تقييم الm11 من الاول للاخر

[mohser]

ايه رأيك اروح اكشف على الفتيس

[hemaa_82]

ايه رأيك اروح اكشف على الفتيس

لو الصوت ده بيبان وانت واقف و تزود بنزين علي الفاضي .... يبقي موتور
لو الصوت بيبان مع النقل فقط يبقي فتيس

عامة العربية ليها صوت ... يعني مش من العربيات الخرسة .... بس لو فعلا في صوت مصاحب للنقل او لغيار معين تكشف علي الفتيس ....

[hemaa_82]

ممكن زيت ناقص .... و ده غالبا ... او لا قدر الله لو في مشكلة بس ان شاء الله خير

[samehsalem]

ياريت حضرتك تبص علي زيت الباور عشان نفس المشكلة كانت عندي من فترة وكان صوت ونة برده زيك ولقيت ويت الباور كان ناقص بسبب ان الخرطوم بتاعه مكنش مربوط كويس...جرب و شوف

[ALshahba]

خلي بالك ...ممكن يكون الفتيس مافيهوش زيت اصلا وانت مش عارف !!! لازم تكشف علي الفتيس زي ماقالك هيما ضروري جدا

[hemaa_82]

و بكدة ركبنا الdvd و الحمد لله

السلام عليكم

بقالي يومين مدخلتش و وحشتوني والله ....
المهم ... الحمد لله جبت DVD 2din من انجلترا .... معاه GPS + Rear cam + Ipod controler + USB + SD + analog TV + radio + BT car kit

كله مع بعضه حتة واحدة ..... و ركبته يوم الاثنين .... عند راديو باص ... اللي هوا توكيل الCD الاصلي بتاع نقاوة

انا قلت اركبه هناك لان هما هيبقوا اكتر ناس حافظين ال عربية و ضفيرة الكاسيت

التركيب خد من الساعة 1 و ربع الي 7 و ربع تقريبا ..... بجد طلع عينيهم .... خاصة مع مقلب جامد فحت و هو ان العربية حتي و هي طافية لمبة الرجوع"المارشيدير" بتكون فاصلة ارضي انما في كهربة في الدايرة بتاعتها و ده اضطر اللي بيركب ان هوه يركب كتاوت علشان يقدر يعمل فرع بيخرج كهربا لما اللمبة تنور بدل ما تبقي كهربا دايما ....
بس بجد ركب و كأنه فابريكة ... و بجد الناس حافظة العربية تماما
المهم ... الجهاز و قف بالكاميرا بتاعته بتركيبه بالخريطة اللي نزلوهالي عليه بسلاطاته ببابا غنوجه "من ساعة ما جبته لحد ما اشتغل" ب حوالي 2500 ....

جربت ال GPS شغال مظبوط
جربت ال راديو مظبوط
جربت التلفيزيون شغال
ال باركنج كام مظبوط

ان شاء الله ابقي اصورلكم الدنيا و اوريهالكم :)

نوافيكم بكل جديد

[hemaa_82]

تم تجربة IPOD علي الوصلة يعمل
تم تجربة Iphone 3GS لا يعمل

الIPOD بيتشحن و الصوت فلة انما التليفون حتي مبيشحنش

[doda112a]

طيب ياهيما هو صوت سماعاتها كويس و لا اعمل حسابي علي طقم بيونير
تخيل لغاية دلوقتي العربية عندنا و انا ما لمستهاش عشان ابويا واخدها طول النهار
و الليل كمان

[hemaa_82]

طيب ياهيما هو صوت سماعاتها كويس و لا اعمل حسابي علي طقم بيونير
تخيل لغاية دلوقتي العربية عندنا و انا ما لمستهاش عشان ابويا واخدها طول النهار
و الليل كمان

بص هيه للامانة البحتة يعني صوتها مش وحش ...بس طبعا مش هلامي .... يعني اكيد اي سماعتيين بيضاوي صوتهم احسن من اللي فيها ..بس برضه الي فيها 6 سماعات .... اتنين في كل باب امامي + واحدة في كل باب خلفي ... و مع الكاسيت بتاعها صوتهم كويس .....

انما انا علشان ركبت الDVD الجديد هركب ان شاء الله سماعتين كينوود 500 5 ways بس في مقابل كدة السماعات اللي في البيبان الخلفية مش هتشتغل

[hemaa_82]

تم تجربة IPOD علي الوصلة يعمل
تم تجربة Iphone 3GS لا يعمل

الIPOD بيتشحن و الصوت فلة انما التليفون حتي مبيشحنش

تم تجربة DVD cd فلة
تم تجربة VCD cd فلة
تم تجربة ال BT Car Kit و عمل مكالمات فلة
الاوبشن الجامد كمان ان لو التليفون واصل بلوتوث ... و شغلت اغنية من الموبايل بتشتغل علي سماعات العربية زي الحلاوة .مش محتاج توصله AUX ولا اي حاجة.. ولو جالك تليفون بتسكت لحد ما تخلص المكالمة و بعدين ترجع تشتغل عادي
برضه لو الموبايل واصل بلوتوث وانت مشغل الراديو او اي حاجة تانيةعلي ال DVD و جتلك مكالمة بيوقف كل شئ لحد ما المكالمة تخلص

بسم الله ما شاء الله طلع بجد فلة و ربنا يحمينا و يحميكو من العين


لازال جاري الفحص و نوافيكم بكل جديد ان شاء الله

[doda112a]

انا قلقان من موضوع (((قطع الغيار)))) يا هيما هي موجودة ولا لا
و انا في المنصورة علي فكرة و معلش سوال غريب شوية
هي العربية اخرها كام راكب عشان اخلي بالي
اصل ساعات بيركب معايا 8 غيري

[samehsalem]

يا باشا مفيش عربية تشيل 8 غيرك مهما عملت...ههههههههههه

[ALshahba]

ماعدا 4x4 بس هيا ممكن تشيل 8 راكب
قطع غيار m11 بدأت فى الانتشار .... ومش غاليه فى الوكيل...وانصح الناس بالوكيل حتي لو كان مش اوى علشان المشاكل الفجائيه تحل مجانا وتكون جديده

[samehsalem]

هي بس فترة الضمان وبعد كدة هتلاقي قطع الغيار متوفرة في السوق وبسعر كويس وانشاء الله العربية تثبت كفاءة اكتر من كدة عشان لحد دلوقتي بشزف ناس تشكر فيها اوي وناس تشتم فيها اوي

[hemaa_82]

انا قلقان من موضوع (((قطع الغيار)))) يا هيما هي موجودة ولا لا
و انا في المنصورة علي فكرة و معلش سوال غريب شوية
هي العربية اخرها كام راكب عشان اخلي بالي
اصل ساعات بيركب معايا 8 غيري

بص .... بيتهيألي المفروض بعد الافراج الجمركي اللي جالهم علي الشحنات في يناير 2011 ميبقاش في مشكلة في قطع الغيار ... و لو كان فيه ...حماية المستهلكاثبت كفاءة في الموضوع ده ... و ربنا ما يحوجك لمسمار حتي يتغير ان شاء الله

اما بالنسبة للعدد... انا روحت 4 علي الكنبة و 2 جنبي يعني اجمالي بيا 7 ... انما ده بصراحة استعباط و استنطاع و اكيد بيكون لوضع طارئ مش طبيعي والا فكك بقي و اشتري مكروباظظظظظظظظظظ :)

ربنا يبارك لك و لنا ان شاء الله