رابطة الوحوش ملاك السيفيا (ج3)

[Modi.me]

بص يا باشا تعالى نراجع الاجزاء المسئوله عن الحراره (ريداتير-سربنتينه-حساس الحراره او صباع الحراره على حسب كل صنايعى ما بيسميه-المراوح-الترموستات-فيشه المروحه فيشه حساس الحراره-قربه الميه-كوعه الميه او طرمبه الميه )
فى الحاله الى انت شرحتها رايى المتواضع ان المشكله عندك فى الترموستات على ما اعتقد كده انها مش ملغيه وهيه الى ملخبطه الموضوع معاك خلى الميكانيكى يبوصلك عليها ده اول احتمال
تانى احتمال كوعه الميه مش مظبوطه او بتودع ودى انا مستبعدها شويه لانها مش من عيوب السيفيا ومحدش اشتكى منها قبل كده
*معلومه ليك مؤشر الحراره المظبوط تحت النص بشرطه حتى لو ماشى على سرعه 200 الا فى حاله واحده انك لاغى الترموستات الحراره هتنزل كمان عن تحت النص بشرطه وده العيب الوحيد فى ان الموتور يتلغى منه الترموستات وده موضوع مش موضوعنا دلوقتى يبقى نصيحه بطل العربيه فورا مجرد ان الحراره وصلت للنص علشان متجبش منك جوان وش سلندر واهتم جدا بالموضوع ده متمشيش بالعربيه كده لانها كده فيها مشكله من المشاكل الى قولتلك عليهم فمش عارفين لو اهملنا الموضوع ده ممكن تسخن وتخش بقى فى قصه جوان وش سلندر واحنا فى غنى عنها ولو عوزت تسال على اى حاجه كلمنى انا رقمى 01007044757 نسيت اقولك كل يومين او تلاته راجع على الميه وزيت الموتور وزيت الباور وزيت الباكم وزيت الفتيس الاتوماتيك لو انت اتوماتيك ممكن تكون الميه ناقصه كتير وهيه الى عامله كده وانا تحت امرك فى اى استفسار

بص يا باشا انا لسه مغير طربمة الميه من 3 شهور تقريبا لان كنت اخدت مطب وكانت بتسرب

وصباع الحراره كان بيحصل عندي مشكله ان المؤشر يبقي تحت النص بشرطتين ولما بيزيد بيوصل للشرطه اللى تحت النص ومش بيعديها خالص وغيرت صباع الحراره فعلا من اسبوعين وبقي المؤشر ثابت على الشرطه اللى تحت النص بس زي ما قولت لما بوصل ل 120 او اعديها بيتحرك المؤشر وبرضو فى الزحمة والطريق واقف بيتحرك

وفعلا عندي لاحظت ان الميه والزيت كانوا ناقصين تاني يوم ما غيرت صباح الحراره بعد مشوار كان طويل والطريق زحمه اوي والمؤشر قرب من النص اوي بس موصلش للنص ودي كانت اول مره الاحظ نقص فى زيت الموتور

هشوف مع الميكانيكي الترموستات
وايه رايك اشوف الريداتير كمان عند حد بتاع ريداتير ولو ممكن ترشحولي حد كويس في فيصل او الهرم
والمراوح مين اللى يحدد اذا كانت تمام ولا لاء.. الميكانيكي ولا الكهربائي ولا مين ؟

[oslam]

الحاجه الى موجوده للبيع

ريداتير بالمراوح=450

سربنتينه=250

طرمبه باور 500

علبه فيوزات=500

سيرفو+الماستر العمومى=500

كنترول موتور=250

كنترول فتيس=250

ضقيره موتور=300

قنطره=250

جنبين عفشه كاملين=900

عمه فلتر الهوا بالاير ماس=350

قربه ميه=100

قربه مساحات=100

موتور قديم جيد جدا معموله طقم شنبر =1000 او لو حد محتاج منه حاجه زى(وش سلندر او حساسات اوى جزى منه)ومعموله سيرفيس كامل من فتره قريبه جدا مكملش 15000 كيلو متر

فتيس قديم اتوماتيك بينتش احيانا قليله بين الغيارات والاوفر درايف مش شغال وماشى بيه بقالى سنتين على كده وزى الفل =700 جنيه حساساته كلها سليمه او لو حد عاوز حساس او سليكتور

مقصين=300

4 سوست بالبطاحات بتاعتهم خلفى =400 (او لو حد عاوز واحده=100)
2 سوست بالبطاحات امامى =200(او لو حد عاوز واحده=100)

لو حد عاوز حاجه ياريت يقولى بسرعه علشان النص قطم وسطى وعاوز فلوس جدا

*ملحوظه الاسعار دى من محل قطع غيار استيراد لان فى حاجات كتير معرفش اسعارها

رقم الموبايل =01007044757 يحيى مراد

بعد اذنك ياباشا انا عاوز ضفيره الموتور وعمه فلتر الهواء شوف اخدهم منك امتى وازاى
انا عربيتى كيا سيفيا اتوماتيك 1999

