::: البولونيز المظلومة :::

[Zika9909]

غالبًا بدأ يخف فعلاً
لو عايز تعرف الموتور خفيف و لا لأ شوف خرطوم الفايظ
زود بنزين
لو نفخ هواء أو دخنة يبقى الموتور بدأ يخف فعلاً.

[Zika9909]

اللى انت مشاور علية ددى الشبكة بتاعة الفوانيس لكن الشنب ده الحتة اللى بين الكبوت وجسم العربية فى موديلات 89 وانت نازل

أنا مش فاهم أنت قصدك أنهي جزء بالضبط !!
أنا إللي أعرفه إن الشنب هو الجزء إللي هلالي مشاور عليه.

[sabry7]

انا رحت امبارح عملت صيانة للكربيراتير عند واحد بتاع كاربيرتير امبارح وخد منى 40 ج فكة وغسله بالجاز وبعدين ركبة وهو قالى انا غيرتلك البيكات بس مادنيش البيكات اللى كانت فيها مع انى لسة شاريها ب20 جنيةمستوردة واتحرجت اقولة هاتهم وسمعت ان الصيانة اصلا فى كل حتة ب30ج مش عارف هو ضحك عليا ولا لاء وبعدين هو قالى انا مكتفلك العربية سنة علشان ماتكلش بنزين وركبتلك بيكات اقل سنة من اللى فيها وبع مامشيت بالعربية حسيت انها بتاخد وقت على مابتشد بس ماعرفتش اجربها فى السرعة العليا علشان الشوارع زحمة مش عارف تكتيفة العربية او خنقها ده صح ولا غلط وهل ليها اثر على الموتور..... وفى حاجة تانية نسيت اقول عليهأ رحت لنفس الراجل قبليها بيوم وشاف الكربيراتير قالى مافيهوش حاجة وفك البوجيهات وقالى البوجيهات مرطبة وخلانى جبت بوجيهات مصرية اسمها حسن حمدى ب15ج وقالى دى احسن بوجيهات موجودة وانا كنت مركب كى ان جى يابانى سمعت كلامه وغيرت بس ماصبرتش واعت العب فى العربية شوية فبرجلت منى علشان كدة رحتلة تانى يوم على طول وقلت اعمل صيانة علشان انا لعبت فى الهوا فى الكهربا علشان كدة رحتلة ادونى رايكم فى اللى حصل وفى تكتيفة العربية غلط على الموتور ولا لاء وبتمنع اكل البنزين ولا لا

[Zika9909]

طالما صغر البيكات يبقى هتحس إن العربية متكتفة طبعًا لأن البنزين إللي داخل بقى أقل من الأول، و الاستهلاك هيتحسن طبعًا.
كان لازم تاخد البيكات القديمة طبعًا، حتى لو حبيت تركبهم تاني تلاقيهم، و هو كده ممكن يبيعهم لواحد تاني.
ماعنديش فكرة 40 جنيه مصنعية دي كتيرة و لا لأ.
طالما لعبت في الهواء و الكهرباء يبقى كان المفروض تروح لميكانيكي يظبطهم.

[sabry7]

السلام عليكم ورحمة الله وبركاته ....انا سمعت كلامك يازيكا ورحت للميكانيكى وركبت نفس مقاس البيكات بس القدام اللى كانو فيها من الاول وضبطلى الكهربا والهوا وبسم الله ماشاء الله بقت على الشعرة ونسيت اقول انى غيرت البوجيهات وركبت القديم اليبانى بعد ماحطيتها على النار شوية علشان الرطوبة لان المصرى طلعت مش كويسة

[elhelaly]

رحت امبارح غيرت سلك دبرياج وسلك اكسلتير وغيرت الرداخ أو ترمبة البنزين لانها كانت بتجيب بنزين وغيرت سير الدينامو حساب الحاجات دى عمل 152 جنيه
ورحت للميكانيكى ركب لى الحاجات دى وظبط لى التاكيهات واخد 60 جنيه

[elhelaly]

ومحتاج اشترى كاربراتير جديد , كنت عاوز اعرف متوسط سعره كام ومنين ؟
وجزاكم الله خيرا

[sabry7]

هو فيه واح فى الزاوية الحمراء عندنا اسمة ابو العينين كنت سالت عند قالى عندى البولندى الاصلى ب700جنية قلتله هو لسه فيه منه جديد قالى هو من ساعة مالعربية كانت موجودة فى السوق وهو موجود والسحب على الكربيراتير بيبقى قليل فهو موجود من سعتها

[sabry7]

واسال بردة فى التوفيقية وشارع زكى بين رمسيس والتحرير هما الاصل هناك

[elhelaly]

بوووووركت أخى صبرى ان شاء الله هنزل التوفيقة قريبا وهبلغكم بالجديد

[elhelaly]

كيف حالكم ياشباب

كنت امبارح فى التوفيقية واشتريت شوية اكسسوارات حلوة

جبت كسوة جلد 150 جنيه
وكاسيت 150 جنيه فيه راديو - وميمورى ويو إس بى وخرج لشاشة عرض
وسماعتين ب 70 جنيه
وفرش على التابلوه ب 15 جنيه


وعاوز أسأل الأخ رمضان لأنه قال انه اشترى مرايات البلونيز بتاع بلدها

سلامى الى اخوانى بالمنتدى بالنسبة لمرايات بولونيز البولندى انا مركبهم عندى من حوالى سنة وبيتباعة فى سوق التوفيقيةالمرايتين ب70 جنية الاصلى بتاع بلادها وهذا للعلم وشكرا

