رابطة الوحوش ملاك السيفيا (ج3)

[Mo Dayem]

اكيد دالوقتى بس عرفنا كلنا ليه عامليبن جزء تالت للرابطه دى . علشان المشاركات كتير جدا. يعنى تكتب موضوع وبعدها تقعد تنادى على اعضاء الرابطه واحد واحد علشان حد يرد .وبالتالى تعمل مشاركات كتير . فيضطروا يعملوا جزء جديد تلنى وتالت ورابع.. وفى الاخر برضوا محدش يرد

[max_ziro]

اكيد دالوقتى بس عرفنا كلنا ليه عامليبن جزء تالت للرابطه دى . علشان المشاركات كتير جدا. يعنى تكتب موضوع وبعدها تقعد تنادى على اعضاء الرابطه واحد واحد علشان حد يرد .وبالتالى تعمل مشاركات كتير . فيضطروا يعملوا جزء جديد تلنى وتالت ورابع.. وفى الاخر برضوا محدش يرد

راجع الاجزاء هتعرف هما كتير لية ..

[max_ziro]

السلام عليكم ورحمة الله وبركاتة

في البداية أنا سعيد جدا لإنضمامي للمنتدي ووجودي وسط أساتذة وخبراء مثل أعضاء المنتدي

في الحقيقة كان عندي سؤال مهم جدا بخصوص :-

انا مقبل علي شراء عربية كيا سيفيا مودل 1995 وفي الحقيقة انا معنديش أي خبرة بالسيارات

سعرها 32000 بس في ناس كتير قالولي ان ملهاش قطع غيار وان وجدت فهي غالية فهل هذا الكلام صحيح ؟؟؟؟؟؟

وهل لو في قطع غيار فين ورخيصة ولا غالية وهل هي معمرة ولا لأ ؟؟

https://e0415552026373f497aa-79445249ccb41a60f7b99c8ef6df8604.ssl.cf3.rackcdn.com/7/2014/11/3/5d9c8c4296ea2ed1d14f31e19e0d38b30a153e99/main.jpeg

وشكراً وأسف علي الأطالة

الف مبروك يافندم
هيا حجاتها قليلة شوية و غالية شوية لاكن معمرة
ربنا يباركلك فيها و يقربلك خيرها

[max_ziro]

بسم الله الرحمن الرحيم
اخوانى الافاضل
تحية طيبة وبعد ,,,,,,,
اعرفكم بنفسى اخوكم عصام السيد مجمد
مهندس ميكانيكا
51 سنة
عندى خبرة لا بأس بها عن ميكانيكا السيارات وبعد شرائى سيارتى كيا سيفيا اتابع عن شغف رابطتكم الرائعة لمزيد من الخبرات الخاصة وتجاربكم مع هذه السيارة
سنة ونصف واحمد الله ان حالتها ممتازة
الايام الاخيرة لاحظت عند بداية دوران السيارة تدور من اول مرة وبعد ثوانى توشك على ان تطفئ ثانيا وترتيل بالموتور
وبالضغط على دواسة البنزين حتى تبدأ بالسخونة تسير عادية وتنتظم .
ومن خبرتى شككت بأمرين
1- حساس الايدل وهو المسئول عن دوران السلانسيه
2- البوجيهات لقدم عمرها سنة و نصف و10 الاف كيلو متر
جربت تنظيف الايدل والبوابة بمنظف خاص بالرشاشات ولكن عادت كما كانت
فك الايدل صعب جدا فى مكان ضيق ويحتاج اداة خاصة
فقررت الذهاب الى ميكانيكى
ففك البوابة كاملة والايدل جزء منها وتم فك الايدل خارجا وتنظيف الكل مع تغيير البوجيهات
وبعد الكل قرر الميكانيكى بعد الضبط ان الرشاشات غير جيدة وتم تغيير واحد فقط شك فيه وانظبطت السيارة
ولكن................
كان صوت الموتور عالى فقال الميكانيكى سوف يهدأ
وكان مشوارى طويل وباليوم التالى دورت السيارة فوجئت بان ال rpm 5000منخفض طبعا وذهبت الى سلك البنزين ورفعت السيارة الى 10000 rpm
واليوم التالى بداية الدوران نفس الشيئ عندما يسخن الموتور يرتفع rpm الى 10000
من يعرف السبب رجاء الافادة واعتذر عن الاطالة لكم كل الحب والتقدير

تحت امرك يافندم

هو كدة الايدل محتاج يتغير
خصوصا ان تنظيف الايدل لازم يكون ب مادة زيتية عشان فية من جوة بوابة
و منظف الرشاشات مبيكونش عملى عشان بيزيل الزيوت .

