تقييم الm11 من الاول للاخر

[hemaa_82]

ايوه تمام كده
وبرضه في التوكيل مش عارفين كل الموجود فيها, حاجه تضحك

بص هيه اول ما نزلت فعلا كان في كتير ميعرفوش ان فيها اوتوماتيك نو و مساحات ... و كانوا فاكرينها ب 8 سماعات ....

انما ايه الاحوال دلوقت؟؟؟؟؟؟

[amir]

اعضاء المنتدي اعذروني

برجاء قراءه الموضوع ده ضروري و بسرعه

المصابين يتألمون و مساعدتكم الطبيه هتنقذ ارواح

(ساهمو في مساعدات طبيه, قافله طبيه اخري هتتحرك للشعب الليبي)http://www.nilemotors.net/Nile/202971-a.html

[samehsalem]

استاذ هيما كنت عاوز اعرف من حضرتك اذا كانت قربة المياه اتغيرت ولا لا....لان انا عندي تقريبا محتاج اغير قربة....كمان البربريز الامامي عندي اتكسر بسبب خناقة في الشارع وركبته عند واحد سعره 380 ج ....ياريت لو حد يعرف السعر كدة كويس ولا غالي يعرفني...

[hemaa_82]

القربة اتغيت علي الضمان و عندي احساس ان الجديدة محملة عن القديمة "خامة احسن"

الزجاج عيرته في التوكيل قبل كدة ب 735 جنيه بدون الجوان الكاوتش"اتصرفوا همه و طلعوه سليم لعدم توفرة و لم تتم محاسبتي عليه"....بس مكنتش لاقي حد اساسا برة التوكيل يركبه ..... انت ركبته فين؟؟؟؟؟

[hemaa_82]

اه صحيح .... ايه اخبار سنسور النور و المطر بعد تغيير الازاز ؟؟؟؟؟؟همه مكانهم اصلا ورا المراية عاملين ايه؟؟؟؟؟؟

[samehsalem]

انا ركبته عند واحد مشهور في مسترد مش عارف ينفع اقول اسمه ولا لا...وفك الازاز عادي بس تعبه شوية عشان فبريكة وكدة والكاوتش والجوان طالع كله سليم والحساسات ركبت عادي هي عبارة عن جزي بيكون لازق في الازاز ده الحساس نفسه وفي كابل نازل من فوق فرش السقف بيركب في الحساس بس مش اكتر والحساس ده فكه ولزقه بسهولة والسعر 380 جنيه و20 جنيه اكرامية للناس اللي اشتغلوا

[hemaa_82]

جديد * جديد

الزمان : السبت 12/3/2011
الخطة :- من الزيتون الي العلمين صد رد


سلام الله عليكم و رحمته و بركاته :)

طلعت الساعة 9 وصلت 12 .... و طلعت من هناك 3 وصلت 6راجع الحمد لله

السرعة علي الطريق لم تقل عن 160 .....
تم الوصول الي سرعة 200 كيلو في الساعة .... السيارة محملة ب 4 افراد باجمالي وزن حمولة حوالي 400 كيلو
متوسط استهلاك البنزين 10 لتر لكل 100 كيلو " مع العلم بأن الصحراوي من بوابات القاهرة لبوابات العلمين خدناه في ساعة و 45 دقيقة و اكتر من ساعة بقي علي المحور و اكتوبر "


اغبي ما في الموضوع :- الزجاج الامامي يمين "باب المرافق" علق مرتين ..... في الطريق الرايح فضل تلت ساعة مش راضي يطلع
و برضه في الراجع عمل نفس الحركة .......
و رجع اشتغل لوحده تماما ...... تقريبا في سلك مفكوك من المكنة لاني بسمع صوت الكتاوت بتاعة الزراير بس لما بيعلق مبسمعش صوت المكنة .... بس لما اشتغل بقي عادي تماما و طول الطريق عمال العب بيه طالع نازل لما كنت انا اللي هبوظة بجد :)


ان شاء الله كده صيانة ال 25000 فاضلها 1000 .... و معاها هغير تيل امامي + فك بطانة الباب و الكشف علي وصلات مكنة الزجاج

العربية علي 200 كيلو في الساعة تحفة و بسم الله ما شاء الله

ربنا يكفينا و اياكم شر الطريق

اتمسوا بالعافية

[ALshahba]

ياريت يا خبراء m11 تفيدوني فى استهلاك العربيه داخل المدينه ,,, لان والدي معاه الموديل ده من حوالي شهر وعامله حوالي 1500كم وبيقولي بتعمل فى الصفيحه داخلي 140كم وده معدل استهلاك عالي جدا , هل بتعمل كده مع حضراتكم ؟؟؟؟ وايه الحل من وجهة نظركم

اشكركم علي سرعة الرد

[hemaa_82]

