رابطة الوحوش ملاك السيفيا (ج3)

[SPY123]

سيفياويه عاملين ايه؟؟؟ يارب تكونو بخير استفسار سريع العربيه لما ادوس فرامل على 120 او 90 الطاره بتترعش جامد معايا دى بارات علبه دريكسيون ولا الطنابير ؟؟؟؟؟

[eldmrane]

سيفياويه عاملين ايه؟؟؟ يارب تكونو بخير استفسار سريع العربيه لما ادوس فرامل على 120 او 90 الطاره بتترعش جامد معايا دى بارات علبه دريكسيون ولا الطنابير ؟؟؟؟؟

طنابير من غير تفكير يا باشا

[the9ranger]

سيفياويه عاملين ايه؟؟؟ يارب تكونو بخير استفسار سريع العربيه لما ادوس فرامل على 120 او 90 الطاره بتترعش جامد معايا دى بارات علبه دريكسيون ولا الطنابير ؟؟؟؟؟

دى طنابير وبتتمسح وترجع كويسه ان شاء الله بس كثر مسحها مش كويس ممكن تتشرخ منك

[Ahmed_Ramadan]

مين نضف الثلاجة يا رجالة و عاوز أعرف مكانها بالظبط

[mozerts]

واخيرا يا جماعة والحمد الله تم علاج المشكلة اللى كانت مسببالى قلق نفسى
كانت فى صوت طقة ناحية الشمال قدام واحترت فيها وروحت لعفشجى ركب كوتشة جلد تحت مسمار القنطرة وبردوة متحلتش ... قالى دى سوستيت ماستر الفرامل دوخت عليها وركبتها بردوة المشكلة هية هية
لحد لما رحت لواحد عفشجى قالى انا هفورلك العفشة خالص ونفك المقصات ونشوف
فكيت المقصات طلعت فعلا الجلب الكبيرة اللى فى المقصات فيها بوش خفيف وهية اللى عملة القلق دة
غيرت طقم الجلب من عند الشرقاوى اللى فى جسر السويس ب 160 جنية اربع جلب 2 كبار و 2 صغيرين
ورحت لواحد بتاع مخراطة وكباس علشان الجالب عندنا صعب تتشال اللى بالكباس عند واحد خراط وكبسلى الاتنين اتنين والحمد لله الصوت رااااااااااااااح

[dobe66]

واخيرا يا جماعة والحمد الله تم علاج المشكلة اللى كانت مسببالى قلق نفسى
كانت فى صوت طقة ناحية الشمال قدام واحترت فيها وروحت لعفشجى ركب كوتشة جلد تحت مسمار القنطرة وبردوة متحلتش ... قالى دى سوستيت ماستر الفرامل دوخت عليها وركبتها بردوة المشكلة هية هية
لحد لما رحت لواحد عفشجى قالى انا هفورلك العفشة خالص ونفك المقصات ونشوف
فكيت المقصات طلعت فعلا الجلب الكبيرة اللى فى المقصات فيها بوش خفيف وهية اللى عملة القلق دة
غيرت طقم الجلب من عند الشرقاوى اللى فى جسر السويس ب 160 جنية اربع جلب 2 كبار و 2 صغيرين
ورحت لواحد بتاع مخراطة وكباس علشان الجالب عندنا صعب تتشال اللى بالكباس عند واحد خراط وكبسلى الاتنين اتنين والحمد لله الصوت رااااااااااااااح

مبروك يا باشا وعلى فكرة نفس الصوت عندى ومكنتش عارف من اية بردو وشكرا جدا على الافادة الجامدة بس انا بردو كنت شاكك فى المقصات بردو

[SPY123]

شكرا يا جماعه للرد والافاده وكل سنه وانتو طيبيبن بس انهى احسن للطنابير انى اجيب طنابير جديده ولا اوديها لخراط ؟؟؟؟؟؟؟؟؟؟؟ عشان مدفعش خراطه وبعدين متشتغلش كويس وارجع تانى اجيب جداد وحد يعرف سعرهم جداد بكام الاصلى الى هما الكورى دول؟؟؟؟

[SPY123]

معلش يا رجاله سؤال اخير محدش يعرف مكان اجيب منه لمبه زينون بس تكون نظيفه عشان انا بجيب واحده ب 100 جنيه بتتحرق كل شويه انا عاوز حاجه تقعد معايا شويه وتكون قويه

[Ahmed_Ramadan]

السلام عليكم
الأسبوع اللى فات كنت كتبت إن عندى زيت الباور بينقص جامد تقريبا بمعدل إنى بزود الزيت من ال min لحد ال max بعد مشوار ساعتين ألاقيه نزل تحت ال min و صوت الطلمبة بدأ يعلى...... قولت أشوف العيب منين و كنت بدعى إنها تطلع خرطوم بيسرب و لا حاجة.