[max_ziro]

شباب، علبة الباور تتغير اصلية بكام ومنين علشان صوتها بقي عالي جدا وخايف الباور يفصل مرة واحدة لاقدر الله والعرببة ماشية
هي كانت بايظة من الاول بس بقت تطلع اصوات عجيبة وصوتها علي والستابلتي بتاع العربية بقي فيه مشكلة

هي غالبا الاصوات والستابلتي دول عفشة عايزة تتربط او زبط زوايا
بس صوت علبة الباور نفسه بقي عالي ومزعج جدا
هل من مساعدة ؟

اعتتقد ردينا عليك على الجروب :)

[Ahmedshikooo]

السلام عليكم جميعاز

انا محتاج خبرتكمو مساعدتكم فى الاتى:-
كيا سيفيا 2000

1- لمبة check engine
2- العربيه بتاكل بنزىن 220 ك فى التفويله " غيرت بوجيهات و عمة الهواء و نظفت البوابه" .
3- تسريب فى زيت الفرامل و تم تغير الماستر العمومى و لسه بتسرب زيت
4- تصليح التابلوه
5- سروجى كويس

رجاء المساعده بمعلومات عن العيوب و اين يمكن تصليحها و شكرا

[max_ziro]

السلام عليكم جميعاز

انا محتاج خبرتكمو مساعدتكم فى الاتى:-
كيا سيفيا 2000

1- لمبة check engine محتاج تعرف حساسات اية الى مفصولة
2- العربيه بتاكل بنزىن 220 ك فى التفويله " غيرت بوجيهات و عمة الهواء و نظفت البوابه" .
جرب تغير الرشاشات او تنضفها و تحطها على جهاز عشان تشوف حساس الشكمان

3- تسريب فى زيت الفرامل و تم تغير الماستر العمومى و لسه بتسرب زيت
اى بتاع فرامل كويس و خد بالك الدبرياج على نفس الخزمة لو مش متعدل

4- تصليح التابلوه ش عارف حد كويس اقدر افيدك بية للاسف

5- سروجى كويس على حسب المنطقة الى انت فيها :)

رجاء المساعده بمعلومات عن العيوب و اين يمكن تصليحها و شكراE

[Ahmedshikooo]

شكرا max_ziro بس فى سوال هى الرشاشات هى هى الصبابات

[Ahmed_Ramadan]

شكرا max_ziro بس فى سوال هى الرشاشات هى هى الصبابات

الرشاشات غير الصبابات ... الرشاشات ديه اللي بتبخ بنزين فى غرفة الحريق علشان العربية تشتغل

الصبابات ديه فى الموتور نفسه و مسؤولة عن الحركة جوه المكنة نفسها

[Ahmedshikooo]

الحمد لله لمبه التشيك قفلت بعد ما حطتها على الجهاز و دلوقتى بنشوف عيب ان ال rpm مش بيعدى 4
و بعد كده ندخل على التابوه و السروجى " فى الغالب هايكون جينز كار الى فى مدينه نصر " و بيقى فاضل لمبه الصالون تتغير علشان الزرار وقع و ماكنه الزجاج الرئيسى علشان ضعيفه شويه لو حد يعر يساعد فى اللى فات ياريت يقولولى شكراااااااااااااااااااااااااااااااا

[Ahmedshikooo]

طلع ان سير الدينمو كان قطع من حوالى 15 يوم و لما قطع دخل فى سير الكاتينه فخله سير الكاتينه يرحل و ده كان سبب التقطيعه و عدم السحب و البنزين بيتاكل

[hanyzabady]

التابلوه 01110909049 الاسطي جمال عند فم الخليج هوا اللي عملهالي بس غالبا حاتحتاج تشتري هوايات

[Ahmedshikooo]

متشكر جدا hanyzabady انا شايف كل الناس بتكلم على جمال مهران هاكلمو و اشوف الدنيا .

موضوع العفشه stutr bar and sway bar الكلام ده ينفع لكيا و يتعمل فين

[Abo Sama]

لو سمحتو محتاج مساعدتكو

انا عاوز اشترى سيفيا ومش عارف الاوتوماتيك بتاعها احسن ولا مانيوال وقطع الغيار ايه اخبار اسعارها وتوافرها خصوصا انها هتبقى اول عربية ليا
معلش حاجة كمان ... فى ناس بترشحلى اللانوس بشدة .. ايه رأيكو اخلينى ف اللانوس ولا اجيب السيفيا احسن ؟!!
واسف على الاطالة

[Ahmedshikooo]

انا فعلا روحت لجمال مهران الى فى مدخل فم الخليج عمل التابوله 10/10 و راجل محترم جدا و زوق