تقييم الm11 من الاول للاخر

[hemaa_82]

ملاحظات بعد صيانة ال 40

انا بقالي كدا اسبوعين عامل الصيانة ....
من ساعة ما روحت بالعربية و انا حاسس بان العربية استهلاكها في البنزين اتحسن ....يعني بعمل جوة البلد دلوقت اكتر من 100 لكل 10 لتر ....بعمل حوالي 110 الي 120.... علي الدائري بس في وقت الذروة "4-5 عصرا" و من المعادي الي السلام
الموتور صوته وطي عن ما كان قبل الصيانة ....
السحب قل سنة ...او جايز انا اللي مش بدوس جامد لان علي طول زوجتي معايا في العربية و علي طول مشغل التكييف "المعدل المذكور في الاستهلاك بالتكييف بالمناسبة"

اللي مضايقني بقي ان في سنة كده لو ماشي علي عدد لفات قليل "من 1500 - 2000 لفة متور" بحث بتردد في اداء العربية قبل الاستجابة....
زيادة في الشرح ... كأن في عكرة في البنزين .. كأنها هتكح قبل ما تمشي .....بس غير كده كله تمام....


مني لنفسي كده قمت رايح لواحد ميكانيكي جارنا اسمه فريد "ولد زوق لدرجة ان انا بتكسف اكلمه اساسا"...قلتله بص يا فريد الوضع اني عملت الصيانة و كله تمام بس في كذا...
مش كدا يا فريد لو الكاتينة مش مظبوطة لازم تهدر بنزين ... او تأخر الدوارة .. او العربية تبرجل علي طول ...رد قالي اكيد ...
قلتلو طب كدا ايه غير بوجيهات او فلتر بنزين؟؟ ...رد قالي مفيش ...
قلتله طب انا معايا البوجيهات القديمة نركبهم و نحكم علي اساسهم ....

فكينا البوجيهات الجديدية ..لقيتوا بيشكر فيهم ....مسكتهم لقيتهم شمعة واحدة ...بقولوا بس دول القدام 3 شمعة ...قالي ان ده بوجيه جديد"حولين راسه مادة بيضاء كأنها سيراميك" اسمه بوجيه اليكتروني تقريبا و عمرة طويل زي ال 3 شمعة ....
المهم ركبت البوش ال 3 شمعة القديم اللي كان فيها و لسه هجرب و اقولوكم الاخبار ان شاء الله

[hemaa_82]

ملاحظات بعد صيانة ال 40

انا بقالي كدا اسبوعين عامل الصيانة ....
من ساعة ما روحت بالعربية و انا حاسس بان العربية استهلاكها في البنزين اتحسن ....يعني بعمل جوة البلد دلوقت اكتر من 100 لكل 10 لتر ....بعمل حوالي 110 الي 120.... علي الدائري بس في وقت الذروة "4-5 عصرا" و من المعادي الي السلام
الموتور صوته وطي عن ما كان قبل الصيانة ....
السحب قل سنة ...او جايز انا اللي مش بدوس جامد لان علي طول زوجتي معايا في العربية و علي طول مشغل التكييف "المعدل المذكور في الاستهلاك بالتكييف بالمناسبة"

اللي مضايقني بقي ان في سنة كده لو ماشي علي عدد لفات قليل "من 1500 - 2000 لفة متور" بحث بتردد في اداء العربية قبل الاستجابة....
زيادة في الشرح ... كأن في عكرة في البنزين .. كأنها هتكح قبل ما تمشي .....بس غير كده كله تمام....


مني لنفسي كده قمت رايح لواحد ميكانيكي جارنا اسمه فريد "ولد زوق لدرجة ان انا بتكسف اكلمه اساسا"...قلتله بص يا فريد الوضع اني عملت الصيانة و كله تمام بس في كذا...
مش كدا يا فريد لو الكاتينة مش مظبوطة لازم تهدر بنزين ... او تأخر الدوارة .. او العربية تبرجل علي طول ...رد قالي اكيد ...
قلتلو طب كدا ايه غير بوجيهات او فلتر بنزين؟؟ ...رد قالي مفيش ...
قلتله طب انا معايا البوجيهات القديمة نركبهم و نحكم علي اساسهم ....