المهم كلمت جورج قولتله على اللى حصل قالى ما دام بتنزل زيت كتير يبقى غالبا إسكاترا بتجيب زيت و قالى هات طقم إصلاح إسكاترا أصلى و هات كيلو زيت باور و تعالى الصبح بكره.... طيب يا عم هتاخد منك وقت قد إيه قالى ربنا يسهل يوم تقريبا.

و لأنى عارف قد إيه جورج حيروك أوى فى شغله و بيحب النظافة زى عينيه فكنت و اثق إن نص الوقت ده هيبقى تنظيف و إنه يرجع حالة الحاجة اللى بيفكها لحالة المصنع فقلت مش مشكلة الوقت مادام الشغل هيتعمل بنضافة و صح من أول مرة من غير ما أفضل ألف حوالين نفسى بعد أما أصلحها أو تسرب تانى لا قدر الله.

المهم روحت شارع دمشق عند الجندى و جبت طقم إصلاح أصلى و عديت على بنزينة شل إشتريت علبة كيلو زيت باور و بالمرة فى معلومة عرفتها إن الجندى بتاع جسر السويس مبقاش تبعهم و مش عارف ليه!!!!

يتبع.....

[zomprakes]

معلش يا رجاله سؤال اخير محدش يعرف مكان اجيب منه لمبه زينون بس تكون نظيفه عشان انا بجيب واحده ب 100 جنيه بتتحرق كل شويه انا عاوز حاجه تقعد معايا شويه وتكون قويه

طب متجبلك طقم زينون كامل ياباشا و بيعملو 250 و بيبقي معاة ضمان 6 شهور احسن ماتجيب لمبة كل شوية

[Ahmed_Ramadan]

تانى يوم توكلت على الله و روحت لجورج و على الساعة 11 الصبح إبتدينا رفع العربية على جملين و بدأ يفك الكاوتش و بدأ يفك فى العفشة و هو بيفك العفشة عرفت ليه جورج بياخد يوم أو أكتر فى تصليح الإسكاترا مش 4-5 ساعات زى بتوع شامبليون و ده كان السبب:-جورج أما كان بيقصد ان الموضوع بياخد يوم كان علشان بينزل القنطرة كاملة بكل حاجة فيها و معاها نزل الشكمان كامل وطبعا قاعدة الموتور الأمامية و نزل القنطرة كاملة زى فى الصورة التالية:




و طبعا ديه صورة القنطرة و هى زى ما يكون راجعة من المصنع و طبعا مش عاوز أقولكو كانت نازلة و هى محملة طين و بواقى زيت من اللى كان بيتسرب من الإسكاترا (يكفى إنى أقول إن لون القطرة الأسود ده مكنش باين) !!! و بصراحة جورج قعد ينضف فيها بالجاز و بالكومبرسور والمياه و البريل لحد ما بقت بالشكل النظيف اللى فوق ده.

قبل ما يغسل القنطرة كانت الإسكاترا إتفكت و بدأ الشغل فيها كانت بالمنظر ده:



و زى ما إنتوا شايفين قد إيه كانت نضبفة و زى الفل بصراحة الراجل إشتغل فيها بسكينة المعجون من كتر الأوساخ اللى كانت متراكمة و مخزنة عليها.

جورج إبتدا يشتغل فى الإسكاترا و فك منها البارات و بعدين بدأ يفصص فيها لوحدها بعد تنضيفها من بره (خلانى جبتله 4 لتر جاز) فرتكهم على نضافة الإسكاترا من بره و من جوا



و للأسف انا كنت وقفت تصوير بس هستعين بصور من على النت.....

