ما هو تقييمك لوكيل هيونداي و مراكز الخدمه

[Nile_Storm]

الماتريكس سيارة جيدة حتى الان و لكن يعيبها التوكيل فهو غير امين على الاطلاق و به كمية اهمال غير عادية و ان شاء الله ناوى اجرب توكيل ابوغالى يمكن يطلع احسن من ابو رواش

ربنا يوفقك و يحللك مشكلتك
بس هو سؤال عابر
هو انا شفتك قبل كده :)
اصل مشكلتك دي بتخليني اشبه عليك ؟

[smsmbakr]

مش عارف انا لسه مروحتش

[ahmedfd]

كل الآراء سلبية رغم إن نتيجة الإستطلاع إن 18 مش عاجبهم و 18 مبسوطين و 3 مبسوطين قوي يعني الآراء الإيجابية أكتر من السلبية... ليه الكلام ده مش ظاهر في الردود؟
هوا غالباً اللي بيكتب بيكون هو اللي عنده مشكلة بس و اللي معندوش مشكلة بيدي رأيه في الإستطلاع و بس .. و نفس الملاحظة دي واضحة في الناس اللي بتهاجم الفيرنا، يعني في موضوع إستطلاع عدد ملاك هيونداي و سياراتهم، تلاقوا الفيرنا وصلت لـ 30 عربية بينما المشاكل سمعنهاها من 2 أو 3 بس..
إيه رأيكم في الموضوع ده؟

[sokasoon]

كل الآراء سلبية رغم إن نتيجة الإستطلاع إن 18 مش عاجبهم و 18 مبسوطين و 3 مبسوطين قوي يعني الآراء الإيجابية أكتر من السلبية... ليه الكلام ده مش ظاهر في الردود؟
هوا غالباً اللي بيكتب بيكون هو اللي عنده مشكلة بس و اللي معندوش مشكلة بيدي رأيه في الإستطلاع و بس .. و نفس الملاحظة دي واضحة في الناس اللي بتهاجم الفيرنا، يعني في موضوع إستطلاع عدد ملاك هيونداي و سياراتهم، تلاقوا الفيرنا وصلت لـ 30 عربية بينما المشاكل سمعنهاها من 2 أو 3 بس..
إيه رأيكم في الموضوع ده؟

ياراجل انت ماكنتش موجود ايام المواتير اللى اتعملها عمره وهيا ماكملتش الــ
20000 كم

عيوب كتير اتعرضت فى المنتدى ماكنتش اتصور انها تحصل ابدا والله فى عربيات زى ديه

[ahmedfd]

ياراجل انت ماكنتش موجود ايام المواتير اللى اتعملها عمره وهيا ماكملتش الــ 20000 كم وغيرووو وغيرووو وغيرووو

أيوة يعني الناس دي غيرت مواتير و دلوقتي إتحلت المشكلة ... في مقابل نسبة أعلى بكتير مبسوطة و معندهاش مشاكل.
المرسيدس نفسها بيتعملها recalls علشان عيوب صناعة أو تصميم.

[sokasoon]

أيوة يعني الناس دي غيرت مواتير و دلوقتي إتحلت المشكلة ... في مقابل نسبة أعلى بكتير مبسوطة و معندهاش مشاكل.
المرسيدس نفسها بيتعملها recalls علشان عيوب صناعة أو تصميم.

مش كله غير فيه غير وفيه عمل نصف عمره

لما تدفع دم قلبك فى عربية زيرو وتعمل عمره ولا تغير موتور والعربية

ماعملتش غير كام كيلو يبقا بلااها احسن المفروض اى عربية زيرو

اقل حاجة ليها انها تقعد 4 سنين ماتفتحش بقها ابداا مش تعمل عمره

ده غير عيوب تانية كتير ياراجل

[ahmedfawzy14]

الصراحة الحق يقال
انا بقالى سنيتن واربع شهور بتعامل معاهم

فى السلطان حسين بأسكندرية

المعاملة محترمة جدا وتسليم السيارة فى ميعاده
ولما خبطت العربية من تحت والعلبة اتحركت من مكانها
رحتلهم ورفعوها وعرفوا العيب وغيروا وصلة كده قبل سوستة الجكمان وغيروا الكاوتش بتاع العلبة واستلمت العربية زيرو من غير ولا جنيه
عشان متابع معاهم فى الصيانة فى ميعادها وعمرى ما افتح الكبوت بره التوكيل
وبرده مرة تانية كاوتش الباب الداخلى بتاع السواق كان اتقطع ورحت ليهم برده غيروه

العيب الوحيد للتوكيل ان المصنعيات غالية شوية

يعنى صيانة العشرين الف مثلا او اى صيانة بغيار الزيت والفلتر بس
حوالى 300 جنيه

وحل موضوع ان المصنعيات غالية من اولها كده طلع العربية من الضمان
وروح للاسطى بليه بقى وعيش حياتك معاه كل 5 الاف كيلو

[AmrBorham]

سيئ ( بس مضطر اذهب ايه )

[poda]

طب اية احسن مركز صيانة نروحلوا حد يعرف انا معايا ماتركس وبردة بشتكى من صيانة ابورواش وقليوب حد يعرف ياولاد الحلال

[ashraf122]

السلام عليكم كنت عايز اسال حد اتعامل قبل كدة مع ابوغالى العبور

[Amrrr]

انا سمعت هنا عن أبو غالي كتير - ممكن معلومات عنه ؟
المكان - أخبار الخدمة ايه من ناحية الجودة والسعر برضة ؟

[taimor1777r]

اسعار الصيانة هى المشكلة

بالنسبة لى انا مضطر اتعامل مع التوكيل عشان الضمان بس بعد مارفعوا اسعار الصيانة انا بفكر جديا انى ابطل اروح التوكيل انا لحد دلوقتى مشكلتى قيمة الصيانة غالية بس ماعملوش معايا اى حركه من اللى بسمع عنه وبالنسبة للتأخير انا بكون مفضى نفسى يوم الصيانة وبستحمل القاعده المملة ماهى بتبقى كل 3 شهور وبالنسبة للاخ اللى بيقول اسعار الصيانة بالزيت 300 جنية ده كان زمان القيمة دلوقتى ضعف الثمن ده تقريبا

[jusuf]

بشري لمدن القناة.....
هيوانداي الاسماعيلية- مركز خدمة معتمد غبور
طريق نفيشة بجوار مساكن الامل
تلفون وفاكس 0643253242

[sayedmorssi]

عاوز اشترى مساعدين خلفى ماتريكس 2006 فى التوكيل اسعار نارررر يا ترى اشترى منين ويكون مضمون وسعرة هادى

[bishoo33]

18 شهر بدون مشاكل تذكر فى هيونداى السلطان حسين ربنا يكملها على خير