليم مش مفوت و لا خفيف حتى
الكهرباء مظبوطة
الفرش حالته معقولة و مش مهري و متقطع
العدادات سليمة و قراياتها مظبوطة
العزل إللي في صدر العربية موجود و إللي موجود تحت غطا الكبود موجود بردو
مافيش دخنة سوداء أو بيضاء من الشكمان بأي حال من الأحوال (الدخنة البيضاء أخطر من السوداء)
و يستحسن بردو تاخد معاك ميكانيكي ثقة لأنهم بيبقى لهم نظرة في العربية غير أي حد تاني.

لو العربية بقى لسه مدهونة حديثًا يبقى العربية دي ضايعة ضايعة ضايعة و صاحبها ظبطها أي حاجة و دهنها عشان يديها مظهر رائع جذاب يسهّل بيعها، أنصحك تبعد عنها بالذات لو كانت بتوكيل مش من المالك.

[Zika9909]

صحيح
ماتجيبش حاجة أقل من موديل 1987 لأن قبل الموديل ده البولونيز كانت 4 سرعات بس لكن ابتداءً من 87 بقت 5 سرعات و ده بيريح الموتور أكتر و بيفرق في السحب شوية
الموديلات كلها 1500 سي سي ماعدا موديل 1991 1600 سي سي، بس الفرق يكاد لا يُذكر
اتأكد إن الكورونة مافيهاش ونة و الفتيس بردو
اتأكد إن الطابلوة مش مخلوع من مكانه
اتأكد إن العفشة سليمة
اتأكد إن أربع فرد الكاوتش سُلام مش ممسوحين و لا لسه جُداد، لو ممسوحين اخصم تمنهم من سعر العربية و هات جديد، و لو جُداد يبقى العربية فيها مشكلة و بيغير الكاوتش عشان يداري العيب ده

بالتوفيق، و ابقى طمنا عملت إيه.

[sabry7]

السلام عليكم ورحمة الله وبركاته ...... نصيحة لكل بولونيزى ولكل من يقراء هذة المداخلة لاتشترى بطارية كلورايد لانهم عام ماعندهومش ضمير انا لسه مشترى بطاريه من 6 اشهر ورحت امبارح لقيتها نايمة على الاخر وبعدين جبت الكهربائى وعملت وصلة ومشيت بيها مسافة جامدة مادرتش الا زق رحت التو كيل فى شارع احمد حلمى قالى البطارية فيها ربع ضارب قلتله ازاى ده لسه جديدة قالى عليك وعل المصنع فى ابو رواش دى مشكلتهم هما قلت له ازى قالى مافيش حل تانى غير انك تاخد بطارية من عندنا وتدفع فرق استخدام قلت ماشى هيقولى 50 او ستين جنية لقيت بيقولى 222 جنيى قلتله ماينفعش 220 قالى ماشى وهندفع احنا 2 جنية وخليها علينا والنصيبة هيدونى بطارية تبع كلورايد يعنى مش كلورايد اسمها جى بى او بى جى حاجة زى كدة قلت حسبى الله ونعم الوكيل ومشيت لانى ماكنش معايا فلوس ورحت اديتها لواحد عندنا فى الزاوية وسئل فى الشركة قلوله نفس السعر خدتها وامرى لله مع وعد بالدفع كمان يومين لانه معرفة خلو باكم من نفسكم

[pupil]

متشكر قوى يا استاذ zika على الرد وعلى هذة النصائح الشاملة