التقييــــم الشامـــل لهيونداى النتــــرا 2012 ومقارنتها مع هـــوندا سيفـيـــك 2012

[Mohamed.Ramah]

[frame="10 10"]

فى البداية كنت حكتب مشاركتى داخل موضوع
( هل أنت راضي عن أداء عربيتك الألنترا 2012 الجديدة)
ولانى لست من ملاك السيارة واحتراما لرغبة صاحب الموضوع

اردت ان اعرض تجربتى فى موضوع منفصل بعد قراءة اكثر من مشاركة بة ولحسم النقاش فى موضوع الالنترا ومقارنة مع الهوندا سيفيك وذلك بعد التجربة الشخصية للسيارتين وحتى يستفيد منها محبى وملاك السيارتين

بالنسبة للالنترا 2012 الفئة التم تقييمها
GLS AT -2AB-ABS

- بداية حتى نكون متفقين على ان الالنترا 2012 افضل من هوندا سيفيك 2012 كتقييم وكمجمل السيارة

- اما الموديل السابق من هوندا سيفيك 2011 فهو افضل بمراحل وحتى كتقييم افضل من الحالى للالنترا وتحصل على تقييم 9.1

وحوضح الفارق وحيكون تقييمى من 10

اولا كتقييم العام والشامل للهيونداى النترا 2012
8.0

بالنسبة للاداء
8.4

Power: 128Bhp @ 6300rpm
Torque: 157Nm @ 4850rpm
---

0-100 km/h: 11.6 secs
Top Speed: 195 km/h

بالنسبة للجسم الخارجى للسيارة والتصميم
9.0

ولاكن التصميم من الخلف لم يعجبنى
--

الانتريور والخامات الداخلية
8.3

مع ظهور بعض من الاخطاء فى التقفيل لم تعجبنى او السيارة كانت ممكن تكون افضل من ذلك

الامان
2AB-ABS
5.0

الالنترا فقيرة فى وسائل الامان والبركة طبعا فى غبور وللوصول لمواصفات الامان
يبقى لازم تجيب الفئة اعلى وتجهيزات افضل

--
افضل استهلاك للوقود
6.7 litre/100km (14.9km/litre)

بالنسبة للاعتمادية والجودة

انا حبيت اكون دقيق اكثر و حيادى فى التقييم لذا فضلت كتابة نتائج التققيم والجودة من موقع

J.D.Power Ratings

حصلت السيارة فى هذا التقييم على 3.5

وساقوم بالتوضيح بالتفصيل مراحل التقييم البيتم وهى كلاتى
التقييم بيكون ماخوذ من دراسة مدى الجودة
(IQS)

التقييم الاولى للمالك خلال 90 يوم الاولى من ملكية السيارة وبيكون على الاتى

Overall Quality - Mechanical
تقيم على المشاكل او الاعطال البتواجة الملاك فى ال90 يوم الاولى او فى خلل فى اى
من الاجزاء كالتوقف عن العمل او وجود كسر او سوء التقفيل

Powertrain Quality - Mechanical
تقيم على وجود اى مشاكل فى الموتور او السحب او سماع اصوات اثناء القيادة غير طبيعية او
الاهتزازات

Body & Interior Quality - Mechanical
تقيم على جودة التقفيل وجود تسرب للمياة وتقييم الطلاء وجودة السيارة من الداخل او وجود صرير او صوت خشن اثناء تجربة القيادة

Features & Accessories Quality - Mechanical
تقيم على تجربة المقاعد ومدى وجود مشاكل بها واختبار مساحات الزجاج الامامى ونظام الملاحة والمقعد الخلفى وانظمة الترفية والتدفئة والمكيف والنظام الصوتى وفتحة السقف وكمبيوتر الرحلة

Overall Quality - Design
تقيم على مشاكل فى التحكم والتجهيزات التى تعمل كما صممت ام معطلة مدى سهولة التعامل مع السيارة والتكنولوجيا الموجودة بها والانظمة المتاحة ومكان تواجدها

