رابطة مالكى الاكسيل-الجزء الأول

[dotsalah]

انا عندى خشونة شوية فى العجل الامامى هل البلى بتشحم ام يتغير و لو يتغير همة 2 بلية فى كل فرده ام بلية واحدة و هل حد عارف الاسعار و شكرا

[dotsalah]

كان عندى مشكلة فى السنتر ما كنش راضى ينزل السنتر لكل الابواب و كان بيعلق فتوكلت على الله و عند خروجى من الشغل و بعد الغداء اخدت العده و فكيت الفرش الشمال اللى فى ماكينة السنتر الاساسية
طبعا اتبهدلت من الماده السوداء اللى واضعينها علشان تمسك البلاستيك بتاع التراب و بعد محاولات و تنظيف و هى فى مكانها لاننى خفت افكها من الكالون لتاخد وقت كبير بدأت تشتغل و الحمد لله
و ركبت باقى ما كينة السنتر و الحمد لله بتشتغل كويس

[wael6]

كان عندى مشكلة فى السنتر ما كنش راضى ينزل السنتر لكل الابواب و كان بيعلق فتوكلت على الله و عند خروجى من الشغل و بعد الغداء اخدت العده و فكيت الفرش الشمال اللى فى ماكينة السنتر الاساسية
طبعا اتبهدلت من الماده السوداء اللى واضعينها علشان تمسك البلاستيك بتاع التراب و بعد محاولات و تنظيف و هى فى مكانها لاننى خفت افكها من الكالون لتاخد وقت كبير بدأت تشتغل و الحمد لله
و ركبت باقى ما كينة السنتر و الحمد لله بتشتغل كويس

عاشت ايديك تسلم

[maro2007]

كان عندى مشكلة فى السنتر ما كنش راضى ينزل السنتر لكل الابواب و كان بيعلق فتوكلت على الله و عند خروجى من الشغل و بعد الغداء اخدت العده و فكيت الفرش الشمال اللى فى ماكينة السنتر الاساسية
طبعا اتبهدلت من الماده السوداء اللى واضعينها علشان تمسك البلاستيك بتاع التراب و بعد محاولات و تنظيف و هى فى مكانها لاننى خفت افكها من الكالون لتاخد وقت كبير بدأت تشتغل و الحمد لله
و ركبت باقى ما كينة السنتر و الحمد لله بتشتغل كويس

قابل بقى ياسيدى لو كنت روحت لصنيعى كان عملك (دكتور ) وكلفك قد ايه وفى الاخر كان هيقولك ان جهاز الانذار عطل واشترى واحد جديد


وتسلم ايدك بس انا لو مكانك كنت فكتها علشان يبقى الشغل صح الصح

[kmfb78]

باركولى يا جماعة انا جبت فرش العربية و عملت ارضية مشمع و اتكلف 550 جنيه فى الصعيد و كنت عايز اكلمكوا على موضوع الزيت انا ليا راى كنت قرايته فى مجلة قبل كده ان يفضل للزيت بتاع الموتور انه يتغير كل 2000 ا 3000 و ده ليه لان الزيت وظيفته تنظيف المحرك من الاتربة الت تدخل من الفلتر و من المواد البترولية المترسبة نتيجة احتراق البنزين و يعمل فيها ايه مبيعملش حاجة بتفضل الشوائب جو الزيت و المفروض انه لما يعدى على فلتر الزيت بينقية و لكن ده للشوائب ذات الحجم و يفضل الزيت فيةبقايا الاتربة و المواد الاخرى و لما طول فترة عدم تغيير الزيت علشان احنا حطين زيت غالى يعمل عشرة الاف كيلو يبقى الموضوع هيزيد ده واحد التانى اللى موتورة تعبان و بياكل زيت يقدر يراقب كويس و ميتعرضش لخر عدم وجود زيت لانه بيغيرةبسرعة التالت و هو اعتقاد شخصى ان تغيير الزين بسرعة يساعد على الحفاظ على الموتور لانه بمثابة غسلة ليه

