رابطة الوحوش ملاك السيفيا (ج3)

[kimo haider]

وده موضوع تانى

http://www.nilemotors.net/Nile/229079-a.html

[medo_mony]

مساء الخييير يارجاله معلش عندي سؤال ليكو وياريت تفيدوني أنا عندي العرييه فيها نتشه غريبه كده وهي وأنا باخد الغيار بحس ان العربيه بتبقى عاوزه تتطفي وبعدين تروح نتشه وماشيه عادي الموضوع ده كان من زمان بس أنا كنت بحاول اتلاشاه عشان كانت النتشه خفيفه فمتت بحاول أتعامل معاها اما دلوقتي المةضوع زاد وبقى رخم وحاسس اليومين دول ان العربيه خشنه شويه مع المشي هل دا من الكاوتش أصل الكاوتش عندي عاوز يتغير هل ليه تأثير صح للعرييه عندي منوال
أنا منتظر ردودكم واسف على الاطاله

النتشة دية احتمال كبير اوى يكون سلوك بوجيهات حصلت مع واحد صحبى بردو كان عندة نتشة كدة رخمة وغير بوجيهات وفلتر بنزين وفلتر هواء ونظف بوابةوحط منظف انجيكشن وكان هغير الموبينة و طرمبة بنزين لولا واحد نصحة وغير سلوك البوجيهات ومن ساعتها العربية بقيت على الشعرة ورجعت احسن من الاول بكتييير والسحب زاد والحمد لله بقى كلة تمام شوف كدة ممكن يكون دة السبب وبالتوفيق يا باشا

[medo_mony]

ده موضوع لقيه و انا بدور على الازاز يارب يكون مفيد

فنيات خاصة بالزجاج



زجاج يتم تركيبة بكاوتش أثناء تجهيزة للتركيب


ساحة التركيبات في مصانع جريش حيث يتم تركيب الزجاج خدمة للمواطنين مجانا و يدفع ثمن الزجاج فقط

الزجاج سواء تربلكس او سيكوريت او دبل جلاس و المخصص للسيارات يجب تصنيعة من خامات عالية الجودة فالزجاج الخام المستخدم في التصنيع يكون لة مواصفات و جودة عالية جدا و مختلفة عن زجاج المعمار المستخدم داخل المنازل في الشبابيك و الواجهات

بمعني أخر زجاج السيارات يكون فلوت أي سطحة مستوي جدا لا يكون سمك أكبر من غيرة في جميع أجزاء الزجاج لأن ذلك يؤدي الي تشوة الصورة كما تراة في زجاج النوافذ أو المرايات الرديئة لتجد مثلا عند النظر الي صورتك في الزجاج تجد الأنف أو العين كبيرة الحجم و بعض اجزاء الوجة صغيرة او منبعجة او الصورة غير جيدة
و هذا ما يجعل جودة انتاج شركة معينة أفضل من غيرها لأنها تختار الزجاج الأجود و لو كان السعر اعلي قليلا

و يكون البلاستيك المستخدم في الانتاج عالي الجودة و يتمتع بخصائص الشفافية و عدم اعاقة الرؤية و كذلك أن يكون قوي الالتصاق جدا ( مهم ) ليحافظ علي تماسك طبقتين الزجاج و يمنع تكون الفقاعات التي تعيق الرؤية و تجعل الزجاج غير متين في نفس الوقت
يراعي في الزجاج السيكوريت أن يجتاز اختبار الكسر و تكون القطع الناتجة صغير و لا تؤدي الي ايذاء من هم بالسيارة

و في جميع أنواع الزجاج يجب اجتياز اختبارات كثيرة جدا منها ( الكسر – الصدم – الأمان و المتانة – الرؤية السليمة للصورة – النفاذية الجيدة للرؤية – عدم الزغلله – الزيغ اللوني و تكون قوس قزح – انفصال الطبقات عن بعضها بفعل الاجهاد او الرطوبة او الحرارة او أي شئ آخر ........... الخ )

اختبارات كثيرة جدا و قاسية لابد من اجتياز الزجاج لها قبل طرحة في الاسواق و لا يوجد فرز تاني بل يتم اعدام من لا يجتاز الاختبار و يكون فرز أول ممتاز هو المطروح للبيع ( هذة هي الجودة في مصانع د.جريش ) و هي السبب في مكانتة محليا و دوليا

