::: البولونيز المظلومة :::

[Zika9909]

ياااااااااااااااااااااه 5000 كتير اوى هى دى المكنه ال 16 صباب ؟؟

أنا أول مرة أعرف إن في موتور بولونيز 16 صباب
ماتعرفش موديلاته بدأت من سنة كام؟
و ماتعرفش إزاي ممكن اعرف هل الموتور ده 16 صباب و لا 8 من غير ما أفتح الموتور؟؟

مبلاش يا زيكا لحسن انا خايف على عينك ولا تنام وانت بتقراها :b4_444: لو مصمم انا هحكيهالك بس هي حكايا كبيييييييييية جدا وانت حر
يا سيدي مش لازم القصة كاملة
أنا عايز التفاصيل المهمة
يعني نوع التكييف إيه؟ و بكام؟
ركب فين؟ و السربنتينة ركبت فين؟
عملت فتحات التكييف في التابلوه إزاي؟
تقفيل الصالون مش تمام و بيعدي هواء كتير و ده لأنها مش تكييف أصلاً، اتغلبت على المشكلة دي إزاي؟
.......... إلخ

هو تقريبا يا كاريكا كانت في الحدود ديه بس انا جايب طرمبة بنزين كهربا ياباني واسبراتيرعادي ماليزي جديد وحاجات تاني مش فاكرهم اوي

إزاي عرفت إن الطرمبة الياباني دي مناسبة للبولونيز؟
يعني لا تشرق العربية و لا يكون ضخها ضعيف

مش عارف بصراحة بس تقريبا مش مفصول واحتمال يكون كده فعلا لأن العربية بيكون فيها تعويمة بعد 120

أكيد باور عادي
الباور إللي بيفصل ده باور كهرباء و بيبقى فيه حساس و لازم العربية يكون فيه كمبيوتر بيتحكم في أداء العربية بناء على قارءات الحساسات إللي موجودة في العربية
و طبعًا الكلام ده مش موجود في البولونيز أصلاً

و العربية المفروض ماتعومش و لا على 120 و لا 180 حتى لو فيها باور
عربية والدي الرينو فيها باور عادي و مش بتعوم
احتمال يكون عندك مشكلة في نظام توجيه العربية
أو العفشة
و احتمال تكون مطبات هواء و أنت مش واخد بالك
و لعلمك مطب الهواء ممكن يعوم العربية و بتحصل حوادث كتير بسبب مطبات الهواء دي

ربنا يستر طريقنا جميعًا

السلام عليكم و رحمة الله و بركاته و كل عام و أنتم بخير
و عليكم السلام و رحمة الله و بركاته
و كل سنة و أنت طيب

أولاً: أتمني أنكم تقبلوني عضو جديد في الرابطة لأني و الحمد لله إشتريت سيارة بولونيز 86 قبل العيد بيوم واحد بس.
مبروووووووووووووووووووووووووووووووووووووووووووك
سؤال و من حقك ماتجاوبش: اشتريتها بكام؟

ثانياً: يا ريت مساعدتي في تظبيطها لأنها للأسف من الداخل و الخارج شكلها وحش جداً لأن اللي كانت معاه كان مهمل لدرجة لا توصف.
سمكرة و دوكو و ترجع زي الفل، ده من ناحية الشكل

محتاج أغير التابلوه و الفرش بالكامل و كمان أعتقد إني لو غيرت بطانة الأبواب هتبقي أفضل من الموجود
ده غير السمكرة و الدوكو اللي محتجاه
التابلوه من عزبة شلبي و المفروض ييجي بالعدادات
و لازم تتأكد إن العدادات دي لها نفس الفيش إللي عندك (الميكانيكي قال لي كده بس أنا ماشفتش حاجة بعيني)
ممكن تركب كسوة جلد على الفرش إللي عندك و ده أرخص
إنما لو غيرت الفرش كله على بعضه أكيد هيكون أفضل

و علي فكرة الركبة اليمين مشرخة و محتاجة تتغير .. قبل ما استلمها خليت صاحبي اللي اشتراهالي غير حاجات كتير في العفشة كلفت 600 جنيه .. بس أعتقد إن حكاية الركبة دي هتخليني أغير حاجات تاني في العفشة.
أنا ماتعاملتش مع الركبة قبل كده
بس أكيد لازم تغيرها عندك سمكري محترم عشان مايخربش في زوايا العربية
ده إللي أعرفه

يا ريت تساعدوني في حكاية التابلوه أجيبه منين و بقي بكام دلوقتي .. و يا ريت لو في تليفون .. و هل في جديد منه و لا كله مستعمل .. و برضه بطانة الأبواب.
و عايز نصيحة .. بالنسبة للركبة .. أشتريها و لا أعملها عمولة؟ و هل محتاج أغير الركبتين و لا المشرخة بس؟
المشرخة بس
و ان شاء الله (لو سمحتولي) هارجع اسال علي حاجات كتير عشان عايزة تتظبط صح.
اسأل براحتك خالص إحنا تحت أمرك

شكراً و يشرفني الإنضمام للرابطة (طبعاً ده إذا سمحتولي :))

[se7s_g]

