رابطة ملاك الكيا برايد - كلاكيت تانى مرة!

[أحمد الجندى]

انا كنت عايز اديها رشه بس لقيتها هاتتكلف 500 و 800 و ارقام كبيره و الصراحه مش هاصرف عليها 500 جنيه دهان ... ال500 دول اشقلبهم بيها احسن.... و بعد اذنك تقولي الماده العازله اسمها ايه و بكام و منين و انا اعلماها بايدي حتي مش لازم اوديها لحد

مش عارف يا ايمن كان اسمها ايه انا لقيته خلط مادة بالبوية وجاب حتة قطنة وحطها على الجزء اللى مقشر ... أنت لو روحت قسم الورشة حتلاقى خطوات الرش وتجديد العربية حتلاقى اللى يدلك

اصلها ف حته غريبه شويه ف مش متاكد بيعملوها ولا هايفكو الحته كلها يعدلوها و يركبوها تاني

يا باشا زى ما قلتلك قبل كده ما تقلقش ..... انت لو شوفت العدة بتاعة السمكرية حتلاقيها متشكلة بطريقة توصلها لأى جزء

ما انا سالت عليها قبل كدا بالظبط ب 25 الواحده ف جسر السويس بس مش هاتفرق دي مرايه مش لازم اجيب الاصلي ... هوا سوالي ينفع احط مرايه اكبر عشان دي صغيره شويه و الرؤيه فيها مش مريحاني

عادى ينفع تغير المراية بشكل تانى أنا شوفت واحد راكب برايد سيدان ومركب مراية اكبر فى الحجم وبتقفل لجوة كمان وشكلها دخل دماغى وكنت عايز اعمل زيها

ماهو للاسف الدراع باظ بردوا من الخبطه ... الله يسامح اللي كان السبب الناس بتمشي من غير ما تبص ولا ما بتشوفش مش عارف

برضو!!

ما انا اطلع المسمار دا ازاي اصلا عشان اخط واحد مكانه ... لازم افك الفانوس ؟؟

الفانوس بيبقى ممسوك بمسمارين واحد فوق والتانى فى الجنب من عند الشبكة انت فك أى واحد منهم وريه للناس اللى عندهم مسامير وخليه يجيبلك مقاس اكبر وابقى بالمرة جرب وانت فى مكانك مقاسه مظبوط ولا لأ .... لو معندكش حد بيبيع الحاجات دى اطلع على شارع الجمهورية أو الرويعى

بحميه مع كل تلات تغييرات زيت يعني كل 15 الف و هوا بيتوسخ بسرعه مش عارف من ايه .. دا عندي بس ولا عادي عند الجميع ... و بمناسبه الزيت انا بحط توتال 5000 كوارتز هل اغير ل شل احسن هوا فرق السعر مش كبير يعني و مش هوفر عشان ابوظ الموتور ف لو شل احسن اجيبو !!!

كتير قوى يا ايمن مع جو مصر المترب طول الوقت ..... أنت اول ما تلاقى التراب بقى اكوام اديها دش علطول من برا وموتور وعفشة على الاقل ممكن تديها نفخة هوا مرة كل شهر

بالنسبة للزيت أنا كنت موبيل وبعدين غيرت لشيل ومرتاح معاه بس اليومين دول عمال اتابع الانواع الجديدة زى كاسترول وفالفولين وليكويد ... الحاجات دى سامع فيها كلام كويس وعمال اتابع تجارب الاعضاء معاهم

[A.Elsawaf]

انا بردوا و انا بفتح الرابطه لقيتها نورت مره واحده اتاري سيادتك نورتها " حلوه التثبيته دي هههههه "
الف الف حمدلله علي السلامه ....