Powertrain Quality - Design
تقيم على مدى الراحة فى السيارة والاستجابة لنظام الفرامل والتوجية واستجابة عجلبة القيادة والفرامل والثبات

Body & Interior Quality - Design
تقيم على وجود مشاكل مع مقدمة ومنتصف ومؤخرة السيارة
شكل السيارة من الداخل والخارج
صوت الابواب عند الفتح والغلق

ملاحظاتى على السيارة :

بالرغم من ارتفاع السيارة مسافة
1445 mm
الا بعد ركوب اكثر من شخص بتهبط بشكل ملحوظ
الباور ناعم ودة حاجة كويسة فى الزحمة وتحريك السيارة نظرا لحجمها ولاكن على سرعات كان ممكن يبقى احسن والعربية محتاجة تكون اثبت والطارة تكون متماسكة اكتر

بالنسبة لسعر السيارة
اولا الاعرفة ان السيارة بتسوق 3 فئات ولاكن علشان احنا فى مصر ومش زى اى حد نازلة لينا 10 فئات بدل 3
ان لم اخطىء العدد

الاسعار من راى لاتزيد عن
110.000 اول فئة

Fully loaded
135.000

-------------------------------------------------------------------------

بالنسبة للهوندا سيفيك 2012
الفئة التم تقييمها
F/O AT 1.6

التقييم الكلى والشامل للهوندا سيفيك 2012
7.2

بالنسبة للاداء
7.5
Power: 125Bhp @ 6500rpm
Torque: 151Nm @ 4300

بالنسبة للجسم الخارجى للسيارة والتصميم
7.2

ايضا الشكل الخارجى كان ممكن يكون افضل وانة لم يقدم جديد لمحبى هوندا

الانتريور والخامات الداخلية
7.5

استخدام خامات بلاستيك اكثر وملاحظة فى Interior والابواب من الداخل وانها ليست بجودة عالية
او على نفس جودة الموديل السابق

الامان
8.6
2AB- ABS-EBD-VSA

--

افضل استهلاك للوقود
6.7 litre/100km (15.0km/litre))

　
بالنسبة للاعتمادية والجودة
J.D.Power Ratings

حصلت السيفيك فى هذا التقييم على 4 نقاط

كما ذكرت فى الاعلى وشرحت طريقة التقييم بتم بناءا استنادا على اية

　

ملاحظاتى على السيارة:

بالرغم من ارتفاع سعرها ان الخامات الداخلية المستخدمة متواضعة وفى سيارات افضل منها فى الخامات والتجهيزات وبسعر اقل
وايضا التجهيزات الداخلية والكماليات قليلة على سعرها

ان ارتفاع السيارة اقل من الالنتر الا وان السيارة ارتفاعها لم يقل بشكل ملحوظ
مقارنة بالالنترا ولم تحك فى المطبات

السيارة ثابتة والفرامل استجابتها افضل من الالنترا الا ان التسارع افضل فى صالح
الالنترا

　
بالنسبة لسعر السيارة

ارى سعرها مبالغ فية بالنسبة للتجهيزات المقدمة لنا فى مصر وممكن نلاحظ اننا اقل تجهيزات بتنزل بيها السيارة على مستوى الشرق الاوسط
من راى الاسعار يجب ان تكون
LXI
120.000
--
الفئة الثاتية
VTI
140.000

فى النهاية احب اكون افدتكم ووضحت بحيادية وياريت العندة معلومة على كلامى ممكن نتناقش فيها وياريت الموضوع ميتحولش لجدل بين الكورى واليابانى علشان الكل يستفيد
　
الموضوع بالكامل من مجهودى وتقييمى الشخصى ويرجى عند النقل ذكر اسم المنتدى وكاتبة.

[/frame]

[S O P H O S]

تسلم ايدك
موضوع جميل
وكلام حيادي جدا ..