السلام عليكم و رحمة الله و بركاته و كل عام و أنتم بخير
وعليكم السلام ورحمة الله وبركاته ,وانت بخير
أولاً: أتمني أنكم تقبلوني عضو جديد في الرابطة لأني و الحمد لله إشتريت سيارة بولونيز 86 قبل العيد بيوم واحد بس.
الف مبرووووووك وربنا يديك خيرها ويبعد عنك شرها
ثانياً: يا ريت مساعدتي في تظبيطها لأنها للأسف من الداخل و الخارج شكلها وحش جداً لأن اللي كانت معاه كان مهمل لدرجة لا توصف.
محتاج أغير التابلوه و الفرش بالكامل و كمان أعتقد إني لو غيرت بطانة الأبواب هتبقي أفضل من الموجود
ممكن تجيب تابوه بولونيز 2003 بالعدادات بتاعته والفيش من عزبة شلبي زي مابيقول زيكا يعمل في حدود 500 بالكونسول الجديد بس خلي بالك ان عداد الrpm ممكن يكون مش مظبوط اوي وفرش الابواب الجديد برده بس مش عارف سعر فرش الابواب هتلاقي ناس كتير هناك بس المهم انك تفاصل معاهم وموضوع الفيش ده الكهربائي بيظبطلك الاسلاك ويقسمهم زي ما عملت عندي بس المهم يكون كهربائي بيفهم
ده غير السمكرة و الدوكو اللي محتجاه
و علي فكرة الركبة اليمين مشرخة و محتاجة تتغير .. قبل ما استلمها خليت صاحبي اللي اشتراهالي غير حاجات كتير في العفشة كلفت 600 جنيه .. بس أعتقد إن حكاية الركبة دي هتخليني أغير حاجات تاني في العفشة.
بالنسبة للشرخ انا مش عارف بالظبط بس انا كان عندي شرخ في فردة الشاسية الشمال تحت علبة الدريكسيون فكيناها ولحمها وخد 90 جنيه لاكن بالنسبة للعفشة انا اسمع ان ممكن تتعدل ويركبلها عفشة الماني بي ام
يا ريت تساعدوني في حكاية التابلوه أجيبه منين و بقي بكام دلوقتي .. و يا ريت لو في تليفون .. و هل في جديد منه و لا كله مستعمل .. و برضه بطانة الأبواب. كله بيكون استيراد
و عايز نصيحة .. بالنسبة للركبة .. أشتريها و لا أعملها عمولة؟ و هل محتاج أغير الركبتين و لا المشرخة بس؟
و ان شاء الله (لو سمحتولي) هارجع اسال علي حاجات كتير عشان عايزة تتظبط صح.
اسأل احنا تحت امرك
شكراً و يشرفني الإنضمام للرابطة (طبعاً ده إذا سمحتولي :))

بس حاول تصرف صح لو عايز تستريح والاهم ان اللي يشتغل في العربية يكون فااااااهم مش حافظ وربنا يباركلك فيها

[se7s_g]

السلام عليكم و رحمة الله و بركاته و كل عام و أنتم بخير
وعليكم السلام ورحمة الله وبركاته ,وانت بخير
أولاً: أتمني أنكم تقبلوني عضو جديد في الرابطة لأني و الحمد لله إشتريت سيارة بولونيز 86 قبل العيد بيوم واحد بس.
الف مبرووووووك وربنا يديك خيرها ويبعد عنك شرها
ثانياً: يا ريت مساعدتي في تظبيطها لأنها للأسف من الداخل و الخارج شكلها وحش جداً لأن اللي كانت معاه كان مهمل لدرجة لا توصف.
محتاج أغير التابلوه و الفرش بالكامل و كمان أعتقد إني لو غيرت بطانة الأبواب هتبقي أفضل من الموجود
ممكن تجيب تابوه بولونيز 2003 بالعدادات بتاعته والفيش من عزبة شلبي زي مابيقول زيكا يعمل في حدود 500 بالكونسول الجديد بس خلي بالك ان عداد الRPM ممكن يكون مش مظبوط اوي وفرش الابواب الجديد برده بس مش عارف سعر فرش الابواب هتلاقي ناس كتير هناك بس المهم انك تفاصل معاهم وموضوع الفيش ده الكهربائي بيظبطلك الاسلاك ويقسمهم زي ما عملت عندي بس المهم يكون كهربائي بيفهم
ده غير السمكرة و الدوكو اللي محتجاه
و علي فكرة الركبة اليمين مشرخة و محتاجة تتغير .. قبل ما استلمها خليت صاحبي اللي اشتراهالي غير حاجات كتير في العفشة كلفت 600 جنيه .. بس أعتقد إن حكاية الركبة دي هتخليني أغير حاجات تاني في العفشة.
بالنسبة للشرخ انا مش عارف بالظبط بس انا كان عندي شرخ في فردة الشاسية الشمال تحت علبة الدريكسيون فكيناها ولحمها وخد 90 جنيه لاكن بالنسبة للعفشة انا اسمع ان ممكن تتعدل ويركبلها عفشة الماني بي ام
يا ريت تساعدوني في حكاية التابلوه أجيبه منين و بقي بكام دلوقتي .. و يا ريت لو في تليفون .. و هل في جديد منه و لا كله مستعمل .. و برضه بطانة الأبواب. كله بيكون استيراد
و عايز نصيحة .. بالنسبة للركبة .. أشتريها و لا أعملها عمولة؟ و هل محتاج أغير الركبتين و لا المشرخة بس؟
و ان شاء الله (لو سمحتولي) هارجع اسال علي حاجات كتير عشان عايزة تتظبط صح.
اسأل احنا تحت امرك
شكراً و يشرفني الإنضمام للرابطة (طبعاً ده إذا سمحتولي :))

بس حاول تصرف صح لو عايز تستريح والاهم ان اللي يشتغل في العربية يكون فااااااهم مش حافظ وربنا يباركلك فيها


أنا أول مرة أعرف إن في موتور بولونيز 16 صباب
ماتعرفش موديلاته بدأت من سنة كام؟
و ماتعرفش إزاي ممكن اعرف هل الموتور ده 16 صباب و لا 8 من غير ما أفتح الموتور؟؟
انا هحاول اسأل واعرف بس على فكرة انا احتمال الموتور اللي عندي يكون 2 كامة 16 صباب لأنه سير الكاتينة جنزير


يا سيدي مش لازم القصة كاملة
ليه ده انا قاعد اكتب فيها خلاص قربت اخلصها
أنا عايز التفاصيل المهمة
يعني نوع التكييف إيه؟
ساندن ياباني
و بكام؟
اتكلف حوالي 4 وشوية
ركب فين؟
عند ناس كتير لأني انا اشتريت كل مسلزماته و خدت العربية عند واحد بتاع قواعد عملي قاعدة للكومبيرسور وواحد تاني ركب الخراطيم والسربنتينة والكويل الداخلي كلهم في عين شمس
و السربنتينة ركبت فين؟
قدام الرياتير قصيت الشبكة الحديد اللي قدام الردياتير وركبته لازق فيه
عملت فتحات التكييف في التابلوه إزاي؟
انا جايب التابلوه بتاع البولونيز 2002 اللي هوه فيه اربع فتحات وانا اللي وصلت الخراطيم في التابلوه
تقفيل الصالون مش تمام و بيعدي هواء كتير و ده لأنها مش تكييف أصلاً، اتغلبت على المشكلة دي إزاي؟
.......... إلخ
هجوبك بالتفصيل الممل في المشاركة الجاية ان شاء الله اكون خلصت حكايتي مع التكييف

