عربية سيئة + توكيل ضايع = فلوس بتترمى فى الارض

[meramor81]

والله يااستاذ احمد انا مش عارفه اقولك ايه انا مستغربه على كل اللى حصلك ده من عربيه محترمه زى دى والله حضرتك اكيد محسود من عين جابت عربيتك الارض وقدر الله وماشاء فعل انا والله بدعيى لحضرتك ان الموضوع ده يخلص على خير وبسرعه
واهم حاجه الصبر وبلاش تزعل نفسك اللى حصل حصل فكر هاتتصرف ازاى بالراحه وكل حاجه هاترجع احسن مما كنت تتخيل إن شاء الله وعاوزة اطمنك انهم لو هايبدلوا العربيه باخر دفعه نزلت دى افضل بكتير من اللى فاتت ربنا يجعل نصيبك خير إن شاء الله ولا تنسى التوكل على الله

[ahmedsiyam]

شكرا يا اخت ميرامار
و ربنا يباركلكم فى العربية و يجعلها قدم السعد عليكم ان شاء الله
وانا لحد دلوقتى متمالك نفسى معاهم و مستنى رد بروتون ماليزيا انما موش عايز اسبق الاحداث و اتمنى انهم يغيروها من غير شوشرة و نخلص بقى من القصة البايخة دى علشان انا لحد دلوقتى موش حاسس انى جبت عربية زيرو

[meramor81]

إن شاء الله هاتتغير وربنا هايعوض عليك خير إن شاء الله وكلنا بندعيلك

[eita]

ابو صيام،

انا كنت امبارح فى سوق السيارات, و شوفت هناك جين تو، اول عربيه الراجل فضل يشكر فيها و يمدح لكن لما كلمته عن عيوبها اللى سمعتها فى المنتدى سكت و بان علييه ان الكلام دا صح. العربيه كلها متفككه و ملعوب فيها جامد و الرفارف كمان,،و قالى ما نت عارف اهو عاوز تشتريها لييه، خدها سنه اكنيين و بعدين بيعها!!، على فكره العربيه كلها مرشوشه، و هو زهقان منها.

وواحده تانية شوفت موضوع الدهان اللى انت قولت علييه، فعلا دهانها واقع فى اكتر من حته.

و ربنا يوفقك يا ابو صيام و تخلص من الموضوع دا.

[Eng.Sameh]

يعني ايه متفككه وملعوب فيها ومرشوشه كلها ، قصدك في التوكيل ولا جايه كده ، يا ريت منقعدش نهول الدنيا وخلاص ، وانا قلت من الأول ان العربيات الموجوده دولقتي قبل الجديدة متخزنه ، وكمان عربية احمد صيام بالذات واضح انها متخزنه من زمان ، او كانت جايه لقطع الغيار ، وانا قلت من فتره اللي ناوي يصبر احسن ، وياخد الجديدة بخامات وجودة وتقفيل ممتاز،

[AhmedGen2]

وآدى جزاة اللى ما يسمعش كلمة سامح يقولها :embarrassed2:

[ahmedsiyam]

يا باشمهندس سامح الموضوع موش تهويل و الشركه لحد دلوقتى ماردتش على شكوتى تانى حاجه العربيه اتفكت فى التوكيل طلعت زيى المستعمله انا اكتشفت مشاكل كتير و موش عايز اتكلم و اللى عايز يشوف بنفسه انا جاهز بس انا عن تجربه اصدق اى حاجه على العربيه دى

[Eng.Sameh]

يا باشمهندس سامح الموضوع موش تهويل و الشركه لحد دلوقتى ماردتش على شكوتى تانى حاجه العربيه اتفكت فى التوكيل طلعت زيى المستعمله انا اكتشفت مشاكل كتير و موش عايز اتكلم و اللى عايز يشوف بنفسه انا جاهز بس انا عن تجربه اصدق اى حاجه على العربيه دى