فكينا البوجيهات الجديدية ..لقيتوا بيشكر فيهم ....مسكتهم لقيتهم شمعة واحدة ...بقولوا بس دول القدام 3 شمعة ...قالي ان ده بوجيه جديد"حولين راسه مادة بيضاء كأنها سيراميك" اسمه بوجيه اليكتروني تقريبا و عمرة طويل زي ال 3 شمعة ....
المهم ركبت البوش ال 3 شمعة القديم اللي كان فيها و لسه هجرب و اقولوكم الاخبار ان شاء الله

[hemaa_82]

البوجيهات القديمة ال 3 شمعة شغاله حلاوة لتاني يوم ...حسبنا الله و نعم الوكيل ...انا هكلمهم و اشتكي في خدمة العملاء

[kab84]

انا بفكر اشترى m12 , وهجبه قسط على خمس سنين يعنى عايز عربيه تستحمل خمس سين عشان مش هعرف اغيرها , تنصحنى بأيه :)

[hemaa_82]

انا بقالي 3 سنين و لسة متحللتش .... :)
و بجد الحمد لله لو نزلت النهاردة ب 80 الف جنيه مش هجيب غير يا M11 or M12 بس انا من محبي العربيات اللي بشنطة

[diamond707070]

بعد اذنك يا استاذ هيما كنت عايز اعرف هو الاريل اللى على السقف بيتشال ويتركب ولا لأ

[hemaa_82]

بينام علي الازاز انما ما بيتشالش خالص...اللهم انك تمسك بقي المسمار بتاعة ببنسة سن طويل و تتعافي علي الاريال لحد ما يفوت و يبقي تخريب و السلام يعني

[hemaa_82]

امبارح نزلت الجمعة و دورت و طلعت علي بنزينة علشان كانت مشحرة بنزين ....افتح التانك مفيش ..... اشد مفيش .... المهم قلت للولد في المحطة استني اركن و افتح و اجي تاني قالي لا افتح الشنطة ... شد الوير من الشنطة و انا بالمفك ساعدت غطا التانك و خلصنا ...
مشيت لحد حتة ظل و فكيت الدراع لقيت السلك هربان من مكانه اللي بيبات فيه في الدراع ...السلك بالضبط زي بتاع فرامل العجل و ليه منيم بس الحواجز فبر .. ودنين اتنين ... واحدة سليمة و واحدة طقت علشان كده هرب ....
المهم حتي لو مفيش دراع خالص ممكن الفتح من السلك نفسه لانه خفيف قوي ...و برضه علشان المنظر العام طلعت علي بتاع المفاتيح اللي عندنا في الزيتون اللي في شارع نصوح ...
يا اخوانا الدراع ده بيتباع او ليه اخوات .... طبعا بعد ما سألوا دي رينو ولا بيجو ولا ايه "يعني الماركات دي برضه واضح ان بيحصل في دراعاتها حاجة " و لمل عرفوا انها اسبيرانزا قعدوا بقي طبعا ماهوا الصيني كده :)

المهم بقولوهم طب اروح اخرط قالولي مش هينفع ...قلتلهم لا في خراط في المنطقة الفلانية شفته بيخرط حاجات اصعب ...ف عرفوا ان انا قصدي علي مصطفي و قالولي اه فعلا ممكن يعمل واحد فبر انضف بس الموضوع مش مستاهل ...
عملو منيم او ماسك للبنطة اللي في اخر السلك علي الدراع بحتة سلك صلب ... شغل 10 دقائق ..و رجعت زي الفل ب 10 جنيه ...