ربنا يخليك يا أيمن ... وانا هعمل نفسى مش واخد بالى انها تثبيتة بقى ههههههههههههه

[A.Elsawaf]

من كام يوم و بالظبط يوم اربعاء بالليل اتخبطت ف دماغي و قولت اخد العربيه ونا خارج عشان بالليل مش بيبقي في مواصلات و هوبا و انا قاعد ف الكافيه اسمع صوت زجاج بيتكسر اتاري ولا الحلال باسو العربيه و جريو طبعا و ما حدش عرف يشوف خلقتهم تاني .... المهم .... رحت لجريش الخميس كان قافل عشان العيد و كدا قمت رايح السبت "بالمناسبه دا زجاج السواق " بكام يا عم جريش قالي ب 55 جنيه و لطعوني ساعتين و نص عشان يركب بعد ما الواحد قعد يزعق و الحمد لله انها جت علي قد كدا و السلام عليكم

يااااه ... فكرتنى باللذى مضى ... وانا صغير كان عندى نفس الميول العدوانية دى ... بس علشان مكسرش للناس حاجتهم كنت بكسر الحاجات اللى فى الشقة
كسرت كمية ازاز عندنا من أول كوبايات وشبابيك لحد بنورة السفرة
وكنت بلعب كورة فى البيت كمان وكنت عامل التلاجة هى الجون لحد ما فى مرة سربت فريون من كتر الرجرجة

بس ايه هو ازاز السواق ب 55 جنيه؟؟ ولا فيه حاجة غلط؟

[A.Elsawaf]

هو يا برايداوية محدش عنده موضوع عن الجدوى الفنية لغسيل الموتور ... اصل كلامكو كده مخلينى عاوز اغسل الموتور ... انا مجسلتوش من ساعة ما جبت العربية ومكنتش عاوز اغسله بصراحة علشان انا عاصرت غسيل موتور ل 3 عربيات والحمد لله ال 3 مداروش وكانت معاناة

[A.Elsawaf]

افتكرت حاجة صحيح حصلتلى فى فترة انقطاعى عن الانترنت ... والعربية الظاهر علشان فكرت بس ان انا اصرف عليها الفترة اللى جاية .. بقت تتدلع :)

المهم .. انا طريقى وحش جدا بعدى كل يوم على حوالى 30 مطب وممكن اكتر والله بس انا اللى مش عادد كويس + ان فى اماكن كتير فى الطريق مكسرة.

فماشى فيوم ... لقيت خبط ورزع وحاجات بتشخلل وأصوات عجيبة كده ... وبصراحة مكنش عندى وقت اعملها خالص وفضلت ماشى فيها كده حوالى اسبوع ...

وبعدين روحت للميكانيكى .. فقاللى ان كاوتش الميزان عاوز يتغير ...

الأعراض بالظبط علشان لو حد اتعرض لنفس الموقف يبقى عارف ...
بتحس برزعة كده وانت بتطلع بالعربية او بتشد ... على الطرق المكسرة والمطبات بسمع خبط وشخللة

سعر بقى كاوتش الميزان : 20 جنيه وجبته من عند حلمى سليمان

وملحوظة صحيح ... كانو قالولى فى التوكيل لما كشفت على العربية قبل ما اشتريها ان كاوتش الميزات عاوز يتغير وانا نسيت ... فكويس انها فضلت ماشية ده كله :) .. 3 شهور حلو اوى

[msunix]

حكايتى مع ورشة نايل موتورز:

انا شوفت الورشة على الانترنت وبعدين اتصلت (بالاستاذ) كريم بدون غلط فى حد، ورحت على الوصف وسلمتهم العربية بتاعتى اللى كانت مخبوطة من الجنب الايمن وراء وقدام ومن الشمال مخبوط الباب بس والرفرف – المهم ان انا مش خبير فى الخبطات واول مرة اروح لميكانيكى فى حياتى وأخر مرة – المهم بعد ما قابلت (اسطى) احمد قدورة قالى ان العربية عايزة تترمى فى الزبالة ومحتاجة شغل بالهبل وطلب منى مبلغ وقدره 1700 جنيه علشان الدنيا تكون واضحة مقابل السمكرة والدهان هيتكلف 2500 او 3000 جنيه، طبعا مبالغ خرافية لأى حد نفسه يظبط عربيته، مع ان عربيتى ما كانتش عاملة حادثة اساسا ولا حاجة والشغل كله كان فى الصاج وسألته بكام قال بكذا طبعا انا جبت له فلوس السمكرة واديتهاله كلها، او على جزئين علشان مكذبش بس المهم انه خدهم كلهم. انا عن نفسى لما شوفت بداية الشغل معجبنيش بس مرضتش اتكلم لانى بردو مش معقولة هعدل على اسطى معلم فى مجاله وسكت، المهم ان الاسطى مكنش عارف شكل العربية الاصلى عامل ازاى اساسا.

