رابطة مالكى الويرا (2) فيد وأستفيد .

[wera]

ابو حمبد

ممكن تقولي في مجموعة الزراير اللي ب 250 جنيه
انا كده شغال عندي شباكين بس :(

وانا كمان مشغل فى اللوحه الشباكين الى ورا على الشباكين الى قدام والى ورا زرايرهم بايظه اصلا فا مش بفتحهم خالص عايز السويتش الربااااااااااااعى للويرا

[mrwho1982]

انا محتاج حد يصلحلي السنتر ويغيرلي جريدة الازاز بس يكون كويس وفاهم مش الاسطي كفتة

[ahmed_h_g]

الطقم الرباعى موجود عند الشيخ مكى
المتواجد يمين مش شمال
التغيير اللى هيتم هو تغيير سلكه مكان سلكه وتغيير الوش القديم على الطقم الجديد علشان يلف مع الكرف اللى فى الفرش الشمال

[ahmed_h_g]

ابو حمبد

ممكن تقولي في مجموعة الزراير اللي ب 250 جنيه
انا كده شغال عندي شباكين بس :(

انا محتاج حد يصلحلي السنتر ويغيرلي جريدة الازاز بس يكون كويس وفاهم مش الاسطي كفتة

أعرف محل بيصلح الانزار والسنتر أسمه أمبير فى عباس العقاد وليه فرع فى شارع دمشق
وممكن تروح لأى كهربائى نضيف
.

[mrwho1982]

تسلم ايدك يا استاذ احمد بس ممكن تبعتلي العنوان وتليفونو وهي تعمل رنج الفلوس كام

وشكراااااا........... معلش تاعبينك معانا

[wera]

الطقم الرباعى موجود عند الشيخ مكى
المتواجد يمين مش شمال
التغيير اللى هيتم هو تغيير سلكه مكان سلكه وتغيير الوش القديم على الطقم الجديد علشان يلف مع الكرف اللى فى الفرش الشمال

ميييين الشيخ مكى ؟؟؟؟؟؟؟
مكانه فيييييييين ؟؟؟؟؟؟؟؟؟؟
وبكااااااااااااام ؟؟؟؟؟؟؟؟؟؟؟؟

[islamawe]

لا يفتى فى البروتون الوييرا و أحمد حلمى جمال موجود بس أنا هتجرأ و أقولك لغاية ما يتواجد,
ده بعد إذن م/ أحمد حلمى
البوابه ديه هى ألى مربوط فيها خرطوم كاوتش بينها و بين فلتر الهواء أعلى مجموعة الإنجكشن( بمعنى أوضح هى أول الماسورة الحديد)
و أى ميكانبكى هتروحله هيفك الأفيز المربوط فيه الخرطوم الكاوتش و هيزود بنزين و يرش منظف الإنجكشن كذا مرة بس ده هيضطرك لتغيير البوجيهات مرة أخرى لأن البوجيهات بترطب وبتكون كربون بين أطرفها . فمن الأحسن تعمل عملية تنظيف الإنجكشن بالبوجيهات القديمة الى أنت غيرتها ده لو أنت مازلت محتفظ بيها
و أرجوا أنى أكون وصلت المعلومة

شباب انا عملت الكلام ده عند الميكانيكى و حصل ان العربيه بعد ما دورتها عليت جدا و بعد كده بدأت انها تعلى و توطى بشكل وحش جدا جدا ( تعلى كتير و توطى و هكذا)

الميكانيكى شال طرف البطاريه السالب و ووصله على الطرف الموجب و هو راكب فى البطاريه و محصلش حاجه و عملت بيها مشوار كبير حوالى 50 كيلو و المشكله زى ما هى و استهلاك البنزين زاد جداا

يا ريت حد يقولى اعمل ايه انا خايف يكون البوابه باظت ؟؟؟؟؟؟؟؟؟؟؟؟؟

[ahmed_h_g]

شباب انا عملت الكلام ده عند الميكانيكى و حصل ان العربيه بعد ما دورتها عليت جدا و بعد كده بدأت انها تعلى و توطى بشكل وحش جدا جدا ( تعلى كتير و توطى و هكذا)

الميكانيكى شال طرف البطاريه السالب و ووصله على الطرف الموجب و هو راكب فى البطاريه و محصلش حاجه و عملت بيها مشوار كبير حوالى 50 كيلو و المشكله زى ما هى و استهلاك البنزين زاد جداا

يا ريت حد يقولى اعمل ايه انا خايف يكون البوابه باظت ؟؟؟؟؟؟؟؟؟؟؟؟؟

يعنى المشكله ديه ظهرت بعد ما عملت كده ولا الميكانيكى لعب فى حاجه ؟
وعملت كده ليه لمبة الأعطال نورت معاك ؟

[islamawe]

يعنى المشكله ديه ظهرت بعد ما عملت كده ولا الميكانيكى لعب فى حاجه ؟
وعملت كده ليه لمبة الأعطال نورت معاك ؟