ياريت يا خبراء m11 تفيدوني فى استهلاك العربيه داخل المدينه ,,, لان والدي معاه الموديل ده من حوالي شهر وعامله حوالي 1500كم وبيقولي بتعمل فى الصفيحه داخلي 140كم وده معدل استهلاك عالي جدا , هل بتعمل كده مع حضراتكم ؟؟؟؟ وايه الحل من وجهة نظركم

اشكركم علي سرعة الرد

لا كدة كتير ... بس برضه خد بالك ان ممكن ده يحصل لو مثلا مثلا علي سبيل المثال والدك مبيتحركش بالعربية غير في عباس العقاد الساعة 3 الظهر ... وقتها اكيد ممكن المعدل يعمل كمان اقل من كده .....
فهمت قصدي ايه ؟؟؟؟؟

هوه عامة معدل الاستهلاك علشان يتحسب "اللي في الكتالوج مثلا" بيكون علي طريق مفتوح و بسرعة ثابتة و علي عدد لفات مش عالي ... اللي هوه بيقولوا عليه قيادة اقتصادية ... انما طول مانتا بتقف كتير متقدرش تحكم ....

اتمني اكون وصلتلك الفكرة

[odaoda]

ياراااااااااجل خاف على نفسك 20 كسلو ليييييية بس ربنا يديك يخرها ويكفيك شرها بأذن لله

[hemaa_82]

ياراااااااااجل خاف على نفسك 20 كسلو ليييييية بس ربنا يديك يخرها ويكفيك شرها بأذن لله

والله كانت زي الطوبة ..... بس مكنتش هتعدي ال 200 و هية محملة .... اصلا هية وزنها تقيل و هية فاضية

عايز اطلع اجربها مرة مع نفسي علشان اشوف اخر الاخر بقي ان شاء الله

في الخطة الخمسية القادمة بقي و عليكوا خير

[ALshahba]

لا كدة كتير ... بس برضه خد بالك ان ممكن ده يحصل لو مثلا مثلا علي سبيل المثال والدك مبيتحركش بالعربية غير في عباس العقاد الساعة 3 الظهر ... وقتها اكيد ممكن المعدل يعمل كمان اقل من كده .....
فهمت قصدي ايه ؟؟؟؟؟

هوه عامة معدل الاستهلاك علشان يتحسب "اللي في الكتالوج مثلا" بيكون علي طريق مفتوح و بسرعة ثابتة و علي عدد لفات مش عالي ... اللي هوه بيقولوا عليه قيادة اقتصادية ... انما طول مانتا بتقف كتير متقدرش تحكم ....

اتمني اكون وصلتلك الفكرة

الف شكر يا هيما باشا للاجابه
بس كنت عايز استفسار ,, بتعمل كام معاك مثلا داخلي ؟؟ علشان اقيس عليها واقرر اروح للصيانه ولا لأ

[hemaa_82]

بص يا سيدي .... انا من بيتي لشغلي 26 كيلو الفردة ..... بمشي الصبح الساعة 7 لوحدي في الطريق فبوصل في 15 دقيقة .... وانا مروح بقي علي 5 العصر باخد الطريق في ساعة و نص او ساعتين حسب تساهيل ربنا ....

لما قست بقي الاستهلاك عي الوضع ده و برضه بشغل التكييف ايام و اطفيه ايام يعني علشان اكون عادل لقيت اللتر بيعمل 10 كيلو او في اسواء الظروف9.5 يا عم قول 9

علي السفر ال 100 كيلو بياخدو 7.5 بالتكييف كمان

[ALshahba]

الله اكبر
هوه ده الكلام .... ماشاء الله تبارك الله
استهلاك متوازن جدا ....(مش عايز اقول ممتاز لحسن يقولو متحيز)
كده يبقي انا عندي المشكله ولازم اروح الصيانه

شكرا علي ردك السريع

صحيح هوا في تلاجه فى التبلوه ؟؟؟ او شبوره للمرايات ؟؟؟

[hemaa_82]

الله اكبر
هوه ده الكلام .... ماشاء الله تبارك الله
استهلاك متوازن جدا ....(مش عايز اقول ممتاز لحسن يقولو متحيز)
كده يبقي انا عندي المشكله ولازم اروح الصيانه

شكرا علي ردك السريع

صحيح هوا في تلاجه فى التبلوه ؟؟؟ او شبوره للمرايات ؟؟؟

في فتحة تكييف علي الرف العلوي في درج التابلوه الايمن"امام المرافق" و بتجمد الشوكولاتات السايحة بكفاءة ...
مراية السائق الخارجية عليها خط حراري يعمل من الزرار الايمن للتكيف بالضغط عليه " بيسخن الزجاج الخلفي والامامي و المراية المذكورة لمنع تكثيف البخار عليهم"

و ارجع اقولك قبل متروح الصيانة جرب العربية علي طريق مفتوح بسرعة ثابتة " مثلا 120 او 100 علي الخامس - هتلاقي لفات المتور لا تزيد عن 2500" وقتها تقدر تحدد معدل الاستهلاك