::: البولونيز المظلومة :::

[Zika9909]

السلام عليكم
بجد من كلامكم على العربية دي انا حبيتها اوي ونفسي انشالله ابقى اجيب واحدة

المهم تكون حالتها كويسة

معلش الامتحانات بقى يا زيكا ربنا يعديها على خير
مش لوحدك
انت طمنا عملت حاجة جديدة في عربيتك ولا لسة

لأ، أنا كنت هعمل حادثة محترمة بس ربنا ستر
هبقى أحكيها في المشاركة إللي جاية

مظلومه مين يا عم صلي علي النبي :d :d الواحد ما صدق خلص منها

عليه الصلاة و السلام
لو العربية حالتها سيئة أكيد هتتعبك
و لو كنت بتتعامل مع ميكانيكي تعبان أكيد هيبوظ في العربية
و هتلاقي نفسك كل ما تخلص من مشكلة تطلع لك غيرها
و كله من غباء الميكانيكية

أخيرا وبعد معاناة غيرت الفتيس وأشتريت واحد استيراد
وفكيت الموتور علشان بعمل عمرة
أدعولى يارجالة
دة الموضوع طلع كبير وشكلة هيفتح على الخامس

جبت الفتيس منين و بكام؟
و إن شاء الله عربيتك هترجع زيرو و مش هتندم على إللي بتصرفه عليها

[Zika9909]

أنا كنت ماشي على الدائري و كان جنبي عربية نقل بمقطورة على شمالي
بس المسافة بيني و بينه ماكانتش كبيرة لأن كان في عربية نص نقل بتزحف و كنت عايز أعدي من بينه و بين المقطورة
و أثناء ما أنا بعدي سمعت دربكة و تخبيط في المقطورة كأنها بتتفكك من بعضها
اتخضيت من الصوت و بعدت عنه شوية
و فجأة
لاقيت المقطورة بتحدف عليا!!!
قمت حادف أنا كمان يمين و يا دوب عديت من جنب عجلاته
كان بيني و بينها حوالي نص متر بس
بعد ما عديته عرفت سبب الدربكة إيه
ميكروباص تويوتا فرامله سابت اتحشر بين المقطورة و السور الأسمنتي إللي في النص
و لولا المقطورة حدف عليا كان زمانه هرس الميكروباص بإللي فيه
المكيروباص بعد ما عدى من المقطورة كانت سرعته قلّت راح لابس في مقطورة تانية قدام الأولانية فوقف بدون إصابات في الركاب
طبعًا الميكروباص اتفشفش
و المقطورة الأولانية إللي أنا عديت منها وقف بردو قبل ما يعجن الميكروباص إللي في طريقه
و أنا حمدت ربنا إني طلعت سليم من الفيلم ده

[se7s_g]

أنا كنت ماشي على الدائري و كان جنبي عربية نقل بمقطورة على شمالي
بس المسافة بيني و بينه ماكانتش كبيرة لأن كان في عربية نص نقل بتزحف و كنت عايز أعدي من بينه و بين المقطورة
و أثناء ما أنا بعدي سمعت دربكة و تخبيط في المقطورة كأنها بتتفكك من بعضها
اتخضيت من الصوت و بعدت عنه شوية
و فجأة
لاقيت المقطورة بتحدف عليا!!!
قمت حادف أنا كمان يمين و يا دوب عديت من جنب عجلاته
كان بيني و بينها حوالي نص متر بس
بعد ما عديته عرفت سبب الدربكة إيه
ميكروباص تويوتا فرامله سابت اتحشر بين المقطورة و السور الأسمنتي إللي في النص
و لولا المقطورة حدف عليا كان زمانه هرس الميكروباص بإللي فيه
المكيروباص بعد ما عدى من المقطورة كانت سرعته قلّت راح لابس في مقطورة تانية قدام الأولانية فوقف بدون إصابات في الركاب
طبعًا الميكروباص اتفشفش
و المقطورة الأولانية إللي أنا عديت منها وقف بردو قبل ما يعجن الميكروباص إللي في طريقه
و أنا حمدت ربنا إني طلعت سليم من الفيلم ده

يااااااااااااه الف حمدالله على سلامتك وربنا يسترها معاك يا زيكا
المشكلة كمان في التريلات والنقل اللي بيمشو زي المجانين في الشوارع كلها وبالذات لما يكونوا على الاوتوستراد والدائري تلاقيهم واخدين الحارات كلها وبياخدوا غرز بغباوه ومبيعملوش حساب لحد ابدا ربنا يسترها مع الجميع