إزاي عرفت إن الطرمبة الياباني دي مناسبة للبولونيز؟
يعني لا تشرق العربية و لا يكون ضخها ضعيف
الميكانيكي اللي سقط الموتور هو اللي قالي عليها وجبتها وركبها وضخها مضبوط والعربية الحمدلله مش بتشرق

أكيد باور عادي
الباور إللي بيفصل ده باور كهرباء و بيبقى فيه حساس و لازم العربية يكون فيه كمبيوتر بيتحكم في أداء العربية بناء على قارءات الحساسات إللي موجودة في العربية
و طبعًا الكلام ده مش موجود في البولونيز أصلاً

و العربية المفروض ماتعومش و لا على 120 و لا 180 حتى لو فيها باور
عربية والدي الرينو فيها باور عادي و مش بتعوم
احتمال يكون عندك مشكلة في نظام توجيه العربية
أو العفشة
و احتمال تكون مطبات هواء و أنت مش واخد بالك
و لعلمك مطب الهواء ممكن يعوم العربية ( ايه مطبات الهواء ديه ان اعرف انها بتكون في الطيارة بس )
لأ هو احتمال يكون عفشة لأن العربية عندي على 3 ورقات مش ورقتين فالعربية عالية
و بتحصل حوادث كتير بسبب مطبات الهواء دي

ربنا يستر طريقنا جميعًا[/QUOTE]
امين يارب

[walid auto]

سؤال يا استاذ se7s_g هو انت غيرت شكل العربية خليتة بتاع 2002 زي مغيرت التابلوه والتابلوه كلفك كام بطقم الفيش بالتركيب وجبته منين

[kreka]

بالنسبه للموتور فى موتور 1600 16 صباب ودا غشيم والتسارع بتاعه جامد وليه فديوهات كتير على اليوتيوب

بالنسبه للتابلوه انا كنت سألت عليه كان ب 500 بس نفس الشكل العادى باختلاف 4 فتحات تهويه والعدادات مدوره ... لكن فى شكل كده فشيخ بس دا مش موجود

بالنسبه لفرش الابواب كنت مشتريه جاهز جديد ب 60 جنيه للاربع ابوب نسخه من الاصلى ومش متفتح فيه اماكن للمساند ودى ميزه خلتنى اركب مساند بتاعه دوجان لأن بتاعه البولونيز كانت غاليه وممكن تركب المسند اللى انت عايزه

لو الصاج عندك وحش غيره من عزبه شلبى قدام بالشكل الجديد احسن

بالنسبه للتعويم فى حاجه عندك وش فالعفشه انا مركب 3ورقات بس وطيت الارتفاع شويه والعربيه جابت معايا 170 ولا الهوا مع انى عندى بوش فعلبه الدركسيون

[se7s_g]