[SPY123]

بعد اذنك ياباشا انا عاوز ضفيره الموتور وعمه فلتر الهواء شوف اخدهم منك امتى وازاى
انا عربيتى كيا سيفيا اتوماتيك 1999

كلمنى يا باشا او سيب رقمك وانا هتصل بيك

[oslam]

كلمنى يا باشا او سيب رقمك وانا هتصل بيك

اتصلت بيك ياباشا ومردتش
انا رقمى 01000133660 هستنى تلفونك

[john4]

فى يا جماعه واحد صاحبى عنده نصف استيراد وباع منه حاجات كتير والحاجه اللى باقيه كالتالى
فتيس مانوال وموتور فاضى ممكن وش سلندر او عمود كرنك وطقم دبرياج وجانبين فرامل بالتيل
و سيرفو فرامل وحساس Tpsوعلبة فيوزات مانوال وضفيرة الحوض.....
لو حد عاوز حاجه يكلمنى . 01120163134

[Ahmed_Ramadan]

الحاجه الى موجوده للبيع

ريداتير بالمراوح=450

سربنتينه=250

طرمبه باور 500

علبه فيوزات=500

سيرفو+الماستر العمومى=500

كنترول موتور=250

كنترول فتيس=250

ضقيره موتور=300

قنطره=250

جنبين عفشه كاملين=900

عمه فلتر الهوا بالاير ماس=350

قربه ميه=100

قربه مساحات=100

موتور قديم جيد جدا معموله طقم شنبر =1000 او لو حد محتاج منه حاجه زى(وش سلندر او حساسات اوى جزى منه)ومعموله سيرفيس كامل من فتره قريبه جدا مكملش 15000 كيلو متر

فتيس قديم اتوماتيك بينتش احيانا قليله بين الغيارات والاوفر درايف مش شغال وماشى بيه بقالى سنتين على كده وزى الفل =700 جنيه حساساته كلها سليمه او لو حد عاوز حساس او سليكتور

مقصين=300

4 سوست بالبطاحات بتاعتهم خلفى =400 (او لو حد عاوز واحده=100)
2 سوست بالبطاحات امامى =200(او لو حد عاوز واحده=100)

لو حد عاوز حاجه ياريت يقولى بسرعه علشان النص قطم وسطى وعاوز فلوس جدا

*ملحوظه الاسعار دى من محل قطع غيار استيراد لان فى حاجات كتير معرفش اسعارها

رقم الموبايل =01007044757 يحيى مراد

حط الحاجة اللى باقية عندك برضه على الجروب بتاعنا على facebook

sephia club egypt

[Ahmed_Ramadan]

لو سمحتوا يا شباب

== النقطه الاولي
كان عندي مشكله فى مؤشر الحراره ورحت للميكانيكي وغيرلي صباع الحراره
من بعدها بحس ان العربيه فى التسخين الصبح مش بتاخد وقت كبير يعني 3 دقايق المؤشر بيوصل قبل النص بشرطه
ولو انا فى طريق زحمه مع الحر والمؤشر وصل للنص ممكن ابطلها نص دقيقه مثلا او اقل الاقي المؤشر يرجع قبل النص بشرطه
هل كده فيه مشكله ولا ده طبيعي ؟

== النقطه التانية
لما بزود السرعه عن 100 في وقت الحر او عن 120 بالليل مؤشر الحراره بيوصل للنص وبضطر امشي علي 90 شويه لحد ميرجع تاني قبل النص بشرطه
هل كده فيه مشكله ؟
مع العلم اني نضفت الريداتير بالماكينه بتاعت البنزينه من حوالي شهرين
واخر مره كنت بغسل العربيه خليته يمشي خرطوم الهوا عند الريدياتير وكان بيطلع تراب كتير
ولسه مغير فلتر الهوا وفلتر البنزين والزيت

هل اروح لبتاع ريداتير يفتحه وينضفه بالطريقه القديمه؟
هل فيه طريقه توضح المروحه شغاله بالسرعه المطلوبه ولا فيها مشكله؟
هل محتاج اني اغير الريداتير او المروحه ولو محتاجين تغيير يبقي جديد ولا استيراد واسعارهم ايه ؟

كده تغير الردياتير هتلاقيه مسدود من جوه و حالته صعبة ....
وهتروح لكهربائي عدل هيفك علبة الفيوزات من بعض هتلاقى 3 صواميل جوا خليه يربطهم على الأخر
و تخليه يزودلك كابل الأرضى و يراجع على الأراضى اللى فى العربية و يفكهم و يصنفرهم و يصنفر مكانهم و يربط عليهم كويس

[Modi.me]

كده تغير الردياتير هتلاقيه مسدود من جوه و حالته صعبة ....
وهتروح لكهربائي عدل هيفك علبة الفيوزات من بعض هتلاقى 3 صواميل جوا خليه يربطهم على الأخر
و تخليه يزودلك كابل الأرضى و يراجع على الأراضى اللى فى العربية و يفكهم و يصنفرهم و يصنفر مكانهم و يربط عليهم كويس

