إعـــــــلان

**may_moon911** · 10-09-2011, 07:32 PM

المشاركة الأصلية كتبت بواسطة msunix مشاهدة المشاركة

طيب سؤال غبى شوية ، علشان انا بس لسه جديد فى الكار ، هوه فين شارع دمشق وعنوان الجندى بالضبط فين ؟؟؟

انا مش عارف اوصف اوي بس دا علي قد مقدرتي
سيادتك هاتروح ميدان الجامع من عند تسيباس بتاع الحلويات و تاخد الطريق لغايه الاخر هتلاقيه بيتفرع مزا ناحيه تاخد اليمين خالص و تكمل في طوالي لحد ما تلاقي بتوع العربيات هوا دا شارع دمشق
و انا لو قدرت اجيبها من علي الجوجل هوريها لسيادتك

**may_moon911** · 10-09-2011, 07:36 PM

المشاركة الأصلية كتبت بواسطة المناور مشاهدة المشاركة

أنا مش عارف ايه حكاية العربية معايا اليومين دول هى بتعاقبنى علشان حابيعها ولا ايه ؟!!!
النهاردة طلعت اخلص مشوار ليا وكنت ماشى فى صلاح سالم وسرعتى حوالى 80 وجى طالع الكوبرى بتاع العباسية ومرة واحدة الاقى عربية نص نقل جاية من الشمال اللى بيضيق لغاية الكوبرى والاقيه دخل قدامى فأنا هديت شوية لانه بقى قريب قوى منى المهم البيه فوجئ بان الطريق هدى جامد علشان كان فيه عربيتين عطلانين فوق الكوبرى فراح مفرمل جامد ووقف قبل عربية لانوس بقليل وأنا طبعا روحت مفرمل جامد وبرضو فراملى اسعفتنى قبل النقل بحاجات بسيطة المشكلة بقى ان كان فيه ورايا عربية سوزوكى اللى هيا 7 راكب فرمل بس فرامله شكلها ضعيف شويتين فراح خبط عربيتى من ورا اللى بدورها خبطت النقل اللى بدورها خبطت اللانوس ... طبعا صوت الخبطة كان جامد وقلت خلاص العربية بعد ما اتعملت ساندويتش اتدمرت نزلت لقيت الحمد لله مفيش غير فانوسين الانتظار اللى فى الاكصدام اتكسروا والاكصدام اللى ورا اتكسر المسمارين اللى ماسكينه من ناحية الرفرف والكرسى اللى أنا قاعد عليه بقى بيزيق طول ما أنا ماشى زائد طبعا بعض الالام فى الرقبة والضهر والحمد لله على كل شىء

لا حول ولا قوه الا بالله ......... الحمد لله انها مش خابطه كبيره و الخساره جت علي قد كدا
و لو علي فانوسين الاشاره يتجابو باذن الله و الكرسي اللي بيزيق هايسكت لوحدو عادي ياما بيقعد يزيق و يسكت ف الاخر مع نفسو و الف سلامه علي حضرتك يا استاذنا والف سلامه علي العربيه بردو .... هيا شطلها بتعمل كدا عشان تاخدها ف حضنك تطبطب عليها شويه

قبل ما تسيبها و ربنا يكرمك باحسن منها الف مره

**may_moon911** · 10-09-2011, 07:51 PM

بسم الله الرحمن الرحيم
دي صور لحبيبتي و كعكتي البيضاء الكيا برايد و عايز مشورتكم ف شويه حاجات كدا

دي صوره العربيه و طبعا من الملاحظ ان الفانوس الصغير مش موجود بس انا اشتريته من تلات شهور و راكنه تحت السلم عشان عايز مسامير و حوارات و انا مش فاضيلو

نخش علي التقيل بقي

دي صور الخابطه اللي اخويا عملها و طبعا العربيه اللي عملت كدا كانت نص نقل راكنه ف حالها و هوا راجع ما شفهاش و خبطها و هيا ما جرلهاش حاجة بس المهم دي خاتتصلح ولا لا و اجيب فل و احطوا و كان ما حدش هياخد بالو