حكايتي مع التكييف
اولا انا مغير التابلوه الحديث اللي هو 2002 بعدداته مع الموتور عشان كان في دماغي حكاية التكييف وده كان من اكتر من سنة
وبعدين لما دخل الصيف كان الجو حر جدا جدا فقررت اركب التكييف
ورحت سألت عند ناس كتيير من اللي بيركبو التكييفات فيه اللي قالي انه ينفع يركب وفيه اللي قالي لأ مينفعش
بكام يا جماعه بيركب قالو يعمل حوالي 3000 وانت طالع استكترت المبلغ وغير كده خوفت اني اركبه وميكونش اصلي فقررت اني اشتري مستلزماته كلها واروح اعمله قاعده للكومبريسور وبعدين اروح لحد بتاع تكييفات يركبه وفعلا وكانت البداية يوم خميس روحت لواحد بتاع قطع غيار في جسر السويس اسمه (راضي علام )عنده كل مسلزمات التكييف وسألتةعلى حاجة التكييف واسعارها ولقيت انه هيعمل في حدود الفين وشوية وغالبا حاجات مضمونة واشتريتهم وبعد كده روحت لواحد بتاع قواعد تكييفات وسألته على القعده هتتكلف كام قالي 450 ومرديش ينزل حاجة قولتله يعني العربية ينفع يتعملها قاعدة تكييف قالي اه ينفع انا عامل قواعد كتيير قبل كده في البولونيز قلتله طيب نبدأ امتى قالي انا مش فاضي النهارده تعالى بكره وسألته على الكمبروسور قالي انا عندي كمبروسور ساندن ياباني جديد اصلي وشوفته سألته بكام قالي عامل 750 انا مصدقتوش لأني اللي كنت اشتريته كان عامل950 قولتله خلاص انا اشتريته ودفعت فلوسه ودفعت كمان عربون علشان القعده ورجعت الكمبروسور التاني ابو 950 لأني لقيت ان مفيش فرق بين الاتنين وروحت البيت تاني يوم كان الجمعة قالي تعالى قبل الصلاه
الطريق كان زحمة جدا المهم كنت عنده على الا>ان صليت في مسجد جمبه وبعد الصلاه روحتله قالي انا بدات في عربيات تاني ومش هتخلص دلوقتي قالي يأما تسيب العربية وتيجي بليل يأما تروح وتيجي بكره بدري قولتله خلاص هجيلك بكره ان شاء الله بدري وروحت البيت وروحتله تاني يوم اللي هو السبت وكانت الصدمة
المهم جيه شاف العربية وبص على الموتور وصدمني يابييييييه الموتور ده مش هينفع يتعمله قاعده قولتله ليييييه قالي اصل انا كنت هركب القعده هنا بس هنا في فلتر زيت وطبعا مينفعش نلغي مكان الفلتر قلتله طب حاول ربنا يكرمك انا اشتريت كل حاجة خلاص وبعدين سكت شوية
وقالي طب بكره الحد انا نازل بورسعيد هحاول اشوفلك هناك قاعدة ومش عارف ايه وعملي فيلم وقالي تعالى يوم الاتنين المهم رجعت وانازعلاااااان وبعدين روحتله يوم الاتنين قالي ملقيتش قاعده بس سيبني للعشاء (وكان عايز اسيبه واروح وبعدين ارجعله) وانا هحاول اعملها قولتله انا قاعد معاك وخد رحتك على الاخر المهم كان في ايده عربية تانية بقى يشتغل هنا شوية وهنا شوية ويجي عربية من بره يخلصها ويمشيها وانا لسه قاعد المهم بعد العشا بشوية كان خلاص بيقفل وفي الاخر جيت ابص على اللي عمله لقيت ايه المفاجأة انه ركب الكمبروسور مكان الدينامو تحت وعمل قاعدة للدينامو فوق في غطا وش السلندر بعد اللفة ديه كلها قولت يابن التييييييت وطبعا اليوم خلاص بح وانا مروح
قولت اشوف حد عشان يركب بقى الكويل الداخلي والسربنتينة وباقي الحاجة المهم روحت لواحد وقولتله وشاف الدنيا عامله ازاي قولتله هتتكلف كام لما تيجي بكرة ومش عارف ايه وفي الاخر قالي هتتكلف 650 مصنعية بالضفيرة بتاعة التكييف والشحن
المهم روحت ورجعت تاني يوم اللي هو الثلاثاء لبتاع التكييف ده وقولتله يلا نبدأ مش عايز يشتغل وقعد يقولي روح لكهربائييفكلك التابلوه قولتله وانت هتاخد مصنعية على ايه قالي انا مش هفك انت تروح تفكه عند اي كهربائي وترجعلي تاني يا عم يهديك يرضيك دماغه ناشفة
قولتله طب اديني عدة وانا هفكه وملكش دعوه قالي خد اللي العدة اللي انت عوزها انا فكرت فيها بصراحة لقيت انه كتيير 650 ومش عايز يفك كمان
قولتله طيب وسيبته وروحت لواحد تاني طبعا التاني ده كان مشغول قالي تعالى بكرة طب ياعم هتاخد كام قالي 950 قلتلة كتيييييييير لييه 950 قالي هتاخد شغل كتييير وووقت المهم في الاخر نزلت معاه ل 800
روحت البيت ورجعتله تاني يوم الاربعاء قلنا بسم الله وبدأ يشتغل اول حاجة بدأ فيها فك الكونسول وقطع اسلاك الكاسيت بعد مافكوه جيه يركب الكويل الداخلي بتاع التكييف
(اللي هوه بيجيب الهوا في صالون العربية ) يحاول يركبه مش نافع والكويل كبييير قالي مش هينفع يركب والكويل كبيير قولتله طب فك التابلوه وحاول قالي مش هيركب قولتله خلاص هفكه انا وفكيته وجينا نحاول برده مش عايز يركب قلتله والحل قالي ملكش غير كويل لتش وهيقطع جزء من الكونسول قولتله لأ طبعا يعني انا جايب التابلوه ده عشان في الاخر يركب لتش قالي هي ملهاش غير كده المهم قالي انا مش هعرف اركبه وفعلا مكنش ينفع يركب لأن في دعامة تحت التابلوه (يلاحظها اللي فكه قبل كده) المهم قالي روح رجع الكويل ده وهات اللتش احسن قولتله ربنا يسهل وبعدين وانا ماشي قولت اسأل على حد تالت المهم وصفولي واحد في عين شمس المهم روحتله شاف التابلوه مفكوك زعل طبعا لأن في صنايعي قبليه ايده كانت في الحاجة ديه المهم قولتله
انا طلع عيني وعين... في التكييف ده ربنا يكرمك حاول تشوفلي ليه طريقة وشاف الكويل اللي عندي قالي ده كبير انا عندي واحد اصغر روح رجعه وتعالى قولتله بكام قالي 300قولتله والمصنعية قالي من بقة 500 حاولت افاصل معاه مرضيش وقالي بس ركب التابلوه عشان مش هشتغل فيها وهو مفكوك قلتله ماشي وركبته ورحت رجعت الكويل ورجيعتله قالي سيب العربية وتعالى بعد العشا معجبنيش طريقته في الكلام قولتله انا قاعد معاك واشتغل براحتك قالي لأ انا مش هشتغل وفي حد معايا يمين شمال ودماغة مش عايز حد معايا وانا بشتغل قلتله انا مشواري بعييد وصعب اروح وارجع تاني وحوار مش راضي برده المهم بالعافية وافق المهم بدأ يشتغل جيه يركب الكويل اللي عنده برده مش عايز يركب قالي مش هينفع ومش عارف ايه خلاص خد عربيتك قلتله انا مش ماشي من هنا الا لما تتصرف وكلت عقله بكلمتين حلويين سكت شوية وقالي طيب انا عندي كويل هحاول اظبطه على اساس يركب في نفس المكان
المهم جاب كويل تاني مختلف عن الباقي قالي ده يركب بس هيحتاج تجيبله مروحة وانا هجهزله مكان الهوايات قلتله ماشي قالي بس ده اغلى من التاني ( انا قلت لو بكام هركبه)
قلتله بكام قالي 600 قلتله ليه ده من غيير مروحة ومن غير اي حاجة قالي هو كده وده تايواني واصلي مش صيني او مضروب المهم حسبه ب550 نيجي بقى للمروحه روحت ادور عليها قولت اجيبها جديده ملقيتهاش في الاخر جبتها استيراد من عند المراكبي ب100 رجعتله تاني كان بدأ فعلا يشتغل المهم وصل وركب كل حاجة في الحوض قدام ووصل وشحن وخلاص كله ميه ميه بس طبعا كل ده و مركبش التابلوه واخيرا بقيت البولونيز مكيفة الساعه كام يا وحش طلعت 12 قالي انا مش هعرف اوصل الخراطيم في التابلوه وحاول يوصلهم معرفش قلتله خلاص خليهم واناهحاول اوصلهم قالي ماشي بس تعالى تاني عشان نخرج خرطوم الفايز قلتله ماشي العربية بطلت لوحدها وانا لسه عنده اجي ادور مش عايزه تدور ايه المشكله مش عارف قالي البطارية صغيرة على العربية عايزة بطارية كبيرة قلت ماشي روحت البيت بقى اخيرا وانا راكب بولونيز مكيفة والناس تبص ايه المجنون اللي قافل ازاز العربية ده مش متوقعين انها مكيفة وانا مبسوط ماشي من غير تابلوه والتكييف شغال وما شاء الله على التبريد بس بعد ماوصلت لقيت بحر ميه تحت الكرسي اللي جمبي افتكرت انه خرطوم الفايز تاني يوم الخميس نزلت وقعدت احاول اوصل الخراطيم على هوايات التابلوه المهم ربنا سهل ووصلتهم وركبت التابلوه وكله بقى تمام التمام
رجعتله تاني يوم الجمعه عشان يشوف موضوع الميه ده خرج قالي بس احنا لازم نفك التابلوه عشان الكويل مايل لجوه والميه بتتجمع لجوه مش هتنزل على بره قلتله والحل قالي لازم نفك التابلوه ونحاول نميل الكويل العكس قلتله مليش فيه انا ركبت التابلوه وطلع عيني فك ركب انت حر انا هقعد اتفرج وبس شغلك كمله لأخره قالي هحاول قلتله اتصرف بعد ما فك وبهدل الدنيا تاني وسحب الفريون ووصل الخرطوم وحاول يعدله وشحنه تاني فريون ونيجي نجرب لقينا برده الكويل بيغرق العربية ميه و مفيش فايده قلتله ايه الحل قالي لازم الكويل نسحب منه الفريون تاني ويتعمل مكان لخروج الفايز من جوه قلتله اتصرف قالي انا ممكن افكه بس هتاخده وتحاول تعمله انت
قلتله لأ حاول انت قالي مش هينفع هو كده اخري قلتله طيب وطبعا العربية مع التكييف
RPMبيوطى سألته قالي في جهاز بيركب على الاكسيلتير بيعلي العربية مع التكييف قالي هاته وانا اركبه قولتلوا معايا انا لسه جايبه قالي روح لميكانيكي خلي يركبه قولتله انت مش قلت انت اللي هتركبه قالي لأ ده شغلانة ميكانيكي المهم الميكانيكي اللي قالي اصلا على الجهاز ده واللي جبته على كلامه قالي خلي بتاع التكييف يوصل الكهربا المهم بعد ما قعد يحور ولاقى نفسه اتقفش
قالي انا هوصل جزء الكهربا بس قلتله وانا مش عايز اكتر من كده وصله ورجعت للميكانيكي
قالي بس احنا عايزين مكان ناخد منه هوا قلتله ممكن ناخد من سيرفو الفرامل قالي ممكن وفي الاخر قالي ممكن ناخد هوا من المنافول بس لازم تروح لخراط عشان يعمل لاكور ناخد منه هوا ووصفلي واحد روحتله كان خلاص الساعة بقت 10 قالي تعالى بكرة الصبح وقالي لازم تفك المنافول ده علشان هيكون في رايش لودخل على الموتور هيعمل مشكلة كبيرة لأنه ممكن يدخل على البساتم قلتلوا لا ياعم وعلى ايه
المهم تاني يوم السبت روحت لخراط تاني خليته عملي لاكور في السيرفو عشان اخد منه هوا وركبت انا الجهاز والعربية اتظبطت بقة تعلى معا التكييف وكان فيه حداد جمب الخراط ده خليته عمله خوصتين للمروحه اللي قدام السربنتينة وبعد كده روحت البيت وجبت الشينيور وخرمت في الكويل الداخلي عشان احل حوار المية اللي بتغرق العربية من جوا وخرمت بالبنطة وركبة فيها لاكور وركبته وجبت خرطوم نفس مقاس اللاكور وركبته ونزلته من فتحت الفتيس والحمدلله من ساعتها مفيش مية في العربية وعلى فكرة انا غيرت الدينامو وركبت دينامو لانسر 70 امبير عشان التكييف كان بياكل البطارية
وديه حكايتي مع التكييف وانا اسف اني رغيت كتييييييير
اخيرا اسيبكو مع الاسعار
750 ج كمبروسور - 450ج مصنعية قاعدة كمبروسور - 100 ج سيور ومسامير وكوليهات وكوعة مياة - 50ج تفريغ مكان السربنتينة قدام الردياتير - 550 ج كويل داخلي - 180ج سربنتينة خارجية - 500ج مصنعية تركيب وشحن فريون - 100ج مروحة تكييف للكويل الداخلي - 30ج خوصتين لمروحة السربنتينة - 15ج عمل لاكور في السيرفو - 120ج جهاز تعلية الموتور- 400ج لواكير وخراطيم وفلتر فريون - 700ج مروحتين لانوس للردياتير - 100ج كتاوت للمراوح - 70ج كتاوت للتكييف - 180ج دينامو 70 امبير لانسر