بعد ذلك يوجد بالزجاج أشياء لابد من معرفتها

1- البلاك باند و هو اطار من لون أسود و لة خاصيتين الاولي جمالية و شكل جيد و يختلف سمكة و شكلة حسب كل سيارة و البعض منة ينتهي بنقاط كبيرة ثم أصغر حتي تتلاشي لجمال الشكل و الثاني هو ما يقوم بة البلاك باند من وظيفة اخفاء مادة اللصق و السليكون بعد التركيب

2- الشمسية و توجد في الزجاج التربلكس للتخفيف من تأثير الاضاءة علي السائق سواء من الشمس او اعمدة الانارة

3- البراكيت و هو قطعة معدنية تلصق علي الزجاج الامامي ليتم تركيب المراية علية بدلا من الصاج

4- الاريال و كان قديما خارج السيارة في الصاج و الان أصبح مطبوخ مع الزجاج بصورة لا تعيق الرؤية و في مكان غير مؤثر عليها و بصورة خفيفة لا يلحظها الناس بسهولة و مهمتة تقوية الارسال داخل السيارة للراديو او التليفزيون


5- السخان و هو من سلك حراري و يكون في النضارة الخلفية للسيارة و مهمتة في الشبورة أو الجو السئ و عند تشغيلة يمنع تكون البخار علي الزجاج و يتم توصيلة بالسيارة عن طريق فيش خاصة تكون مطبوخة مع الزجاج و يتم توصيلها بالسيارة في اماكن محددة موجودة بها لهذا الغرض

6- يكون زجاج السيارة بالكامل سيكوريت فيما عدا الامامي يكون تربلكس او سيكوريت و ذلك في السيارات الملاكي فيما عدا السيارات ذات المواصفات المحددة مثل السيارة التي تحتاج زجاج مضاد للرصاص او بعض السيارات الفارهه التي يكون الابواب فيها تربلكس او الاتوبيسات يكون الاجناب فيها دبل جلاس

7- يتم تركيب الزجاج بواسطة نوع خاص من السليكون او بعض الزجاج يتم تركيبة باستخدام كاوتش

8- يراعي عند التركيب ان تكون قوائم السيارة سليمة و مكان تركيب الزجاج بالسيارة مستوي و لا يحتاج الي سمكرة لان ذلك يؤدي الي ضغط و اجهاد علي الزجاج و بالتالي كسرة بسرعة و بدون سبب خارجي واضح

9- يترك السليكون لفترة ليجف تقريبا ساعة الي ساعتين و السير بالسيارة بعد ذلك بسرعة منخفضة حتي اليوم التالي و في حال الزجاج الخلفي يراعي اغلاق كل زجاج السيارة أثناء السير حتي اليوم التالي لان ذلك من شأنة ان يؤدي الي تعبئة الهواء الداخل الي السيارة من زجاج الابواب عند السير يقوم بالضغط علي زجاج السيارة الخلفي و يؤدي الي أن يطير الزجاج لان السليكون لم يجف بعد

و يجب متابعة من يقو م بالتركيب لتتأكد من ان كمية السليكون كافية و تغطي كل المكان الذي سيتم التركيب علية و لا يترك فواصل و ان نوعية السليكون جيدة و ليست رديئة لقيام البعض بالتوفير في السليكون و يكون كمن اراد التوفير في الطبيخ فقلل من الملح و هو ارخص عناصر التكلفة فيؤدي الي ان كل الطبخة تبوظ

شكرا للجميع

و نتابع مع بعض( منقول )

شكرا لمجهودك يا باشا

[kimo haider]

يا جماعه حد لسه مغير فتيس قريب كنت محتاج حاجه من الفتيس القديم

[medo_mony]

يا جماعه حد لسه مغير فتيس قريب كنت محتاج حاجه من الفتيس القديم

حدد نوع الفتيس للتدقيق اوتو ولا مانيوال

[kimo haider]

حدد نوع الفتيس للتدقيق اوتو ولا مانيوال

منول وكنت عوز مقاس الزيت الى بيركب فيه بس الحمد لله لقيه فى غزبة شلبى عند الحاج ممدوح

[عبد الله يوسف]

