عربية سيئة + توكيل ضايع = فلوس بتترمى فى الارض

[ahmedsiyam]

حسن باشا حبيبى مشكور على مداخلتك يا صديقى العزيز
و ان شاء الله ربنا موش هايخيب ظنى و استلم واحدة جديدة تليق باسم بروتون و تستاهل الثقة اللى كنت باثقها فى العربية من قبل الشراء
والكلمتين بتوعك دول اثلجوا صدرى كتير و مايحرمناش من سؤالك

[SEATLOVER]

احمد باشا ...
كلنا مصدقينك و ماحناش فى حاجة لصور عشان تثبتلنا
واللى حصل معاك دة...
لا يخلينا نشكك فى مصداقيتك ولا ينقص من قدر الجين 2 و ما هى علية

اى عربية بتنتج بانتاج كبير و عقبال ما توصلنا هنا بيبقى فى نسبة من العربيات اتأثرت خلال مرحلة من التصنيع او التجميع او حتى النقل و التخزين لحد هنا

بتحصل من اكبر ماركة لى اقل ماركة

اصبر و تابع الموضوع مع التوكيل بمنتهى العقلانية
وإن شاء الله ربنا يعوضك عن كل الفترة اللى كنت فيها قلقان و اضريت فيها

إن شاء الله خير ..وازمة و تعدى

[winners]

بص يا أستاذ أحمد
بلا تقرير بلا قرف وحبيب ده شخصيه أستغفر الله بس ده رأي انت تخش التوكيل بتاع عز ده والله بجد انا عايز أغير العربية ده بدل ما أولع في التوكيل كله والله العظيم ده أنا أولع فيهم هو أستهبال ولا أياه دوال 90ألف منهم لله بجد مع العلم ان العربية محترمة وده أبتلاء ربنا معاك
أخوك في الله المهندس محمد

[Chicco]

لا حول و لا قوة إلا بالله....ربنا معاك يا أخي الفاضل ....مش عارف أقول لحضرتك إيه ...بس ما ضاع حق وراءه مطالب....إن شاء الله الموضوع يخلص على خير و ربنا معاك

[AhmedGen2]

ربنا معاك يا أحمد ويخربيت اللى يزعلك يا عم وان شاء الله هتتحل انت عارف هتعمل ايه مش محتاج مساعدة ، الكويس فى الموضوع إن الواحد بعد كدة هيعمل حسابه فى فحص عربيته الزيرو فحص لولبى قبل استلامها

[ahmedsiyam]

اخوانى الاعزاء مشكورين على المتابعة و المداخلات
اخى عاشق السيات
فعلا تقييمى لا يقلل من قدر الجين طبعا و انا عايز عربية تانية جديدة موش عايز اغيرها بموديل تانى او استرجع فلوسى
winners & Chicco & IslamGen2
مشكورين يا شباب كلكم

[ows212]

ان شاء الله تفرج قريب

[mohamed el hussien]

يا باشا ربنا معاك
انا مش عارف اقولك اية

بس احنا هنا كلنا معاك

معلش انا عالرف انها متأخرة

بس معلش

[mohamed el hussien]

تعرف يا باشا

انافعلا حاسس باذنب
اني قولتلك علي العربية دي

بس فعلا انا ولا اي حد من هنا اللي رشحوهالك

حصل معاهم ربع اللي حصل معاك دة

اتمني انك متكونش زعلان مني او من اي حد هنا

وكلنا هنا يا احمد ومعاك

مفيش حد كبر دماغة ولا اي حاجة
هو الموضوع كلة ان مفيش جديد في المنتدي
بس دلوقتي فعلا كلنا معاك

[Islam_galal]

ربنا يصبرك يا أبو صيام و يا رب نسمع عنك خير

[ahmedsiyam]

متشكر يا رجالة و الله على شعوركم الطيب

و انا موش بهاجم العربية
امبارح واحد قابلى فى الشارع معاه عربية اخت بتاعتى حتى نفس اللون و ماشاء الله عاملة معاه 50000 كلم و هو اشتراها عاملة 32000 و بيسالنى على العربية انا قولتله عربيتى فيها كذا و كذا علشان لو حد من معارفك هايجيب زيرو يبقى ياخد باله من التفاصيل دى فى الشرح
و شكرتله فى العربية كتير و عددت فى مميزاتها التانية استغرب و قالى ده انت عربيتك طلعت مقلب قولتله عربيتى اه انما فى عربيات كتير طلعت حلوة مافيهاش اللى حصل معايا ده و سبحان الله هو عمل بيها 20000 و بيسافر بيها على طول و عاجباه جدا بس كان قلقان و عايز يطمئن من حد يكون راكبها

الاخ محمد الحسينى ماتقولش كده ده كل شئ نصيب و الحمد لله و ربنا يجعلها كفارة ذنوب

[AhmedGen2]

أستاذ أحمد مش كان فيه معاد بينك وبين الإدارة تقريبا إمبارح يوم الأحد ؟ عملت ايه طمنا .

[MohabSaeed]

فعلا يا استاذ احمد ...... طمنا على اخبارك ... عملت ايه مع عز باشا ............. لاننا كلنا متحفزين جداااااااااا ضده من ساعه مشكلة حضرتك .

[Mzeid]

حضرتك يا أستاذ أحمد لازم تروح التوكيل ما حلوهاش المشاكل دي يبقى على الشركة الأم و شكوى محترمة ..
:(:(

[ahmedsiyam]

الاخوة الافاضل الف شكر على اهتمامكم انا موش عارف اقولكم ايه
ميعاد يوم الاحد خلص على انه السيد المسئول هناك فى اجازة و هانتكلم يوم الخميس لتحديد ميعاد علشان يتعمل التقرير الفنى للعربية و يتبعت ماليزيا و يردوا علينا ايه اللى هايحصل بالظبط
بس السيد الفاضل حبيب ابراهيم - مدير بروتون مصر - عارف ان العربية مفتاحها مابيطلعش و انى راكنها و سالنى انا ساكن فين و بعدين سكت و كمل كلامه فى موضوعنا و مافيش اى اقتراح بانى اوديلهم العربية يعملوها و يدونى عربية تانية لان المسخرة اللى حصلت دى حصلت من الورشة عندهم

تانى حاجة لما بدأت امشى بالعربية بعدها و اخد ملفات على سرعة هادية حتى و يكون فى فى الارض اى عوائق صغيرة باسمع خبطة جامدة فى الدركسيون من تحت
و الغطاء بتاع الايرباج اللى امام الراكب موش السواق طبعا طالع من مكانه حاجة بسيطة و كل ماادخله فى مكانه يطلع تانى
واضح تماما ان العربية يوم ما لاقدر الله حد يفك التابلوه بتاعها عمرها ماهاترجع تانى زيى الاول ابدا