::: البولونيز المظلومة :::

[moogy2010]

انا قررت ابيع البلونيز بتاعتي لاني مسافر خلال شه
العربية كويسة موتور وعفشة والعربية كلها فبريقة وانا لسه شاددها سمكرة ودوكو
هيا موديل ٨٤
المشكلة في الفيتيس مبيخودش الاول غير كدا العربية كويسة
انا ساكن في اكتوبر ورقمي 01000479771
السعر نهائي من الاخر عشرة ونص وداه من الاخر العربية لونها احمر
والرخصة لحد شهر ٩ مرور اكتوبر

[asaeed]

انا قررت ابيع البلونيز بتاعتي لاني مسافر خلال شه
العربية كويسة موتور وعفشة والعربية كلها فبريقة وانا لسه شاددها سمكرة ودوكو
هيا موديل ٨٤
المشكلة في الفيتيس مبيخودش الاول غير كدا العربية كويسة
انا ساكن في اكتوبر ورقمي 01000479771
السعر نهائي من الاخر عشرة ونص وداه من الاخر العربية لونها احمر
والرخصة لحد شهر ٩ مرور اكتوبر

سؤال يا أخي

هي العربية باسمك ولا فيها توكيلات وهل شهر 9 ده تجديد رخصة ولا فحص وتجديد
أخبار الكرونة إيه.. وهل الكوتش تيوبلس وحالته إيه بالضبط.. وعامود الكردان فيه ورررررره وبيرجرج العربية وانت ماشي على السريع ولا إيه؟؟؟؟
أرجو الإجابة وجزاك الله خيراً

[kreka]

يا باشا شكرًا على الاهتمام والرد
أنا بالفعل سوقتها علشان أتأكد من صوت الكرونة والفتيس علشان لو فيهم حاجة يظهروا معايا في المشي .. ومشيها حلو بس هي عايزة تتغير لها البوجيهات ويتظبط الكربراتير شوية
الرجال مغير لها العفشة ده على حسب كلامه.. بس هو قال لي حاجة غريبة أنه جايب مساعدين أمريكاني إللي هو المساعد داخل في جراب وانا بصراحة أول مرة أسمع حكاية المساعدين الأمريكاني دي.
أما بخصوص الموتور هو لسه عامل طقم شنبر من شهرين على حسب كلامه.. لكن كبس الموتور حلو وصوته كويس بس لحظت أن فيه طرطشة زيت على الموتور فلما سألت صاحب العربية قال لي غطاء الزيت مش محكم ومحتاج جوان

الراجل دا بيحور عليك وش

بالنسبه للبولونيز الميكانيكى اللى قالك وزن العربيه تقيل على الموتور دا تعياان فعقله انت لو رجعت كام صفحه هتلقينى منزل صوره عدادى وانا جايب ال 140 وكنت جايب 150 وملحقتش اصورها

والله لولا ان الموتور بتاعى محتاج طقم شنبر وطقم دبرياج لكنت وريت تسارع العربيه عامل ازاى والموتور عندى فابريقه 1500 لا تقلى 131 ولا موتور 132

شوف يا باشا كلها شهر واخلص الامتحانات وان شاء افضى واعمل اللى فيها واوريك التسارع عامل ازاى ..... بص كفايه العربيه عندى لما كانت مظبوطه شديد مع لانسر 1300 كلته على الطريق ... العربيه دى حطلها 92 وخد منها أداء غشيم غشيم غشيم سيبك بقى من ال 80 والكلام الفاضى اللى مبيأكلش عيش دا

اه صحيح كان فى راجل هنا بيقول انه هيبيع عربيته على 10 ونص كلمه حق لو الصاج سليم والموتور سليم ومفيش الا الفتيس اتكل على الله وخدها واشترى فتيس استيراد تقريبا اقصاه 700 بالتركيب ولو باقى فيها شغل عفشه او شغل فرش خلصه

للعلم العفشه غيرتها كلها مسمار مسمار من اولها لأخرها المانى ب 1200
التابلوه تمنه بالكونسول 500 جنيه
فرش البيبان بياجى ب 60 جنيه ولو المساند بايظه وهتغير فرش بيبان ممكن تركب بتوع الدوجان الواحده ب 30 جنيه

انا بقلك الاسعار دى عشان لو لقيت عربيه واقفه على الحجات دى تبقى عارف انت بتتكلم فكام ( نصيحه لو لقيت عربيه صاجها وموتورها مفيهمش الهوا خدها وش باقى الحجات دى هيافات هيافات )

سمعت ان صاج العربيه كله بيتغير ب 1500 وبيكون الشكل الجديد

فى عندك 4 جنوط شاهين استيراد نضاف جدا ب 500
4 فرد تيوبلس جداد مقاس 13/185/70 بتوع البولونيز من ال 1500 ل 1700 حسب النوع