وكمان يزيد الطينة بله انه معملش الشغل فى ورشته وداها فى ورشة برة، ليه مش عارف، ولا علشان ايه مش عارف بردو، المهم الوشة التانية دى كان شغال فى العربية بالكاوية لحد لما خلها كل الصاج بتاعها منقط اسود من استخدام الكاوية لو بصيت من جوة الشنطة تشوف اللحامات والنقط السوداء كان العربية طلع لها حب الشباب.

المهم انه اخد باقى فلوسه وبم ان انا اساسا مش فاهم فى السمكرة المفروض انه يراجع شغل الورشة اللى وداها فيها، بس ده محصلش ليه معرفش بردو، مع ان المفروض ان الورشة بتساعد الناس علشان يشوفوا اماكن كويسة !!!!!!

انا طبعا لاقيت الدهان غالى جدا ومعرفتش اكمل باقى فلوس الدهان معايا، فقلت له مش هدهن ممكن تعملها معجون وتديهانى، طبعا انا معرفش، قام قال لأ لو عايز تستلمها استلمها على الصاج قلت له انا مبعرفش استلم ممكن تستلم انت من الورشة اللى بعت فيها العربية المفروض ان انا جاليك على الصيت بس للأسف. أخدت العربية على الصاج وعبارة عن خردة كأنى جايبها من الوكالة مجمعها على ايدى بعد ما كانت على الاقل ليها شكل وخبطات بسيطة.

رحت لسمكرى تانى علشان اكمل الدهان بتكلفة اقل بس مش اكتر فلما شاف العربية قال ايه ده دى زبالة، مع ان المفروض ان أحمد قدورة وورشة نيل موتور اخدوا فلوسهم كاملة والمفروض ان انا استلم سمكرة كاملة وقالى ان فيها برومة من تحت متعملتش وكمان العربية بتاعتى كان فيها برومة فى العتب متعملتش بردو.

كل اللى اتعمل الصاج بتاع العربية داير ميدور الأبواب والكبوت بس كده وجزء بسيط من العجل الخلفى انما البرومة فى العتب قال مليش دعوة بيها انا كده خلصت وعايز باقى الحساب.

وسلمنى العربية بايظ فيها كل شئ كان سليم، السنترلوك وعداد البنزين والشبابيك.

كل حاجة بايظة دلوقت فى العربية وشكلها بقى مقرف جدا.

طبعا انا علشان مش فاهم حاجة ومدى الامان للناس اللى ائتمنتهم واديتهم فلوس السمكرة كاملة معرفتش اعمل ايه؟

كل اللى قلته حسبى الله ونعم والوكيل ، ومنهم لله فى الفلوس اللى اخدوها ويارب تنزل عليهم بالخراب

الحاجة التانية والأضل سبيل ان العربية كانت فيها 20 لتر بنزين والعداد بتاع الزيت عامل 1650 كيلو الاربع ارقام الديجيت استلمت العربية فاضية تماما وعاملة 4223 كيلو، مش عارف ازاى لانها باتت من يوم الخميس وبدء الشغل فيها من السبت الصبح واخدتها الثلاثاء بالليل الساعة 10. مش عارف ازاى عملت اكتر من 200 كيلو وهيه واقفة. طبعا انا كنت لسه مغير زيت ومصفر العداد لانى مرتب وعايز اشوف الزيت قد ايه استهلك.

