رابطة ملاك كيا سبكترا وقطع غيارها

[dreamsmake]

عايز اجيب مساعدين خلفي للعربيه , ايه الترشيحات من حيث الكفائه و السعر

هات ال kyb علشان الكوري زباله... والجوز كان عامل 600 او 700 مش فاكر بالظبط بس اتاكد انهم سبكترا مش سيفيا .. ولو لقيت مونورو يبقى احسن بس انا مالقتهمش خالص

[dreamsmake]

انا ياجماعة جبت اكصدامين علشان بشد هما كانو من بورسعيد الامامي عمل 1000 وخته بالشبكة والفانوسين ب 1600 انا عارف انه كتير بس انا كنت متضطر وبصراحة هو احسن من اسعار الحرفيين والخلفي عمل 700 بس ده في سينسور بارك وطبعاً علشان اشغلهم حوار علشان انا معنديش سينسور في العربية اصلاً والامامي صحيح في فوج لايت وياريت لو حد وصل الفوج قبل كده على عربيته وهي مافيهاش فوجات يقولي ع الطريقة وصحيح جبت رفرف ب 200 جنيه اللي فيه غماز بس انا هاقفل الغماز علشان تبقى العربية على ابوها

[dreamsmake]

صحيح نسيت اقولكم الاكصدام جديد الامامي الفيبرة عاملة 1000 عند الكيلاني بيقول اصلي والشاسية عند حلمي سيلمان عامل 450 يعني كله هايعمل 1450 وزيرو بس انا خوفت لا يكون مش اصلي والخلفي انا شفته عند حد بس مش فاكر مين هو كان عامل 800 .. وفي الاستيراد بلاش ابو ادهم علشان غالي قوي كان عايز يديني الامامي ب 1500 ولو بالفوانيس والشبكه يعمل 2300 والخلفي ب 1000 بصراحة في واحد في فيص استيراد اسعاره حلوة جداً بس بيجيب شغل قليل منها هو عنده شوما كتير والمفروض اليومين دول هايجيب حاجات جديدة من كوريا اللي عايز يروحله يقولي وانا اديله رقمة

[mohamedkaouh]

هات ال kyb علشان الكوري زباله... والجوز كان عامل 600 او 700 مش فاكر بالظبط بس اتاكد انهم سبكترا مش سيفيا .. ولو لقيت مونورو يبقى احسن بس انا مالقتهمش خالص

شكراا للرد , بس موضوع سبكترا و سيفيا بيكون مكتزب على العلبه من برا ولا محفور على المساعد نفسه ؟

[dreamsmake]

شكراا للرد , بس موضوع سبكترا و سيفيا بيكون مكتزب على العلبه من برا ولا محفور على المساعد نفسه ؟

هو بيبقى مكتوب ع العلبة من بره
بس انا كنت جايب الكوري وكان مكتوب عليه اسبكترا وطلع سيفيا

[medhat mandouh]

بعد اذنكم يا جماعه محتاج كتالوج الصيانة والاصلاح لكيا سبكترا ضروري ومتشكر جدا

[mohamedkaouh]

بعد اذنكم يا جماعه محتاج كتالوج الصيانة والاصلاح لكيا سبكترا ضروري ومتشكر جدا

Kia Spectra 2000 2004 Service Repair Manua.pdf download - 2shared

[Karim_Mohy]

الوش بتاع التابلوه اللي ببقي راكب فيه الكاسيت والساعة ومفاتيح التكيف والانتظار........ بيتباع لوحده ولا مع التابلوه ؟ ولو بتباع لوحده سعره في حدود كام


وياريت اللي صلح او ركب حاجه قريب يكتب سعرها للعلم سواء كهرباء او ميكانيكا او تعديلات او اكسسوارات

[dreamsmake]

بيتباع لوحده استيراد... انا لاقيته في بورسعيد كان عامل 300 من بقة.. مش عارف ده بقى غالي ولا رخيص

[Karim_Mohy]