اه معلش علامه الكيا اللي بنقس اللون مكان اللي ولاد الحلال شالوها اجيبها منين و بكام

و دي المرايه علبتها اتخبطت من ولاد الحلال بردوا و مش عارف اجيب مراية العربيه ولا اشوف مرايه احسن عشان الرويا ف المرايه دي مش مريحاني

دا طبعا الفانوس بتاع العربيه بس المسمارين دول من كتر اللف بقو يفوتو اعمل ايه ... انا ببقي منور المتوسط والاقيه ضارب ف قفا اللي قدامي و انا عايز انزلو شويه بس المسامير مش عايزة

دي بقي صور الموتور و العربيه يعني و انا بغير للمياه الحضرا اللي جبتها من كارفور اللي قولتلكو عليها بس هيا 4 لتر مش 5 و عاطط تلات تربع خضرا و الباقي مياه عاديه زي ما استاذ مناور قال و العربيه الحمد لله مش بتسخن زي الاول و ابص الاقي العداد علي النص لا بقي قبل النص الحمد لله

دي خبطه ف الرفرف علي قد ما قوسم كدا و هيا دي اللي كنت عايز اعدلها مع اللي ورا ف الشنطه

معلش طولت بس اهوه حاجة نسخن بيها شويه

**أحمد الجندى** · 10-09-2011, 09:53 PM

ايه يا ايمن ده انت مزعل العربية كده ليه دى بنت ناس ومش حمل اللى أنت عامله فيها ده

المشاركة الأصلية كتبت بواسطة may_moon911 مشاهدة المشاركة

بسم الله الرحمن الرحيم
دي صور لحبيبتي و كعكتي البيضاء الكيا برايد و عايز مشورتكم ف شويه حاجات كدا

دي صوره العربيه و طبعا من الملاحظ ان الفانوس الصغير مش موجود بس انا اشتريته من تلات شهور و راكنه تحت السلم عشان عايز مسامير و حوارات و انا مش فاضيلو

أولا أنت محتاج تعالج النقر اللى منتشرة فى العربية بتاعتك لانهم مع اللون الابيض مخلين شكلها يعصب ده غير انه ما ينفعش تسيب الصاج كده لان على حسب علمى لازم تبقى فيه طبقة حماية فوقيه

والحكاية مش مكلفة لو مش عايز ترش اعمل زى ما عملت اخلط المادة العازلة بلون ابيض وخليه يعملها بقطنة ومع اللون الابيض مش حايبان قوى

نخش علي التقيل بقي

دي صور الخابطه اللي اخويا عملها و طبعا العربيه اللي عملت كدا كانت نص نقل راكنه ف حالها و هوا راجع ما شفهاش و خبطها و هيا ما جرلهاش حاجة بس المهم دي خاتتصلح ولا لا و اجيب فل و احطوا و كان ما حدش هياخد بالو

دى سهل أى سمكرى يعملهالك ماتقلقش هما عندهم ادوات معينة تخليهم يستعدلوا أى جزء فى العربية

اه معلش علامه الكيا اللي بنقس اللون مكان اللي ولاد الحلال شالوها اجيبها منين و بكام

لو قلنا حاتجيب المضروبة انزل التوفيقية بيتهيألى مش حاتزيد عن 20 جنيه هما على العموم موجودين كتير قوى فى التوفيقية يعنى حتقدر تفاصل براحتك اما الاصلى فجرب تسأل بقى عندى الجندى أو حلمى سليمان

و دي المرايه علبتها اتخبطت من ولاد الحلال بردوا و مش عارف اجيب مراية العربيه ولا اشوف مرايه احسن عشان الرويا ف المرايه دي مش مريحاني

