رابطة الوحوش ملاك السيفيا (ج3)

[Mestekawy]

يا جماعة انا عندى مشكلة فى صوت العربية عالى شويتين و أكتر من حد قاللى كوستبانات و الصوت بيعلى أكتر لما العربية بتمشى كتير او لو سافرت بيها و كشف على وش السلندر لقيته مظبوط و الراجل خد منى 500 جنيه و قاللى ان المشكلة ممكن يا تكون عمود الكرانك يا اما الكوستبانات و انا صارف عليها كتير اوى و الحقيقة معنديش استعداد اغير الطقم كله اللى لقيته ب 990 و بعض الناس قالولى ممكن تغير الكوستبانات البايظة بس مش لاقى حد عنده ضمير يقوللى كام كستبانة و ميشتغلنيش و كمان فى مشكلة تانية و مش عارف سببها ايه ان العداد بتاع السرعة لما بامشى أكثر من 40 كيلو متواصل ة العربية تسخن يبتدى يخرف و مش بيتحرك و يقعد يرعش
طولت عليكم و ياريت تفيدونى
العربية سيفيا كاملة اتوماتيك 2001 و لسه مغيرلها فتيس جديد

[shaarawy1972]

ياجماعه العربية واقفه عايز حد يبعتلي تقسيمه الموتور اسألوا الميكانيكية اسألوا اصحابكوا. اعملوا أي حاجه الوضع سئ سئ...

[m0105153611]

السلام عليكم.. ياترى ممكن السيفيا 2001 تمشي كويس مع بنزين 80 ولا لازم بنزين 92 وشكررا

عن تجربتي

حط 80 يا باشا مافيش مشاكل غير انك تاخد بالك انك

1- تفول والتانك فاضل فية التلت او الربع على اقل تقدير

2- تغيير فلتر البنزين والبوجيهات سوا كل 12 ل 15 الف على اقصى تقدير

3- ضرورة تنضيف فلتر الهوا مع كل تغييرة زيت ومتابعة حالتة في حالة الاحتياج لتغييرة و دة مش مرتبط بمعاد معين

بس كل اللي هاتفقدة من ال 92 ل ال 80 انك السحبة هاتختلف على كل الغيارات في اول النقلة فقط (لو مانيوال) الى الاقل
و البوجيهات والفلتر عمرهم اقصر

وللعلم في الكاتالوج بيقولك لاحسن اداء استعمل بنزين 87 واعلى

وشكرا

[bahrawy1985]

من فضلكم
انا مقبل على شراء سياره سيفيا
بس القنطره الاماميه فيها اتعرضت لخبطه و حاليا ملحومه
هل ده عيب يخلينى اصرف نظر عنها ؟؟؟

[max_ziro]

من فضلكم
انا مقبل على شراء سياره سيفيا
بس القنطره الاماميه فيها اتعرضت لخبطه و حاليا ملحومه
هل ده عيب يخلينى اصرف نظر عنها ؟؟؟

هو يعيب بس ممكن لو حالتها كويسة قلل من سعرها

[medo_mony]

طيب انا ركيت بطارية 55 القياس بتعها على الواقف من غير دوارة 11.70
وانا مدور المكنة 13.2 هل المعدل ده كويس وكده البطارية بتشحن لان العربية اوتو وانا غيرت الدينمو بدينموا لانسر استيراد طلع 60 امبير لانى معرفش كان بتعها كام

كويسة مش وحشة بس المعدلل المظبوط 14 امبير بس كدة كويسة بردو

[رضا دويدار]

السلام عليكم عربيتي شوما موديل 2000 مانيوال وفيها عيب مش عارف من ايه وهو العربيه بتفصل مني وانا علي الطريق واحاول ادور تاني مش بدور اسمع صوت المارش لاكن المحرك مبينطقش وعملتها معايا كتير وكشفت عليها كمبيوتر قال كتاوت مروحه رادياتير روحت للكهربائي ضبط والمروحه تمام وبعدها عملت نفس المشكله تاني اليوم ياريت تفيدوني اعمل ايه فيها وشكرا للاعضاء جميعا

[hanyzabady]

طلب تسعير كيا شوما اتوماتيك هاي لاين فابركا دواخل و رشه بره abs ,airbags ,immortalizer فتحه سقف كل حاجه فيها شغاله ماشيه 220الف كيلو و عايزه شغل سمكره مش كتير و لسه عاملها نص عمره من حوالي شهرين

[max_ziro]

طلب تسعير كيا شوما اتوماتيك هاي لاين فابركا دواخل و رشه بره abs ,airbags ,immortalizer فتحه سقف كل حاجه فيها شغاله ماشيه 220الف كيلو و عايزه شغل سمكره مش كتير و لسه عاملها نص عمره من حوالي شهرين

حالة الدواخل اية ؟

[hassanmoktar]

محدش يعرف ياج ماعه اجيب سكترا ( علبة دركسيون ) منين
تكون حاجه نضيفه وسعر كويس

لان سالت عليها جديدة تمنها 1800 جنيه عند الجندى فى شارع دمشق

المشكله عندى ان زيت الباور بيهرب مش جامد بس بتسرب مع لف الدركسيون جامد وطبعا لما الزيت بينقص الباور بيتقل

باشا كلمنى هفيدك عملت شغل العلبه ومبسوط منه وكلفنى 800 علبه وطرمبه01005047299

[hassanmoktar]

يا حماعه انا شفت عربيه امبارح 2001 اوتماتيك
عداداها 200000 وحالتها مقبوله بس للاسف راشه سقف للنظافه
الحاله مقبوبه ومن الداخل الفرش القديم وكذلك السقف الداخلى وسخ جدا
طالب 47 الف ومش عاوز ينزل
راييكم ايه

باشا سيبك منه في سيفيا 2001 اوتومتك 140كيلو حاله ممكن تشوفها مطلوب 46 كلمنى 1005047299

[hassanmoktar]

اكصدام للبيع

في اكصدام امامى فبريكه سليم عاوز رش 01005047299

[hanyzabady]

حالة الدواخل اية ؟

فابريكا دواخل رشه كله منه بره علشان البويه بهتت

[زياد شهدى]

انا جبت شوية حاجات للسيقيا وان من الحرفيين فبرة كونتكت استيراد ب 100 جنيه شجرة ميه جديده 150 جنيه ماكينة ازاز لباب السائق استيراد ب 200 جنيه

ماكينة زجاج ايه اللى ب 200 جنيه
انا له شارى الجوز من بورسعيد والله والله ب 55 جنيه وركبتهم وزى الفل

[Ahmed_Ramadan]

ماكينة زجاج ايه اللى ب 200 جنيه
انا له شارى الجوز من بورسعيد والله والله ب 55 جنيه وركبتهم وزى الفل

المعروف إن كل تجار الحرفيين حرامية و الناس بتلجأ لهم علشان مشوار بورسعيد