المهم بعد أما الإسكاترا اتفكت بقت أنضف من الصينى بعد غسيله كانت حاجة زى كده تقريبا:


بعد أما فك الإسكاترا من جوا قعد يغسل فيها بالجاز مع الهواء المضغوط علشان يشيل أى رايش أو وساخة جوا ماسورة الإسكاترا و بعدين مياه ببريل و بعدين يعيد الموضوع تانى لحد أما حس إنها نضفت و بعدين نشفها بالهوا وبدأ تركيب طقم الإصلاح و هو عبارة عن مجموعة من Oil Seals بتركب فى كل المداخل و المخارج بتاعت الإسكترا


بعدين شحم العمود اللى خارج من الإسكاترا و بيوجه البارين اللى بيوجهوا بدورهم العجل يمين و شمال و قفل الإسكاترا و نضف الدنيا قبل ما يركب

لحد دلوقتى الساعة 12 بالليل و القنطرة كاملة على الأرض و الشكمان كامل جنب العربية و الإسكاترا لسه بره


يتبع......

[SPY123]

طب متجبلك طقم زينون كامل ياباشا و بيعملو 250 و بيبقي معاة ضمان 6 شهور احسن ماتجيب لمبة كل شوية

طقم زينون كامل ده الى هوا لمبتين ولا طقم كامل الاجهزه وكده والمبتين اصل الى عندى كويس بس كونت غيرتلو كتاوت قبل كده عشان دخل فيها ميه وبازت بس المكن شغال سليم وده صناعه ايه وكده؟؟؟

[zomprakes]

طقم زينون كامل ده الى هوا لمبتين ولا طقم كامل الاجهزه وكده والمبتين اصل الى عندى كويس بس كونت غيرتلو كتاوت قبل كده عشان دخل فيها ميه وبازت بس المكن شغال سليم وده صناعه ايه وكده؟؟؟

لا ياريس طقم كامل بلمكنتين بتوعو بلمض بكل حاجة و بلتركيب كمان و هو صيني بس بيقوم بلواجب و ياسلام لو جبت العالي بيعمي و احسن حاجة عشان تريحك انو بضمان

[SPY123]

لا ياريس طقم كامل بلمكنتين بتوعو بلمض بكل حاجة و بلتركيب كمان و هو صيني بس بيقوم بلواجب و ياسلام لو جبت العالي بيعمي و احسن حاجة عشان تريحك انو بضمان

ده بيتباع فين ده يا ريس بس انا الى عندى بوش تقريبا هوا صينى بس كنت جايبه ب950 جنيه من 3 سنين تقريبا والعالى من الى انت بتتكلم عليه ده بكام انا الى عندى عالى وواطى

[Ahmed_Ramadan]

السلام عليكم
الأسبوع اللى فات كنت كتبت إن عندى زيت الباور بينقص جامد تقريبا بمعدل إنى بزود الزيت من ال min لحد ال max بعد مشوار ساعتين ألاقيه نزل تحت ال min و صوت الطلمبة بدأ يعلى...... قولت أشوف العيب منين و كنت بدعى إنها تطلع خرطوم بيسرب و لا حاجة.

المهم كلمت جورج قولتله على اللى حصل قالى ما دام بتنزل زيت كتير يبقى غالبا إسكاترا بتجيب زيت و قالى هات طقم إصلاح إسكاترا أصلى و هات كيلو زيت باور و تعالى الصبح بكره.... طيب يا عم هتاخد منك وقت قد إيه قالى ربنا يسهل يوم تقريبا.

و لأنى عارف قد إيه جورج حيروك أوى فى شغله و بيحب النظافة زى عينيه فكنت و اثق إن نص الوقت ده هيبقى تنظيف و إنه يرجع حالة الحاجة اللى بيفكها لحالة المصنع فقلت مش مشكلة الوقت مادام الشغل هيتعمل بنضافة و صح من أول مرة من غير ما أفضل ألف حوالين نفسى بعد أما أصلحها أو تسرب تانى لا قدر الله.

المهم روحت شارع دمشق عند الجندى و جبت طقم إصلاح أصلى و عديت على بنزينة شل إشتريت علبة كيلو زيت باور و بالمرة فى معلومة عرفتها إن الجندى بتاع جسر السويس مبقاش تبعهم و مش عارف ليه!!!!

يتبع.....

تانى يوم توكلت على الله و روحت لجورج و على الساعة 11 الصبح إبتدينا رفع العربية على جملين و بدأ يفك الكاوتش و بدأ يفك فى العفشة و هو بيفك العفشة عرفت ليه جورج بياخد يوم أو أكتر فى تصليح الإسكاترا مش 4-5 ساعات زى بتوع شامبليون و ده كان السبب:-جورج أما كان بيقصد ان الموضوع بياخد يوم كان علشان بينزل القنطرة كاملة بكل حاجة فيها و معاها نزل الشكمان كامل وطبعا قاعدة الموتور الأمامية و نزل القنطرة كاملة زى فى الصورة التالية:




و طبعا ديه صورة القنطرة و هى زى ما يكون راجعة من المصنع و طبعا مش عاوز أقولكو كانت نازلة و هى محملة طين و بواقى زيت من اللى كان بيتسرب من الإسكاترا (يكفى إنى أقول إن لون القطرة الأسود ده مكنش باين) !!! و بصراحة جورج قعد ينضف فيها بالجاز و بالكومبرسور والمياه و البريل لحد ما بقت بالشكل النظيف اللى فوق ده.