شوف سعرها جديد يعمل كام واستيراد يعمل كام واللى تلاقيه ارخص هاته مش حاتفرق وبالنسبة لمرايتك دى أنا ممكن اخلى صاحبى اللى حايخد عربيتى ياخدها منك لان عندى الدراع اللى بظبط بيه المراية اتكسر ومحتاج واحد مكانه من مراية مكسورة

دا طبعا الفانوس بتاع العربيه بس المسمارين دول من كتر اللف بقو يفوتو اعمل ايه ... انا ببقي منور المتوسط والاقيه ضارب ف قفا اللي قدامي و انا عايز انزلو شويه بس المسامير مش عايزة

هاتلك مسمار مقاس اكبر وخلاص

دي بقي صور الموتور و العربيه يعني و انا بغير للمياه الحضرا اللي جبتها من كارفور اللي قولتلكو عليها بس هيا 4 لتر مش 5 و عاطط تلات تربع خضرا و الباقي مياه عاديه زي ما استاذ مناور قال و العربيه الحمد لله مش بتسخن زي الاول و ابص الاقي العداد علي النص لا بقي قبل النص الحمد لله

تمام يا باشا بس ابقى خلى الموتور يستحمى كده كل شهرين تلاتة كده حتى شكله لما بيبقى نضيف بيشرح الصدر

انا برضو بعد تغيير الميا الخضرا حسيت بفرق وبالتجربة مشيت فى يوم مشمس لدرجة الصهد لمدة تزيد عن الساعتين ما بين طوالى وزحمة مدن والعداد لم يتعدى المنتصف

دي خبطه ف الرفرف علي قد ما قوسم كدا و هيا دي اللي كنت عايز اعدلها مع اللي ورا ف الشنطه

امبارح لما كنت عند السمكرى لقيته فى الاول رد اغلب الباب بايده يعنى زق الصاج بكف ايده راح الصاج منطور لبرا وبعد كده باقى العوجات اشتغل عليها دقدقة جرب كده تدخل كف ايدك من ورا الرفرف واضغط عليه جامد شوفه حاينطر معاك لبرا ولا لأ لو ماجتش يبقى السمكرى يشتغلك فيها مع الخبطة اللى ورا

**A.Elsawaf** · 11-09-2011, 10:36 AM

رجعت بعد انقطاع دائم عن الانترنت فى البيت بسبب مشكلة فى الانترنت فى فودافون فى المنطقة اللى انا فيها :) ... الله يخربيتك يا فودافون :(

**A.Elsawaf** · 11-09-2011, 10:38 AM

المشاركة الأصلية كتبت بواسطة msunix مشاهدة المشاركة

كمان خد بالك ادخل على مواقع بيع السيارات وشوف عربيتك تعمل كام وسطهم علشان تعرف تقدر سعرها كويس.
وقلنا موديول كام؟ وهاتشباك ولا سيدان

بالتوفيق ان شاء الله مع انى مبحبش ابيع حاجة اشتريتها ، اصلحها احسن

فعلا انا مع الرأي ده انك بص على الأسعار دلوقتى ايه علشان اعتقد عربيتك تجيب اكتر من كده :)

**A.Elsawaf** · 11-09-2011, 10:44 AM

المشاركة الأصلية كتبت بواسطة المناور مشاهدة المشاركة

سلامة عربيتك يا أيمن الظاهر كده ان الرابطة يا اما مستهدفة يا اما واخدة عين حلوة

لا لا هى الرابطة مستهدفة :)
انا كل شوية ابقى راكن العربية يا اما الاقيها اتحكت مع انى مش راكن فى مكان ضيق ... او الاقى الأطفال ذو الميول الفنية بيخططولى على العربية بمسامير :(