[se7s_g]

سؤال يا استاذ se7s_g هو انت غيرت شكل العربية خليتة بتاع 2002 زي مغيرت التابلوه والتابلوه كلفك كام بطقم الفيش بالتركيب وجبته منين

لأ انا غيرت التابلوه بالعدادات بطقم الفيش بس لكن العربية من بره زي ما هي التابلوه كان عامل تقريبا 500 ج بس ده من سنتين اللي هو فيه اربع هوايات وجبته من عزبة شلبي تركيبة وتقسيم الفيش كهربائي عملها وخد 150ج
وهو على فكرة في شكل جديد بتاع اخر موديل 2003 الفشيخ اللي بيقول عليه كاريكا سألت عليه قريب كان عامل 500ج

[velkouf]

تحية كبيرة جدا لـ se7s_g على المجهود الرهيب مع التكييف و الف مبروك على التكييف
بجد بحييك على المجهود الغير عادى دة . بس اكيد فى الاخر تستاهل التعب .
بالنسبة للتابلون انا كان عندى نفس المشكلة التابلون مشرخ ومشقق ومتغطى بفروة بس كان الشكل وحش
عملت اية؟
جبت علبة معجون فايبر 1كجم ب20ج
ومعجنت التابلون و صنفرتة بس لازم تكون الصنفرة كويسة اوى (يعنى تنعمة اوى مع المحافظة على الشكل و الدورانات)
و روحت لمحل الكماليات خليت الراجل كسى التابلون كاربون أسود
وغيرت شكل التابلون خالص بأقل التكاليف

[kreka]

تجربه خطيره بتاعه التكييف والف مبروك على النجاح يا سحس

velkouf اوباااااااااااااااااااااا يريت تفصيل للحوار دا عشان هبيض وأعمله D:

[Zika9909]

انا هحاول اسأل واعرف بس على فكرة انا احتمال الموتور اللي عندي يكون 2 كامة 16 صباب لأنه سير الكاتينة جنزير
احتمال فعلاً
لأن أنا أعرف إن من أول موديل 91 الكاتينة كاوتش مش جنزير