انا مش بتكلم على البنزين وفلوسه بس بتكلم على انهم يستخدموا عربية زبون ليه؟؟؟؟؟؟ وطبعا طلعت انا الغلطان علشان العدادادت بتاعتى بايظة كلها !!!!! وعجبى على الورش اللى هيه اساسا فى الحرفيين وكان الواحد لازم يكون حريص اكتر من كده وميسلمش دقنه لحد، المفروض اخد فلوس يسلم مقابلها شغل مظبوط لانه واحد اللى قال عليه ويتقى ربنا فى القرش اللى بيجيله.

الله لا يسامحهم ولا يهنيهم بفلوسى

وهرفع صور العربية بعد ما خلصت واتظبطت سمكرة بس عندهم - يمكن السمكرى اللى رحت له مش فاهم بردو وهم العلامة اللى فى الدنيا
الله يخرب ... ولا بلاش

[msunix]

وادى الصور يمكن انا مش بفهم حاجة فى السمكرة

[msunix]

وادى الصور يمكن انا مش بفهم حاجة فى السمكرة



















انا بحكى على اللى حصل بالضبط والصور خير برهان على ان السمكرة اللى حصلت حصلت عند بقال تحت بير السلم اللى هيه اسمها ورشة نيل موتورز ، ومش عارف لحد دلوقت ليه عملوا معايا كده (يمكن علشان لسه جديد :((

[tenen10]

لا حول ولا قوة الا بالله ربنا يعوض عليك وبصراحة انت غلطان برضه انك تسيب العربية خالص كدة المفروض كنت تعدي عليهم كل شوية وتابع وتشوف الجديد الصنيعية مينفعش تسبهم مع نفسهم انت شكلك انسان كويس وابن ناس وفاكر الناس كلها زيك عموما الواحد مبيتعلمش ببلاش وشوف سمكري يكون جانبك بحيث تبص عليه وتتابعه وتفهمه انك زبونه وفي منطقته مش مرة وخلاص يعني عشان يهتم بيك

[tenen10]

في حاجة غريبة لقتها علي النت وانا ببحث علي البرايد لقيت العربية نازلة في بعض الدول تابعة لشركة فورد باسم Ford Festiva هل دي هيا الكيا بتعتنا دي كدة تبقا عربية تحفة بجد لان فورد دي شركة عالمية ومش حتحط اسمها علي حاجة وحشة صح ولا ايه وعلي فكرة هيا نفس الشكل الخارجي ونفس الصالون ما عدا العلامة في الدركسيون والشبكة برة هتلاقوا فديوهات كمان ليها كثير علي يوتيوب؟؟؟؟

[أحمد الجندى]

لا حول ولا قوة إلا بالله ايه اللى انت بتحكى فيه ده كله ..... أنا برضو مليش فى السمكرة قوى بس من الصور الشغل فيه حاجة مش مظبوط انت لازم تقول الكلام ده كله لكريم منير وتوريه الصور وهو ان شاء الله حايتصرف ويجيبلك حقك

[أحمد الجندى]

في حاجة غريبة لقتها علي النت وانا ببحث علي البرايد لقيت العربية نازلة في بعض الدول تابعة لشركة فورد باسم ford festiva هل دي هيا الكيا بتعتنا دي كدة تبقا عربية تحفة بجد لان فورد دي شركة عالمية ومش حتحط اسمها علي حاجة وحشة صح ولا ايه وعلي فكرة هيا نفس الشكل الخارجي ونفس الصالون ما عدا العلامة في الدركسيون والشبكة برة هتلاقوا فديوهات كمان ليها كثير علي يوتيوب؟؟؟؟

اللى اعرفه ان فورد هى اللى انتجت العربية الأول باسم فيستا وبعدين كيا اشترت خط الانتاج منها وبقت بتصنعها باسم البرايد وغيرت فيها شوية حاجات ..... أنا اغلب الصور اللى شوفتها للفيستا كانت 2 باب ....وانت لو دخلت على ويكيبديا حتلاقى تفاصيل زيادة عن الموضوع ده

[msunix]

