رابطة ملاك الكيا برايد - كلاكيت تانى مرة!

[may_moon911]

اولا كل سنه وانتم طيبين انا عارف انهم متاااااخره اوووووووى بس معلش كنت مسافر ولسه جاى
كل اعضاء قسم الكيا برايد العصفوره حبيبتنا على العموم وخصوصا المناور اللى كلنا تعبينو وعامل مجهود جبار
انا هغير زيت شيل الاصفر وكنت مغير اموبيل المره اللى فاتت بفلتر ينفع اغير لشيل المره ده من غير مغير الفلتر ولا افك الفلتر واحطه تانى اه رايكم؟؟

حمد لله علي السلامه ايوه كدا عايزنها تلعلع ............ انا بحط توتال كوارتز هل من رايك سيادتك ان شيل احسن منو ولا الاتنين واحد و ايه لازمه تغير الفلتر مع تغيير نوع الزيت

[akramhasan]

عربيتى السايبا للبيييييييييع

للاسف ببيع الكيا سايبا الى معايا و قولت انتم اولى عشان محتاج سيوله بس مش اكتر.....
اللون فضى ميتالك فبريكه بره و جوا و تكيف تلاجه
1300 سى سى انجكشن 75 حصان
جنوط سبور و كاوتش عريض جديد
العفشه مغيرها بالكامل
فيها كاسيت jvc بالسى دى
السعر 31 الف
ت: 0191303061
0101245585

[أحمد الجندى]

للاسف ببيع الكيا سايبا الى معايا و قولت انتم اولى عشان محتاج سيوله بس مش اكتر.....
اللون فضى ميتالك فبريكه بره و جوا و تكيف تلاجه
1300 سى سى انجكشن 75 حصان
جنوط سبور و كاوتش عريض جديد
العفشه مغيرها بالكامل
فيها كاسيت jvc بالسى دى
السعر 31 الف
ت: 0191303061
0101245585

ربنا يحسنلك بيعها يارب العربية بصراحة جميلة ومعمول فيها شغل كويس ياريتك تحط صورها علشان الناس تشوف التظبيط ده وماتنساش تحط موضوع فى قسم البيع لسرعة البيع.... بس برضو انت لازم تفضل معانا فى الرابطة لان دى رابطة للاصحاب الحاليين والسابقين واللى ناويين كمان

[أحمد الجندى]

انهاردة روحت جيبت من شركة الاهرام اللى فى التوفيقية وشين للفانوس زجاج .....الوش الواحد عامل 25 بعدين روحت للكهربائى فكلى الوشين القدام الاصلى واللى هما على فكرة بلاستيك وركبلى الجداد وراجعلى على كهربا العربية بالمرة ودفعتله 30 جنيه على كله

بالمناسبة فك الفانوس سهل جدا بعد ما تفك الفانوس من العربية حتلاقى اربع كلبسات اتنين من فوق واتنين من تحت فكهم بالمفك وبعدين تدحل المفك فى الحز اللى بين الباغة والفانوس علشان هما ملزوقين فى بعض بسليكون .... وبعد ما تفك تجيب سيلكون شفاف تحطه على الفانوس وبعدين تحط الباغة عليه وتقفل بالكلبسات وخلاص على كده وبالمناسبة الاضاءة فرقت معايا جدا وبعد ما كنت بفكر اغير الوشين واجيب لمبات اقوى الاضاءة دلوقتى بقت احسن كتير

[msunix]

النهاردة بقى انا جايب اسعار طازة من محل حلمى للكيا موجود بجانب محطة مترو عرابى
سير الكاتينة 50 جنيه
بلى الكاتينة 60 جنيه
سير الدينامو 25 جنيه
سير التكييف 25 جنيه
طقم بوجيهات 35 جنيه
فلتر بنزين 15 جنيه
اكصدامين قدام ووراء 175 جنيه للواحد
فانوس اشارة 15 جنيه
قانوس خلفى كامل 70 حنيه
فانوس اشارة اكصدام 15 جنيه

بس مسألتش على باقى الحاجة لسه ، بس شكله محل رهيب مليان حاجات الكيا برايد، ودى الحاجات اللى طلبها منى مركز الصيانة علشان اجدد العربية بالكامل.
مهو لو انا مستعجلتش واشتريت العربية اللى معايا كنت اخدت عربية مناور بس للاسف ملناش نصيب. كان معايا ال31 جاهزين والله ورحت اشتريت اللى معايا ب29 ومحتاجة شغل جامد جدا وكتير قوى.
بس بالمناسبة يا مناور السيارة اتوماتيك ولا مانيوال؟ وهيه موديل كام؟
وعاملة كام كيلو؟ وياترى فيها شغل ولا خالصة مخلصة اشترى واركب؟
كل دى معلومات للمشترى علشان لو محتاج تبيعها بسرعة ، اما لو عزيزة عليك فأجل بيعها أحسن :(

انا على فكرة بعد لما اخلص شغل العربية ورشها من برة وكده تبقى وقفت عليا بحوالى 35 او 36 على حسب تكلفة الشغل.