**A.Elsawaf** · 11-09-2011, 10:47 AM

المشاركة الأصلية كتبت بواسطة المناور مشاهدة المشاركة

أنا مش عارف ايه حكاية العربية معايا اليومين دول هى بتعاقبنى علشان حابيعها ولا ايه ؟!!!
النهاردة طلعت اخلص مشوار ليا وكنت ماشى فى صلاح سالم وسرعتى حوالى 80 وجى طالع الكوبرى بتاع العباسية ومرة واحدة الاقى عربية نص نقل جاية من الشمال اللى بيضيق لغاية الكوبرى والاقيه دخل قدامى فأنا هديت شوية لانه بقى قريب قوى منى المهم البيه فوجئ بان الطريق هدى جامد علشان كان فيه عربيتين عطلانين فوق الكوبرى فراح مفرمل جامد ووقف قبل عربية لانوس بقليل وأنا طبعا روحت مفرمل جامد وبرضو فراملى اسعفتنى قبل النقل بحاجات بسيطة المشكلة بقى ان كان فيه ورايا عربية سوزوكى اللى هيا 7 راكب فرمل بس فرامله شكلها ضعيف شويتين فراح خبط عربيتى من ورا اللى بدورها خبطت النقل اللى بدورها خبطت اللانوس ... طبعا صوت الخبطة كان جامد وقلت خلاص العربية بعد ما اتعملت ساندويتش اتدمرت نزلت لقيت الحمد لله مفيش غير فانوسين الانتظار اللى فى الاكصدام اتكسروا والاكصدام اللى ورا اتكسر المسمارين اللى ماسكينه من ناحية الرفرف والكرسى اللى أنا قاعد عليه بقى بيزيق طول ما أنا ماشى زائد طبعا بعض الالام فى الرقبة والضهر والحمد لله على كل شىء

الحمد لله انها جت على قد كده :(
تصدق انا دايما كل اما اجى اشترى حاجة جديدة غير اللى عندى بتعاقب :) ... قبل كده قلت اغير الكمبيوتر حصلت مشكلة فى الكهربا عندى والباور سابلاي بالبوردة طارو :) ..

ولما جيت اغير موبايلى قبل كده زمان باظ :)

**A.Elsawaf** · 11-09-2011, 10:51 AM

المشاركة الأصلية كتبت بواسطة المناور مشاهدة المشاركة

شارع دمشق ده فى روكسى أنا اعرف اروحه بس ماعرفش اوصفه

الظاهر ان كلنا كده

انا مصر الجديدة دى عندى عقدة ... ممكن امشى فى أى مكان عادي بس مصر الجديدة كلها كده كل ما ادخل فيها اتوه جوة وافضل الف حوالين نفسى ... انا اخرى هناك ميدان روكسى بالخليفة المأمون كده والكوربة .. اكتر من كده بتوه

بس بقيت اعتمد على الجي بي اس كل ما اجى اروح شارع دمشق علشان ماتوهش :)

**A.Elsawaf** · 11-09-2011, 10:51 AM

المشاركة الأصلية كتبت بواسطة may_moon911 مشاهدة المشاركة

انا مش عارف اوصف اوي بس دا علي قد مقدرتي
سيادتك هاتروح ميدان الجامع من عند تسيباس بتاع الحلويات و تاخد الطريق لغايه الاخر هتلاقيه بيتفرع مزا ناحيه تاخد اليمين خالص و تكمل في طوالي لحد ما تلاقي بتوع العربيات هوا دا شارع دمشق
و انا لو قدرت اجيبها من علي الجوجل هوريها لسيادتك

عنك انت يا ايمن :) ادر لينك لمكان الجندى بالظبط :)

30.094977,31.322792 - Google Maps

**may_moon911** · 11-09-2011, 02:28 PM

المشاركة الأصلية كتبت بواسطة المناور مشاهدة المشاركة

ايه يا ايمن ده انت مزعل العربية كده ليه دى بنت ناس ومش حمل اللى أنت عامله فيها ده

والله يا استاذ مناور ما اقدر ازعلها هما بس الناس اللي ف البيت مالهمش ف السواقه ف مطلعين عينها و هيا يا عيني ما بتتكلمش

أولا أنت محتاج تعالج النقر اللى منتشرة فى العربية بتاعتك لانهم مع اللون الابيض مخلين شكلها يعصب ده غير انه ما ينفعش تسيب الصاج كده لان على حسب علمى لازم تبقى فيه طبقة حماية فوقيه