تسلم ع الاهتمام وده مش جديد على رجالة السيفيا
فعلا بعد ما اخدت راي الاعضاء وناس تاني بره كان قدامي اني ابدا بالترموستات او الريداتير

واخترت ابدا بالريداتير ورحت لبتاع الريداتير فكه وغلسه من بره وسلكه من جوه وكان فيه كمية صدا كتير وكان فيه كذا مجرى مسدوده والقربه كمان طلعت صدا كتير جدا

ربنا يسهل بقي هجرب النتيجه وانا مسافر اخر الاسبوع ان شاء الله واشوف هتعمل ايه مع السرعه

ياريت تقولي هل فيه فرق بين تسليك الريداتير او تغييره ؟
وال 3 صواميل اللى ف علبة الفيوزات دول بتوع ايه؟
والارضي له علاقه بسخونة العربية؟

[Ahmed_Ramadan]

تسلم ع الاهتمام وده مش جديد على رجالة السيفيا
فعلا بعد ما اخدت راي الاعضاء وناس تاني بره كان قدامي اني ابدا بالترموستات او الريداتير

واخترت ابدا بالريداتير ورحت لبتاع الريداتير فكه وغلسه من بره وسلكه من جوه وكان فيه كمية صدا كتير وكان فيه كذا مجرى مسدوده والقربه كمان طلعت صدا كتير جدا

ربنا يسهل بقي هجرب النتيجه وانا مسافر اخر الاسبوع ان شاء الله واشوف هتعمل ايه مع السرعه

ياريت تقولي هل فيه فرق بين تسليك الريداتير او تغييره ؟
وال 3 صواميل اللى ف علبة الفيوزات دول بتوع ايه؟
والارضي له علاقه بسخونة العربية؟

الفرق كبير لو هتجيب ردياتير جديد خصوصا إنه مش هيكون شم مياه الحنفية قبل كده ... نصيحتي ليك جرب العربية بعد التسليك قبل ما تسافر كذا مرة على سرعات و فى عز الضهر و شغل التكييف علشان متعملهاش معاك و إنت على طريق سفر

ال 3 صواميل دول بتوع تجميعة الفيوزات اللى فى علبة الفيوزات اللى فى الحوض لو سايبين ممكن المراوح تعلق منك ( كانت عندى مشكلة التعليق و طلع العيب منها)

الأرضى ده يفرق معاك عموما فى كهربة العربية عموما و الإضاءة و قوة المراوح و حاجات كتير

أسف على التأخير فى الرد بس مبقتش بدخل هنا كتير زي زمان .... بس عاملين جروب إسمه sephia club egypt بيجيلي إخطارات بأى مشاركة و بنحاول نساعد بعض على قد ما بنقدر و الله المستعان

[Modi.me]

المشكله كانت في الريداتير فعلا والحمد لله تمام دلوقتي
شكرا :)

[samir elsayh]

الرعشة بعد ال 120 بتبقى اكيد محتاجة ترصيص
كان عندى نفس المشكلة ورصصت والرعشة اختفت
بالنسبة للسرعة انا مش غاوى جرى فمش هاقدر افيدك ف اخرها

انا عرفت المشكله كانت في الكبلن الداخلي وهو اللي بيعمل الرعشة

[a_s_a_o]

محدش يعرف ياج ماعه اجيب سكترا ( علبة دركسيون ) منين
تكون حاجه نضيفه وسعر كويس

لان سالت عليها جديدة تمنها 1800 جنيه عند الجندى فى شارع دمشق

المشكله عندى ان زيت الباور بيهرب مش جامد بس بتسرب مع لف الدركسيون جامد وطبعا لما الزيت بينقص الباور بيتقل

[samir elsayh]

بعد ظبط العربيه احكي لكم
انا كان عندي رعشه علي 120كيلو وكله اجمع علي انه ترصيص وبعد الترصيص قالوا الجنط معوج المهم بعد اللف طلع انه ااكبلن الداخلي هوسبب المشكله حبيت اقول لكم

[samir elsayh]

كمان رحت ظبط التابلوه عند الكهربائي جمال مهران
للاسف مخدمش الصنعه كويس وكان ممكن يعمله احسن من كده بكتير وكسر ساعع التابلوه وقالي كانت معموله بامير وندمت ان انا رحت له و دة بسبب بعض اﻻعضاء في المنتدي هما اللي وصفوه
مصنعيه 140 جنيه وجوز هوايات 130 جنيه
حسبنا الله ونعم الوكيل

[amr_hamed]

انا عندى مشكلة فى كيا سيفيا 2002 و ياريت تفيدونى انا العربية بتنتش منى و هى ماشية لوحدها كأنها مش ساحبة بنزين كويس و لما اكون واقف فى اشارة مثلا وممور بحس العربية عايزة تبطل دا عيب اية بقا - للعلم انا بفكر اغير بوجيهات و فلتر بنزين ؟؟؟