التقييــــم الشامـــل لهيونداى النتــــرا 2012 ومقارنتها مع هـــوندا سيفـيـــك 2012

[ahmedeihab]

تقرير ممتاز فعلا
عضو هونداوى و بقول السيفيك ال 2012 عربيه احنا اعتبرناها منزلتش اصلا
او مش تبع الهوندا اساسا فى كل حاجه كا شكل و اداء و ثبات و خامات و الكلام ده
و احنا بعتنا تقارير فى قسم هوندا فى معرض فورميلا الاهرام عن سوء جوده العربيه
و سامح بعت تقرير لشركه هوندا عن طريق النت عن سوء جوده العربيه
و ان شاء الله الاصدار القادم هو الاصدار المنتظر من السيفيك
و اقدر اقولك انت لو شفت الجيل التامن من السيفيك هتلاقيه متفوق عن الالنترا ال 2012 فى كل حاجه
اما بلنسبه للنسخه السيفيك اللى نازله فى 2012 ده بناء على رغبه الشعب المصرى من ملاك السيفيك اللى بيركبوها كا رفاهيه و اناقه ليس الا لذلك طالبوا الشركه برفع السياره عن الارض علشان المطبات ( و الكلام ده من منسقين قسم هوندا فى معرض فورميلا الاهرام ) و ده فعلا اللى حصل فى 2012
و دى من اوحش الاصدارات اللى نزلت فى هوندا على مدار 50 سنه سابقه
انتظروا الاصدار القادم
و تحياتى ليكوا
هونداوى و افتخر
^_^

[mahmoud_afifi]

هقول لحضرتك حاجة

لما تبقى متعود من شركة انها تعمل خامات كلها جلد من اول العربية لاخرها , لما تبقى متعود ان العربية يبقى شكلها سابق عصرها بعشر سنين وعمر شكلها مابيقدم وتحب تبصلها بالرغم من مرور فترة من الزمن , لما تلاقى ثباتها فظيع وبينافس الالمانى بجدارة

كل دة مش هيحسة غير اللى ركب سيفيك مش هقدر اقول غير كدة , لانة دايما عايز الاحسن وهية دية السيفيك اللى اتعودنا عليها

طبعا الهوندا مفيش عليها كلام بس اسعارها ... لا تعليق.

عندي سؤال, ليه السيفيك في السعوديه ماحدش بيبصلها ؟ مع انها 1800

[Mohamed.Ramah]

اولا بجد موضوع جميل جدا وتقييم فوق الممتاز
بس في حاجه انا يهمني حاجه واحده بس في الكلام دا عوامل الامان ما انا لما اتخبط مش هقول العربيه كان شكلها حلو بس انا اتكسرت
بصراحه النترا عايزه تزيد في عوامل الامان زي ما حضرتك شايف دلؤقتي في 2012 وعوامل الامان في هيونداي فقيره جدا جدا مع انها بتحظي بقبول عام في مصر

اولا شكرا على التقييم : )

بالنسبة لموضوع الامان ملاحظ فى هيونداى النترا 2012 افتقارها للنقطة دة وانا راعيت عند تقييمى انى اذكر دة بحيادية تامة لان المفروض ان سعر سيارة لما يوصل للمبلغ دة يبقى المفروض تكون مجهزة بعوامل امان اكثر من ذلك و حتكون منافسة اكثر وانا لو كنت شايف الالنتر نازلة على الاقل فى الفئة دة بعوامل امان

مثل : 6AB- ESP - Abs -EBD واظن دة مش طفرة وشفناة فى السيراتو وكان سعرها فى نفس سعر الالنترا ولاكن مش فاهم اية البيعملة التوكيل فى مصر

او الموتور 1.8 كان لا يقل تقييمى للسيارة عن 8.7 كتقييم عام وشامل

شكرا يا فندم على الموضوع.

السيفيك مبالغ في سعرها جدا اكثر من الالنترا كمان وللاسف لا تحسسك بذلك نهائيا !