يعنى انا شبه غطتلك تكاليف صيانات السهله اللى ممكن تعملها انت لو العربيه واقفه عليها

لو فى اى سؤال اتفضل

[moogy2010]

العربية مسجلة باسمي وشهر ٩ ده تجديد رخصة الفحص ٢٠١٤ الكاوتش كلة تيوبلس بما فيه الاستبن البطارية جديدة بقالها ٣ شهور الكارونة تمام مفيش فيها مشكلها الكردان لسه مغيرة بس محتاج وصلة بخمسين ستين جنية لان الوصلة اللي ركبت موش بتاعته

[kreka]

حد يعرف الاسبراتير الالكترونى بالموبينه بكام ؟؟

[Zika9909]

مش عارف :(
في أول فرصة أكون في التوفيقية هسأل لك إن شاء الله

[sabry7]

السلام عليكم ورحمة الله وبركاته فيه حاجة عرفتها من الميكانيكى لما لاقيت الابلاتين والكوندنسر بيبوظو بسرعة قالى فى موبينة الكترونى بتتباع عند بتوع قطع الغيار وقالى فايدتها بتظبط الكهربا وبطول عمر الابلاتين والكوندنسر وفعلا رحت سالت بتاع قطع الغيار قالى موجودة ب 85 ج بس مش عارف اجيبها ولا لاء وحد جربها ولا لا

[asaeed]

السلام عليكم ورحمة الله وبركاته فيه حاجة عرفتها من الميكانيكى لما لاقيت الابلاتين والكوندنسر بيبوظو بسرعة قالى فى موبينة الكترونى بتتباع عند بتوع قطع الغيار وقالى فايدتها بتظبط الكهربا وبطول عمر الابلاتين والكوندنسر وفعلا رحت سالت بتاع قطع الغيار قالى موجودة ب 85 ج بس مش عارف اجيبها ولا لاء وحد جربها ولا لا

أعتقد أنه لازم يكون الاسبراتير كمان إلكتروني يعني من غير أبلاتين وكوندنسر والموضوع ده اسأل فيه كويس... لأن خرج البوبينا الإلكتروني أعلى

[أمجد حشمت موسى]

انا نعايا بولونيز واريد الانضمام فى الربطة
والله دي عربية جبل

[kreka]

انا نعايا بولونيز واريد الانضمام فى الربطة
والله دي عربية جبل

منور الرابطه يا استاذ امجد

[elhelaly]

ازيكو ياشباب , وحشتونى , ومنور الرابطة ياأستاذ أمجد

فيه حاجه بتحصل معايا عاوز استشيركو فيها

عربيتى دلوقتى كل م اعمل بيها مشوار جامد اروح اسكندرية مثلا
حصل معايا إنى لقيت الفتيس بينقط زيت مش كتير اه لكن بينقط المهم رحت للميكانيكى حل الفتيس وقال وكنت معاه ولما حله لقه زي مسمار كده مهوى المهم ربطة كويس ونضفة وسابه شويه عشان يشوف هيقط تانى ولا ﻷ
المهم الحمد لله منقطتش وركب الفتيس والحمد لله منقتطش بعدها
لحد م رحت اسكندرية تانى الاسبوع اللى فات
ببص تحت العربية امبارح لقيتها بتنقط زيت من عند الفتيس بس أقل من الاول بكتير يعنى طول الليل نقطة أو اتنين بس الاضافة لقيت كمان زيت من تحت المكنة بس قليل برده
فعاوز قبل م اروح للميكانيكى تقولولى رأيكوا وتجاربكم

[Zika9909]

بالنسبة لزيت الفتيس أظن إن كده المشكلة مش خطيرة، بس ضروري تشوف حل نهائي للمسمار ده

لو في نشع زيت من المكنة يبقى غالبًا في جوان بدأ يجيب آخره لأن الجو حر و الجوانات بتضرب من السخونة
هو طالما مافيش تسريب مستمر للزيت (زي الحنفيات البايظة كده) يبقى ممكن تمشي بيها كده مافيش مشاكل
بس اعمل حسابك إنك هتغير الجوان إللي بيسرب ده قريب
و بص كده على الموتور شوف النشع ده جاي منين، غالبًا هيكون جوان وش السلندر

و بردو خد رأي الميكانيكي

[kreka]

هاااااااااانت يا رجاله الامتحانات قربت تخلص ..... انتظروا التعديل الجديد :d:d:

[Zika9909]

حد يعرف تانك البنزين في البولونيز كام لتر؟؟

هاااااااااانت يا رجاله الامتحانات قربت تخلص ..... انتظروا التعديل الجديد :d:d:

عايزين صور لكل ركن في العربية يا كاريكا

[sabry7]

السلام عليكم ورحمة الله وبركاته ازيك يازيكا انت وكاريكا وكل اخوتنا فى المنتدى بالنسبة لسوال زيكا تنك البنزين للبولونيز 45 لتر من واقع الكتالوج بتاعها