Tweet
غالباٌ ده صوت كلاتش التكييف
وحله سهل اوى
شوية wd-40 على الكلاتش والصوت هيروح وكله هيبقى تمام
جرب وادعيلى
وحله سهل اوى
شوية wd-40 على الكلاتش والصوت هيروح وكله هيبقى تمام
جرب وادعيلى
-
[SIZE="6"][CENTER] اهم مواضيعى هنا [url]http://www.nilemotors.net/Nile/search.php?do=finduser&u=20690&starteronly=1[/url] [/CENTER][/SIZE] -
كلامك اكيد سليم بس الحمد لله الصوت بقي ولا حاجة[SIZE=6][COLOR=#001109]البريبئ [/COLOR]اتخرم و عايزيين [COLOR=#001109]بريبئ[/COLOR] جديد [/SIZE]:B4_444::dzey:Comment
-
تم تركيب الطنابير ........الحمد لله
السلام عليكم يا اخوة .....
الحمد لله ... رحت ابوغالي طمان باي -ربنا ما يقطع لنا عادة- ... كنت هناك الساعة 8:29 قبل معادي بدقيقة لان الحمد لله اخوكم من زوي المواعيد الدقيقة للغاية .....و يا سلام علي المهزلة ....
كنت واقف في طابور و انا تالت عربية برة البوابة ... و ورايا ما لا يقل عن 5 عربيات سدين الطريق ... و بكل فكاكة البني ادم المصري لقيت واحدة مزة- ملهاش وصف تاني للاسف- جت حشرت نفسها بعربية لانوس جنبي يمين و بعدها شاب سنتيح علي يمينها .... قال ايه بقي و بكل بجاحة الدنيا لما جيت ادخل ابوها يقولي ان الدور عليها .... قمت و علي وشي ضحكة من الودن للودن قايلة طب وسع يا بيه و اديتها بنزين و هكذا اللي ورايه و ابوها قعد يحلف كدب الراجل الوحش ان هيه اللي عليها الدور ......
بس كلمة الحق تتقال .... مسؤلي الاستقبال ادوهم علي دماغهم و دخلو الطابور بالترتيب -فعلا يستحقوا تصقيفة- و رفضوا استلام السيارات الغير حاجزة مواعيد الا بعد استلام العملاء الحاجزين ......
المهم الراحل بتاع الاستقبال كان متعكنن من الفوضي و كان ناسيني ... سألني صيانة كام حضرتك ... قولتله طنابير ان شاء الله ... افتكر و ضحك و قالي ياه.. اسف معلش حضرتك شايف .... قولتله ولا يهمك و ربنا في العون ....
قالي حاجة تاني .... قولتله بص انا عايز اشيك علي زيت الفتيس ... اطفي لمبة الصيانة ... اربط عفشة كاملة ...اراجع علي مساعدين امامية علشان احيانا لما محود يمين و اجي ارد الدركسيون بسمع انه خفيفة-" انا متأكد انها جلب متربة مش مساعدين بس رخامة بقي مهو حقي ولا ايه؟؟؟"- غير تغيير الطنابير ... ويا ريت بعد اذنك لو نشوف وصلةالشكمان جت ولا لا....
الراجل كتب تقرير الاستلام و هبا قام راح مخزنهم و رجع قالي طنابير موجودة و هتركب بس الشكمان لسة للاسف ....
قلتله خلاص توكل علي الله .....
خدوا العربية رفعوها الساعة 9:30 .... كانت خلصانة 11:00
رحع قالي زيت الفتيس تمام .. العفشة اتربطت .. المساعدين مفيهمش الهوا و الطنابير ركبت-" انا شفتهم بيفكوا و يبعدو الطنابير القديمة و بعدين راحوا استلموا الجديدة و ركبوها"-
المهم ادور لقيت لمبة الصيانة لسة ... نديت علي كبير المهندسين قالي لحظة ... دخل ضغط علي الزراير بتاعت العدادات اول ما دور و لقيتها طفت .....