بيتباع لوحده استيراد... انا لاقيته في بورسعيد كان عامل 300 من بقة.. مش عارف ده بقى غالي ولا رخيص

طب وايه اخبار بقية الحاجات استيراد من بورسعيد بالذات خصوصا انك رحت المحلات اللي هناك...هل الحاجات افضل استيراد من بورسعيد ولا من هنا وفرق السعر وكده

[dreamsmake]

طب وايه اخبار بقية الحاجات استيراد من بورسعيد بالذات خصوصا انك رحت المحلات اللي هناك...هل الحاجات افضل استيراد من بورسعيد ولا من هنا وفرق السعر وكده

هنامك احسن في القطعيات بس الرفايع اللي هي زي اكصدام رفرف مرايه .. الحاجات دي مابتفرقش كتير بس هناك الحاجة انضف

[mohamedkaouh]

هو ايه الفرق مابين تغيير طرمبة البنزين و ماتور طرمبة البنزين ؟ و هل في حد كان عنده ضعف عزم و تغيير الطرمبه او الماتور حل المشكله ؟

[mohamedkaouh]

يا جماعه عايزين نشوف حل للاسبكترا و المشكله الشبه منتشره فيها و غالبا موجوده في الشوما علشان شوفت موضوع قريب من كده زي الليتك تحت و كمان كلمت الاخ منتصر و كان باع عربيته علشان خاطر نفس المشكله لما زهق من عدم حلها زي ما كان قال من بوست من شهر تقريبا

http://www.nilemotors.net/Nile/98800-a.html

المشكله باختصار تنحصر في الاتي :
1- ضعف سحب العربيه لما تفول و لحد التلت الاخير من تانك البنزين و بعدين تفتح و تبقى ما شاء الله طلقه
2-تفتفه خفيفه لما تقرص على العربيه

حاولت اعمل :
1- كشف كمبيوتر اكتر من مره و مفيش حاجه
2- استهلاك البنزين مثالي الحمدلله 10-11 كم في اللتر
3-تنظيف بوابه و تغيير بوجيهات فقط من غير اسلاك
4-تنظيف طرمبة البنزين و ده حل مشكلة هواء التانك و تنفيس غطاء تانك البنزين عند الفتح
5- تنظيف الكانستر
6- استاد منتصر كان قاللي انه غير ماتور الطرمبه و تقريبا علبة البيئه و من غير فايده

توقعاتي و كلام التوكيل في دار السلام اني محتاج تغيير طرمبه كامله بالهوز علشان منظم ضغط البنزين بس انا مش فاهم موضوع منظم ضغط البنزين و ليه بتظبط في نهاية التانك ؟ و هل ممكن اجيب منظم ضغط البنزين لوحده سواء جديد او استيراد و اركبه ؟

ياريت ياجماعه اللي ظهرتله مشكله زي ده يقول عمل ايه علشان نفكر مع بعض في حل ليها بدل ما احنا بنجرب و نستنفز فلوس و مجهود و فتي ميكانيكيه

[mohmmedzohier]

السلام عليكم

ضعف السحب لما تضغط على الدواسه غالبا بيبقى ماتور طلمبه بس بعد لما تشوف البوجيهات واسلاك البوجيهات وبلاش بوش هات نوع ork تقربيا

[mohamedkaouh]

شكرا يا كبير على ردك و اهتمامك للموضوع , الكلام ده اتجرب فعلا و ماتور الطرمبه تم تغييرها مع الاخ منتصر و مفيش فايده و كل حاجه تم تغيرها فعلا مش بتحل الموضوع ده , و تفضل دايما احسن حاله للعربيه تحت نص التانك و اسوأ حاله لما التانك يتملي !!!!!

و المشكله ده لقيتها كتير في المنتديات الاجنبيه و في عربيات اتعملها سحب من السوق بس طبعا هنا ولا الهوا

KIA Problems - 2003 KIA SPECTRA Problems & Complaints - ODI #10140057

شوف ده حاجه كده نفس المشكله تقريبا و في حاجات زيها كتييييييير اووي