::: البولونيز المظلومة :::

[kreka]

السلام عليكم ورحمة الله وبركاته اخى الكريم انا اقصد لما تشد الفرامل والعربية وقفة ومجرد ماترفعها وتحس انها تقيلة معنى كدة انها مترجلشة علشان الفرامل العادية تبفى على الشعرة وبما ان التيل الموجود كلة وحش لما بيسخن بيخلى التمبورة تحك وتزيق وتسخن العجل الخلفى وده غلط

مفهمتش حاجه

بس انا عندى الطنابير والتيل جداد ... والهاند عندى تقيل فشخ

تقصد ايه بمترجلشه دى ؟؟ وايه الحل يعنى
اه انا جبت سلك اكسراتير ب 35 جنيه والدواسه بقت خفيفه اوى

[sabry7]

بص ياكاريكا الرجلشة دى يعنى بيقرب التيل من الطمبورة على قد مايقدر علشان فرامل اليد تبقى شديدة والفرامل تبقى على الشعرة ونظرا لان التيل الموجود فى السوق وحش لما بتضرب فرامل كذا مرة وانت ماشى التيل بيسخن وساعات بيقفش على خفيف فى الطمبورة فيعمل احتكاك ومقاومة فى المشى ويسخن الطمبورة والعجل والتيل يتاكل بسرعة

[Zika9909]

أولاً كل سنة و أنتو طيبين
ثانيًا
و أنا بدرو على اليوتيوب لاقيت فيديو فيه شوية لقطات من مصنع FSO و كانوا بيجمعوا البولونيز و الـ125 البولندي
Assembling Polonez & 125p - YouTube

[Zika9909]

إيه يا جماعة
الفيديو ماعجبكوش و لا إيه؟

[kreka]

وانا مالى ومال تصنيع العربيه .............. ربى عيالك يا زيكا

انا هعمل عمره بعد العيد ...... من الاخر هيطلع عين اهلى

[sabry7]

السلامةعليكم ورحمة الله وبركاته المنتدى نام ليه ياجماعة عاوز حد يشوفلى المشكلة دى لما بمشى بالعربية شوية وبعد مدة مروحة الردياتير تشتغل فى ميعدها المظبوط لما الحرارة تيجى على التسعين لكن بعد كدة مبتبطلش حتى لو ماشى على اىسرعة ماشى على 60 او 80 او حتى مية باليل او بالنهار على الطريق السريع وهو فاضى والهوا شديد مافيش فايدة ياريت حد يقولى الاسباب والمية ساعات يتنقص ممكن فى مشوار صغير فى الزحمة تنقص حوالى لتر مياة وممكن فى مشوار طويل سالك تنقص نفس الكمية ارجو سرعة الرد

[Zika9909]

كده غالبًا الردياتير مخروم من فوق شوية بحيث لما مستوى المياه يقل عن مكان التسريب بيتوقف التسريب
سؤال: هي العربية بيتقطّع و تنتش لما تدورها أول مرة الصبح و تقعد تطلع عينك على ما تمشي عدل و لا بتبقى كويسة من الأول؟

بالنسبة للمروحة: هي مش بتطفي خالص حتى بعد ما تطفي العربية؟؟

[sabry7]

السلام عليكم كل سنة وانت طيب يازيكا العربية بتمشى كويس بعد ماسخنها كويس لكن بردة للعلم بالشى لو العربية بتعمل زى ما انت بتقول يبقى فيها اية ثانيا المروحة بتطفى بعد ماببطل العربية من دقيقة الى دقيقتين على الاكثر ولك جزيا الشكر على الرد

[sabry7]

السلام عليكم كل سنة وانت طيب يازيكا العربية بتمشى كويس بعد ماسخنها كويس لكن بردة للعلم بالشى لو العربية بتعمل زى ما انت بتقول يبقى فيها اية ثانيا المروحة بتطفى بعد ماببطل العربية من دقيقة الى دقيقتين على الاكثر ولك جزيا الشكر على الرد

[sabry7]

السلام عليكم كل سنة وانت طيب يازيكا العربية بتمشى كويس بعد ماسخنها كويس لكن بردة للعلم بالشى لو العربية بتعمل زى ما انت بتقول يبقى فيها اية ثانيا المروحة بتطفى بعد ماببطل العربية من دقيقة الى دقيقتين على الاكثر ولك جزيا الشكر على الرد

كده غالبًا الردياتير مخروم من فوق شوية بحيث لما مستوى المياه يقل عن مكان التسريب بيتوقف التسريب
سؤال: هي العربية بيتقطّع و تنتش لما تدورها أول مرة الصبح و تقعد تطلع عينك على ما تمشي عدل و لا بتبقى كويسة من الأول؟

بالنسبة للمروحة: هي مش بتطفي خالص حتى بعد ما تطفي العربية؟؟

[Zika9909]

لو العربية بتقطع منك في أول الدوارة لدرجة إنك ماتعرفش تتحرك بيها إلا لما تسخن ده معناه إن جوان وش السلندر بدأ يجيب آخره لأنه بيعدي مياه قليلة للسلندرات فالعربية تقطع، يا إما وش السلندر ذات نفسه الصدأ بهدله و بدأ يعدي مياه للسلندرات و ده بيسبب نقص حاد في مياه الردياتير بدون سبب واضح (زي مثلاً الردياتير مخروم و بينقط مياه بوضوح أو طلمبة المياه بتنقط أو أو أو أو)
لو العربية بتدور كويس و تقدر تطلع بيها بعد دقيقة من التشغيل يبقى الوش سليم و الجوان سليم
طبعًا علشان المياه في الردياتير بتنقص أوي يبقى التبريد مش هيبقى تمام و عشان كده المروحة مش بتطفي إلا لما تطفي العربية خالص

إن شاء الله تكون المشكلة بسيطة

[sabry7]

السلام عليكم ورحمة الله وبركاته متشكر على الرد يازيكا وان شاء الله هغير الردياتير ا2ماسورة اللى عندى واجيب واحد 3 ماسورة لان اللى عندى خلاص وفيه استفسار تانى انا بقالى مدة مغيرتش الزيت وبحط اسوو وهو دلوقتى ممكن يكون وصل ا 3000 كيلو لان العداد كان بايظ والزيت منقصش حتى الان بس بحس انه بقى سايل شوية هل ممكن يكون دة سبب ان الحرارة مابتنزلش الا اما اطفى العربية وتنصحنى استعمل زيت موتور ايه فى الصيف واستعمل ايه فى الشتا

[sabry7]

كل سنة وكل اللى فى المنتدى بخير وصحة وسلامة بمناسبة عيد الفطر اعاده الله علينا بالخير جميعا وكل عام وانتم بخير

[Zika9909]

و أنت طيب يا صبري :)

الزيت من العوامل المهمة لتبريد الموتور، بس إللي بيحصل عندك ده مش مشكلة زيت
الزيت لو لاقيته بقى سايل يستحسن تغيره عشان تحافظ على موتورك

أنا عندي الموتور بدأ يخف فبحط زيت التعاون sj بحوالي 80 جنيه بيقعد 3 آلاف كيلو
لو موتورك سليم بلاش زيت التعاون ده خالص، ممكن تحط موبيل أو شل أو أي حاجة نضيفة بشكل عام

[sabry7]

السلام عليكم ورحمة الله وبركاته شكرا على الرد يازيكا وكل سنة وانت طيب ....... انت مش ملاحظ ان المنتدى ماحدش بتكلم فية الا انا وانت رحتم فين ياجماعة فين كاريكا وبقيت الرجالة على العموم كل عام وانتم بخير