خلال فترة عملهم سألت مهندس هل متوفر تيل قديم علشان اقدر اخدفردة و ادور علي حاجة نضيفة بدالها ... قالي والله حضرتك معنديش ... قولتله طب هية زي ال 516 ... قالي حاجة عجيبة جدا ....قال ايه ان في عربيات من نفس الموديل بس موديول الفرامل مختلف ... و ذكر ال 213 و قالي ان فيه 140 عربية فراملهم غير الباقين ... فلازم استني مع اول تغيير و يا اما اخد فردة و اشوف زيها اي نوع نضيف يا اما بعد ما اغير اشتري و اغير تاني ......
المهم انا اصطدت الفني الصغير اللي شغال و سألتة ايه نظام التيل اللي راكب ...قالي تمام و لسة ملحم "مليان لحم" قمت قلت لكبير الصيانة انا بس عايز احافظ علي الطنابير الجديدة بدل ما تجيب ريجة و تتغير تاني .... قالي يا باشا كله في الضمان و تحت امر حضرتك ......
خدت امر الشغل و رحت للخزنة... اداني تصريح خروج من غير مدفع شلن و مكتوب عليه "ضمان"
رحت خدت العربية و خرجت... فراملها بقت ايه ... علي الشعرة .... احري علي 30 40 50 و المس الفرامل ...تقف ...بس حسيت بحاجة غريبة .... هوه ال abs راح فين؟؟؟؟؟؟ يكونش وقع .....
قلت يا واد جرب الاول ان بعض الظن اثم ....
60 70 80 فرامل ... العربية بتفرمل جامد لدرجة اني اول مرة اسمع العجل بيصفر علي الاسفلت .....بس برضة مفيش abs ...
اه يا ولا الذين ... Abs ييييييييييييييي باااظ ولا ايه .......
ركز يا هيما .....
افتكر يا هيما .... هوه بيشتغل امتى؟؟؟؟؟؟ في حالة الفرملة المفاجأة .... طب ليه؟؟؟؟؟ لما عجلة تزحف و عحلة لا .... يعني لازم يشتغل لو في مياه او رمله ......و علي سرعة و فرامل مفاجأة ...
طب اجرب في مياه؟؟؟؟؟ لا حرام نترطش الناس و نوسخ العربية دي مش ناقصة وساخة ....
طب استحمل ياد و امشي و ربك يكرم و لو باظ نكلمهم نطلع عنين ابوهم .....
المهم جيت تحت الكوبري اللي بيجيب من جوزيف تيتو لطريق الاسماعيلية و فيه حارة تحتيه مقفولة و كلها تراب .... سميت الله و قلت يا يشتغل يا تتزحلق و نرشأ في الرصيف ..... هوبا لقيت احلي زقزقة و ترفيص ولا بطن اجدع قطة تدوس عليها ..... الله اكبر ... و حشتني يا عم ال abs..... فينك يا جدع ....
الحمد لله ... الطنابير مخلية العربية فراملها تحفة في كل الظروف ......
دوشتكم معايا ...... ربنا يديم عليكم الستر و الصحة
اتمسوا بالعافية ... انا عارف ان احنا الصبح بس انا منمتش من امبارح و داخل انام علشان كدة بقول اتمسوا :)
السلام عليكم[SIZE=6][COLOR=#001109]البريبئ [/COLOR]اتخرم و عايزيين [COLOR=#001109]بريبئ[/COLOR] جديد [/SIZE]:B4_444::dzey:Comment
-
حساب استهلاك البنزين
في التفويلة اللي فاتت مونت من موبيل المرغني اللي بعد ابو شقرة ....
خليته يمون لحد الزور "خدت 95 جنيه بنت اللذينة بس تستحقهم"
صفرت العداد و متوسط الاستهلاك قبل ما اتحرك .... و سميت الله ....
جيت بقي لما نورت دخلت امون للزور برضه خدت اجمالي 50,3 لتر والعداد عامل 495 كيلو ....
مسافرتش خالص
كل مشاويري كانت جوة البلد .... شغل ... بيت... زيارات عائلية
حرفيين من والي الدقي مرورا بصلاح سالم او جسر السويس ... حبة ميدان الجيزة ...مرة عمرانية عند خاتم المرسليين....مرتين عين شمس ...3 او 4 مرات الزتون.....