يلا كل واحد بياخد نصيبه

[msunix]

للاسف ببيع الكيا سايبا الى معايا و قولت انتم اولى عشان محتاج سيوله بس مش اكتر.....
اللون فضى ميتالك فبريكه بره و جوا و تكيف تلاجه
1300 سى سى انجكشن 75 حصان
جنوط سبور و كاوتش عريض جديد
العفشه مغيرها بالكامل
فيها كاسيت jvc بالسى دى
السعر 31 الف
ت: 0191303061
0101245585

كمان خد بالك ادخل على مواقع بيع السيارات وشوف عربيتك تعمل كام وسطهم علشان تعرف تقدر سعرها كويس.
وقلنا موديول كام؟ وهاتشباك ولا سيدان

بالتوفيق ان شاء الله مع انى مبحبش ابيع حاجة اشتريتها ، اصلحها احسن

[أحمد الجندى]

النهاردة بقى انا جايب اسعار طازة من محل حلمى للكيا موجود بجانب محطة مترو عرابى
سير الكاتينة 50 جنيه
بلى الكاتينة 60 جنيه
سير الدينامو 25 جنيه
سير التكييف 25 جنيه
طقم بوجيهات 35 جنيه
فلتر بنزين 15 جنيه
اكصدامين قدام ووراء 175 جنيه للواحد
فانوس اشارة 15 جنيه
قانوس خلفى كامل 70 حنيه
فانوس اشارة اكصدام 15 جنيه

والله كتر خيرهم بتوع حلمى سليمان مغيروش اسعارهم من سنتين واللى قلت عليه هو نفسه اللى سمعته من ساعتها ما عدى سير الكاتينة كان عامل 45 جنيه وسير الدينامو ب 15 جنيه

بس مسألتش على باقى الحاجة لسه ، بس شكله محل رهيب مليان حاجات الكيا برايد، ودى الحاجات اللى طلبها منى مركز الصيانة علشان اجدد العربية بالكامل.

هو محل كويس بس عيبه ان الناس زهقانة من نفسها علطول وحاجاته اغلبها صينى ويقولك عليها اصلى لو عايز حد اشد منه اطلع على الجندى اللى فى شارع دمشق

مهو لو انا مستعجلتش واشتريت العربية اللى معايا كنت اخدت عربية مناور بس للاسف ملناش نصيب. كان معايا ال31 جاهزين والله ورحت اشتريت اللى معايا ب29 ومحتاجة شغل جامد جدا وكتير قوى.

انا على فكرة بعد لما اخلص شغل العربية ورشها من برة وكده تبقى وقفت عليا بحوالى 35 او 36 على حسب تكلفة الشغل.

يلا كل واحد بياخد نصيبه

يا باشا انت جايب العربية بسعر ممتاز جدا ولو وصلت لبعد التظبيط ل 35 فانت كده كسبان لان العربية اصلا بتتباع ب 35 وبطقم السيرفس والتسجيل واللذى منه ممكن توصل ل 36

وبالنسبة لعربيتى فأنا عندى خبر وحش ماكنتش عايز اقوله دلوقتى وهو انى خلاص حابيع العربية واتفقت مع واحد صاحبى حايخلص فيها على أول الشهر الجاى بإذن الله وهو كان بقاله يجى سنة بيزن عليا فى شرائها

بس بالمناسبة يا مناور السيارة اتوماتيك ولا مانيوال؟ وهيه موديل كام؟
وعاملة كام كيلو؟ وياترى فيها شغل ولا خالصة مخلصة اشترى واركب؟
كل دى معلومات للمشترى علشان لو محتاج تبيعها بسرعة ، اما لو عزيزة عليك فأجل بيعها أحسن :(

أنا معايا البرايد الهاتش باك موديل 96 ودى اقل برايد فى الامكانيات يعنى لا تكييف ولا rpm ولا حتى الجراب اللى بيبقى فى الباب .... وعداداها 180000 الف بس الحمد لله أنا كنت محافظ عليها علطول الصيانات فى وقتها وبنزين 92 وأى مشكلة كانت تطلعلى كنت احلها فى وقتها .......وكمان لما روحت لمركز الصفوة وظبطت الكربراتير وركبت بوجيهات ngk سحب العربية بقى حاجة تانية واستهلاكها بقى زى ما فى المانيوال يادوب بتشم بنزين .... ولله الحمد من قبل ومن بعد

وبالمناسبة دى العربية عملت حاجتين حابقى اقولكم عليهم قريب بس انتوا فكرونى اقولكم عليهم

[akramhasan]

ربنا يحسنلك بيعها يارب العربية بصراحة جميلة ومعمول فيها شغل كويس ياريتك تحط صورها علشان الناس تشوف التظبيط ده وماتنساش تحط موضوع فى قسم البيع لسرعة البيع.... بس برضو انت لازم تفضل معانا فى الرابطة لان دى رابطة للاصحاب الحاليين والسابقين واللى ناويين كمان