[F170]

السلام عليكم عندى سؤال هل توجد لمبة بنزين فى الاكسيل 1300 هاتشباك ام لا وعند وصول المؤشر الى اول العلامة الحمرا يبقى فى كام لتر ارجو الافادة وعند تشغيل المحرك الؤشر بيطلع وبعدين بيزيد الى اعلى هل هذا صحيح

لأ زي ما باقي الأعضاء قالوا مفيش وانا لما فكيت العداد برضه ملقيتهاش .... و العداد لما بيكون عند العلامه الحمرا بيكون في على الأقل 7 ليتر لأني فولت لحد الزور من يومين وهيعلى العلامة الحمرا خدت 36.8 ليتر بالتمام والكمال

و وااااحشينني موت يا جدعان انا اسف على الغيبة الطويله بس والله ما لاقي وقت من الشغل غير للنوم والأكل

[F170]

السلام عليكم
عندى فى حاجه كده مش عارف غريبه ولا انا بيتهيألى وعايز رأيكم
كل ما اغير زيت للموتور بلاقيه يفقد لزوجته قبل ميعاد تغيره يعنى مثلا انا حاطط شيل هلكس 3000
يعنى المفروض اغير الزيت بعد 3000 كيلو حتى الان انا عامل بالزيت 1800 والزيت تقربيا مافهوش لزوجه زى الميه ولونه غامق اوى هل ده صح ولا فى حاجه غلط ؟؟

بسم الله الرحمن الرحيم
سنجاري حبيب قلبي ازيك مبدأيا انت بتشوف لزوجة الزيت و الموتور شغال شويه وسخن او بعد مشوار ولا لما بيكون الصبح بدي وهو بارد لأنك لما بيكون سخن الزيت بيكون وصل للزوجه الأسميه بتاعته المكتوبه على العلبة بتاعته من بره و لما بيكون بارد بيكون عامل زي ما اشتريته اول مرة تقريبا " تقيل وهو بينزل " وده سبب اننا المفروض منحرقش بالموتور او نجري بالعربيه وهي لسه مسخنتش لأن الزيت مش بيكون وصل اللزوجه المطلوبه وبيكون لسيه تخين وممكن يعرض الأجزاء المتحركه للتجليخ بسبب الحمل الزائد بدون تزييت

[F170]

ايه يا اخواني هو الموضوع مش مهم للدرجة دي
دنا هتجنن وافك التابلوه علشان كل حاجة تبقى واضحة قدامي واظبط اللي عايز يتظبط

بسم الله الرحمن الرحيم
الموضوع مهم طبعا بس انا عايز اعرف يا استاذ حكيم
انت عايز تفك التابلوه كله ولا عند السماعات بس
لأن الطابلوه كله كبير موت على واحد بس و صعب تفكه لوحدك
انما لو عايز تفك السماعات سهله جدا
مفك عدل تكون لافف وشه بشريط لزق او لحام يعني (شكارتون .. شتارتون ... براحتك في الأسم ) او حته قماش مش سميك علشان ميخدشِ البلاستيك بتاع التابلوه و بشويش بتنزله في الحز مابين السماعه و الطابلوه من قدام وترفع الغطا بتاعها (هي بتتركب من ورا الأول وبعد كده قدام كبس .. فبنفك من قدام الأول)
بالنسبه للكونصوله اللي في النص عندك اول وأخر شكلين زراير في الزراير بتاعه التكييف دول راكبين كبس برضه ووراهم مسامير صليبه ... بالمفك وتدخل مابين جسم التابلوه و الزرار بشوش حتلاقيه نط لبره وتحت عند الطفايه تشدها وتدوس على الحديده الي بتطفي فيها السيجاره حتتفك معاك الطفايه ووراها مسمارين تفكهم برضه وشد الكونصوله الي في النص بشويش حتطلع في ايدك بس خللي بالك علشان الكاسيت راكب فيها