تقريبا وبدون مبالغة لفيت التوفيقية مرتين أو 3 كله بيقول بتوع الشاهين بيركبوا عليها فهل فعلا انت مركب بتوع البلونيز لا هم بتوع شاهين ونوعهم كويس فركبين معاك كويسين

ورجاء حار اسم المحل ايه عشان انا مشيت على الوصف اللى انت كتبته وموصلتش لحاجه

وان شاء الله كل م اعمل جديد أبلغكم

[Zika9909]

كيف حالكم ياشباب

كنت امبارح فى التوفيقية واشتريت شوية اكسسوارات حلوة

جبت كسوة جلد 150 جنيه
وكاسيت 150 جنيه فيه راديو - وميمورى ويو إس بى وخرج لشاشة عرض
وسماعتين ب 70 جنيه
وفرش على التابلوه ب 15 جنيه


وعاوز أسأل الأخ رمضان لأنه قال انه اشترى مرايات البلونيز بتاع بلدها


تقريبا وبدون مبالغة لفيت التوفيقية مرتين أو 3 كله بيقول بتوع الشاهين بيركبوا عليها فهل فعلا انت مركب بتوع البلونيز لا هم بتوع شاهين ونوعهم كويس فركبين معاك كويسين

ورجاء حار اسم المحل ايه عشان انا مشيت على الوصف اللى انت كتبته وموصلتش لحاجه

وان شاء الله كل م اعمل جديد أبلغكم

بالنسبة للمرايات:
أنا جيبت مرايات الشاهين الأصلية من محل قطع غيار جنبي بـ100 جنيه المرايتين
و ياريت تخليه هو إللي يركبهم لأن أنا طلع عيني و أنا بركبهم لأن كان في اختلافات في المقاسات
لكن الحمد لله عرفت أركبهم و شغالين معايا تمام و ثابتين كويس.

بالنسبة للكسوة الجلد و فرش الطابلوه:
أنت جيبتهم منين في التوفيقية؟
و هل في حاجات مخصوص للبولونيز و لا باخد بالمتر و أروح افصلهم عند سروجي؟

[sabry7]

السلام عليكم ورحمة الله وبركاته
ايه ياخ هلالى مسالتش على الكربيراتير لية مش قلت اول ماتنزل التوفيقية هتسال علية وركب مرايات الشاهين هى حلوة وانا مركبها هى بس بتغلب شوية على ماتركبها وهات الاسود الكاتم منها وماتجبش الاسود الجربان وهتلقيهم فى التوفيقية على الفرش اللى فى الشارع وسعر الاولى 70 ج و التانية 60 ج المرايتين طبعا وماتدفعش ازيد من كدة وزيكا جبهم ب100ج لانه اكيد جبهم من عنده لان المحلات بره السوق فى المناطق المختلفة زى الزاوية وزى المحافظات بيبعوها غالية يعنى مثلا انا جبت كشافات الشبورة من التوفيقة ب55ج وكانت عندنا فى الزاوية ب80 ج

[elhelaly]

بالنسبة للمرايات:
أنا جيبت مرايات الشاهين الأصلية من محل قطع غيار جنبي بـ100 جنيه المرايتين
و ياريت تخليه هو إللي يركبهم لأن أنا طلع عيني و أنا بركبهم لأن كان في اختلافات في المقاسات
لكن الحمد لله عرفت أركبهم و شغالين معايا تمام و ثابتين كويس.

بالنسبة للكسوة الجلد و فرش الطابلوه:
أنت جيبتهم منين في التوفيقية؟
و هل في حاجات مخصوص للبولونيز و لا باخد بالمتر و أروح افصلهم عند سروجي؟

تسلم يازيكا ياغالى على النصيحة
انا جبت مرايات شاهين عادية ان شاء الله هركبها واقولكم

بالنسبة للكسوة صعب افتكر اسم المحل لكنه المحل فارش بره وهتلاقى عنده كسوات كتير فوق وتحت وهتدوخ من كتر الاشكال والألوان
وبالنسبة للمقاس انا سألته وقلتله ان انا هاخد الكسوة لعربية بلونيز فحدد لى صف كده اختار منه وكده كده برده لازم تروح لسروجى يركبهم لك عشان فيه حاجات بتحتاج تقفيل

[elhelaly]

السلام عليكم ورحمة الله وبركاته
ايه ياخ هلالى مسالتش على الكربيراتير لية مش قلت اول ماتنزل التوفيقية هتسال علية وركب مرايات الشاهين هى حلوة وانا مركبها هى بس بتغلب شوية على ماتركبها وهات الاسود الكاتم منها وماتجبش الاسود الجربان وهتلقيهم فى التوفيقية على الفرش اللى فى الشارع وسعر الاولى 70 ج و التانية 60 ج المرايتين طبعا وماتدفعش ازيد من كدة وزيكا جبهم ب100ج لانه اكيد جبهم من عنده لان المحلات بره السوق فى المناطق المختلفة زى الزاوية وزى المحافظات بيبعوها غالية يعنى مثلا انا جبت كشافات الشبورة من التوفيقة ب55ج وكانت عندنا فى الزاوية ب80 ج

الفلووووووس
مفيش فلوس للكاربراتير الشهر ده ان شاء الله الشهر جاي حاجه حاجه