الرحلة المتكررة دايما كانت من الحرفيين الي شارع التحرير بالدقي..... الفردة 26 كيلو
تستغرق صباحا من 15 الي 25 دقيقة
تستغرق مرواحا بعد الظهر من ساعة و ربع الي ساعتين "نفس الطريق".... حسبنا الله و نعم الوكيل في هدر البنزين في الهوا
نقدر نقول انها عملت ال 495 =500 ب 50 لتر
يعني التر عمل 10 كيلو .....
صحيح ...تقريبا نص المشاوير كانت بالتكييف "فترة ما يعد الظهر "
انا عن نفسي شايف ان كدة فله .......
ربنا يديمها نعمة و يحفظها من الزوال ....
ربنا يهديلنا عربياتنا و يكرمنا فيها ان شاء الله
سلام الله عليكم[SIZE=6][COLOR=#001109]البريبئ [/COLOR]اتخرم و عايزيين [COLOR=#001109]بريبئ[/COLOR] جديد [/SIZE]:B4_444::dzey:Comment
-
جزاك الله خيرا علي التقييم الأمين
و ربنا يباركلك فيهاComment
-
المشاركة الأصلية كتبت بواسطة islam_galal مشاهدة المشاركة
الله يكرمك .... شكرا[SIZE=6][COLOR=#001109]البريبئ [/COLOR]اتخرم و عايزيين [COLOR=#001109]بريبئ[/COLOR] جديد [/SIZE]:B4_444::dzey:Comment
-
تصحيح للآيه الكريمة "ونقلب أفئدتهم وأبصارهم كما لم يؤمنوا به أول مرة ونذرهم في طغيانهم يعمهون " والف مبروك عالسيارة وربنا يحفظك ويحفظهاللك ويرزقك خيرهااا آمين
[SIZE=3]" اللهم إنا نجعلك في نحورهم ، ونعوذ بك اللهم من شرورهم "[/SIZE]Comment
-
تاني تفويلة .... 48.5 .... كدة التفولتين مجموعهم قول 100 لتر و العداد عامل 980.7 ...
يعني قول 980 كيلو ب 100 لتر .....
مع العلم اني مروح امبارح من دار الفؤاد 6 اكتوبر الي الحفيين في ساعتين تقريبا " زحمة علي الدائري"
انا شايف ان كده الاستهلاك كويس جدا داخل البلد
ربنا يكرمنا و اياكم ان شاء الله[SIZE=6][COLOR=#001109]البريبئ [/COLOR]اتخرم و عايزيين [COLOR=#001109]بريبئ[/COLOR] جديد [/SIZE]:B4_444::dzey:Comment
-
المشاركة الأصلية كتبت بواسطة hemaa_82 مشاهدة المشاركة
انا عربتىالام الشقيه اكدع م عربيتك فى البنزين
يعنى بتعمل داخلى مش اقل من220 كيلو متر فى العشرين لتر بنزين
وبده لسه بقول عليها عربيات زباله وهتفضل برده عربيات زباله
وحسبنا لله ونعم الوكيل فى ابو الفتوح اللى ماعندوش ضمير
اللى دمر عربيه المفروض تكون من احسن العربيات[SIGPIC][/SIGPIC]Comment
-
انا اتفق معك انه فعلا سبب فى تخويف الناس من شراها لانها فعلا كنت هتحتل المركز الاول بس انا اصبحت بشوفها اكتر من الاول ممكن كونوا ظبطو الدنيا فعلا لو حصل العربية هتعدىgeologist the best
[img3][url=http://www.nileup.com//uploads/images/domain-de0ba7fc14.jpg][img]http://www.nileup.com//uploads/images/domain-de0ba7fc14.jpg[/img][/url][/img3]]:verygood:Comment
-
انا اتفرجت على الام 11 و معجبنيش شكلها خالص و فوانيسها شبه الهيونداي سبورت الجديدة مع فرق الجوده طبعا:policeman: الحل السحري للتخلص من الازمة المرورية [URL]http://www.nilemotors.net/Nile/120871-a.html[/URL]Comment
-
شكرا على رأيك....