[moha4tec]

تسلم ايدك على التقرير

[AhMeD MeTwAlY]

اولا بجد موضوع جميل جدا وتقييم فوق الممتاز
بس في حاجه انا يهمني حاجه واحده بس في الكلام دا عوامل الامان ما انا لما اتخبط مش هقول العربيه كان شكلها حلو بس انا اتكسرت
بصراحه النترا عايزه تزيد في عوامل الامان زي ما حضرتك شايف دلؤقتي في 2012 وعوامل الامان في هيونداي فقيره جدا جدا مع انها بتحظي بقبول عام في مصر

[ahmed_h_g]

موضوع جامد ومجهود أجمد
الى الأمام

[CryptonX]

شكرا يا فندم على الموضوع.

السيفيك مبالغ في سعرها جدا اكثر من الالنترا كمان وللاسف لا تحسسك بذلك نهائيا !

[OMAR61995]

معلش أنا شايف أنك ظلمت السيفيك من ناحية الأداء
الالنترا أعلى ب8 حصان و مع ذلك السيفيك متفوقة فى 0-100 و مسافة توقف أقل
و كمان الخامات الداخلية
مهما بلغ سوء خامات السيفيل لا أظن أن الالنترا تتفوق عليها

[OMAR61995]

و أنا كلامى على النسخ العالمية ال1800 سى سى
لأن مصر هى البلد الوحيدة تقريباً اللى لسه بتستخدم المواتير ال1600 سى سى العقيمة

و بالنسبة للسعر ده العادى من جمارك مصر

[CryptonX]

معلش أنا شايف أنك ظلمت السيفيك من ناحية الأداء
الالنترا أعلى ب8 حصان و مع ذلك السيفيك متفوقة فى 0-100 و مسافة توقف أقل
و كمان الخامات الداخلية
مهما بلغ سوء خامات السيفيل لا أظن أن الالنترا تتفوق عليها

مع احترامي كلام حضرتك مش مظبوط و على ال 1800 بتاع برة .

الانترا فراملها بتقوفها قبل السيفيك و المازدا 3 .. و ده مش كلامي .. ده كلام MotorTrend وهو موقع امريكي مشهور.

The Elantra did stand out in braking ability, clawing its way to a dead stop from 60 mph in 122 feet. Stopped side-by-side with a Civic and a Mazda3, the Civic would be four feet and the Mazda a full 13 feet farther into a barrier than the Hyundai. Testers noted the pedal works linearly without any annoying grabby or dead spots. Part of the short stopping distances, and the .84 lateral Gs on the skidpad, may be attributed to the larger 17-inch tires and wheels on the Elantra Limited. The lower profile may not add to performance, but the 215 mm width compared to 195 mm on the 15-inch wheel or 205 mm on the 16-inch wheels certainly doesn't hurt.

Read more: 2011 Hyundai Elantra Limited First Test - Motor Trend

تسارع الالنترا 2012 ال 1800 من صفر الى مائة :
9.4 ثواني بينما السيفيك في 9.3 ثانية ( ال 1800 برده)

تعالى للتقييم العام !
الكروز ضد السيفيك ضد الالنترا كلهم مواصفات امريكية 1800 سي سي.

الانترا تفوقت !!
وبرده مش كلامي !

The real triumph on the 2011 Hyundai Elantra Limited is how well it hides the corporate bean counting. It brings genuine style to the compact car class, and harmonizes form and function in its technology-laden cabin. We may not love driving this car, but Hyundai has focused on make-or-break aspects of the commuter-car experience. So you get a fuel-efficient engine with plenty of torque for passing, a transmission that downshifts exactly when you want it to, and a tolerable freeway ride.
In this test, Hyundai proves it can build an economy sedan that's greater than the sum of its parts — and beat Honda at the game it started.

ده كلام InsideLine من اشهر المواقع الامريكية برده.
2012 Honda Civic vs. 2011 Chevrolet Cruze vs. 2011 Hyundai Elantra Comparison Test

[SAMEH_FOUAD]

والله انت تمام وتقرير كويس جدا

بس عشان تبقى عارف السيفيك 2012 خاماتها زززززززززززززفت دية مافيهاش كلام

عموما ياريت بس الناس تقتنع ان السيفيك 2010 افضل بكتير من النترا 2012

[thunder155]

مشكور على التقرير

[mahmoud_afifi]

موضوع ممتاز ومقارنه عادله مع اني شايف السعر الحالي الالنترا مبالغ فيه هو والهوندا. انما الي حضرتك كاتبه او مقترحه يعتبر مناسب جدا بس يضاف للعربيات كماليات اكثر.

