عربية سيئة + توكيل ضايع = فلوس بتترمى فى الارض

[ahmedsiyam]

يا باشمهندس سامح
انا شوفت تعليقك فعلا و شكرا على اهتمامك و انا بالفعل كلمت م/ حبيب بس انت راجع الموضوع هتلاقينى شرحت كل حاجة بالتفصيل بما فيها مكالمتى للمهندس حبيب
وانا ماقصدش خالص انى ماردش عليك انا بس من النرفزة موش قادر ارد على كل الاخوة الافاضل اللى بيشاركوا و اكيد انا لو احتاجت مساندتك الفعلية هاطلبها منك دون تردد

[FERFESH]

لو سمحت يا استاذ احمد لوعندك فعلا مشكلات فى العربيه ممكن تصورها من برة وتورينا الدهان التقشر وكمان تصورها من جوة وتورينا الزراير والتابلوة التجرح وممكن ىحضرتك قبل ماتكتب اى حاجه حطلنا الصو علشان نصدق لان الصور هى الدليل الوحيد على كلامك لو انا منك كنت مليت المنتدى صور وانت فعلا لو عربيتك زى مابتقول كنت ممشتش من التوكيل الا بعد لما شافولك حل ولا انا غلطان معلش انا مش مقتنع باكلامك (ملحوظه احنا بنتكلم فى عربيه مش غواصه ولا سفينه فضاء يعنى اى عيب او عطل ممكن يتصلح مش زى مابتقول تروح التوكيل ومش عارفين يصلحوها)

[FERFESH]

ومعلش ايه الصور دى انت حاطت صور عماره هو فى كدة

[ahmedsiyam]

الاخ الفاضل frefesh

اولا انت لو كنت بصيت على الموضوع صح كنت شوفت الصور بتاعة التقشير سواء الجسم الخارجى او الفتيس و بعدين هو انا ممكن اصورلك ازاى المالتى فنكشكن البايظ و لا التكييف و لا اسمعك ازاى الاصوات اللى فى العربية و لا اوريك الحدفة اللى فى العربية
ثانيا انت برضه لو شوفت الموضوع كويس هتلاقى انى قولت انهم مسلمنى العربية الساعة 7.45 مساء تفتكر بعد لما التوكيل يخلص شغل الساعة 5 و دول قعدوا مخصوص علشان خاطر يسلمونى العربية هانروح فين بعد 7.45 هنبات فى التوكيل و لا اسيهبهالهم و اروح
ثالثا انا موش هاكدب و اقول على التوكيل كلام محصلش و الغريبة انك انت الوحيد اللى موش مصدق موش عارف ليه
رابعا ربنا يكفيك الشر لو عربيتك لقدر الله باظت و التوكيل ماعرفش يعملها ماعتقدش انك هاتقول الكلام ده
خامسا و مع احترامى الشديد ليك انا مايفرقش معايا اصلا اذا كنت مصدق او مقتنع لانى موش باوجه كلامى ليك لوحدك و لا الكلام الحلو هو اللى نصدقه على العربية و الكلام اللى مايعجبش نرفضه

اللى موش مصدق يجيى يشوفها لانها مابتتحركش لان المفتاح فيها و موش عايز يطلع و ده احد توابع فك التابلوه

[ahmedsiyam]

انت تقريبا موش شايف ان الصورة بتاعة العمارة انعكاس على الصاج ايه يا اخ فرفش انت شايف ان الموضوع مستاهل هزار

[Eng.Sameh]

بص يا استاذ احمد ، من الاخر عربيتك دي مخزونة من زمان " وانا قلت الكلام ده من البدايه قبل ده كله " ، وبصراحة وامانة انا لو مكانك مش هسكت الا لما يغيروهالي حتى لو هقلب الدنيا كلها عليهم جوه مصر وبره في ماليزيا ، وبصراحة كون العربية يحصل فيها كل ده والتابلوه يتفك ويتبهدل وكل الآثار الجانبية لده ، غير التقشير وكون العربية تترش ده كلام فارغ ، ومن الاخر يأما يغيرولك العربية يا أما تخليها زي ما هيه وتقلب الدنيا عليهم ، ومتخليهمش يعملو فيها حاجه عشان تفضل زي ما هيه كدليل لو لجأت في النهايه لحماية المستهلك ، وللمرة التانية كلم استاذ حبيب ، وقولو عندي كذا وكذا .... ، وقولو انا معنديش غير حل واحد وهوه تغيير العربية ، وزي ما قولتلك قبل كده متقبلش اي بديل اخر

[ahmedsiyam]

الا خ الفاضل سامح

هو ده اللى حصل فعلا و المفروض بينى وبين المهندس حبيب يوم الاحد تليفون نحدد ميعاد علشان يتعمل تقرير فنى و يتبعت للشركة الام فى ماليزيا و يتم على ضؤه تغيير السيارة

[Eng.Sameh]

الا خ الفاضل سامح

هو ده اللى حصل فعلا و المفروض بينى وبين المهندس حبيب يوم الاحد تليفون نحدد ميعاد علشان يتعمل تقرير فنى و يتبعت للشركة الام فى ماليزيا و يتم على ضؤه تغيير السيارة

