رابطة مالكي الElantra من 2007 الى 2011

[shiko85]

اوتوماتيك اول فئه وكيل فاضيه
تانى فئه فيها abs تقريبا و كل الفئات وكيل كان ممكن اضافة فتحه سقف
الخليجى كل بلد ليها مواصفات جنوط abs تكييف تاتش فتحة سقف
دور فالخليجى هتلاقى اللى انت عايزه او تانى فئه وكيل

[shiko85]

الفلوس مش اقل من 80 و طبعا الموديل و الحاله هى اللى هتحدد

[m7md3ssem]

انا متشكر اوي يا باشا
بس في حاجة بفكر فيها من امبارح وعايز رايك
بص انا معايا دلوقتي حوالى 90
بس ممكن ازود شوية لو العربية تستاهل
في حاجة كمان انا هجيبها قسط تبع البنك عندي فطبعا هيبقا عليها حظر سبع سنين يعني المفروض تعد معايا سبع سنين انت رايك اجيب ايه
الفكرة الي جاتلي انبارح مش عارف صح ولا غلط انى ازود شوية (طبعا هستنا كم شهر كدة ) واجيب جين تو زيرو
رايك ايــــــــــــــــــــــــــــــه انا دماغي تعبت من كتر التفكير وخايف اخد قرار واندم خصوصا انى م هعرف ابيع

[shiko85]

90 يجيبوا عربيه حالتها كويسه
انا هقولك رأيى الشخصي علشان محدش يزعل منى، انا لو مكانك مش هفكر فالجين تو خالص و لو فيه امكانيه انى اقسط زيرو يبقى اجيب اكسنت ار بى او كيا ريو او صنى الجديده او حتى بيجو 301
بس ده رأيى انا بغض النظر عن ان الجين تو افضل او اسوء من اى عربيه فيهم

[roland_yamaha]

الماسوره سخنه و بحس بالسخونيه وانا سايق

بقول حضرتك ايه ممكن تروح لحد بتاع ردياتيرات وتخليه ينزلك كل المية اللي في دورة التبريد وينضفها كويس برابسو وبعدين تحط ماية خضرا ونشوف
هتقولي ايه العلاقة؟
هقولك ان ماية التبريد العادية بتغلي عند 100 درجة وهي اللي بتخش عند سربنتينة السخن وتحسسك بالسخونية دي لكن الماية الخضرا فيها ايثلين جليكول بيغلي عند 110 فإلي حد ما هتبقي أحسن شوية من ماية الحنفية وبالتالي هتقل السخونية
بعد كل ده لو ملقتش تحسن تشوف هوايات التكيف اللي عند الرجل ممكن تكون بتسرب هوا علي سربنتينة الساخن وبالتالي هتحدف هوا سخن للرجلين
ده تفسيري والله أعلم

[basemlove]

انا اسمى باسم موطف اول مره انضم للجروب فعلا جميل جدا ان عايز اروش العربيه ممكن تنصحون

العربيه موديل 2007 عايز اروشها شوية كالاتى :
جنوط 15 ويفضل ايه ومن فين والسعر
كاسيت شاشه كبيره كامل نوع كويس فى حدود 1000 جم
نوع كاوتش كويس اركبه على الجنوط علما بان الى عندى كونتنينتال سى للغايه 165/95
عايز اركب زينون للعالى فقط علشان معميش الناس وعندى فوج بس لمض عاديه لو ممكن اغيرها بس اعرف اجيب نوع ايه
عايز اغير نور الصالون وممكن التابلوه بس لو التابلوه هيتشال كله يبقا بلاش
.... هل ممكن اغير طاره الدريكسون واعملها مالتى ولو ينفع ههتكلف كام
لو فيه حاجه تانيه ممكن تنصحونى وشكرا لكل من ساهم فى انشاء الموضوع الشيق ده .

[shiko85]

نور الصالون بيتغير و يركب مكانه ليد
نور التابلوه مش محتاج يتغير و مش مستاهل المجهود
الجنوط و الكاوتش مش هقدر افيدك
تغير الطاره و تعملها مالتي ممكن بس ايه لزمتها وانت هتغيرالكاسيت? !
هو الكاسيت عندك شرايط ؟

[basemlove]

الكاسيت شريط واركب ايه زينون كويس وكاوتش وجنوط

[mahmoud_afifi]

العربيه موديل 2007 عايز اروشها شوية كالاتى :
جنوط 15 ويفضل ايه ومن فين والسعر
كاسيت شاشه كبيره كامل نوع كويس فى حدود 1000 جم
نوع كاوتش كويس اركبه على الجنوط علما بان الى عندى كونتنينتال سى للغايه 165/95
عايز اركب زينون للعالى فقط علشان معميش الناس وعندى فوج بس لمض عاديه لو ممكن اغيرها بس اعرف اجيب نوع ايه
عايز اغير نور الصالون وممكن التابلوه بس لو التابلوه هيتشال كله يبقا بلاش
.... هل ممكن اغير طاره الدريكسون واعملها مالتى ولو ينفع ههتكلف كام
لو فيه حاجه تانيه ممكن تنصحونى وشكرا لكل من ساهم فى انشاء الموضوع الشيق ده .

