رابطة مالكى الاكسيل-الجزء الأول

[صفوت منصور]

السلام عليكم ورحمة الله وبركاته

السادة الأخوة الزملاء.

برجاء العلم بأنه عندى هيونداى اكسيل موديل 97 1500 سى سى مكيفة فول أوبشن.هى تمام والحمد لله لسة جايبها من إسبوعين ورشيتها لون بنفسجة داكن و، عملت فيها بعض الإصلاحات مثل تغيير الزيوت والفلاتر وغيره.

من أول ما ركبت العربية ويوجد بها شئ لا اعرفه.

اول غيار السحب بيبقى معقول ولكن عند أول ما أدى تانى غيار العربية تنتش مهما دوست على البنزين.

هل يا ترى دة مع خبرتى البسيطة جداً فى الميكانيا ماستر الفرامل

الحاجة التانية إن العربية وهية على السلانسيه ، التابلوه بيرج جامد ولكن لما ادوس بنزين يثبت ، هل دة محتاج ضبط كاربراتير أو قواعد موتور.
الرجاء من السيد المهندس نادر او الأخوة الأعضاء الرد على هذه الأسئلة للأهمية

تقبلوا تحياتى.

أخوكم : صفوت

[Tamert]

مش موجود منه غير أصلى فى حدود 400 جنيه بس كمان صعب تلاقيه ممكن تسأل عند المنير فى أول فيصل

و الله يا باشا معاك حق انا نزلت النهاردة شارع دمشق سعرة 400 جنية و مش موجود كمان طيب استيراد فحدود كام و اللا اصلح اللي عندي و خلاص و شكرا

[Ros]

يا صفوت اعتقد الرجه ديه انجكشن العربيه

[MMMERO]

ارجوا مساعدتى

السلام عليكم
ارجوا المساعدة فى المشكلة اللى حصلت لى بالامس وكذلك الاتعاظ منها
انا كنت ماشى وفجأة لقيت نور التابلوة عالى جدا وبعد شوية رجع تانى لطبيعتة ولكن مرة واحدة العربية وقفت والمساحات اشتغلت لوحدها وكان فية ريحة شياط فى العربية
المهم ركنت وقعدت اشوف لغاية ما لقيت ان الفيوز الرئيسي اتحرق رحت غيرتة ولحظت الاتى
1- المساحات شغالة على طول
2- الكاسيت والانذار و عداد الار بى ام مش شغالين
3- الاشارات بتولع على طول مش بتعمل فلاش
وانا فى طريقى الى الكهربائى الفيوز ضرب مرة اخرى ولكن بعد ما شعرتة لقيت العربية مش عاوزة تشتغل تانى والكلام دة على بعد خطوات من الورشة
بعد الكشف لقيت الكهربائى بيقولى عوضك على الله فى الكاسيت ودراع المساحات والانذار وكمان عداد الار بى ام ود كلة بسبب الديناموا والخارج بتاعة وكذلك حرق الموديول ودة حتة بتاعة صغيرة كدة ثمنها 125 جنية وفية نوع صينى ب 70 جنية مرديتش اشترية
ارجوا من الاخوة الاعضاء يخلوا بالهم اوووى من الموضوع دة علشان الموضوع مكلف ومقرف اووووى
ثانيا ياريت اى حد عندة فكرة اصلح العداد واجيب دراع تانى منين ويبقى بحوالى كام وياريت الاخ نـــــادر يشارك فى الموضوع لما لة من خبرة كبيرة وعدم تخاذلة فى مساعدة اى زميل فى المنتدى
ارجوا الاهتمام ولكم جزيل الشكر

[osos38516]

رجاء المساعدة

انا المراية الجانبية عندى فى الاكسيل ناحية السائق اتكسرت و العربية واقفة الحمد اللة
المهم محدش يعرف تمنها كام
انا سٍالت ابو زيد فى فيصل قال 75 جنية حد يعرف مكان تانى ارخص او لو فى منها صينى بكام
و شكرا لكم

[elayat]

السلام عليكم....حد معاه إكسيل1500 كاملة للبيع؟؟؟؟؟

[alsayedsabry]

السلام عليكم ورحمة الله وبركاته

السادة الأخوة الزملاء.