ياجماعة معلش انا دخت علي تيل فرامل خلفي للسيفيا 1 مش لاقيه قلولي تيل سيفيا 2 شغال زيه بالظبط هل دا صحيح ولا في اختلاف بينهم؟

[oslam]

مشكله فى فتيس كيا سيفيا 99اتوماتيك

يا جماعه انا اول مره اشترك فى المنتدى بس بصراحه هو منتدى رائع
انا عندى مشكله يا جماااااااااااعه وياريت تفيدونى
عندى نتشه بين النقله فى الاول للتانى وللتوضيح غيرت الفتيس كمان ونفس المشكله متغيرتش
الفتيس سحبه زى الفل كل المشكله بين النقله فى الاول والتانى بس ايه الحل انا زهقت
النتشه مش بتبان غير لو كبست للعربيه وانا طالع او طالع بسرعه
افيدونى يا شبااااااااااااااااااااااااااااااااب

[mohmmedzohier]

السلام عليكم

يا جماعه انا اول مره اشترك فى المنتدى بس بصراحه هو منتدى رائع
انا عندى مشكله يا جماااااااااااعه وياريت تفيدونى
عندى نتشه بين النقله فى الاول للتانى وللتوضيح غيرت الفتيس كمان ونفس المشكله متغيرتش
الفتيس سحبه زى الفل كل المشكله بين النقله فى الاول والتانى بس ايه الحل انا زهقت
النتشه مش بتبان غير لو كبست للعربيه وانا طالع او طالع بسرعه
افيدونى يا شبااااااااااااااااااااااااااااااااب:copy of majd(4)::copy of majd(4)::copy of majd(4):

بوجيهات /سلك بوجيهات /

موبينه /طلمبه بنزين

[SPY123]

حد عنده خلفيه سعر الفتيس الاتوماتيك كيا سيفيا استيراد عامل كام يا رجاله ؟؟

[oslam]

بوجيهات /سلك بوجيهات /

موبينه /طلمبه بنزين

شكرا جدا ياباشا على الرد السريع
بص اولا انا بغير بوجيهات علطول وبرده مفيش فايده
طلمبه البنزين انا لسه مغير القلب بتاعها
كده فاضل اشيك على سلك البوجيهات والموبينه وربنا يستر ياباشا وشكرا جدا على الرد

[oslam]

حد عنده خلفيه سعر الفتيس الاتوماتيك كيا سيفيا استيراد عامل كام يا رجاله ؟؟

انا لسه سأل عليه امبارح فى الحرفيين ب2500 وطبعا ده من بوق البايع وانت وشطرتك والى تقدر تنزله بس انا سألت عند واحد بس ومشيت بس هو كله بيتراوح بين 2000 و 2500

[hima13385]

شكرا جدا ياباشا على الرد السريع
بص اولا انا بغير بوجيهات علطول وبرده مفيش فايده
طلمبه البنزين انا لسه مغير القلب بتاعها
كده فاضل اشيك على سلك البوجيهات والموبينه وربنا يستر ياباشا وشكرا جدا على الرد

ياباشا المشكله دي لسه كانت عندي وحلتها بتغييير سلك البوجيهات والحمد لله العربيه ظبطت معايا جدا والنتشه اختفت نهائي وسعر سلك البوجيهات 50 جنيه تكل على الله وهتتحل ان شاء الله

[SPY123]

انا لسه سأل عليه امبارح فى الحرفيين ب2500 وطبعا ده من بوق البايع وانت وشطرتك والى تقدر تنزله بس انا سألت عند واحد بس ومشيت بس هو كله بيتراوح بين 2000 و 2500

ليه يا باشا هو فتيس اوبل فيكترا انا سالت علبه من اقل من سنه كان عامل 1700 اول كلمه

[medo_mony]

ياباشا المشكله دي لسه كانت عندي وحلتها بتغييير سلك البوجيهات والحمد لله العربيه ظبطت معايا جدا والنتشه اختفت نهائي وسعر سلك البوجيهات 50 جنيه تكل على الله وهتتحل ان شاء الله

فعلا سلك البوجيهات لية علاقة كبيرة اوى بانتشة لانى كان عندى نفس المشكلة كانت العربية وانا ماشى تتنتش كانها عندها شرقة كدة وتم تغيير سلوك البوجيهات وتم حل المشكلة الحمد لله