[velkouf]

اولا مبروك ياباشا وربنا يوفقك وتعرف تلمها كويس
بس انا كان ليا رأي حضرتك بتقول انك غيرت الفتيس بواحد استيراد كنت جبت الموتور كامل بالفتيس بدل العمره ووجع دماغها وممكن كمان كنت تحدث موديل الموتور و ع العموم ربنا معاك ويباركلك فيها

انا كنت ناوى اجيب الموتور بالفتيس بس العملية جت واحدة واحدة
والموتور عندى سليم كان عاوز شمبر وشغل فى الوش بس جبت واحد استيراد احسن
وربنا يسهل
بالنسبة للفتيس عمل 600 ج من عزبة شلبى
Zika9909 الحمد لله انك عديت منها سليم وربنا سترها
فعلا الدائرى بقى كلة حوادث بسبب التريلات و الميكروباصات اللى متعرفش للسرعة حدود

[Zika9909]

يااااااااااااه الف حمدالله على سلامتك وربنا يسترها معاك يا زيكا
المشكلة كمان في التريلات والنقل اللي بيمشو زي المجانين في الشوارع كلها وبالذات لما يكونوا على الاوتوستراد والدائري تلاقيهم واخدين الحارات كلها وبياخدوا غرز بغباوه ومبيعملوش حساب لحد ابدا ربنا يسترها مع الجميع

الله يسلمك يا حسين
هو بس أهم حاجة ماتقربش أوي من أي مقطورة أو نقل تقيل لأنه ممكن مايكونش شايفك فعلاً و يدوسك زي ما كان هيحصل معايا

zika9909 الحمد لله انك عديت منها سليم وربنا سترها
فعلا الدائرى بقى كلة حوادث بسبب التريلات و الميكروباصات اللى متعرفش للسرعة حدود

الحمد لله ربنا ستر

[kreka]

الحمد لله انها عدت على خير يا زيكا ........ وجمد قلبك شويه يا عم d:

انا الحمد لله الحاج راح للميكانيكى وظبط الكهربا وبعد معاناه 10 شهور العربيه رجعت لأصلها التجميع بتاعها ما شاء الله بقى عالى

[yehiaseg]

يا رجاله استشاره لوجه الله ، والدي معاه بولونيز موديل ١٩٨٧ فابريكه بره وجوه والحمد لله ربنا كرمه واقتنع انه يبعها ، المهم انا مكسل الصراحه انزل السوق والفرك ده فقولت اعمل اعلان علي كونتكت كارز بس مش عارف اطلب كام، هيا لونها ابيض وفبريكه باره وجوه فعلا والوالد اصلا مهندس ميكانيا سيارات وبعد كده دخل الجيش فا متحافظ عليها جدا جدا ، كل حاجه فيها سليمه ، مش عايز اظلم او اتظلم فا ممكن تقولولي الرينج بتعها؟!

[se7s_g]

الحمد لله انها عدت على خير يا زيكا ........ وجمد قلبك شويه يا عم d:

انا الحمد لله الحاج راح للميكانيكى وظبط الكهربا وبعد معاناه 10 شهور العربيه رجعت لأصلها التجميع بتاعها ما شاء الله بقى عالى

ايه الغيبة ديه عاش من شافك يا راجل والف مبرووك على ظبط العربية
و على رايك جمد قلبك ده انت راكب بولونيز (الدبابة) ربنا يحفظها لنا

يا رجاله استشاره لوجه الله ، والدي معاه بولونيز موديل ١٩٨٧ فابريكه بره وجوه والحمد لله ربنا كرمه واقتنع انه يبعها ، المهم انا مكسل الصراحه انزل السوق والفرك ده فقولت اعمل اعلان علي كونتكت كارز بس مش عارف اطلب كام، هيا لونها ابيض وفبريكه باره وجوه فعلا والوالد اصلا مهندس ميكانيا سيارات وبعد كده دخل الجيش فا متحافظ عليها جدا جدا ، كل حاجه فيها سليمه ، مش عايز اظلم او اتظلم فا ممكن تقولولي الرينج بتعها؟!