برجاء العلم بأنه عندى هيونداى اكسيل موديل 97 1500 سى سى مكيفة فول أوبشن.هى تمام والحمد لله لسة جايبها من إسبوعين ورشيتها لون بنفسجة داكن و، عملت فيها بعض الإصلاحات مثل تغيير الزيوت والفلاتر وغيره.

من أول ما ركبت العربية ويوجد بها شئ لا اعرفه.

اول غيار السحب بيبقى معقول ولكن عند أول ما أدى تانى غيار العربية تنتش مهما دوست على البنزين.

هل يا ترى دة مع خبرتى البسيطة جداً فى الميكانيا ماستر الفرامل

الحاجة التانية إن العربية وهية على السلانسيه ، التابلوه بيرج جامد ولكن لما ادوس بنزين يثبت ، هل دة محتاج ضبط كاربراتير أو قواعد موتور.
الرجاء من السيد المهندس نادر او الأخوة الأعضاء الرد على هذه الأسئلة للأهمية

تقبلوا تحياتى.

أخوكم : صفوت

وعليكم السلام اولا انا معرفش موضوع النتش اول ما تدى غيار تانى
بس اعرف موضوع رجه التابلوه وانت لسه ع السلانسيه اول ما تدور العربيه القصه ده تظبيط كهربا عند الميكانيكى الرجه هتقل كتير بس مش هتختفى

[alsayedsabry]

كل عام وانت بخير

محدش رد على فى موضوع جنوط 13 احسن ولا 14 مع العلم انى مركب 14
المهم
كنت عاوز اعرف سعر الكبالن كام نوع نضيف ومنين وكنت عاوز اعرف سعر فردتين كاوتش كومهو 14 يعملوا كام ومنين وشكرا

[M.FOUAD]

انا المراية الجانبية عندى فى الاكسيل ناحية السائق اتكسرت و العربية واقفة الحمد اللة
المهم محدش يعرف تمنها كام
انا سٍالت ابو زيد فى فيصل قال 75 جنية حد يعرف مكان تانى ارخص او لو فى منها صينى بكام
و شكرا لكم

هتلاقيها في التوفيقية ب 60 جنية الكاملة بس معرفش هي صيني و لا اصلي ولو عايز المراية الداخلية بس ب 20 جنية

[M.FOUAD]

محدش رد على فى موضوع جنوط 13 احسن ولا 14 مع العلم انى مركب 14
المهم
كنت عاوز اعرف سعر الكبالن كام نوع نضيف ومنين وكنت عاوز اعرف سعر فردتين كاوتش كومهو 14 يعملوا كام ومنين وشكرا

هو الاصلي اللي في العربية 13 اعتقد مش هتفرق اوي لو كبرت الجنط لحد 14
الكبالن فية صيني ب 130
تايواني ب200
كوري ب 330 جنية
ياباني ب 400 جنية و اكثر حاجة بتباع هي التايواني
الكاوتش معرفس اسعار ال 14 كام دلوقتي بس ال 13 الكومهو ب 200 جنية للفردة

[Lion_Heart]

كل عام و انتم بخير جميعا عيد سعيد

[mahmmoud1980]

ممكن اعرف سعر طنابير الأكسيل الأمامي والخلفي وتيل الفرامل الأمامي والخلفي
ولكم الشكر

[mero25]

كل عام و انتم بخير جميعا عيد سعيد ومبارك

[M.FOUAD]

على فكرة يا باشا البوجيهات جديدة من حوالى شهر و كان نوع يابانى

يبقى غير سلك البوجيهات لو هو قديم

[johnnaguib]

شكرا لاهتمامك يا باشا و هاشوف اية اخبار الاسلاك دية