[wael6]

السلام عليكم ورحمة الله
تم بحمد الله نقل الملكية والترخيص
1- ملف فحص 34 ج + 3 وصل طفاية
2- تأمين اجبارى 128 ج
3- تسجيل عقد بيع فى الشهر العقارى 255 ج
4- ضريبة ورسوم اخرى 312 ج
والحمد لله رب العالمين

[wael6]

عاوز ادردش شوية معاكم يا يا خوانى الاكسلاوية
رخصت الحمد لله وفلست واكيد برده الحمد لله
لكن تبقي اشياء اود ان افعلها
ايه رايك مين اولى الاول
1- كارتيرات عموله
2- التكييف
3- العفشه (( انا عارف انها مهمه جدا )
لكن الحمد لله مش بشتكى منها الا فى حاجات بسيطه
لفت نظرى اليوم
هو اصلا عندى رعشه خفيفه جدا فى الدركسيون عالسلانسيه
لكن لما دوست فرامل للاخر الرعشه زادت وخصوصا انى كنت نازل من على كوبري
يا ترى ده ايه
وكمان العربيه لو محمل 3 ورا بتهبط وبتحف فى المطبات
.... ان شاء الله ناوى اسافر اركز فى ايه ع العفشه يمكن تظبيطه والاهتمام بيه مؤقتا لحد ما الازمه الماليه دى تعدى يارب
اسف للاطاله
ومنتظر ردودكم القيمه وشكرا جزيلا

[magid1010]

باركولى يا جماعة انا جبت فرش العربية و عملت ارضية مشمع و اتكلف 550 جنيه فى الصعيد و كنت عايز اكلمكوا على موضوع الزيت انا ليا راى كنت قرايته فى مجلة قبل كده ان يفضل للزيت بتاع الموتور انه يتغير كل 2000 ا 3000 و ده ليه لان الزيت وظيفته تنظيف المحرك من الاتربة الت تدخل من الفلتر و من المواد البترولية المترسبة نتيجة احتراق البنزين و يعمل فيها ايه مبيعملش حاجة بتفضل الشوائب جو الزيت و المفروض انه لما يعدى على فلتر الزيت بينقية و لكن ده للشوائب ذات الحجم و يفضل الزيت فيةبقايا الاتربة و المواد الاخرى و لما طول فترة عدم تغيير الزيت علشان احنا حطين زيت غالى يعمل عشرة الاف كيلو يبقى الموضوع هيزيد ده واحد التانى اللى موتورة تعبان و بياكل زيت يقدر يراقب كويس و ميتعرضش لخر عدم وجود زيت لانه بيغيرةبسرعة التالت و هو اعتقاد شخصى ان تغيير الزين بسرعة يساعد على الحفاظ على الموتور لانه بمثابة غسلة ليه

كلام مظبوط هو ده فعلا الواحد لازم يهتم بتغير الزيت لانه روح الماتور و ينزله على فترات مش طويله

[hakim]

بسم الله الرحمن الرحيم
الموضوع مهم طبعا بس انا عايز اعرف يا استاذ حكيم
انت عايز تفك التابلوه كله ولا عند السماعات بس
لأن الطابلوه كله كبير موت على واحد بس و صعب تفكه لوحدك
انما لو عايز تفك السماعات سهله جدا
مفك عدل تكون لافف وشه بشريط لزق او لحام يعني (شكارتون .. شتارتون ... براحتك في الأسم ) او حته قماش مش سميك علشان ميخدشِ البلاستيك بتاع التابلوه و بشويش بتنزله في الحز مابين السماعه و الطابلوه من قدام وترفع الغطا بتاعها (هي بتتركب من ورا الأول وبعد كده قدام كبس .. فبنفك من قدام الأول)
بالنسبه للكونصوله اللي في النص عندك اول وأخر شكلين زراير في الزراير بتاعه التكييف دول راكبين كبس برضه ووراهم مسامير صليبه ... بالمفك وتدخل مابين جسم التابلوه و الزرار بشوش حتلاقيه نط لبره وتحت عند الطفايه تشدها وتدوس على الحديده الي بتطفي فيها السيجاره حتتفك معاك الطفايه ووراها مسمارين تفكهم برضه وشد الكونصوله الي في النص بشويش حتطلع في ايدك بس خللي بالك علشان الكاسيت راكب فيها

