رابطة ملاك الكيا برايد - كلاكيت تانى مرة!

[may_moon911]

بارك الله فيك أخي أحمد الجندي

بالنسبة لمواصفات العربية

1100 سى سى

المسافة المقطوعة 98,000 كم

دواخل فابركه - راشه حزام من الخارج نضافة

حالة الماتور 80 %

تكييف ممتاز - سنتر - إنذار

أستعمال سيدة

حالة الصالون والتابلوه - كأنها خارجة من الأجنس تقريباً

عمله فرش جلد من أول الدوسات لحد الشنطه

العربية بشكل عام أديها 90 %

مش مخوفني غير حاجة واحدة وربنا يستر - بتطلع دخان أسود من الشكمان
قلولي عايزة تغيير طقم بوجيهات وفلتر البنزين , وبعدين الزجاج تقيل في رفعه
ليها حل حكاية الزجاج دي

السعر 33000 جنيه :n_no[1]:

عارف أنها غالية أكثر من سعر السوق يمكن 2000 جنيه
لكن معلش ناس كتير قالولي أحسن ما تجيب واحدة ب 30000 جنيه وتصلحها
وبعدين لاحظت أن كل اللي في المتوسط ده العربية بتكون عمله 150000 ك فيما فوق

بالمناسبه دي أول عربية ليه وكان يهمني قبل أي شئ أني أكون مرتحلها نفسياً

مبروك علي حضرتك العربيه و شكلها كويسه جدا و مش محتاجه صرف ان شاء الله و بالنسبه ل موضوع الزجاج دا ف لو حضرتك لقيتله حل يا ريت تقولي .. دا موضوع هايجنني و مش عارف من ايه و ساعات الزجاج يطلع بسرعه و ساعات يطلع بالراحه بالمزاج ولا ايه مش عارف

[elgamal]

اشتريت برايد سيدان النهاردة

انا يشرفنى ويسعدنى الانضمام ارابطة ملاك البرايد بامتلاكى اليوم برايد سيدان كاملة اوتوماتيك موديل 2000
وربنا ييسرلنا كل امر عسير بامر الله
ولكم منى كل تحية وتقدير
اخوكم
مهندس محمود الجمال
01001234153

[أحمد الجندى]

أهلا بيك فى الرابطة
مبارك عليك العربية وربنا يديك خيرها ويكفيك شرها

[mradelcom]

شباب محدش عارف بلية الكاتينة بكام وموجودة فين

[mad1not2]

السلام عليكم
انا عندي كيا برايد هاتشباك و في مشكلتين عندي : الاولي ان لما بدوس بنزيين قوي العربية بتنتش و كمان ممكن تفصل مع اني منظف الكربيرتير و مغير البوجيهات و الثانية ان نور التابلوة بيفصل شوية و يشتغل شوية و الكهربائي بيقولي اللمض محروقة ،غيرتها مرة و حصل الكلام ده تاني و مش عاوزة يشتغلني
ممكن حد يفسر المشكلتين لية و اكون شاكر لية جدا

[أحمد الجندى]

شباب محدش عارف بلية الكاتينة بكام وموجودة فين

بكام الله اعلم
منين يا اما تروح الجندى فى شارع دمشق أو حلمى سليمان فى التوفيقية

[أحمد الجندى]

السلام عليكم
انا عندي كيا برايد هاتشباك و في مشكلتين عندي : الاولي ان لما بدوس بنزيين قوي العربية بتنتش و كمان ممكن تفصل مع اني منظف الكربيرتير و مغير البوجيهات و الثانية ان نور التابلوة بيفصل شوية و يشتغل شوية و الكهربائي بيقولي اللمض محروقة ،غيرتها مرة و حصل الكلام ده تاني و مش عاوزة يشتغلني
ممكن حد يفسر المشكلتين لية و اكون شاكر لية جدا

للاسف معنديش جواب لحضرتك علشان كده يا اما تستنى حد يرد هنا أو تسأل فى قسم الورشة

[mradelcom]

بكام الله اعلم
منين يا اما تروح الجندى فى شارع دمشق أو حلمى سليمان فى التوفيقية

طيب انا لو مشيت بالعربية شويه من غير ماغير البلية هيحصل ايه؟؟؟؟

[أحمد الجندى]

طيب وتستنى ليه ؟ حاجات البرايد رخيصة اصلا سير الكاتينة كان عامل 40 جنيه اصلا والبلية مش حاتبعد عنه وتغيرها مهم زى السير ...أنا فاكر ان حد فى المنتدى سبق ليه تغيير السير بس وساب البلية فلما حصل مشكلة فى البلية عملت حاجة فى السير فالموتور راح فيها ... فتوكل على الله وغيرها احسن

[velkouf]

