رابطة مالكى الويرا (2) فيد وأستفيد .

[ahmed_h_g]

كل سنة و انتم طيبين يا جماعة
انا ماعنديش عربية لسة و بدور على وحدة مستعملة و من ضمن الاختيارات اللى فى دماغى الويرا , انا مقطنع بيها كشكل و امكانيات و كمان لان سعرها معقول بس لو سمحتم عاوز اسأل بعض الاسئلة و شايف ان دة احسن مكان ممكن ايال فية:
1-سمعت ان قطع الغيار مش متوفرة و ساعات الواحد بيضطر يقعد يدور عليها هل الموضوع دة حقيقى و هل فى موديلات معينة منها فيها المشكلة دى
لا بالعكس قطع الغيار كلها متوفره وبأسعار ممتازه
2-هل العربية واطية جدا بطريقة مزعجة
فالمعقول
3-لو معايا 35 الف ممكن الاقى حاجة نضيفة و لا لازم ازود المبلغ دة شوية
كل ما هتزود هتجيب الأفضل
4-من وجهة نظركم الويرا احسن ولا الهيونداى اكسنت اصل انا قدامى واحدة 1300 بتاعة واحد صاحبى نضيفة جدا موديل 2006 لكن سعرها 47 الف و هو دة سعرها فعلا فى السوق لكن انا شايف ان سعرها دة ناتج عن كثرة الطلب عليها و متهيألى ان الويرا احسن
حسب الحاله
أهم حاجه حالة العربيتين
اسف لو كنت اقتحمت عليكم موضوعكم بس انا حاسس ان هنا ممكن الاقى ردود مفيدة
و جزاكم الله كل خير
نورت القسم وأسف عاتأخير

[ahmed_h_g]

أهم المواضيع المفقوده فى القسم

http://www.nilemotors.net/Nile/155687-a.html

http://www.nilemotors.net/Nile/154286-a.html

http://www.nilemotors.net/Nile/161144-120.html

http://www.nilemotors.net/Nile/115073-a.html

http://www.nilemotors.net/Nile/152287-a.html

http://www.nilemotors.net/Nile/111933-a.html

http://www.nilemotors.net/Nile/148429-a.html

http://www.nilemotors.net/Nile/105042-a.html

http://www.nilemotors.net/Nile/143361-a.html

http://www.nilemotors.net/Nile/137113-a.html

http://www.nilemotors.net/Nile/130461-a.html

http://www.nilemotors.net/Nile/115700-a.html

http://www.nilemotors.net/Nile/76970-a.html

http://www.nilemotors.net/Nile/104637-2000-2004-a.html

[mostafashokry]

السلام عليكم

الله ينور يا ياشمهندس/ أحمد ,,, عايز أسألك لاقيت أيه فى موضوع الثرموتات(المروحة) و لا الحساس ؟؟؟ لأن أنا كنت عابز أسألك على موضوع ده لاقيتك فتحته قبل كده

[mrwho1982]

بص انا مش هاقول غير كلمتين انا اخويا معاه اكسنت 2002 هي عربية حلوة بس مش جامدة زي البروتون لدرجة اني بسميها ( عربية لعبة )

الويرا عربية ماسكة نفسها جداااا وجامدة جدااا

كفاية ان في واحد بلانوس دخل في عربيتي من ورا وهي واقفة وكان ماشي بسرعة 100

وربنا بيسترها

[ahmed_h_g]

الله ينور يا ياشمهندس/ أحمد ,,, عايز أسألك لاقيت أيه فى موضوع الثرموتات(المروحة) و لا الحساس ؟؟؟ لأن أنا كنت عابز أسألك على موضوع ده لاقيتك فتحته قبل كده

بالنسبه لايه ؟
لو لموضوع السخونه أقولك عملت ايه
غيرت الطلمبه وغسلت الردياتير ومفيش فايده
فالأخر أشتريت ترموستات الكوعه ظبط معايا الحراره

[ahmed_h_g]

بص انا مش هاقول غير كلمتين انا اخويا معاه اكسنت 2002 هي عربية حلوة بس مش جامدة زي البروتون لدرجة اني بسميها ( عربية لعبة )

الويرا عربية ماسكة نفسها جداااا وجامدة جدااا

كفاية ان في واحد بلانوس دخل في عربيتي من ورا وهي واقفة وكان ماشي بسرعة 100

وربنا بيسترها

عندك حق والله
عربيه حمالة أسيه واللى ما يعرفها يجهلها :b4_033:

[msafa]

ابو حميد

العربية بتسخن جدا مع التكييف يعني الحرار بتعدي النص، لكن لما طفيته فضلت عن الشرطة اللي قبل النص
المهم انا القيت بصة على الكبود لقيت مروحتين، وانا واقف اما العربية لقيت مروحة صغيرة على البمبن و مروحة كبيرة شوية و موتورها باين على ايدي الشمال
اليمين بس هي اللي كانت شغالة و الشمال لأ
انا بس عاوز اعرف من فيهم الاساسية و من فيهم بتاعة التكييف

انا الزيت كده عامل معايا حوالي 9000 كيلو و كان شل هيلكس الترا اللي هو ا أعلى حاجة

ابه رأيك؟



بقولك صحيح، ايه موضوع الجراج ده
قوللي هو فين يمكن آجي ازورك

[mrwho1982]

السلام عليكم اولا

المفروض ان انت لما تشغل التكييف المروحتين بيشتغلو مع بعض

في مروحة بيضاء ومروحة سوداء البيضة دي بتاعة التكييف والسوداء دي بتاعة الموتور

انت كده في مروحة عندك فاصلة هات واحدة بتاعة لانسر 98 وتركيبها سهل

[msafa]