رابط الموضوع اهو http://www.nilemotors.net/Nile/24390...post3873784341

[أحمد الجندى]

رابط الموضوع اهو http://www.nilemotors.net/nile/24390...post3873784341

بالتوفيق فى البيع إن شاء الله

[أحمد الجندى]

النهاردة روحت رديت خبطة الباب على البارد وكان فيه شرخ فى الاكصدام من تحت خليته ربطه بسلك ودفعت 100 وبعدين طلعت على الراجل بتاع الرش لقيته بيتكلم فى 200 جنيه علشان ارش الباب بالرفرف ولازم ارجع للسمكرى يكمل شغل على الساخن وحادفع 50 جنيه تانى فقلتله ده كتير فقالى ممكن امسحلك الباب بتينر علشان يشيل بوية العربية اللى خبطتنى وبعدين وش بولش ثم احط مادة عازلة بنفس لون العريية على الحتت اللى قشرت فوافقت على الاختيار ده وكانت النتيجة مرضية إلى حد ما ودفعتله 15 جنيه

بعدين طلعت على الكهربائى علشان لمبة الصالون اتحرقت جبت واحدة تانية ب 2 جنيه وبعد ما ركبناها لقيناها مش عايزة تنور مع فتح الباب فلقى ان الزرارين اللى فى قايم الباب من تحت عليهم صدأ فنضفهم واللمبة اشتعلت تمام ودفعتله 10 جنيه

ولقيت لمبات الاشارات والعداد بتعلق لما اشغلها وطلع الدراع بتاع النور السبب وقالى الكهربائى انه ممكن يعمله بتاع 75 ل 100 جنيه استيراد فقلت خليها بعدين

[msunix]

هو محل كويس بس عيبه ان الناس زهقانة من نفسها علطول وحاجاته اغلبها صينى ويقولك عليها اصلى لو عايز حد اشد منه اطلع على الجندى اللى فى شارع دمشق

ربنا يوفقك فى البيع وتشترى حاجة احسن ان شاء الله

طيب سؤال غبى شوية ، علشان انا بس لسه جديد فى الكار ، هوه فين شارع دمشق وعنوان الجندى بالضبط فين ؟؟؟

[ahmed_jalyyy]

استفسار صغير

لسة شارى كيا برايد سيدان جديد وحسيت بتزييق فى العفشة الى ورا بعد كل مطب افيدونى تقريبا يكون فيها ايه وشكراااااااا على مساهمتكم الفعالة وبارك الله فيكم

[أحمد الجندى]

ربنا يوفقك فى البيع وتشترى حاجة احسن ان شاء الله

طيب سؤال غبى شوية ، علشان انا بس لسه جديد فى الكار ، هوه فين شارع دمشق وعنوان الجندى بالضبط فين ؟؟؟

شارع دمشق ده فى روكسى أنا اعرف اروحه بس ماعرفش اوصفه

[أحمد الجندى]

لسة شارى كيا برايد سيدان جديد وحسيت بتزييق فى العفشة الى ورا بعد كل مطب افيدونى تقريبا يكون فيها ايه وشكراااااااا على مساهمتكم الفعالة وبارك الله فيكم

مبروك عليك العربية وأهلا بيك معانا فى الرابطة

ان شاء الله تلاقى حد من الاخوة يرد عليك أو ممكن تحط موضوع فى قسم الورشة لردود اكتر واسرع

[أحمد الجندى]

أنا مش عارف ايه حكاية العربية معايا اليومين دول هى بتعاقبنى علشان حابيعها ولا ايه ؟!!!
النهاردة طلعت اخلص مشوار ليا وكنت ماشى فى صلاح سالم وسرعتى حوالى 80 وجى طالع الكوبرى بتاع العباسية ومرة واحدة الاقى عربية نص نقل جاية من الشمال اللى بيضيق لغاية الكوبرى والاقيه دخل قدامى فأنا هديت شوية لانه بقى قريب قوى منى المهم البيه فوجئ بان الطريق هدى جامد علشان كان فيه عربيتين عطلانين فوق الكوبرى فراح مفرمل جامد ووقف قبل عربية لانوس بقليل وأنا طبعا روحت مفرمل جامد وبرضو فراملى اسعفتنى قبل النقل بحاجات بسيطة المشكلة بقى ان كان فيه ورايا عربية سوزوكى اللى هيا 7 راكب فرمل بس فرامله شكلها ضعيف شويتين فراح خبط عربيتى من ورا اللى بدورها خبطت النقل اللى بدورها خبطت اللانوس ... طبعا صوت الخبطة كان جامد وقلت خلاص العربية بعد ما اتعملت ساندويتش اتدمرت نزلت لقيت الحمد لله مفيش غير فانوسين الانتظار اللى فى الاكصدام اتكسروا والاكصدام اللى ورا اتكسر المسمارين اللى ماسكينه من ناحية الرفرف والكرسى اللى أنا قاعد عليه بقى بيزيق طول ما أنا ماشى زائد طبعا بعض الالام فى الرقبة والضهر والحمد لله على كل شىء