بس انا شايف ان صب دراع او تغييره خالص احسن من اصلاحه

[diamond707070]

متشكرين على اهتمامك يا استاذ هيما وربنا يباركلك ويكفيك شرها

[hemaa_82]

بسم الله

الكاوتش جاب جاز ..... عامل 47000 كيلو علي البيريللي p6000
جبت عجلتين كومهو 205-55-16 w91..كوري انتاج شهر 1 2012
الفرده ب 475 من البيومي في الدقي
و شنبرت العجلتين التانيين لحين التغيير...شنبر 14 ب 40 بلبل

ربنا يبعت علشان بنكح تراب

نوافيكم بكل جديد

[islamnasser10]

hemaa_82
قريت ال 37 صفحة وزعلت لما عرفت ان دي الاخيرة
انا ناوي ان شاء الله اجيب ام 11 او 12 خلال شهر او 2 وحضرتك هتكون احد الاسباب اللي خلتني اقتنع بالعربية زيادة
رغم الفصول البايخه اللي العربية عملتها معاك الا اني مش لاقي حاجة افضل بالمبلغ ده
ربنا يباركلك فيها بس تنصحني اجيب من ابو الفتوح ولا من معرض مع العلم اني من اسكندريه مش القاهره
والاستلام عند ابو الفتوح بعد اد ايه ولو فيه اي ملاحظات ياريت متبخلش عليا
بالنسبة للسماعات عايز سماعتين ورا يكونوا ممتازين في حدود 1000 جنيه للاتنين بس من غير ما الغي اي حاجة من ال 6 اللي في الابواب وياتري ليهم مكان ورا ولا هنخرم الرف ولا هيتشال ويتحط غيره ولا ايه
ملحوظة اخيرة : تنفع كاتب

[hemaa_82]

ربنا يخليك و متشكر علي كلامك الجميل ...

بالنسبة تجيب منين ؟؟؟ هات من الارخص ... كده كده العربية تجميع محلي و صيانتها مع توحة في الاخر فمش فارقة ....
المهم تاخدها مش ماشيه مشوار .... بمعني ان انا استلمت عربيتي عاملة 30 او 35 كيلو مش اكتر .... متخدهاش يعني عاملة 100 ولا 150 ....
و وانت بتستلم راجع علي كل حاجة و براحتك علي الاخر .. و ان شاء الله ربنا يباركلك فيها...

بالنسبة للرف ... لو جبت ال 12 هيكون سهل تغير الرف كله حفاظا علي الفابريكة ... انما في 11 يتهايألي تتوكل و تحفر للسماعات و تريح دماغك ...

اما النوع ايه ... فأنا كنا مركب في ال 128 سماعات اكسبلود اصلي كنت جايبها من السعودية و كانت حلاوة ...بس لو هركب حالا يتهايأليسمعت حد بيقول احسن حاجة في كلاريون و سألت عليها كانت الطقم ال 500 "حسب ما افتكر " ب 680 بلبل ...عند المصرية اليابانية اللي في ميدان الحجاز عند نادي الشمس ...
معرفش نظام اسكندرية ايه بقي يا معلم ...
ربنا يوفقك

و عيد سعيد للجميع

[hemaa_82]

نرجع للتقييم ...

العربية مع بنزين 90 عبارة عن بطة بلدي .... اول و اخر مرة احط اقل من 92 ....
تسقيف في كل الغيارات و حاجة اخر مسخرة

ابتعدوا عن اللي اقل من 92 ...ادينا بنحذر اهه

عيد سعيد علشان مبارك راحت عليه :)

[bassem.naguib]

ألف مبروك لصاحب الموضوع تثبيته لعموم الفائدة .

[sakr7]

متشكرين جدا على الموضوع الجميل دا بس كنت عاوز استفسر عن موضوع العفشه لانى سمعت انها كل شويه لازم تتربط انا تابعت كلام حضرتك كله باهتمام جدا بس حاسس انك صرفت على العربيه كتير قوى بالنسبه لعربيه بقالها 3 سنين بس وايه رايك فى قطع الغيار دلوقتى برى التوكيل اسف للاطاله وجزاك الله خيرا