( ايه مطبات الهواء ديه ان اعرف انها بتكون في الطيارة بس ):e_braces[1]:
مطب الهواء ده بيبقى هبوط في الأسفلت بس مش بشكل ملحوظ و ماتشوفهاش بعينك
بتحس بيه لما تلاقي العربية نزلت مرة واحدة و طلعت تاني و هي على وشك الطيران من اندفاع و سرعة العربية العالية
طبعًا ساعتها الدركسيون مالوش لازمة لأن الكاوتش تقريبًا مش لامس الأسفلت و هتلاقي العربية عامت منك على حسب سرعتك و طريقة دخولك على المطب
يعني مثلاً لو واحد دخل غرزة على مطب هواء هييجي يعدل الدركسيون العربية مش هتتعدل و هتعوم منه و يا إما هيتقلب يا إما هيخيش في عربية تانية أو في الرصيف

لأ هو احتمال يكون عفشة لأن العربية عندي على 3 ورقات مش ورقتين فالعربية عالية
ارتفاع العربية مؤثر في مطبات الهواء
بس مش بالدرجة إللي أنت متصورها
عندك العربيات النص نقل زي الشيفروليه الدبابة عفشتها شبيهة جدًا بالبولونيز
و عالية جدًا من ورا
و سوستها بتبقى مش أقل من 4 ورقات
و مع ذلك بتجري و مش بتعوم إلا لو خد غرزة و هو محمل ده موضوع تاني
فأنت أكيد عندك حاجة غلط

أنا من رأيي تروح تظبط زوايا الأول
لو استمرت شوف العفشة أخبارها إيه
في احتمال و أتمنى يكون غلط و هو إن فردة الشاسيه إللي اتفكت و اتلحمت دي ماركبتش مضبوطة و مبوظة زوايا العربية

بالنسبه للموتور فى موتور 1600 16 صباب ودا غشيم والتسارع بتاعه جامد وليه فديوهات كتير على اليوتيوب
ناعرفش ألاقيه فين في مصر؟