بالنسبة للسيفيك فعلا السعر مبالغ فية بزيادة انا توقعت انى الاقى سيارة منافسة فعلا مع رفع السعر بالشكل الغير منطقى على الSPECIFICATIONS , FEATURES الشفتها واظن ان عامل كبير حياثر على مبيعات السيارة وان الكثير بيتجة لبدائل بسعر اقل وافضل منها .

[Mohamed.Ramah]

تقرير ممتاز فعلا
عضو هونداوى و بقول السيفيك ال 2012 عربيه احنا اعتبرناها منزلتش اصلا
او مش تبع الهوندا اساسا فى كل حاجه كا شكل و اداء و ثبات و خامات و الكلام ده
و احنا بعتنا تقارير فى قسم هوندا فى معرض فورميلا الاهرام عن سوء جوده العربيه
و سامح بعت تقرير لشركه هوندا عن طريق النت عن سوء جوده العربيه
و ان شاء الله الاصدار القادم هو الاصدار المنتظر من السيفيك
و اقدر اقولك انت لو شفت الجيل التامن من السيفيك هتلاقيه متفوق عن الالنترا ال 2012 فى كل حاجه
اما بلنسبه للنسخه السيفيك اللى نازله فى 2012 ده بناء على رغبه الشعب المصرى من ملاك السيفيك اللى بيركبوها كا رفاهيه و اناقه ليس الا لذلك طالبوا الشركه برفع السياره عن الارض علشان المطبات ( و الكلام ده من منسقين قسم هوندا فى معرض فورميلا الاهرام ) و ده فعلا اللى حصل فى 2012
و دى من اوحش الاصدارات اللى نزلت فى هوندا على مدار 50 سنه سابقه
انتظروا الاصدار القادم
و تحياتى ليكوا
هونداوى و افتخر
^_^

شكرا لحضرتك واتمنى فعلا انى اكون وفقت فية وملاحظ مجوداتكم وطبعا semsem kane مع حفظ الالقاب منسق قسم هوندا وحركة اجابية الاتعملت وياريت الكل يعمل كدة فى كل الاقسام والسيارات فى مصر حتى نضع حدود للاسعار اليتقدم بيها السيارات والكماليات والتجهيزات الدايما بنكون اقل عن الاخرين مع دفع اعلى سعر وفى انتظار الاصدار القادم وعلى امل فى تعديل السيارة ليس شكلا فقط بل سعر وتجهيزات.

[ahmedeihab]

طبعا الهوندا مفيش عليها كلام بس اسعارها ... لا تعليق.

عندي سؤال, ليه السيفيك في السعوديه ماحدش بيبصلها ؟ مع انها 1800

السعوديه مش مقياس لعربيه يا محمود باشا
هناك فى السعوديه بيهتموا بلهوندا فوق ال 2000 سى سى مثال الاكورد
^_^

[Mohamed.Ramah]

السعوديه مش مقياس لعربيه يا محمود باشا
هناك فى السعوديه بيهتموا بلهوندا فوق ال 2000 سى سى مثال الاكورد
^_^

بالظبط كدة ولان الفرق بين الاكورد والسيفيك فى السعر مش كبير يعنى الاكورد ب 90.000 ريال سعودي ويعتبر اعلى من السيفيك يبقى حيتجة اكيد للاكورد وبالنسبة للهوندا سيفيك انا مشترك فى جروب لصديق لى عايش ومقيم فى السعودية اسمو Honda Primo Group Jiddah يعشقو الهوندا سيفيك وبالنسبة لهم احسن من اى سيارة اخرى وخاصة الموديلات من 95 الى 2010 مع التعديلات واختلاف الفئات وفى منهم بيعمل DRAG RACE مع Super Cars وبيصور دة ايضا

[mahmoud_afifi]

السعوديه مش مقياس لعربيه يا محمود باشا
هناك فى السعوديه بيهتموا بلهوندا فوق ال 2000 سى سى مثال الاكورد
^_^

يمكن السعوديين مابيهتموش بالثبات زينا عشان الطرق هناك كويسه ومفهاش ملفات زي هنا. وحاليا بقوا بيختاروا العربيات الارخص زي الهيونداي لرخصها.
الاكورد انا ركبتها هناك موديل 2010 بس ال4 سيلندر مش ال6 مش فاكر كانت فل ولا نص فل (زي مابيسموها) انما عربيه وووهم تحس انك راكب مرسيدس من حيث الفخامه اما بالنسبه للوسع تقريبا نفس وسع السيفيك ومفهاش فتحة تكييف ورا. يعني تقريبا مفيش اختلاف كبير بينهم ومع ذلك بيفضلوها عن السيفيك.