يا باشا انا مقولتش انك انت اللي بتهول ، انا بتكلم على الناس اللي بتهيص مع الهيصة وخلاص ، لكن انا عازرك ومصدقك ، وواضح جدا ان عربيتك كانت مخزونه من فتره ، ويا ريتك صبرت لحد ما تنزل الجديدة ، المهم ان شاء الله انا متأكد ان التوكيل هيحللك المشكلة ، واستاذ حبيب اكدلي الكلام ده ، واعتقد ان مسؤل خدمة ما بعد البيع هيرد عليك قريب ، متهيألي كان استاذ حبيب كان بيكلمو على التليفون وانا قاعد معاه ، وسمعت انه هيكلمك او هيبعتلك ايميل ، ابقى شوف يمكن بعتلك ايميل يوم الخميس او النهارده ، وان شاء الله كله هيتظبط ، وابقى طمني

[eita]

انا بتكلم على الناس اللي بتهيص مع الهيصة وخلاص

شكرا جدا اخ justs

على فكره اللى انت ما تعرفوش ان انا مهتم جدا بالعربية دى،و واخد فكره عنها كويسه، و كلمت ناس تمتلك الجين تو، مش بس كلام و شعارات بقولها، و تمنيات بتمناها.

و دا اللى انا ملاحظه كتيير هنا من الناس اللى بتحب الجين تو، و التمنيات اللى عايشين فيها، و دا مش عيب، بس لازم تسمعوا وجهة النظر التانية.

و ممكن استفسار، يعنى ايه العربية( مركونه) كلمه غريبه اوى، ودى تأثر فى ايه على العربية، و دا بردو يدل على عدم الصدق فى التوكيل.

سورى، ممكن كلامى يزعل الناس اللى مش عاوزه تسمع غير نفسها.

[eita]

و ممكن استفسار، يعنى ايه العربية( مركونه) كلمه غريبه اوى،

سورى الكلمة طلعت ( متخزنة ) مش بقول كلمه غريبة، يعنى ايه بقى العته كالتها!!!!

[crazylambada]

على فكرة يا جماعة بجد
لازم نلوح للاستاذ حبيب
ان فيه 15 واحد مش حيشتروا الجين 2 الهاي لاين الجديدة
لو مشكلة الاستاذ صيام متحلتش
لاننا بينتكلم في حوالى مليون و نص جنيه مصري
يعني احنا ممكن نبقى مجموعة ال15 اللي تضغط على التوكيل
و خلينا ايجابيين و مساعدين لبعضنا البعض

[ahmedsiyam]

شكرا لمتابعتكم و الله انا باتمنى ان مشكله العربيه تتحل لأنى موش حاسس انى راكب عربيه زيرو و الاخ كريزى لمبادا اشكرك على شعورك الطيب

[Sharky]

إللى أنا أعرفه يا جماعة من واحد صاحبى معاه بروتون جين 2 أنه دايما بيشتكى من عيوب التقفيل فى العربية و تقشير لون التابلوه و الفتيس و ريموت العربية و التوكيل ماعندوش حل لعيوب التقفيل و فى نفس الوقت سألته على حكاية التخزين قالى مافيش أصلا عربيات جين 2 كانت متخزنة و قالى إنهم بيجيبوا أصلا كميات قليلة و يبيعوها عالطول و ما بتقعدش العربية كتير دا من كلامه لإنه يعرف ناس كتير فى التوكيل من كتر ما راح لهم و هو بيقولى إنه كل شهر لازم يروح التوكيل يشتكى من عيوب التقفيل و ريموت العربية

إن شاء الله ربنا يكرمك يا احمد و تحل مشكلتك سريعا

[crazylambada]

العفو يا احمد صيام
بس ده المفروض يتعمل زي الحملة ضد هيونداي

[ahmedsiyam]

شاركى الغالى المشكله كمان موش التقفيل انا عندى عيوب جوهريه كتير لو على التقفيل انا كنت عارف و متقبل انما هانقول ايه حسبى الله و نعم الوكيل