طيب الحمد لله انت كده والله ريحتني ، كده ان شاء الله هيغيروهالك والناس اللي في ماليزيا في منتهى الاحترام ، وبردو استاذ حبيب بيخاف على سمعة العربية ، اطمن يا عم هتتغير ان شاء الله وتجيلك واحدة احسن منها 100 مرة تنسيك قرفها ، واهي زنوب بتتشال من عليك :D

[ahmedsiyam]

و الله لو هاتشيل من الذنوب يبقى انا راضى طبعا كفاية حرقة الدم اللى الواحد فيها
عايز اقولك يا باشمهندس سامح ان توكيل تويوتا اللى فى صلاح سالم يبعد عن بيتى دقيقتين و اعرف واحد قديم جدا فى تويوتا كنت هاتظبط تظبيط عالى و مع ذلك فضلت البروتون عنها
انا من اكتر الناس اللى كانوا متحمسين للعربية دى فاكيد صدمتى هاتبقى موش سهلة خالص انما كله ان شاء الله خير

[crazylambada]

اولا كلنا معاك و اتمنى ان عربية حضرتك تتغير و تبقى معانا باذن الله في النسخة الجديدة
و اعتقد بعد حركة بروتون بسحبها عربيات من السوق لوجود عيوب بها
ممكن عربيتك تتبدل بسهولة مادام المبدأن فسه مطبق هناك

[FERFESH]

يا استاذ احمد انا مش بهزر معاك لو انت صادق فعلا صور العربيه يعنى ممكن تصور لينا التقشير والدهان وكمان التابلوه التجرح وكمان الزراير التحركت من مكانها ولا ايه وكمان فى حاجه محيرانى ازاى تبقى دافع 90000 الف فى عربيه وتروح التوكيل ويصلحوها وحش وتاخذ بعضك وتمشى انا لو مكانك كنت قلبت الدنيا وكمان تركب تاكسى وتسكت وانا مصر انك تصورها ولا انت خايف بس ياريت الصورة تكون واضحه مش انعكاس العمارة ياريت تصور العربيه واناشد جميع الاعضاء عدم الرد على الموضوع لحين رفع صور الدليل

[fahd_628]

الحمد لله يا باشا انهم حيغيرولك العربية

و ان شاء الله كل خير

و ابقى اكشف كويس جدا جدا جدا على العربية قبل ما تستلم

[ahmedsiyam]

الاخ الفاضل فرفش
للاسف الشديد انا موش هاخد بعد كده ردك فى الاعتبار و انا الصور اللى عندى حطتيها
و بعد اذنك ليا سؤال
انت جايب العربية دى بفلوسك و لا اهلك ربنا يخليهملك يا رب و لا يحرمكش منهنم ابد هم اللى جايبنهالك ؟
لانك لو جايبها بفلوسك هاتعرف انا ليه مضايق كده و موش محتاج اثبتلك ان الكلام ده حصل فعلا

[ahmedsiyam]

الاخ الفاضل كريزى لمبادا و الاخ الفاضل فهد

انا متشكر لشعوركم الطيب و اتمنى فعلا ان الكلام ده يحصل لانى حطيت الادارة فى موقف غير قابل للنقاش و هو الاستبدال

و انا عموما حضرت اجراءات بس موش عايز اتكلم عليها و هاتبقى على مستوى عالى جدا هنا فى مصر كمان قبل مراسلتى للشركة الام فى ماليزيا علشان يعرفوا انى واخد الموضوع بجدية و حسم
بس انا هالتزم باتفاقى مع الادارة فى مصر و بعد كده يسامحونى لو ماحصلش اجراء ايجابى منهم

انا بس عايز اوضح انى كنت متعايش مع العربية بعيوبها و قولت كل صيانة هاظبط معاهم على قد ماقدر انما اللى خلانى انفجر عيوب الدهان و اللى انا كنت متاكد من انها عيوب صناعة و كمان و انا باستلم العربية كان قبل المغرب و ماكانش واضح الخسائر اللى جوه الصالون و ظهرت الصبح جدا بعد لما العربية اتغسلت فى الجراج
للاسف الصيانة قامت باللازم علشان يصلحوا التكييف بس تلف بسببها حاجت كتير و ده كان من الممكن تلافيه بانهم يقولوا حرام نعمل صيانة كبيرة زيى دى فى عربية جديدة الافضل انها كانت ترجع و يتم استبدالها
انما النصيب بقى اللى حصل

[Hassan Khalil]

لسه شايف الموضوع حالا يا ابو صيام ..
ربنا يصبرك علي اللي انت فيه .. و يأجرك كل خير..
و ان شاء الله الامور حتبقي احسن من الاول بكتير .. ازاي ؟؟ معرفش ... لكن هو ده وعد ربنا سبحانه و تعالي ( ان مع العسر يسرا*فاذا فرغت فانصب * و الي ربك فارغب )
و صدق ربنا الكريم