سوق العربيات في السعوديه مابيمحصوش في العربيات زي ما احنا بنعمل هنا قبل ما نشتري هههههههههههه

[ahmedeihab]

يمكن السعوديين مابيهتموش بالثبات زينا عشان الطرق هناك كويسه ومفهاش ملفات زي هنا. وحاليا بقوا بيختاروا العربيات الارخص زي الهيونداي لرخصها.
الاكورد انا ركبتها هناك موديل 2010 بس ال4 سيلندر مش ال6 مش فاكر كانت فل ولا نص فل (زي مابيسموها) انما عربيه وووهم تحس انك راكب مرسيدس من حيث الفخامه اما بالنسبه للوسع تقريبا نفس وسع السيفيك ومفهاش فتحة تكييف ورا. يعني تقريبا مفيش اختلاف كبير بينهم ومع ذلك بيفضلوها عن السيفيك.

سوق العربيات في السعوديه مابيمحصوش في العربيات زي ما احنا بنعمل هنا قبل ما نشتري هههههههههههه

هناك يا كبير عايزين عربيه يجروا بيها و خلاص
علشان التفحيط انت عارف طبعا
و الدريفتنج على السرعات العاليه
هما عايزين كده مش اكتر من كده
و هما اصلا بطيخ فى بطيخ محدش فاهم حاجه اساسا
اكل و مرعه و قله صنعه
فلوس و ينزل يشترى عربيه بتجرى و شكرا على كده
^_^

[mohamedkordy]

الله اكبر دا ايه الحقد دا يا جدعان هوا فى ناس كدا

[devil_storm]

تقرير حيادى جدا و مجهود اكثر من رائع

السيفيك مبالغ في سعرها جدا اكثر من الالنترا كمان وللاسف لا تحسسك بذلك نهائيا !

كلام حقيقى سعر غير طبيعى على خمات بلاستيك سيئة ذى خامات الالنترا فئة gl و لكن خامات الالنترا الفولى لودد افضل منها بمراحل و كلها جلد رائع.

لما تبقى متعود من شركة انها تعمل خامات كلها جلد من اول العربية لاخرها , لما تبقى متعود ان العربية يبقى شكلها سابق عصرها بعشر سنين وعمر شكلها مابيقدم وتحب تبصلها بالرغم من مرور فترة من الزمن , لما تلاقى ثباتها فظيع وبينافس الالمانى بجدارة

كل دة مش هيحسة غير اللى ركب سيفيك مش هقدر اقول غير كدة , لانة دايما عايز الاحسن وهية دية السيفيك اللى اتعودنا عليها

سمسم من فضلك خليك حيادى فى كلامك و بلاش التعصب بالشكل ده... شكل ايه اللى سابق لعصره!!! يا باشا لما الالنترا 2012 بتمشى جنب السيفيك بحس ان الالنترا سابقة السيفيك بى 10 سنين انا سوقت العربية دى كتير هى و الالنترا و عارف انا بقول ايه كويس و ده بعد تجارب كتير جدا... الالنترا 2012 بتدى كل حاجة تتمناها فى العربية بسعر الى حد ما مقبول بس طبعا اعتمادية الهوندا لا يعلى عليها.


شوف مميزات الالنترا, كلامى على فئة فولى لودد:
ثبات ممتاز - فرامل ممتازة - فتيس 6 سرعات باستجابة سريعة جدا جدا - عوامل امان - كماليات بالهبل - جوده خامات ممتازة و كلها جلد و افضل من كل اليابانى 2012 المنافس (كورولا - سيفيك - لانسر شارك - مازدا) - استهلاك بنزين ممتاز - تسارع ممتاز - شكل سابق لعصرة و فضائى - صالون واسع جدا - سيارة ناعمة و باور ممتاز - اسعار قطع غيار كويس - سعر اعادة بيع ممتاز - سهولة توافر قطع الغيار - انتشار مراكز الصيانة فى كل مكان - سيارة اعتمادية و قليلة الاعطال و قليلة المشاكل .....

