رابطة مالكى الاكسيل-الجزء الأول

[y_ammar2000]

السلام عليكم
معشر الاكسولييين وطبعا سلام مخصوص للباش مهندس نادر ربنا يجعل كل المساعدات والخبره الى انا عن نفسى استفد منها كتير جدااااا فى ميزان حسناته
عندى سؤال
وانا بدور العربيه الصبح بسمع صوت تقريبا عشان ا وصفهولك صح تقريبا صوت صفاره بتروح بعد ديقتين من التدوير ممكن اقل من كدا كمان لو انا دوست بنزين حبتين المهم اعتقد ان الصوت ده خارج من السيور فروحت للمكانيكى قالى ان السيور حالتها زى الفل انا بقالى سنه مغيرتش السيور على فكره بمشى يوميا تقريبا 80 كيلوا وعندى راحه يومين فى الاسبوع ياتر يا باش مهندس نادر ده صوت ايه ؟

[devil-lid]

السلام عليكم ورحمه الله وبركاته عوده بعد غياب وانا اّسف جدا بس كان ليه سؤال من الناس اللى فاهمين اكسيل كويس انا عندى فى فوانيس فى وش العربيه طالعه ووشها مش حلو رحت ل2 سمكريه
الاول قالى هنلم الموضوع ب200 جنيه ونعمل اللازم
الثانى قال بما ان الفلوانيس طالعه ففيه شكله فى وش العربيه من جوه دا غير ان على كلامه ان الشاسيه فيه مشاكل وقال انها لازم تتشد من الاول ودا هيتكل كتتتييييير
فالرأى ممكن يكون ايه ؟؟ افيدونى

[stright]

مهنس نار السلام عليكم يا ريت ترد علي الستفسار دا انا بشم ريحة بنزين و في كزا حد قلي العربيه دي حريقها ني بس في ناس قلولي احتمال الشكمان و ناس قلولي جايز كهربة العربيه مش مظبوطه بس انا بصراحه مقلق و خايف تكون حاجه كبيره ممكن تقولي العيب ممكن يكون من ايه؟؟؟ يلريت ترد عليا بسرعه و شكرا

[Nader]

مهنس نار السلام عليكم يا ريت ترد علي الستفسار دا انا بشم ريحة بنزين و في كزا حد قلي العربيه دي حريقها ني بس في ناس قلولي احتمال الشكمان و ناس قلولي جايز كهربة العربيه مش مظبوطه بس انا بصراحه مقلق و خايف تكون حاجه كبيره ممكن تقولي العيب ممكن يكون من ايه؟؟؟ يلريت ترد عليا بسرعه و شكرا

شيك على البوجيهات وظبط الكربيراتير

[Nader]

السلام عليكم
معشر الاكسولييين وطبعا سلام مخصوص للباش مهندس نادر ربنا يجعل كل المساعدات والخبره الى انا عن نفسى استفد منها كتير جدااااا فى ميزان حسناته
عندى سؤال
وانا بدور العربيه الصبح بسمع صوت تقريبا عشان ا وصفهولك صح تقريبا صوت صفاره بتروح بعد ديقتين من التدوير ممكن اقل من كدا كمان لو انا دوست بنزين حبتين المهم اعتقد ان الصوت ده خارج من السيور فروحت للمكانيكى قالى ان السيور حالتها زى الفل انا بقالى سنه مغيرتش السيور على فكره بمشى يوميا تقريبا 80 كيلوا وعندى راحه يومين فى الاسبوع ياتر يا باش مهندس نادر ده صوت ايه ؟

لو الصوت بيحصل الصبح بس أو بليل بس (والعربية باردة يعني) ولما بتسخن بيختفي يبقى السيور واصل لها رطوبة (غالباً سير الكاتينة)، حاول تكتشف مصدرالرطوبة ليكون طرمبة المية بتسرب مثلاُ ولا السبب من الجو وبعدين راجع على شدة السيور متكونش مرخية ولو مرخية وبتتحرك بسهولة مع ايدك غيرهم فوراً

[Nader]

السلام عليكم ورحمه الله وبركاته عوده بعد غياب وانا اّسف جدا بس كان ليه سؤال من الناس اللى فاهمين اكسيل كويس انا عندى فى فوانيس فى وش العربيه طالعه ووشها مش حلو رحت ل2 سمكريه
الاول قالى هنلم الموضوع ب200 جنيه ونعمل اللازم
الثانى قال بما ان الفلوانيس طالعه ففيه شكله فى وش العربيه من جوه دا غير ان على كلامه ان الشاسيه فيه مشاكل وقال انها لازم تتشد من الاول ودا هيتكل كتتتييييير
فالرأى ممكن يكون ايه ؟؟ افيدونى