قبل ما يغسل القنطرة كانت الإسكاترا إتفكت و بدأ الشغل فيها كانت بالمنظر ده:



و زى ما إنتوا شايفين قد إيه كانت نضبفة و زى الفل بصراحة الراجل إشتغل فيها بسكينة المعجون من كتر الأوساخ اللى كانت متراكمة و مخزنة عليها.

جورج إبتدا يشتغل فى الإسكاترا و فك منها البارات و بعدين بدأ يفصص فيها لوحدها بعد تنضيفها من بره (خلانى جبتله 4 لتر جاز) فرتكهم على نضافة الإسكاترا من بره و من جوا



و للأسف انا كنت وقفت تصوير بس هستعين بصور من على النت.....

المهم بعد أما الإسكاترا اتفكت بقت أنضف من الصينى بعد غسيله كانت حاجة زى كده تقريبا:


بعد أما فك الإسكاترا من جوا قعد يغسل فيها بالجاز مع الهواء المضغوط علشان يشيل أى رايش أو وساخة جوا ماسورة الإسكاترا و بعدين مياه ببريل و بعدين يعيد الموضوع تانى لحد أما حس إنها نضفت و بعدين نشفها بالهوا وبدأ تركيب طقم الإصلاح و هو عبارة عن مجموعة من Oil Seals بتركب فى كل المداخل و المخارج بتاعت الإسكترا


بعدين شحم العمود اللى خارج من الإسكاترا و بيوجه البارين اللى بيوجهوا بدورهم العجل يمين و شمال و قفل الإسكاترا و نضف الدنيا قبل ما يركب

لحد دلوقتى الساعة 12 بالليل و القنطرة كاملة على الأرض و الشكمان كامل جنب العربية و الإسكاترا لسه بره


يتبع......

نكمل بقى .... لقيت جورج هنج و طلع عينه خصوصا إنه شغال من الساعة 11 الصبح خليته يريح شوية و ضربنا 2 ميجا شيكولاتة و هو طلب قهوة و دماغه سخنت و نزل تحت العربية و إبتدا تقفيل.

لمدة ساعتين و نصف جورج بيقفل فى العربية من تركيب الإسكترا فى القنطرة و بعدين تنزيل القنطرة تحت العربية و رفعها و تركيبها فى العربية و بعدين تركيب الشكمان كامل و تربيط العفشة الأمامية كاملة و بعدين حطينا زيت الباور اللى كنت جايبه و دورنا العربية و استنينا لما منسوب الزيت ثبت و زودنا الزيت لحد ال Full و خلاص.


على الساعة 2.30 الصبح و لا أنا و لا جورج كنا شايفين قدامنا قفلنا العربية و روحت و اتفقنا انى أروحله بالعربية تانى يوم بعد مشوار حلو علشان العفشة تريح وتتربط تانى و لو فى أى ملاحظات تتعمل مع التوصية بكسر الدركسيون كتير علشان نوصل الضغوط لأعلى حاجة فى الإسكاترا و لو فى تسريب يبان بدرى.

تانى يوم روحت بالعربية الشغل مشوار من النزهة الجديدة لحد المعادى و كنت بقرص فى الملفات شوية.
ظهرت طقة جامدة فى الملفات ناحية الشمال و طارة الدركسيون كانت مقلوبة تقريبا.

و أنا راجع عديت على جورج ربط العفشة و الطقة طلعت مسمار فى العفشة ناحية الشمال الصامولة بتعته فوتت غيرناها و ركبنا وردة و الصوت إختفى وبعدين ظبط الطارة (وديه مش بتتظبط غير و العربية ماشية).

جورج طبعا مرضيش يخلينى أمشى غير أما غسل الموتور بمسدس الميه و البريل و خلى الموتور فلة الصراحة.

التكاليف:
طقم إصلاح إسكاترا 95 جنيه
زيت باور (شيل) 1ك 28 جنيه