بجد صفقة ذكية جدا و هيونداى بصراحة بقى فيها ابداع فى موديلاتها الجديده و بجد يترفعلها القبعة...

[OMAR61995]

مع احترامي كلام حضرتك مش مظبوط و على ال 1800 بتاع برة .

الانترا فراملها بتقوفها قبل السيفيك و المازدا 3 .. و ده مش كلامي .. ده كلام MotorTrend وهو موقع امريكي مشهور.


[/COLOR][/LEFT]

تسارع الالنترا 2012 ال 1800 من صفر الى مائة :
9.4 ثواني بينما السيفيك في 9.3 ثانية ( ال 1800 برده)

تعالى للتقييم العام !
الكروز ضد السيفيك ضد الالنترا كلهم مواصفات امريكية 1800 سي سي.

الانترا تفوقت !!
وبرده مش كلامي !



ده كلام InsideLine من اشهر المواقع الامريكية برده.
2012 Honda Civic vs. 2011 Chevrolet Cruze vs. 2011 Hyundai Elantra Comparison Test

أنا قلت أن بالرغم أن الالنترا موتورها أقوى ب8 حصان السيفيك حققت تسارع أعلى ب0.2 ثانية
و فى الربع ميل جابت سرعة أعلى
و عوامل الأمان فى فرامل الانترا قليلة بالنسبة للسيفيك
يبقى ازاى تاخد درجة أقل فى الأداء ؟
و لو على الأداء من هوندا فالcivic Si موجودة سيدان و كوبيه بس أغلى
و كمان الالنترا الفولى لودد فى مصر الفرامل اللى ورا طنابير !!

[Kareem.ElAraby]

متابع !

[mody3on]

أنا قلت أن بالرغم أن الالنترا موتورها أقوى ب8 حصان السيفيك حققت تسارع أعلى ب0.2 ثانية
و فى الربع ميل جابت سرعة أعلى
و عوامل الأمان فى فرامل الانترا قليلة بالنسبة للسيفيك
يبقى ازاى تاخد درجة أقل فى الأداء ؟
و لو على الأداء من هوندا فالcivic Si موجودة سيدان و كوبيه بس أغلى
و كمان الالنترا الفولى لودد فى مصر الفرامل اللى ورا طنابير !!

مين قال ان عوامل الامان في الالنترا اقل من السفيك
حضرتك تعرف ان الالنترا اعلى عربية فيها عوامل امان في فئتها اصلا ؟!!
( في بره طبعا عشان معندهمش غبور الامور )
وبعدين انت بتقارن ال si بالالنترا العادية ؟ شوف دي بكام ودي بكام ( وبسعرها اصلا تجيب حاجات احسن منها 100 مرة )

[mahmoud_afifi]

هناك يا كبير عايزين عربيه يجروا بيها و خلاص
علشان التفحيط انت عارف طبعا
و الدريفتنج على السرعات العاليه
هما عايزين كده مش اكتر من كده
و هما اصلا بطيخ فى بطيخ محدش فاهم حاجه اساسا
اكل و مرعه و قله صنعه
فلوس و ينزل يشترى عربيه بتجرى و شكرا على كده
^_^

ههههههههههههههههههههههههه
امال نقارن بمين طيب ؟
نقولكم امريكا تقول لأ نقولكم السعوديه تقولوا لأ .. اخخخخ منكم يا بتوع هوندا هههههههه

[ahmedeihab]

ههههههههههههههههههههههههه
امال نقارن بمين طيب ؟
نقولكم امريكا تقول لأ نقولكم السعوديه تقولوا لأ .. اخخخخ منكم يا بتوع هوندا هههههههه

قارن فى السوق الاوروبى و الاسيوى بجميع بلاده سيبك انت من الدول العربيه مبتأكلش عيش
^_^