الجنوط ممكن تجيب الاصلي بتاعت الشكل الجديد من اشرفكو ب2300 (مقاس 15 مش 16).
الكاوتش عندك بردجستون gr90 مقاس 195/65 ب700 الفرده. و ممكن تجيب يوكوهاما. وممكن لو عاوز حاجه ارخص تجيب كومهو Ecsta. لسه كنت مع واحد امبارح وشكر فيها جداااااا والراجل ده دماغه حلوه واقنعني بيها.

الزينون ممكن تركب اي حاجه لأنك لو عاوز نوع كويس هتلاقي نفسك دافع 1300 على الاقل.

نور الصالون بيتغير بLED وممكن تغير نور الوحه الي في الشنطه وتبقى زي الBMW. التابلوه بلاش تفكه عشان تغير نوره.

الطاره مش عارف ممكن تتعمل ولا لأ بس مش مستاهله. انت هات بتمن الطاره كاسيت نوع محترم.

[basemlove]

الجنوط الشكل الجديد انهى وطيب معلش اجيب كاست نوعه ايه وصوته حلو وياخد مساحة الكاسيت كله ومنين وبكام
سعر كاوتش الكومهو كام معلش
وبشكرا حضرتك على الرد

[roland_yamaha]

الجنوط ممكن تجيب الاصلي بتاعت الشكل الجديد من اشرفكو ب2300 (مقاس 15 مش 16).
الكاوتش عندك بردجستون gr90 مقاس 195/65 ب700 الفرده. و ممكن تجيب يوكوهاما. وممكن لو عاوز حاجه ارخص تجيب كومهو ecsta. لسه كنت مع واحد امبارح وشكر فيها جداااااا والراجل ده دماغه حلوه واقنعني بيها.

الزينون ممكن تركب اي حاجه لأنك لو عاوز نوع كويس هتلاقي نفسك دافع 1300 على الاقل.

نور الصالون بيتغير بled وممكن تغير نور الوحه الي في الشنطه وتبقى زي الbmw. التابلوه بلاش تفكه عشان تغير نوره.

الطاره مش عارف ممكن تتعمل ولا لأ بس مش مستاهله. انت هات بتمن الطاره كاسيت نوع محترم.

تقصد ايه يا محمود بنور الشنطة اللي زي البي أم أرجو التوضيح

[m7md3ssem]

باشا انا اخري ممكن احط 110000 وطبعا لازم اوتو فمش هينفع لا ريو ولا 301 ولا ار بي ( مع واحد صاحبي عاملة زي الفرنا ) والصنى مش عجباني خالص
انا بكلم انى لو هجيب مستعمل يبقا هحط اخري 95 لكن لو انت رايك بما انى هقسط يبقا اتقل وازود ود اخري اجيب الجين وتبقا زيرو حضرتك فهمنى
ملحوظة انا هقسط (التمويل 75 ) والباقي مقدم يعني مش هدفع 90 واقسط الباقي حضرتك فهمتني كدة

[m7md3ssem]

سؤال كمان يباشا انا تقلت عليك انا اسف
ايه رأيك في العربيات كسر الزيرو الي على كونتاكت كارز ده
بس هما تقريبا بيطلبو نفس سعر الزيرو اقل حاجة بسيطة هيا بيبقا فيها تفاوض ولا نهائي
وبعدين تعرف حد جرب 301 لانى مشفتهاش عالطبيعة حتى لحد دلوقتي

[mahmoud_afifi]

الجنوط الشكل الجديد انهى وطيب معلش اجيب كاست نوعه ايه وصوته حلو وياخد مساحة الكاسيت كله ومنين وبكام
سعر كاوتش الكومهو كام معلش
وبشكرا حضرتك على الرد

هتلاقي الجنوط الي في اللينك ده

Hyundai India Confirms New Elantra Launch In 2012 | MotorBeam – Indian Car Bike News & Reviews

ودي صورة بتوضح الفرق بين الجنط ال15 الي بقولك عليه. والجنط 16 المشهور في الالنترا الجديده




بالنسبه للكاسيت الكبير بيكون Double Din يعني يغطي المساحه كلها ولو صغير يبقى Single Din. عشان لما تروح تشتري تعرف توضح للراجل. في كلاريون ب700 تقريبا وجميل كنت ناوي اشتريه بس جبت DVD وندمان لأن الصوت سئ جدا وبيهنج كتير.

سعر الكومهو الإكستا مش عارف بالظبط بس تقريبا في حدود 450 للفرده او اقل شوية.

[mahmoud_afifi]

تقصد ايه يا محمود بنور الشنطة اللي زي البي أم أرجو التوضيح

في الشنطه بيكون فيها نور للوحه. بيبقى اصفر في اي عربيه.
انما في البي إم بيكون ليد تلجي. سعر اللمبه تقريبا 10 جنيه للواحده