حكايتي مع التكييف
اولا انا مغير التابلوه الحديث اللي هو 2002 بعدداته مع الموتور عشان كان في دماغي حكاية التكييف وده كان من اكتر من سنة
وبعدين لما دخل الصيف كان الجو حر جدا جدا فقررت اركب التكييف
ورحت سألت عند ناس كتيير من اللي بيركبو التكييفات فيه اللي قالي انه ينفع يركب وفيه اللي قالي لأ مينفعش
بكام يا جماعه بيركب قالو يعمل حوالي 3000 وانت طالع استكترت المبلغ وغير كده خوفت اني اركبه وميكونش اصلي فقررت اني اشتري مستلزماته كلها واروح اعمله قاعده للكومبريسور وبعدين اروح لحد بتاع تكييفات يركبه وفعلا وكانت البداية يوم خميس روحت لواحد بتاع قطع غيار في جسر السويس اسمه (راضي علام )عنده كل مسلزمات التكييف وسألتةعلى حاجة التكييف واسعارها ولقيت انه هيعمل في حدود الفين وشوية وغالبا حاجات مضمونة واشتريتهم وبعد كده روحت لواحد بتاع قواعد تكييفات وسألته على القعده هتتكلف كام قالي 450 ومرديش ينزل حاجة قولتله يعني العربية ينفع يتعملها قاعدة تكييف قالي اه ينفع انا عامل قواعد كتيير قبل كده في البولونيز قلتله طيب نبدأ امتى قالي انا مش فاضي النهارده تعالى بكره وسألته على الكمبروسور قالي انا عندي كمبروسور ساندن ياباني جديد اصلي وشوفته سألته بكام قالي عامل 750 انا مصدقتوش لأني اللي كنت اشتريته كان عامل950 قولتله خلاص انا اشتريته ودفعت فلوسه ودفعت كمان عربون علشان القعده ورجعت الكمبروسور التاني ابو 950 لأني لقيت ان مفيش فرق بين الاتنين وروحت البيت تاني يوم كان الجمعة قالي تعالى قبل الصلاه
الطريق كان زحمة جدا المهم كنت عنده على الا>ان صليت في مسجد جمبه وبعد الصلاه روحتله قالي انا بدات في عربيات تاني ومش هتخلص دلوقتي قالي يأما تسيب العربية وتيجي بليل يأما تروح وتيجي بكره بدري قولتله خلاص هجيلك بكره ان شاء الله بدري وروحت البيت وروحتله تاني يوم اللي هو السبت وكانت الصدمة :_alshmokh08[1]:
المهم جيه شاف العربية وبص على الموتور وصدمني يابييييييه الموتور ده مش هينفع يتعمله قاعده قولتله ليييييه قالي اصل انا كنت هركب القعده هنا بس هنا في فلتر زيت وطبعا مينفعش نلغي مكان الفلتر قلتله طب حاول ربنا يكرمك انا اشتريت كل حاجة خلاص وبعدين سكت شوية
وقالي طب بكره الحد انا نازل بورسعيد هحاول اشوفلك هناك قاعدة ومش عارف ايه وعملي فيلم وقالي تعالى يوم الاتنين المهم رجعت وانا:_alshmokh08[1]:زعلاااااان وبعدين روحتله يوم الاتنين قالي ملقيتش قاعده بس سيبني للعشاء (وكان عايز اسيبه واروح وبعدين ارجعله) وانا هحاول اعملها قولتله انا قاعد معاك وخد رحتك على الاخر المهم كان في ايده عربية تانية بقى يشتغل هنا شوية وهنا شوية ويجي عربية من بره يخلصها ويمشيها وانا لسه قاعد المهم بعد العشا بشوية كان خلاص بيقفل وفي الاخر جيت ابص على اللي عمله لقيت ايه المفاجأة انه ركب الكمبروسور مكان الدينامو تحت وعمل قاعدة للدينامو فوق في غطا وش السلندر بعد اللفة ديه كلها قولت يابن التييييييت وطبعا اليوم خلاص بح وانا مروح
قولت اشوف حد عشان يركب بقى الكويل الداخلي والسربنتينة وباقي الحاجة المهم روحت لواحد وقولتله وشاف الدنيا عامله ازاي قولتله هتتكلف كام لما تيجي بكرة ومش عارف ايه وفي الاخر قالي هتتكلف 650 مصنعية بالضفيرة بتاعة التكييف والشحن
المهم روحت ورجعت تاني يوم اللي هو الثلاثاء لبتاع التكييف ده وقولتله يلا نبدأ مش عايز يشتغل وقعد يقولي روح لكهربائييفكلك التابلوه قولتله وانت هتاخد مصنعية على ايه قالي انا مش هفك انت تروح تفكه عند اي كهربائي وترجعلي تاني يا عم يهديك يرضيك دماغه ناشفة
قولتله طب اديني عدة وانا هفكه وملكش دعوه قالي خد اللي العدة اللي انت عوزها انا فكرت فيها بصراحة لقيت انه كتيير 650 ومش عايز يفك كمان
قولتله طيب وسيبته وروحت لواحد تاني طبعا التاني ده كان مشغول قالي تعالى بكرة طب ياعم هتاخد كام قالي 950 قلتلة كتيييييييير لييه 950 قالي هتاخد شغل كتييير وووقت المهم في الاخر نزلت معاه ل 800
روحت البيت ورجعتله تاني يوم الاربعاء قلنا بسم الله وبدأ يشتغل اول حاجة بدأ فيها فك الكونسول وقطع اسلاك الكاسيت بعد مافكوه جيه يركب الكويل الداخلي بتاع التكييف
(اللي هوه بيجيب الهوا في صالون العربية ) يحاول يركبه مش نافع والكويل كبييير قالي مش هينفع يركب والكويل كبيير قولتله طب فك التابلوه وحاول قالي مش هيركب قولتله خلاص هفكه انا وفكيته وجينا نحاول برده مش عايز يركب قلتله والحل قالي ملكش غير كويل لتش وهيقطع جزء من الكونسول قولتله لأ طبعا يعني انا جايب التابلوه ده عشان في الاخر يركب لتش قالي هي ملهاش غير كده المهم قالي انا مش هعرف اركبه وفعلا مكنش ينفع يركب لأن في دعامة تحت التابلوه (يلاحظها اللي فكه قبل كده) المهم قالي روح رجع الكويل ده وهات اللتش احسن قولتله ربنا يسهل وبعدين وانا ماشي قولت اسأل على حد تالت المهم وصفولي واحد في عين شمس المهم روحتله شاف التابلوه مفكوك زعل طبعا لأن في صنايعي قبليه ايده كانت في الحاجة ديه المهم قولتله
انا طلع عيني وعين... في التكييف ده ربنا يكرمك حاول تشوفلي ليه طريقة وشاف الكويل اللي عندي قالي ده كبير انا عندي واحد اصغر روح رجعه وتعالى قولتله بكام قالي 300قولتله والمصنعية قالي من بقة 500 حاولت افاصل معاه مرضيش وقالي بس ركب التابلوه عشان مش هشتغل فيها وهو مفكوك قلتله ماشي وركبته ورحت رجعت الكويل ورجيعتله قالي سيب العربية وتعالى بعد العشا معجبنيش طريقته في الكلام قولتله انا قاعد معاك واشتغل براحتك قالي لأ انا مش هشتغل وفي حد معايا يمين شمال ودماغة مش عايز حد معايا وانا بشتغل قلتله انا مشواري بعييد وصعب اروح وارجع تاني وحوار مش راضي برده المهم بالعافية وافق المهم بدأ يشتغل جيه يركب الكويل اللي عنده برده مش عايز يركب قالي مش هينفع ومش عارف ايه خلاص خد عربيتك قلتله انا مش ماشي من هنا الا لما تتصرف وكلت عقله بكلمتين حلويين سكت شوية وقالي طيب انا عندي كويل هحاول اظبطه على اساس يركب في نفس المكان
المهم جاب كويل تاني مختلف عن الباقي قالي ده يركب بس هيحتاج تجيبله مروحة وانا هجهزله مكان الهوايات قلتله ماشي قالي بس ده اغلى من التاني ( انا قلت لو بكام هركبه)
قلتله بكام قالي 600 قلتله ليه ده من غيير مروحة ومن غير اي حاجة قالي هو كده وده تايواني واصلي مش صيني او مضروب المهم حسبه ب550 نيجي بقى للمروحه روحت ادور عليها قولت اجيبها جديده ملقيتهاش في الاخر جبتها استيراد من عند المراكبي ب100 رجعتله تاني كان بدأ فعلا يشتغل المهم وصل وركب كل حاجة في الحوض قدام ووصل وشحن وخلاص كله ميه ميه بس طبعا كل ده و مركبش التابلوه واخيرا بقيت البولونيز مكيفة الساعه كام يا وحش طلعت 12 قالي انا مش هعرف اوصل الخراطيم في التابلوه وحاول يوصلهم معرفش قلتله خلاص خليهم واناهحاول اوصلهم قالي ماشي بس تعالى تاني عشان نخرج خرطوم الفايز قلتله ماشي العربية بطلت لوحدها وانا لسه عنده اجي ادور مش عايزه تدور ايه المشكله مش عارف قالي البطارية صغيرة على العربية عايزة بطارية كبيرة قلت ماشي روحت البيت بقى اخيرا وانا راكب بولونيز مكيفة والناس تبص ايه المجنون اللي قافل ازاز العربية ده مش متوقعين انها مكيفة وانا مبسوط ماشي من غير تابلوه والتكييف شغال وما شاء الله على التبريد بس بعد ماوصلت لقيت بحر ميه تحت الكرسي اللي جمبي افتكرت انه خرطوم الفايز تاني يوم الخميس نزلت وقعدت احاول اوصل الخراطيم على هوايات التابلوه المهم ربنا سهل ووصلتهم وركبت التابلوه وكله بقى تمام التمام
رجعتله تاني يوم الجمعه عشان يشوف موضوع الميه ده خرج قالي بس احنا لازم نفك التابلوه عشان الكويل مايل لجوه والميه بتتجمع لجوه مش هتنزل على بره قلتله والحل قالي لازم نفك التابلوه ونحاول نميل الكويل العكس قلتله مليش فيه انا ركبت التابلوه وطلع عيني فك ركب انت حر انا هقعد اتفرج وبس شغلك كمله لأخره قالي هحاول قلتله اتصرف بعد ما فك وبهدل الدنيا تاني وسحب الفريون ووصل الخرطوم وحاول يعدله وشحنه تاني فريون ونيجي نجرب لقينا برده الكويل بيغرق العربية ميه و مفيش فايده قلتله ايه الحل قالي لازم الكويل نسحب منه الفريون تاني ويتعمل مكان لخروج الفايز من جوه قلتله اتصرف قالي انا ممكن افكه بس هتاخده وتحاول تعمله انت
قلتله لأ حاول انت قالي مش هينفع هو كده اخري قلتله طيب وطبعا العربية مع التكييف
rpmبيوطى سألته قالي في جهاز بيركب على الاكسيلتير بيعلي العربية مع التكييف قالي هاته وانا اركبه قولتلوا معايا انا لسه جايبه قالي روح لميكانيكي خلي يركبه قولتله انت مش قلت انت اللي هتركبه قالي لأ ده شغلانة ميكانيكي المهم الميكانيكي اللي قالي اصلا على الجهاز ده واللي جبته على كلامه قالي خلي بتاع التكييف يوصل الكهربا المهم بعد ما قعد يحور ولاقى نفسه اتقفش
قالي انا هوصل جزء الكهربا بس قلتله وانا مش عايز اكتر من كده وصله ورجعت للميكانيكي
قالي بس احنا عايزين مكان ناخد منه هوا قلتله ممكن ناخد من سيرفو الفرامل قالي ممكن وفي الاخر قالي ممكن ناخد هوا من المنافول بس لازم تروح لخراط عشان يعمل لاكور ناخد منه هوا ووصفلي واحد روحتله كان خلاص الساعة بقت 10 قالي تعالى بكرة الصبح وقالي لازم تفك المنافول ده علشان هيكون في رايش لودخل على الموتور هيعمل مشكلة كبيرة لأنه ممكن يدخل على البساتم قلتلوا لا ياعم وعلى ايه
المهم تاني يوم السبت روحت لخراط تاني خليته عملي لاكور في السيرفو عشان اخد منه هوا وركبت انا الجهاز والعربية اتظبطت بقة تعلى معا التكييف وكان فيه حداد جمب الخراط ده خليته عمله خوصتين للمروحه اللي قدام السربنتينة وبعد كده روحت البيت وجبت الشينيور وخرمت في الكويل الداخلي عشان احل حوار المية اللي بتغرق العربية من جوا وخرمت بالبنطة وركبة فيها لاكور وركبته وجبت خرطوم نفس مقاس اللاكور وركبته ونزلته من فتحت الفتيس والحمدلله من ساعتها مفيش مية في العربية وعلى فكرة انا غيرت الدينامو وركبت دينامو لانسر 70 امبير عشان التكييف كان بياكل البطارية
وديه حكايتي مع التكييف وانا اسف اني رغيت كتييييييير
اخيرا اسيبكو مع الاسعار
750 ج كمبروسور - 450ج مصنعية قاعدة كمبروسور - 100 ج سيور ومسامير وكوليهات وكوعة مياة - 50ج تفريغ مكان السربنتينة قدام الردياتير - 550 ج كويل داخلي - 180ج سربنتينة خارجية - 500ج مصنعية تركيب وشحن فريون - 100ج مروحة تكييف للكويل الداخلي - 30ج خوصتين لمروحة السربنتينة - 15ج عمل لاكور في السيرفو - 120ج جهاز تعلية الموتور- 400ج لواكير وخراطيم وفلتر فريون - 700ج مروحتين لانوس للردياتير - 100ج كتاوت للمراوح - 70ج كتاوت للتكييف - 180ج دينامو 70 امبير لانسر