متشكر جدا على سرعة ردك
و كل سنة وانت طيب


بخصوص نوقيعك، العمرة ممكن تعملها في مكة و بالمرة تشوف الساعة الجديدة :)

[mostafashokry]

السلام عليكم

بالنسبه لايه ؟
لو لموضوع السخونه أقولك عملت ايه
غيرت الطلمبه وغسلت الردياتير ومفيش فايده
فالأخر أشتريت ترموستات الكوعه ظبط معايا الحراره

بخصوص الموضوع دهhttp://www.nilemotors.net/Nile/143361-a.html هو ده ألى أشتريت عشانة ترموثتات الكوعة , ؟؟؟

[ahmed_h_g]

بخصوص الموضوع دهhttp://www.nilemotors.net/nile/143361-a.html هو ده ألى أشتريت عشانة ترموثتات الكوعة , ؟؟؟

أيوه هوه ده
أقولك أختبرته ازاى
الأول شلت الترموستات ومشيت من غيرها لقيت الحراره مظبوطه والسحب أتعدل ومروحة الردياتير مبتشتغلش غير بعد فتره كبيره
أشتريت ترموستات استعمال وأختبرته مع الجديد
مليت علبة سمنه فاضيه ميه لغاية النصف تقريبا" وحطيتها على نار هاديه
وحطيت الترموستات الجديد والقديم فيها
أستنيت لحد ما الميه سخنت لقيت الترموستات الجديد فتح والقديم لسه
القديم فتح قبل ما الميه تغلى بثوانى
المفروض انه يفتح عند درجة حراره 88 بالظبط زى ما مكتوب عليه
القديم فتح عند حوالى 95 أو 97 درجه يعنى قبل الغليان بثوانى
عرفت ان القديم شغال بس كان بيفتح متأخر
غسلت الجديد وركبته والحمد لله الحراره أتعدلت وفرق معايا فى السحب وأستهلاك البنزين وفترة لزوجة الزيت زادت طبعا" عن الأول بنسبه بسيطه

[mrwho1982]

أيوه هوه ده
أقولك أختبرته ازاى
الأول شلت الترموستات ومشيت من غيرها لقيت الحراره مظبوطه والسحب أتعدل ومروحة الردياتير مبتشتغلش غير بعد فتره كبيره
أشتريت ترموستات استعمال وأختبرته مع الجديد
مليت علبة سمنه فاضيه ميه لغاية النصف تقريبا" وحطيتها على نار هاديه
وحطيت الترموستات الجديد والقديم فيها
أستنيت لحد ما الميه سخنت لقيت الترموستات الجديد فتح والقديم لسه
القديم فتح قبل ما الميه تغلى بثوانى
المفروض انه يفتح عند درجة حراره 88 بالظبط زى ما مكتوب عليه
القديم فتح عند حوالى 95 أو 97 درجه يعنى قبل الغليان بثوانى
عرفت ان القديم شغال بس كان بيفتح متأخر
غسلت الجديد وركبته والحمد لله الحراره أتعدلت وفرق معايا فى السحب وأستهلاك البنزين وفترة لزوجة الزيت زادت طبعا" عن الأول بنسبه بسيطه

والله انت برنس

[mostafashokry]

ما شاء الله شغل عالى أوى ألله ينور يا باش مهندس ,,,,, أنا فعلا النهارده رحت شيلت الثرمويتات (الكوعة) و زى ما توقعت هى ألى كانت بتخلى المروحة ما تفصلش ........ بس للأسف يا رتنى ماأتسرعت و شيلتها !!!!!ليهههههههه؟؟؟؟؟؟
عشان ملاحظتش مسمار الألانكية ألى فوق الكوعة غير بعد ما فكيت الترموثتات و المسمار ده بكل بساطة وظيفتة يفتح الثرموثتات شوية اما تقدم (ده استنتاج)وإن شاء الله هتأكد منه بنفسى بعد ما أنظف الثرموثتات القديمة و اركبها مرة تانى و أربط على المسمار لفة أو لفتين وأشوف أيه النتيجة و أقولك إن شاء الله.

[ahmed_h_g]

والله انت برنس

برنس الليالى

ما شاء الله شغل عالى أوى ألله ينور يا باش مهندس ,,,,, أنا فعلا النهارده رحت شيلت الثرمويتات (الكوعة) و زى ما توقعت هى ألى كانت بتخلى المروحة ما تفصلش ........ بس للأسف يا رتنى ماأتسرعت و شيلتها !!!!!ليهههههههه؟؟؟؟؟؟
عشان ملاحظتش مسمار الألانكية ألى فوق الكوعة غير بعد ما فكيت الترموثتات و المسمار ده بكل بساطة وظيفتة يفتح الثرموثتات شوية اما تقدم (ده استنتاج)وإن شاء الله هتأكد منه بنفسى بعد ما أنظف الثرموثتات القديمة و اركبها مرة تانى و أربط على المسمار لفة أو لفتين وأشوف أيه النتيجة و أقولك إن شاء الله.

مأظنش
متيألى انى بصيت من تحت لقيتها مصبوبه
المهم ايه أخبار الحراره
خلى بالك ان طلمبة المياه ليها عمر أفتراضى وبتتغير قبل ما تبوظ

[ahmed_h_g]

النهرده حسبت أستهلاك البنزين من غارب الى القاهره حوالى 300 كيلو بدون توقف بالتكييف على سرعة 120 بنزين 90 علشان ملاقتش 92 عملت معايا 20 لتر بالظبط
على فكره زيت فيسكو 3000 زيت فوق الممتاذ أنصحكوا تجربوه تمنه 115 ج وبيعمل حوالى 10 الاف كيلو