جزاك الله خيرا انا فعلا فكيت وش السماعات ونظفتها اما السماعات الحمد لله شغالة بس لما شفت منظرها اتعقدت منها لان اطرافها مقطع ( لا مهربد) بس شغالة كويس المهم انا هدفي فك التابلوه العلوي اللي هو فيه الساعة والسماعات علشان انظف تحتيه وخصوصا الثلاجة وهي في مكانها من غير ما احلها ( مش عارف بقى ده ينفع ولا انا بحلم ) هل فعلا صعب موت زي ما حضرتك قلت يبقى اشاور عقلي وبلاش احسن

[a7medsh3rawi]

جزاك الله خيرا انا فعلا فكيت وش السماعات ونظفتها اما السماعات الحمد لله شغالة بس لما شفت منظرها اتعقدت منها لان اطرافها مقطع ( لا مهربد) بس شغالة كويس المهم انا هدفي فك التابلوه العلوي اللي هو فيه الساعة والسماعات علشان انظف تحتيه وخصوصا الثلاجة وهي في مكانها من غير ما احلها ( مش عارف بقى ده ينفع ولا انا بحلم ) هل فعلا صعب موت زي ما حضرتك قلت يبقى اشاور عقلي وبلاش احسن :n_no[1]:

فكرة تنضيف التابلوه كويسة جدا وخصوصا التلاجه والمراوح وبمجرد ما تفك الدركسيون والجزء الشمال واللي في الوسط والجزء اليمين اللي راكبين في التابلوه خلاص كدا مفضلش حاجه وممكن تنضف براحتك وتشيك على الاسلاك والاحسن يكون معاك الكتالوج علشان تعرف مكان المسامير وطريقة فك اي قطعة .
ربنا يوفقك وبصراحة هتحس براحة نفسية بعد ما تفك التابلوه وتنضفه.

[Lion_Heart]

عاوز ادردش شوية معاكم يا يا خوانى الاكسلاوية
رخصت الحمد لله وفلست واكيد برده الحمد لله
لكن تبقي اشياء اود ان افعلها
ايه رايك مين اولى الاول
1- كارتيرات عموله
2- التكييف
3- العفشه (( انا عارف انها مهمه جدا )
لكن الحمد لله مش بشتكى منها الا فى حاجات بسيطه
لفت نظرى اليوم
هو اصلا عندى رعشه خفيفه جدا فى الدركسيون عالسلانسيه
لكن لما دوست فرامل للاخر الرعشه زادت وخصوصا انى كنت نازل من على كوبري
يا ترى ده ايه
وكمان العربيه لو محمل 3 ورا بتهبط وبتحف فى المطبات
.... ان شاء الله ناوى اسافر اركز فى ايه ع العفشه يمكن تظبيطه والاهتمام بيه مؤقتا لحد ما الازمه الماليه دى تعدى يارب
اسف للاطاله
ومنتظر ردودكم القيمه وشكرا جزيلا

العفشة اولا وثانيا وثالثا
الكارتيرات ناس كتير بتركبها فى المجزر اسال هناك

[wael6]

العفشة اولا وثانيا وثالثا
الكارتيرات ناس كتير بتركبها فى المجزر اسال هناك

تمام
طيب العفشه ايه اللى ممكن ابص عليه الاول وايه اللى ممكن يتركن شوية مثلا شهر او اتنين
فى الامام والخلف
وشكرا جزيلا