رابطة ملاك الكيا برايد - كلاكيت تانى مرة!

[msunix]

بصراحة فى موضوع ورشة محمد وشنودة .. انا معاك فى الرأى ... انا معتقدش انى هروحلهم تانى بصراحة ... بالنسبة لحد يشتغل ليك فى العفشة ... معرفش بصراحة علشان ما افتيش :)


وموضوع السمكرة والدهان .. ايه رأيك تجرب ورشة نايل موتورز ... هم دهان بس ... بس انت ممكن تودي العربية وتسألهم على سمكرى او تسيبها وهم يودوها لسمكرى قريب منهم وثقة ..
انا عن نفسى ناوى اعمل كده لما اجى اظبط العربية من برة إن شاء الله :)

فين ورشة نايل موتورز دى .... بالمناسبة انا سمعت ان فيه مكان اسمه مركز تجديد السيارات وموجود فى مكان خلف تويوتا خلف مسجد الشرطة كده وانت رايح على العباسية بس مش عارف فين بالضبط ياترى حد راح شافه او سمع عنه؟ بيظبطوا كل حاجة فى العربية ميكانيكا وكهرباء وسمكرة وكل شئ بس انا سمعت معرفش صح ولا غلط

[A.Elsawaf]

فين ورشة نايل موتورز دى .... بالمناسبة انا سمعت ان فيه مكان اسمه مركز تجديد السيارات وموجود فى مكان خلف تويوتا خلف مسجد الشرطة كده وانت رايح على العباسية بس مش عارف فين بالضبط ياترى حد راح شافه او سمع عنه؟ بيظبطوا كل حاجة فى العربية ميكانيكا وكهرباء وسمكرة وكل شئ بس انا سمعت معرفش صح ولا غلط

هى فى الحرفيين وده الموضوع بتاعها هنا فى المنتدى

http://www.nilemotors.net/Nile/193804-a.html

ومركز تجديد السيارات ده معرفش عنه أى حاجة بصراحة :)

[أحمد الجندى]

وموضوع السمكرة والدهان .. ايه رأيك تجرب ورشة نايل موتورز ... هم دهان بس ... بس انت ممكن تودي العربية وتسألهم على سمكرى او تسيبها وهم يودوها لسمكرى قريب منهم وثقة ..
انا عن نفسى ناوى اعمل كده لما اجى اظبط العربية من برة إن شاء الله :)

أنا كنت حطيت الصور وسألت استاذ كريم منير بس بصراحة ما قليش قيمة هو قالى سهلة وتعالى نظبطهالك يوم سمكرة ويوم رش ..... وبعدين لما تابعت الموضوع كله حسيت من كلام الناس انهم غالى سنة .... فحشوف السمكرى اللى صلحلى الخبطة الاولى حايخلصلى القصة بكام ولو طلع الفرق بسيط بينه وبين ورشة نايل اروح لنايل طبعا

[may_moon911]

مساء العسل علي احلي رابطه ............ واحد صاحبي كلمني و قالي ان كارفور عامل ميه خضرا عليها عرض هيا نوعها رقم واحد اللي هيا منتجات كارفور و سالتو ظبطت العربيه معاك قالي زي الفل و مش بتشخن زي المياه العاديه ف انا بدوري رحت جبت جركنين الجركن 5 لتر ............. و هاجربها ان شاء الله من بكره لما افضي الميه الموجوده ف الردياتير و احط ديه ............... حاجة كمان العربيه واخدالها كام بوسه في جنابها انا هارفع ليكم الصور و تقولولي تتعمل ولا لا عشانها ف حته غريبه ............... و بس كدا و كل سنه و انتم طيبين

[bmwx5n]

محدش يعرف حد عوز يبيع عربية سيدان او هاتش باك مكيفة

[أحمد الجندى]

مساء العسل علي احلي رابطه ............ واحد صاحبي كلمني و قالي ان كارفور عامل ميه خضرا عليها عرض هيا نوعها رقم واحد اللي هيا منتجات كارفور و سالتو ظبطت العربيه معاك قالي زي الفل و مش بتشخن زي المياه العاديه ف انا بدوري رحت جبت جركنين الجركن 5 لتر ............. و هاجربها ان شاء الله من بكره لما افضي الميه الموجوده ف الردياتير و احط ديه ............... حاجة كمان العربيه واخدالها كام بوسه في جنابها انا هارفع ليكم الصور و تقولولي تتعمل ولا لا عشانها ف حته غريبه ............... و بس كدا و كل سنه و انتم طيبين

سلامة عربيتك يا أيمن الظاهر كده ان الرابطة يا اما مستهدفة يا اما واخدة عين حلوة

ماقلتلناش عبوة الميا الخضرا دى بكام ؟ وخد بالك ما تملاش الريداتير كله بالميا الخضرا هو يادوب لتر أو لتر ونص بالكتير ميا خضرا والباقى ميا عادية علشان لو زودت حاتبقى حامية على الردياتير

[أحمد الجندى]