النهاردة عملت طقم سيرفس كامل للعربية ولقيت الاسعار مختلفة خالص عن اللى بتتكلموا عنة مع العلم انى قطع الغيار كلها كورى اصلى من ابو زيد ( فيصل)
سير كاتينة 80 ج
بلية كاتينة 75 ج
سير دينامو 12 ج
سير تكييف 15 ج
واضح ان الاسعار مختلفة تماما

[velkouf]

حد يعرف سعر الاكصدام الامامى كام................ ؟

[mradelcom]

شباب في مشكلة محيرني جدااا ومش عارف ليها سبب

انا كل لما اكبس فرامل القي لمض الفرامل والبطارية والبنزين اللي في التابلوه ينوروا من غير سبب وكمان اسمع صوت خروشة في الراديو كل ده بيحصل لما اكبس فرامل علي اي سرعة

حد عارف ايه علاقة الفرامل بانوار التابلوه ديه وايه اللي ملمس عندي بالضبط

علشان مش عايز كهربائي يشتغلني

[TaoTao]

أولاً مجهود رائع، الحمد لله ربنا وفقني لعربية كيا سيدان عادة وكان عندي كام استفسار وفيه كام حاجة في العربية عاوز اسأل عنها:
1- هل السيارة "باور ستيرنج"؟ الدريكسيون حسيته تقيل شويتين اتقل من الأونو (الأونو مش باور!). وكمان بيزيّق .

وأنا ماشى بالعربية مرة واحدة لقيت عداد السرعة والكيلو متر مش شغالين روحت للميكانيكى لقى السلك بتاعهم اتقطع روحت جيبت واحد من حلمى سليمان ب 35 جنيه ركبهولى الميكانيكى واخد 5 جنيه..... عندى ملحوظتين حابب اقولهم الأولى بوادر القصة دى بدأت بان عداد السرعة وهو طالع ونازل بيفضل يرعش الملحوظة التانية السير اللى بيتباع دلوقتى بيحتاج يتعمل بالمطرقة لان الاصلى بيبقى طرف السلك مربع والجديد بيبقى دائرى شوية فلازم يتخبط عليه شوية لغاية اما ياخد شكل القديم علشان يشتغل مظبوط

3- عداد السرعة بيفصل ! وكمان بيصوصو (بيطلع صوت زي صوت كتكوت كدة) هو الصوت مسلّيني بس مضايقني :)

دى مشاركة كنت كتبتها لواحد بيدور على عربية فى الفئة السعرية بتاعة البرايد بس كلامى كله كان عن السيدان حاحاول انى اعمل مقارنة بين البرايد الهاتش باك ومنافسيها

1- الكيا برايد سيدان 1300 سى سى فيها التكييف والباور اللى انت طالبهم وواسعة واستهلاك البنزين يادوب واعتمادية وقليلة الصيانة وقطع غيارها رخيصة الثمن وسعر اعادة البيع كويس جدا وفى منها اتوماتيك كمان واهم شىء انها ارخص واحدة فى الاختيارات لان اعلى حاجة فيها مش حايتعدى 36 الف عيبها انها فقيرة من حيث الشكل من جوة لو انك بتهتم .

هل العربية أكيد باور؟ اللي معايا زجاج كهربا أمامي وتكييف وفتح تانك البنزين من الداخل. هل دي باور أكيد؟

وشكراً على المجهود وتقبلوا انضمامي للرابطة.

[أحمد الجندى]

أولاً مجهود رائع، الحمد لله ربنا وفقني لعربية كيا سيدان عادة وكان عندي كام استفسار وفيه كام حاجة في العربية عاوز اسأل عنها:
1- هل السيارة "باور ستيرنج"؟ الدريكسيون حسيته تقيل شويتين اتقل من الأونو (الأونو مش باور!). وكمان بيزيّق .



3- عداد السرعة بيفصل ! وكمان بيصوصو (بيطلع صوت زي صوت كتكوت كدة) هو الصوت مسلّيني بس مضايقني :)




هل العربية أكيد باور؟ اللي معايا زجاج كهربا أمامي وتكييف وفتح تانك البنزين من الداخل. هل دي باور أكيد؟

وشكراً على المجهود وتقبلوا انضمامي للرابطة.

مبروك عليك العربية وربنا يديك خيرها ويكفيك شرها

1- البرايد السيدان على حسب معلوماتى فيها باور وممكن نتأكد اكتر من ملاكها لانى كان معايا الهاتش باك ... لو الباور تقيل بص على زيت البور يمكن يكون ناقص واتأكد ان الاسكاترة مش بتسرب زيت لانى مرة جربت السيدان الاوتوماتيك والباور كان ناعم

2- خلى أى ميكانيكى يبصلك عليه

3- زى ما قلتلك قبل كده 90% فى الموديل السيدان باور ونستنى رد ملاكها للتاكيد

[TaoTao]

الله يبارك فيك وشكراً لردودك :)
ربنا ييسر ويحببني فيها. لو فيه لينك للكاتالوج بتاعها يبقى 100%

هو زراير الشكر والإعجاب راحت فين؟؟!!