اولا ياباشا ربنا يباركلكم فيها وربنا يوفقك في بيعها وعلى فكره انت لو نزلت السوق والتجار شافوها هيخسفوا بتمنها فخلي بالك وفي مواقع نت كتير ممكن تصورها وتنزل صورها وهي لو حالتها زي محضرتك بتقول وموتورها لو حالته ممتازه ممكن تعمل من 16 لفوق وده اللي ممكن تسمعه في السوق بس حاول انت ترفع السعر شوية عشان اللي بيشتري دايما بيفاصل وممكن تشوف الاسعار اللي موجوده على النت وتقييم و ربنا يسهل وتلاقي اللي يقدرها ويوفقك في بيعها واحنا في الخدمة واستنى برده راي الرجالة هنا في الرابطة

[yehiaseg]

متشكر جدا لحضرتك ، انا هطلب فيها ١٥ الف بدون اي فيصال نهائي وربنا يكرم .

[Zika9909]

الحمد لله انها عدت على خير يا زيكا ........ وجمد قلبك شويه يا عم d:
أنت لو شفت المقطورة و هي بترمي عليا ماكنتش قلت كده :D :D

انا الحمد لله الحاج راح للميكانيكى وظبط الكهربا وبعد معاناه 10 شهور العربيه رجعت لأصلها التجميع بتاعها ما شاء الله بقى عالى

ألف مبروك يا كاريكا
بس حاول تحافظ عليها :D

يا رجاله استشاره لوجه الله ، والدي معاه بولونيز موديل ١٩٨٧ فابريكه بره وجوه والحمد لله ربنا كرمه واقتنع انه يبعها ، المهم انا مكسل الصراحه انزل السوق والفرك ده فقولت اعمل اعلان علي كونتكت كارز بس مش عارف اطلب كام، هيا لونها ابيض وفبريكه باره وجوه فعلا والوالد اصلا مهندس ميكانيا سيارات وبعد كده دخل الجيش فا متحافظ عليها جدا جدا ، كل حاجه فيها سليمه ، مش عايز اظلم او اتظلم فا ممكن تقولولي الرينج بتعها؟!

اطلب فيها 18
و مع الفصال سعرها هينزل لـ 15
هي حقها أكتر من كده بصراحة
بس دي قواعد السوق المصري

[kreka]

يا رجاله استشاره لوجه الله ، والدي معاه بولونيز موديل ١٩٨٧ فابريكه بره وجوه والحمد لله ربنا كرمه واقتنع انه يبعها ، المهم انا مكسل الصراحه انزل السوق والفرك ده فقولت اعمل اعلان علي كونتكت كارز بس مش عارف اطلب كام، هيا لونها ابيض وفبريكه باره وجوه فعلا والوالد اصلا مهندس ميكانيا سيارات وبعد كده دخل الجيش فا متحافظ عليها جدا جدا ، كل حاجه فيها سليمه ، مش عايز اظلم او اتظلم فا ممكن تقولولي الرينج بتعها؟!

لو العربيه مفهاش الهوا امسك على 17

[velkouf]

أنتظروا المفاجأة
البولونيــــــــــــــــــز هتبقى بــــــــــــــــــــــــــــاور يا رجالة

[se7s_g]

أنتظروا المفاجأة
البولونيــــــــــــــــــز هتبقى بــــــــــــــــــــــــــــاور يا رجالة

يا باشا مبروووك مقدما وعقبال التكييف ان شاء الله
ولو احتجت اي حاجة انا في الخدمة اصلي سبقتك
وفي نصيحة خلي بالك لو انت بتحب تجري بالعربية كتير فوق 100 لفترات يبقى حاول تعمل قاعدة الباور حديد عشان الالمونيوم بيقطم مع سخونة الموتور وربنا يكفيك شرها

[velkouf]

تكييف كمان لا كدة كتير والله كتير
هههههههههههه
بالنسبة للباور الميكانيكى عمل التعديل دة قبل كدة وورانى العربية المتعدلة
علبة الدركسيون الباور بيتعملها توسيع عند السمكرى علشان حجمها اكبر
وصلة الدركسيون هتتغير لوصلة اقصر علشان حجم العلبة
طمبورة الكرنك هتتغير ونجيب طمبورة 2 سير
طلمبة الباور هنعملها قاعدة عند الخراط علشان تتثبت فى الموتور
( القاعدة دى اللى انت قصدك عليها اعملها حديد ولا الومنيوم )
المشكلة فى مكان تثبيت علبة زيت الباور
عملت اية يا se7s_g فى العلبة
وياريت تقولى على التكلفة علشان الواحد يظبط الامور

[kreka]

مبروك مقدماًً وانا كنت بسمع ان التكلفه دايما بتكون حوالى الف جنيه