والله انت تمام وتقرير كويس جدا

بس عشان تبقى عارف السيفيك 2012 خاماتها زززززززززززززفت دية مافيهاش كلام

عموما ياريت بس الناس تقتنع ان السيفيك 2010 افضل بكتير من النترا 2012

سمسم باشا.
زي ما الياباني ممكن او بالفعل عمل خامات سيئه يبقى الكوري بإمكانه يعمل خامات جيده وكده كده السعر عالي. انما مش من المقبول ان خامات السيفيك الجديده تبقى زفت زي ما انت بتقول وتبقى بالسعر المبالغ فيه ده ! بس شكلها مش وحش لأني شفتها ماشيه على طريق السويس وشكلها مقبول بس مفهوش جديد.
الي اقصده ان مابقتش حكاية ياباني وكوري وانما سياسة الشركه وتصميم العربيه.
واكيد كلنا مقتنعين ان السيفيك ال2010 مش هيتعمل زيها تاني (انا بحب شكلها الخارجي و اداءها انما مابحبش شكلها الداخلي والعداد الديجيتال بس دي اذواق).

[SAMEH_FOUAD]

موضوع ممتاز ومقارنه عادله مع اني شايف السعر الحالي الالنترا مبالغ فيه هو والهوندا. انما الي حضرتك كاتبه او مقترحه يعتبر مناسب جدا بس يضاف للعربيات كماليات اكثر.



سمسم باشا.
زي ما الياباني ممكن او بالفعل عمل خامات سيئه يبقى الكوري بإمكانه يعمل خامات جيده وكده كده السعر عالي. انما مش من المقبول ان خامات السيفيك الجديده تبقى زفت زي ما انت بتقول وتبقى بالسعر المبالغ فيه ده ! بس شكلها مش وحش لأني شفتها ماشيه على طريق السويس وشكلها مقبول بس مفهوش جديد.
الي اقصده ان مابقتش حكاية ياباني وكوري وانما سياسة الشركه وتصميم العربيه.
واكيد كلنا مقتنعين ان السيفيك ال2010 مش هيتعمل زيها تاني (انا بحب شكلها الخارجي و اداءها انما مابحبش شكلها الداخلي والعداد الديجيتال بس دي اذواق).

هقول لحضرتك حاجة

لما تبقى متعود من شركة انها تعمل خامات كلها جلد من اول العربية لاخرها , لما تبقى متعود ان العربية يبقى شكلها سابق عصرها بعشر سنين وعمر شكلها مابيقدم وتحب تبصلها بالرغم من مرور فترة من الزمن , لما تلاقى ثباتها فظيع وبينافس الالمانى بجدارة

كل دة مش هيحسة غير اللى ركب سيفيك مش هقدر اقول غير كدة , لانة دايما عايز الاحسن وهية دية السيفيك اللى اتعودنا عليها

[ahmedkhairy]

بصراحة مستحيل تكون الهيونداى 2012 أفضل من هوندا سيفيك 2012

[Mohamed.Ramah]

تسلم ايدك
موضوع جميل
وكلام حيادي جدا ..

تسلم ايدك على التقرير

موضوع جامد ومجهود أجمد
الى الأمام

والله انت تمام وتقرير كويس جدا

بس عشان تبقى عارف السيفيك 2012 خاماتها زززززززززززززفت دية مافيهاش كلام

عموما ياريت بس الناس تقتنع ان السيفيك 2010 افضل بكتير من النترا 2012

مشكور على التقرير

شكركم ليا وتقديركم لمجهودى انا سعيد بية وبمشاركتكم ودة بيشجعنى اكتر على عمل تقاريرى واعتبرة وسام على صدرى وشكرا مرة ثانية على ارئكم