لا حول ولا قوة إلا بالله ايه اللى انت بتحكى فيه ده كله ..... أنا برضو مليش فى السمكرة قوى بس من الصور الشغل فيه حاجة مش مظبوط انت لازم تقول الكلام ده كله لكريم منير وتوريه الصور وهو ان شاء الله حايتصرف ويجيبلك حقك

مهو انا كلمت كريم اساسا ووثقت فيه وسلمتهم هناك العربية فى الورشة وسيبتها، لأن انا عارف انهم لو عايزين يسرقونى هيسرقونى حتى لو ببص عليهم كل شوية، بس لما كلمت كريم حسسنى ان انا اللى غلطان وان عداداتى كلها بايظة وانحاز ليهم مش عارف ليه مع ان انا دافع المبلغ اللى قالوا عليه بالتمام والكمال ولم اقصر فى شئ يبقى المفروض ان انا اخد شغل مظبوط انما اللى شوفته كان شغل عك ولكن مكلمتش لانى مبعرفش قوى بس لما ودتيها لسمكرى تانى قال ايه الزبالة دى.
طبعا عرفت ساعتها ان كريم مش هيصدقنى ولا حرف وهيصدق الصنياعية بتوعه لان انا مهما رحت ولا جيت مجرد واحد من على النت مش اكتر (من الآخر مليش واسطة) مع انى دافع كل فلوس السمكرة 1700 جنيه بالتمام والكمال ولم احصل على المقابل.
ده انا ممكن يمسح الاكونت بتاعى من المنتدى علشان الكلام ده ويكفى على الخبر مجور زى ما بيقولوا
حسبى الله ونعم الوكيل

[msunix]

لا حول ولا قوة الا بالله ربنا يعوض عليك وبصراحة انت غلطان برضه انك تسيب العربية خالص كدة المفروض كنت تعدي عليهم كل شوية وتابع وتشوف الجديد الصنيعية مينفعش تسبهم مع نفسهم انت شكلك انسان كويس وابن ناس وفاكر الناس كلها زيك عموما الواحد مبيتعلمش ببلاش وشوف سمكري يكون جانبك بحيث تبص عليه وتتابعه وتفهمه انك زبونه وفي منطقته مش مرة وخلاص يعني عشان يهتم بيك

المشكلة انى خايف ان العربية كده بقت شكلها خردة وياريت السمكرى الجديد يقدر يرجعها كويسة علشان لما افكر ابيعها يبقى ليها سعر مش ابقى خسرت الجلد والسقط ربنا يستر

[ابو ليلى]

مهو انا كلمت كريم اساسا ووثقت فيه وسلمتهم هناك العربية فى الورشة وسيبتها، لأن انا عارف انهم لو عايزين يسرقونى هيسرقونى حتى لو ببص عليهم كل شوية، بس لما كلمت كريم حسسنى ان انا اللى غلطان وان عداداتى كلها بايظة وانحاز ليهم مش عارف ليه مع ان انا دافع المبلغ اللى قالوا عليه بالتمام والكمال ولم اقصر فى شئ يبقى المفروض ان انا اخد شغل مظبوط انما اللى شوفته كان شغل عك ولكن مكلمتش لانى مبعرفش قوى بس لما ودتيها لسمكرى تانى قال ايه الزبالة دى.
طبعا عرفت ساعتها ان كريم مش هيصدقنى ولا حرف وهيصدق الصنياعية بتوعه لان انا مهما رحت ولا جيت مجرد واحد من على النت مش اكتر (من الآخر مليش واسطة) مع انى دافع كل فلوس السمكرة 1700 جنيه بالتمام والكمال ولم احصل على المقابل.
ده انا ممكن يمسح الاكونت بتاعى من المنتدى علشان الكلام ده ويكفى على الخبر مجور زى ما بيقولوا
حسبى الله ونعم الوكيل

العضو الفاضل يكفى ما قلت الى الان انا هبعت لينك الموضوع لكريم علشان يشوفه لان ليه حق الرد علشان تكون الصورة واضحة امام الجميع