اوعى تشتريها لو مش عجباك....Comment
-
انا عن نفسى لانصح احد بان يرمى فلوسه فى صندوق زباله
واى احد بيشكر فيها يجى المقابله اللى جايه ويفرجنا على عربيته الجميله[SIGPIC][/SIGPIC]Comment
-
صباح الخير ....
طبعا كله عارف ان اعلانات الm11 بيقولوا فيها من يوم ما نزلت انها ESP "و ده مش موجود في المجمعة محليا" .... و بعدين خدوا بالهم و بطلوا يقولوا كده ..... فالواحد بلعها و سكت ...
و برضه عمالين يقولوا من يوم ما نزلت انها 8 سماعات " و هية 6 بس" ... بس لغاية دلوقت بيقولوا 8 سماعات ....و حتي بعد مغيروا الكتالوج علي موقع ابو الفتوح برضه بيقولوا انها ب 8 سماعات .....
المهم انا من يوم ماجبتها و لقيت فيها سنسورز نور و مساحات و مكنش مذكور في الكتالوج قلت لنفسي خلاص فكك ماهو كده كده السماعتين اللي ناقصين هيبقوا بكام يعني .. اكيد بولا حاجة ... غير ان اديني خدت حاجة مكنتش اعرفها ..... و سكت وقتها
انما لما غيروا الكتالوج علي الموقع قالوا انها فيها سنسورز .... بس لسه بيقولوا فيها 8 سماعات مش 6....
الموضوع ده بقي غاظني ........
كلمت امبارح خدمة ما بعد البيع ...... و رد عليا مندوب اسمه يحيي...... قمت بكل هدوء مفهمه الوضع .... و قلتله عايز سماعاتي ....
و برضه قلتله ان العربية ليها وصلة شكمان من قبل ما يطلبلها الطنابير .... و ان الطنابير جت و ركبي و الشكمان لا ..... قالي معلش و قطع الغيار و مجتش ......
رديت عليه ببساطة و قلتله ان معلش العربية بتتجمع في مصر ... و اللي بيتأخر و يشتكي في حماية المستهلك بتطلعولوا الحاجة من خطوط الانتاج و لا لازم اروح اشتيكيكو .... و قلتلوا ان معايا مطالبات الضمان و الموافقة من شهر 2 ..... يعني لو رحت هيكون عداني العيب و قزح ....الراجل مردش بكلمة ..
المهم الراجل فتحلي شكوي و قالي انهم هيكلموني خلال 48 ساعة ..... و بعد ما قفلنا رجع كلمني و خد مني رقم الشاسيه و الرخصة .... " هوه اللي اتصل منه لنفسه.... و دي مبادرة خير ان شاء الله"
المهم انا قلت احطكم معايا في الصورة علشان المصداقية
انا مش مضايق خالص من صوت الكاسيت بالعكس الصوت الحمد لله جميل
و الشكمان نادرا ما بيعمل الزنة
بس الفكرة انه حقنا ... نسيبه ليه ؟؟؟؟؟؟؟
لازلت مصر ان لغايه دلوقت ما شاء الله العربية زي الفل - برغم اني انا بطبيعتي مش بحسس علي العربيات ..... يعني عمري ما سخنتها ... علي طول ماشي بقرص علي المتور ... نضفتها من جوه مرة واحدة خلال 10 شهور ... معنديش فكرة اني افادي مطبات ...- و مع ذلك العربية اداءها رائع حتي الان بدون اعطال في اي وظيفة - بسم الله ما شاء الله-
ربنا يبارك للجميع و يعين المتضررين و يصلح لهم الحال .....
السلام عليكم[SIZE=6][COLOR=#001109]البريبئ [/COLOR]اتخرم و عايزيين [COLOR=#001109]بريبئ[/COLOR] جديد [/SIZE]:B4_444::dzey:Comment
-
والله احلى حاجه النقاش بهدوء ربنا يحفظ ويبارك عربيات الجميع
بس بجد ايه رايكم العربيه دى مظلومة ازاى تكون احسن سيارة لانها فعلا المفروض كده ؟geologist the best
[img3][url=http://www.nileup.com//uploads/images/domain-de0ba7fc14.jpg][img]http://www.nileup.com//uploads/images/domain-de0ba7fc14.jpg[/img][/url][/img3]]:verygood:Comment
Comment