يا صبرك يا طولة بالك يا حسين
مجهود تُحسد عليه
و كويس إن تعبك انتهى بنتائج مرضية
و شكرًا على تعبك في سرد التجربة كاملة بكامل حذافيرها

بالنسبة لدينامو اللانسر:
هو بتاع لانسر موديل كام؟
طالما الدينامو 70 أمبير يبقى أنت آخرك بطارية 55 أمبير أو 60 أمبير (مش عارف في بطاريات 60 أمبير و لا لأ)، صح كده الكلام و لا أنت مركب بطارية 70 أمبير؟؟
دينامو اللانسر ركب على قاعدة الدينامو الأصلية و لا إللي اتعملت في وش السلندر؟

بالنسبة للتابلون انا كان عندى نفس المشكلة التابلون مشرخ ومشقق ومتغطى بفروة بس كان الشكل وحش
عملت اية؟
جبت علبة معجون فايبر 1كجم ب20ج
ومعجنت التابلون و صنفرتة بس لازم تكون الصنفرة كويسة اوى (يعنى تنعمة اوى مع المحافظة على الشكل و الدورانات)
و روحت لمحل الكماليات خليت الراجل كسى التابلون كاربون أسود
وغيرت شكل التابلون خالص بأقل التكاليف

متشكر جدًا على الفكرة الرائعة دي
بس أنت جيبت معجون الفيبر ده منين؟
و هل أنت إللي عملته و صنفرته بنفسك؟ و لا وديتها عند مين؟ لأن الدورانات دي صعبة بصراحة

[kreka]

معلش هو الموتور 1400 16 صباب 1.4 16v GTI

ودا التسارع بتاعه
Polonez 1.4 16V 0-160kmh.AVI - YouTube

[sabry7]

السلام عليكم ورحمة الله وبركاته معلشى يازيكا اتاخرت عليك فى الرد بالنسبة للشهر العقارى مافيش فى المرور شهر عقارى اى شهر عقارى بس فيه مشكلة بيعملوها بتوع الشهر العقارى يقولك لازم تسجل عقد البيع فى الشهر العقارى التابع ليه وانا سجلت فى شهر عقارى زنانيرى فى اول شبرا اللى احنا تابعين ليه لكن خلى بالك ممكن تسجل فى اى شهر عقارى لو عرف انك فاهم لانه حاجة واحدة بس اللى لازم تسجلها فى الشهر العقارى التابع ليه وهى اثبات تاريخ عقد شقة يعنى حاجة خاصة بالشقق فيما عدا ده ممكن تسجل فى شهر عقارى فى اى حتة وبالنسبة لموتور العربية انا شاريها كده ومش عارف ان كانت مع حد قبل كده ومسقطلها متور ولا لا بس اهح حاجة انها مضبوطة فى الترخيص

[sabry7]

ايه ياسحس قصة البوس اللى عشتها دى علشان التكييف لاياعم انا امشى فى عز الحر وماعيش القصة دى وخاصة مع قلة ضمير الصنايعية والف مبروك التكييف وربنا يباركلك فية

[kreka]

انتظروا مفاجأه قريبا .................

[Ibrahim Mohsen]

الف شكر يا زيكا و تسلم علي المعلومات المفيدة جداً دي
بالنسبة للسعر .. هاقولك عليه بس مش علي الملأ كده :)