محدش يعرف حد عوز يبيع عربية سيدان او هاتش باك مكيفة

حضرتك تابع قسم البيع والشراء أو مواقع بيع السيارات وإن شاء الله تلاقى اللى عايزه بحالة كويسة وتنضم لينا

[johnghaly]

اولا كل سنه وانتم طيبين انا عارف انهم متاااااخره اوووووووى بس معلش كنت مسافر ولسه جاى
كل اعضاء قسم الكيا برايد العصفوره حبيبتنا على العموم وخصوصا المناور اللى كلنا تعبينو وعامل مجهود جبار
انا هغير زيت شيل الاصفر وكنت مغير اموبيل المره اللى فاتت بفلتر ينفع اغير لشيل المره ده من غير مغير الفلتر ولا افك الفلتر واحطه تانى اه رايكم؟؟

[msunix]

الحقوننننننننننى .... وديت العربية لميكانيكى الشغل عندنا وكان فيها عيب فى الكهرباء، كان الاشارة الشمال بتشتغل لوحدها (بتعلق) وزجاج الباب الكهرباء اللى ناحيتى مش شغال تمام التمام بيعلق يعنى وظبط التكييف ولمبة فى الصالون اخد منى علشان التكييف 80جنيه عمل له اعادة شحن وتزييت (مش عارف تزييت ايه) وخد 20 جنيه ثمن لمبة الصالون (لمبة صغيرة مدورة زى الكحكة كده) ومصنعية 60جنيه وبعدين غير بلية الدينامو بـ25جنيه ومصنعية 30 جنيه ، ومش عارف غير ايه كمان باين كتاوت ولا ايه ب 25 جنيه
يعنى الحساب كله 240 جنيه مش عارف ليه
المهم خدها وباتت يوم رجعت لقيت فيها العجب (بعد ما اتصلحت !!!!! ):
اولا باظت العدادات السرعة والار بى ام والبنزين. يعنى مثلا عداد السرعة بقى بيترعش ومش محدد السرعة صح
ثانيا: بدالات البنزين والفرامل بقت خفيفة قوى كانت ماسكة نفسها وبعدين بقت زى ما يكون سايبة.
ثالثا: الكبوت مبقاش يقفل ويلبس تماما فى البودى.
رابعا: كل جزء خاص بالكهرباء زى مثلا مفاتيح فتح الزجاج بالبابين خلعها من مكانها ولم يركبها تانى.


ايه الحل يا ترى؟ حد عنده فكرة اصلح الحاجات دى فين بالضبط؟؟؟ وبالذات العدادادت لأنى بعتمد على قراءة عداد السرعة علشان اعرف انا ماشى بسرعة ولا بطئ لانى جديد فى السواقة لسه وبخاف من السرعة شوية.

وكمان فيه الطنبورة اللى لازقة فى الموتور على طول دى فيها رفة ممكن اصلحها فين بالضبط؟
وكمان العفشة بقت بتزيق.

من الآخر كده طلع عين امها بعد ما كانت عايزة صيانة بسيطة ومش هتزيد مثلا على 1000 او 2000 جنيه بعد لما ارشها وافرشها واروقها.

ارجو الرد سريعا لان مضايق جدا من ساعة لما رجعت من الشغل.

[أحمد الجندى]

اولا كل سنه وانتم طيبين انا عارف انهم متاااااخره اوووووووى بس معلش كنت مسافر ولسه جاى
كل اعضاء قسم الكيا برايد العصفوره حبيبتنا على العموم وخصوصا المناور اللى كلنا تعبينو وعامل مجهود جبار
انا هغير زيت شيل الاصفر وكنت مغير اموبيل المره اللى فاتت بفلتر ينفع اغير لشيل المره ده من غير مغير الفلتر ولا افك الفلتر واحطه تانى اه رايكم؟؟

ماشى يا عم الموتسيكل واخدك مننا خالص

أنا لما غيرت من موبيل لشيل غيرت الفلتر هو اصلا كله على بعضه ب 30 جنيه

[أحمد الجندى]

الحقوننننننننننى .... وديت العربية لميكانيكى الشغل عندنا وكان فيها عيب فى الكهرباء، كان الاشارة الشمال بتشتغل لوحدها (بتعلق) وزجاج الباب الكهرباء اللى ناحيتى مش شغال تمام التمام بيعلق يعنى وظبط التكييف ولمبة فى الصالون اخد منى علشان التكييف 80جنيه عمل له اعادة شحن وتزييت (مش عارف تزييت ايه) وخد 20 جنيه ثمن لمبة الصالون (لمبة صغيرة مدورة زى الكحكة كده) ومصنعية 60جنيه وبعدين غير بلية الدينامو بـ25جنيه ومصنعية 30 جنيه ، ومش عارف غير ايه كمان باين كتاوت ولا ايه ب 25 جنيه
يعنى الحساب كله 240 جنيه مش عارف ليه
المهم خدها وباتت يوم رجعت لقيت فيها العجب (بعد ما اتصلحت !!!!! ):
اولا باظت العدادات السرعة والار بى ام والبنزين. يعنى مثلا عداد السرعة بقى بيترعش ومش محدد السرعة صح
ثانيا: بدالات البنزين والفرامل بقت خفيفة قوى كانت ماسكة نفسها وبعدين بقت زى ما يكون سايبة.
ثالثا: الكبوت مبقاش يقفل ويلبس تماما فى البودى.
رابعا: كل جزء خاص بالكهرباء زى مثلا مفاتيح فتح الزجاج بالبابين خلعها من مكانها ولم يركبها تانى.