المشكله ظهرت بعد ما نظفت البوابه بالأسبراى و بالنسبه للمبه الأعطال مش منوره

الحمد لله روحت للميكانيكى و فتح الأيدل الداخلى اللى فى البوابه و نظف الترس البلاستيك الأبيض بالزيت و مسحه كويس و قفل تانى و الحمد لله العربيه اتظبطت تانى

و شكرا على اهتمامك يا احمد باشا

[islamawe]

الطقم الرباعى موجود عند الشيخ مكى
المتواجد يمين مش شمال
التغيير اللى هيتم هو تغيير سلكه مكان سلكه وتغيير الوش القديم على الطقم الجديد علشان يلف مع الكرف اللى فى الفرش الشمال

انا عندى مشكله و هى ان عربيتى 1300 موديل 2000 و فيها 2 زجاج كهربائى امامى فقط

و المفروض انى كنت هشترى الوحده الرباعيه عشان اركبها و فجأه لقيت ان الفرش الشمال الخاص بباب السائق
المخدع بتاعه كنز يعنى رفيع و ما يركبش فيه الوحده الرباعيه

فدلوقتى انا محتاج جدا الفرش الشمال بمخدع عريض زى اللى نازل فى العربيه ال 1500 عشان تركب فيه الوحده الرباعية

[mostafashokry]

السلام عليكم مهندس/ أحمد حلمى أن رحت للشيخ مكى ألى فى الوكالة قبل رمضان تقريبا بشهر ما كنش عنده أى طقم ولا الشمال و لا اليمين و جبت الطقم بتاع اللانسر البطة من الحرفيين ودخت عليه لغاية ما لاقيته فهل يا ترى المعلومات ديه حديثة ؟

[ahmed_h_g]

انا عندى مشكله و هى ان عربيتى 1300 موديل 2000 و فيها 2 زجاج كهربائى امامى فقط

و المفروض انى كنت هشترى الوحده الرباعيه عشان اركبها و فجأه لقيت ان الفرش الشمال الخاص بباب السائق
المخدع بتاعه كنز يعنى رفيع و ما يركبش فيه الوحده الرباعيه

فدلوقتى انا محتاج جدا الفرش الشمال بمخدع عريض زى اللى نازل فى العربيه ال 1500 عشان تركب فيه الوحده الرباعية

ممكن تلاقى الباب كامل بالفرش بالطقم
أشتريه وخد منه اللى أنته عايزه وأنا هبعلك الباقى

[ahmed_h_g]

السلام عليكم مهندس/ أحمد حلمى أن رحت للشيخ مكى ألى فى الوكالة قبل رمضان تقريبا بشهر ما كنش عنده أى طقم ولا الشمال و لا اليمين و جبت الطقم بتاع اللانسر البطة من الحرفيين ودخت عليه لغاية ما لاقيته فهل يا ترى المعلومات ديه حديثة ؟

تمام الله ينور عليك
الطقم اللى أشتريته نفس الشكل ولا شكله مختلف وجبته بكام ؟

[islamawe]

ممكن تلاقى الباب كامل بالفرش بالطقم
أشتريه وخد منه اللى أنته عايزه وأنا هبعلك الباقى

لو انا اشتريت الباب الشمال استيراد هيبقى باب بزار واحد زيه زى الابواب الخلفيه و مش هستفيد منه حاجه خاالص , كمان عرفت ان الباب الشمال استيراد المخدع بتاعه رفيع يعنى حتنى ما ينفعش انى افتح فيه فتحه لطاقم الزراير الرباعى

[tahayt]

كل سنة و انتم طيبين يا جماعة
انا ماعنديش عربية لسة و بدور على وحدة مستعملة و من ضمن الاختيارات اللى فى دماغى الويرا , انا مقطنع بيها كشكل و امكانيات و كمان لان سعرها معقول بس لو سمحتم عاوز اسأل بعض الاسئلة و شايف ان دة احسن مكان ممكن ايال فية:
1-سمعت ان قطع الغيار مش متوفرة و ساعات الواحد بيضطر يقعد يدور عليها هل الموضوع دة حقيقى و هل فى موديلات معينة منها فيها المشكلة دى
2-هل العربية واطية جدا بطريقة مزعجة
3-لو معايا 35 الف ممكن الاقى حاجة نضيفة و لا لازم ازود المبلغ دة شوية
4-من وجهة نظركم الويرا احسن ولا الهيونداى اكسنت اصل انا قدامى واحدة 1300 بتاعة واحد صاحبى نضيفة جدا موديل 2006 لكن سعرها 47 الف و هو دة سعرها فعلا فى السوق لكن انا شايف ان سعرها دة ناتج عن كثرة الطلب عليها و متهيألى ان الويرا احسن
اسف لو كنت اقتحمت عليكم موضوعكم بس انا حاسس ان هنا ممكن الاقى ردود مفيدة
و جزاكم الله كل خير