لو في مشكلة في الشاسية هتبقى محتاج زرجينة، بس انا حاسس ان التاني عاوز يطلع منك بمصلحة وخلاص، للاسف محدش هيقدر يفيدك غير لما يعاين بنفسة

[good09]

بص ياسيدي انا لقيت نوعين وا حد كوري ب 190 جوند والتاني 240 اصلي طبعا انا جبت كلو اصلي عشان الفرق مش مستاهل و اتركبوا عند عفشجي لانه بيحل الفتيس بس عشان الميكانيكي بيضطر يحل المكنه كلها المهم الراجل خد 100 جوند و 27 تغيير زيت الفتيس المهم الحمد لله بيبوظوا ليه بقي عشان الطلعات و التحميل علي الدبرياج كده يعني عمومان يا جما عه انا من المنصوره صحيح انا اعد في فيصل لظروف الشغل لاني شغال في القريه الزكيه المهم انا جايب الحاجات دي من المنصوره من عادل وديع شارع الحسينيه

شكرا يا باشا و ركبتها عند مين فى المنصورة عند عبده فواكه ولا حد تانى
وفى حاجة اسمها بليه الفتيس او الدريك هل غيرتها كمان

[good09]

يا جماعه دي بعض اسعار قطع الغيار للاكسيل يوم 19 ديسمبر 2009 للاسف اضطريت اشتري الاتي
1-اسطوانه ودسك 240 جنيه
2-بلية دبرياج 85 جنيه
3-سلك دبرياج 25 جنيه
بس انا عندي سؤال لاهل الخبره هي الحاجات دي بتبوظ ليه وازاي احافظ عليها و ايه تاثيرها لو بايظه

وهوه سلك الدبرياج لازم يتغير ولا كان عند حضرتك مشكلة

[good09]

ياريت يا مهندس نادر تقولنا ايه رايك فى منظف الكربراتير هل هو يحافظ على الكربراتيبر فعلا و لا ليه اضرار

[stright]

وهوه سلك الدبرياج لازم يتغير ولا كان عند حضرتك مشكلة

لا انا السلك عندي كان بيودع

[stright]

شكرا يا باشا و ركبتها عند مين فى المنصورة عند عبده فواكه ولا حد تانى
وفى حاجة اسمها بليه الفتيس او الدريك هل غيرتها كمان

ركبتها عند احد اسمو هشام دا احسن واحد في المنصوره عفشجي دا موجود في حته اسمها مساكن الميينا عند مستشفي الجلديه و عمومان انا غيرت الي انا قلت عليه بس و اساسن انا كنت رايح اقلب ترس الفالام عشان ساعات كنت بسمع سرخه وانا بدور انا كنت فاكر انو مارش الحمدو لله متلعش هوا و الراجل و هوا بيحل لقي الاسطوانه سرتها سايبه و عايزه تتغير والبليه حمان بتاعة الدبرياج والسلك فغيرتهم بس كده

[Nader]

ياريت يا مهندس نادر تقولنا ايه رايك فى منظف الكربراتير هل هو يحافظ على الكربراتيبر فعلا و لا ليه اضرار

في انواع

نوع بتحط مع البنزين وبيمشي مع دورة الوقود لحد ما يوصل للكربيراتير (ودة انا حاسس انه ملهوش لزوم وخصوصاً لما تستخدمة لأول مرة بعد ما تكون العربية اشتغلت 10 سنين بدوت تنظيف لدورة الوقود أو الكربيراتير).


والنوع التاني اسبراي بترشه على الكربيراتير وبيزوب الرواسب إلى حد كبير.

ونظرياً انا مش شايف له اضرار الا لو كان النوع الاول اللي بيتحط مع البنزين له تأثير كيميائي على خراطيم البنزين!

[stright]

معلش يا جماعه سامحوني انا نش عارف اكتب عربي فالي ميعرفش يقرا حاجه ميدعيش عليا

[stright]

شيك على البوجيهات وظبط الكربيراتير

انا مغير بوجيهات من اسبوعين تقريبا يا نادر بس بصراحه انا نغيرهم بايدي مارحتش لحد تفتكر دا الي عامل مشكله؟؟؟

[y_ammar2000]

الف شكر للباش مهنس نادر وبإذن الله الجمعه القادمة حروح للمكانيكى واخليه يكشف على السيور واشوف اخبار طرنبة الميه ايه ؟
جزاكم الله خيرااا كثيرااااا