والحكاية مش مكلفة لو مش عايز ترش اعمل زى ما عملت اخلط المادة العازلة بلون ابيض وخليه يعملها بقطنة ومع اللون الابيض مش حايبان قوى

انا كنت عايز اديها رشه بس لقيتها هاتتكلف 500 و 800 و ارقام كبيره و الصراحه مش هاصرف عليها 500 جنيه دهان ... ال500 دول اشقلبهم بيها احسن.... و بعد اذنك تقولي الماده العازله اسمها ايه و بكام و منين و انا اعلماها بايدي حتي مش لازم اوديها لحد

دى سهل أى سمكرى يعملهالك ماتقلقش هما عندهم ادوات معينة تخليهم يستعدلوا أى جزء فى العربية

اصلها ف حته غريبه شويه ف مش متاكد بيعملوها ولا هايفكو الحته كلها يعدلوها و يركبوها تاني

لو قلنا حاتجيب المضروبة انزل التوفيقية بيتهيألى مش حاتزيد عن 20 جنيه هما على العموم موجودين كتير قوى فى التوفيقية يعنى حتقدر تفاصل براحتك اما الاصلى فجرب تسأل بقى عندى الجندى أو حلمى سليمان

ما انا سالت عليها قبل كدا بالظبط ب 25 الواحده ف جسر السويس بس مش هاتفرق دي مرايه مش لازم اجيب الاصلي ... هوا سوالي ينفع احط مرايه اكبر عشان دي صغيره شويه و الرؤيه فيها مش مريحاني

شوف سعرها جديد يعمل كام واستيراد يعمل كام واللى تلاقيه ارخص هاته مش حاتفرق وبالنسبة لمرايتك دى أنا ممكن اخلى صاحبى اللى حايخد عربيتى ياخدها منك لان عندى الدراع اللى بظبط بيه المراية اتكسر ومحتاج واحد مكانه من مراية مكسورة

ماهو للاسف الدراع باظ بردوا من الخبطه ... الله يسامح اللي كان السبب الناس بتمشي من غير ما تبص ولا ما بتشوفش مش عارف

هاتلك مسمار مقاس اكبر وخلاص

ما انا اطلع المسمار دا ازاي اصلا عشان اخط واحد مكانه ... لازم افك الفانوس ؟؟

تمام يا باشا بس ابقى خلى الموتور يستحمى كده كل شهرين تلاتة كده حتى شكله لما بيبقى نضيف بيشرح الصدر

بحميه مع كل تلات تغييرات زيت يعني كل 15 الف و هوا بيتوسخ بسرعه مش عارف من ايه .. دا عندي بس ولا عادي عند الجميع ... و بمناسبه الزيت انا بحط توتال 5000 كوارتز هل اغير ل شل احسن هوا فرق السعر مش كبير يعني و مش هوفر عشان ابوظ الموتور ف لو شل احسن اجيبو !!!

انا برضو بعد تغيير الميا الخضرا حسيت بفرق وبالتجربة مشيت فى يوم مشمس لدرجة الصهد لمدة تزيد عن الساعتين ما بين طوالى وزحمة مدن والعداد لم يتعدى المنتصف

امبارح لما كنت عند السمكرى لقيته فى الاول رد اغلب الباب بايده يعنى زق الصاج بكف ايده راح الصاج منطور لبرا وبعد كده باقى العوجات اشتغل عليها دقدقة جرب كده تدخل كف ايدك من ورا الرفرف واضغط عليه جامد شوفه حاينطر معاك لبرا ولا لأ لو ماجتش يبقى السمكرى يشتغلك فيها مع الخبطة اللى ورا

خلاص اول ما اخويا ييجي بالعربيه هانزل اجرب ب ايدي لو مكانش هابقي اروح للسمكري يعدلها بقي

**may_moon911** · 11-09-2011, 02:31 PM