ايه الحل يا ترى؟ حد عنده فكرة اصلح الحاجات دى فين بالضبط؟؟؟ وبالذات العدادادت لأنى بعتمد على قراءة عداد السرعة علشان اعرف انا ماشى بسرعة ولا بطئ لانى جديد فى السواقة لسه وبخاف من السرعة شوية.

وكمان فيه الطنبورة اللى لازقة فى الموتور على طول دى فيها رفة ممكن اصلحها فين بالضبط؟
وكمان العفشة بقت بتزيق.

من الآخر كده طلع عين امها بعد ما كانت عايزة صيانة بسيطة ومش هتزيد مثلا على 1000 او 2000 جنيه بعد لما ارشها وافرشها واروقها.

ارجو الرد سريعا لان مضايق جدا من ساعة لما رجعت من الشغل.

معلش يا باشا محدش بيتعلم بالساهل أنا برضو وقعت فى ميكانيكى زى ده كرهنى فى عربيتى بس بسببه بقيت بعرف اميز بين الصنايعى اللى بيفهم وبين الفهلوى وكمان من كتر المشاكل اتعلمت شوية حاجات

المهم انت غلطان فى انك سيبت واحد المفروض انه ميكانيكى يلعبلك فى الكهربا والتكييف هو ماله هو اصلا الحاجات دى ليها ناسها هما اللى فاهمين فيها تانى غلطة انك سيبت العربية تبات عنده اياك ثم اياك تكرر الحكاية دى تانى الا لو واحد تعرفه من سنين وعنده امانة

بالنسبة لمشاكلك أنت محتاج تروح لميكانيكى كويس وأنا اسمع عن واحد مؤخرا شاطر قوى كان شغال فى توكيل كيا اسمه جورج شباب السيفيا راحوله وظبطلهم العربيات كانها لسه جاية من المصنع تقدر تدخل على رابطة الكيا سيفيا وتدور على اسم الراجل حتلاقى عنوانه

وفى واحد تانى قال عليه الاستاذ MMamdouh متخصص فى الكورى وشاطر جدا وده ورشته فى فيصل وادى لينك الموضوع

http://www.nilemotors.net/Nile/29619-a.html

بالنسبة لكهربائى فحتلاقينى فى الصفحات اللى فاتت سائل الاستاذ اكرم حسن عن احسن صنايعية ممكن تلاقى فيهم عنوان كهربائى وبتاع تكييفات كويس

وربنا يعينك

[msunix]

مشكور على الرد يا مناور ... فعلا الواحد مبيتعلمش ببلاش بس انا لاقيت حاجة حلوة بردو فى المنتدى هيه ورشة نايل موتورز نفسها ... بصراحة التعليقات عليها فوق الممتازة والصور على اللى صلحوا عربياتهم فيها جميلة جدا.
والرابط بتاعها اهوه

http://www.nilemotors.net/Nile/193804-a-33.html

انا اتصلت بالاستاذ كريم وقلت اروح عندهم اجرب واشوف.

[أحمد الجندى]

تصدق كنت فاكرهم بيعملوا سمكرة ودوكو بس مكنتش اعرف انهم بيشتغلوا فى بقية الحاجات كمان

خلاص توكل على الله وروحلهم وابقى قلنا عملت ايه

[msunix]

ماشى ... ادينا بنجرب ، بس بصراحة اللى باين من الصور ان شغلهم فوق الممتاز ربنا يستر بقة على السعر :)

[may_moon911]

سلامة عربيتك يا أيمن الظاهر كده ان الرابطة يا اما مستهدفة يا اما واخدة عين حلوة

ماقلتلناش عبوة الميا الخضرا دى بكام ؟ وخد بالك ما تملاش الريداتير كله بالميا الخضرا هو يادوب لتر أو لتر ونص بالكتير ميا خضرا والباقى ميا عادية علشان لو زودت حاتبقى حامية على الردياتير

هانعمل ايه نصيب بقي و ربنا يستر
و الحمد لله انها جت علي قد كدا في ناس بتتشحور و عربياتها بتضيع

الجركن 5 لتر كان بحوالي 16 او ف الحدود دي بس كان ف عرض و انا نازل حالا اهوه انزل الميه اللي ف العربيه و احط المياه دي و ان شاء الله مش هاخليها كلها ميه حضرا هاحط حبه و حبه و هاصور الجركن كمان لو عايزين