التقييــــم الشامـــل لهيونداى النتــــرا 2012 ومقارنتها مع هـــوندا سيفـيـــك 2012

[mody3on]

وبعدين خد بالك , الاعتمادية دي ملهاش علاقة بياباني وكوري , ليها علاقة بتويوتا تحديدا اللي بتحط الاعتمادية وال Long-Term Use في اول متطلباتها وبعد كده تشوف هتعمل ايه , لان ده العامل اللي الشركة قايمة عليه , بتحصد دلوقتي المليارات باقل مجهود في عربياتها بسبب السمعة اللي عملتها في 30 سنة

[Hosam_Optrawy]

اكيد الاعلان مش كل حاجة بس انا كشخص ماكتشفتش ان الهوندا سيفيك نزلت السوق المصري الا يمكن بعد مانزلت باكتر من تلت او اربع شهور !! وده لاني مش متابع وفيه ناس كتير كدة

في حين الالنترا ماشاء الله من قبل ماتنزل واعلانتها مغرقة الدنيا ! مش بقول طبعا انه السبب بس ده عامل وعامل قوي كمان

تمام بس انا كان قصدى ان الاعلان مش كل حاجه ومش من اهم العوامل لان عندك مثلا الكارينز الفانتازيا الفلوونس عربيات مبتعملش اعلانات كتير ومع ذلك مبيعاتها كويسه رغم انها ماتعتبرش رخيصه

ماشي يبقى لما الناس بتشتري العربية عشان متطلباتهم - كشعب مصري - موجودة في العربية يبقى ده مش معناها انها - كعربية - احسن من عربية تانية ماحققتش نفس المبيعات

مايمكن لو السيفيك نزلت بكماليات وسعر الالنترا !! سعتها تكتسح الالنترا !! ؟ فرق 50 الف في السعر مش قليل وانا مستغرب ازاي نقارن مابين عربيتين الفرق مابينهم داخل على ال 50 الف جنيه

اكيد ودا اللى باتكلم فيها السعر مقابل القيمه هاتاخد ايه بكام وهل الفرق الفنى بين العربيتين = 50 الف ؟ وهل كل عربيه تستاهل سعرها الحالى ولا لأ

انا اوضح لحضرتك اكتر

ماينفعش مثلا اقارن الالنترا بالكورولا لمجرد ان الاتنين سعرهم قريب من بعض !! زي بالظبط ماهو ماينفعش اقارن الياريس او السيتي بالسيراتو !! ؟ ماهما الاتنين في رنج ال 135 الف !؟

انا كشخص لما ادفع 170 الف في الكورولا فقيرة الكماليات هدفعهم وانا مطمن وعارف انا حاطط الفلوس فين !! وده بالنسبة ليا احسن مليون الف مرة مادفع نفس المبلغ في الانترا ماليان كماليات واوبشنز وانا مش ضامن العربية دي بعد 4/5 سنين حالتها هتبقى عاملة ازاي ؟

اولا مفيش داعى لكلمة حضرتك

انا مابقارنش بالسعر باقارن بالفئه , والكورولا والالنترا فئه واحده حتى لو الكورولا بربع مليون والالنترا ب 50 الف والعكس

موضوع انك حاطط فلوسك فى مكان مضمون دى نظريه احترمها وبتختلف من شخص لاخر لان بنفس النظريه انا اوفر شويه واجيب النترا ب 130 الف نفس كماليات الكورولا اللى ب 170 او اجيب اللى ب 150 وادلع نفسى وابقى برضه وفرت واحافظ عليها وهاتعيش زى الكورولا لان فرق الاعتماديه مبقاش زى زمان

لا يا باشا انا مش مع حضرتك ابدا

معلش اسمحلي الكوري لحد دلوقتي ماوصلش لاعتمادية الياباني والكورولا مازالت العربية الاولى الاعتمادية في العالم

ولو بالتجارب مش هنروح بعيد هقول لحضرتك افتح الموضوعين دول

http://www.nilemotors.net/Nile/285110-40-000-a.html

http://www.nilemotors.net/Nile/282120-40000-2007-a.html

ده تقرير صيانة ال 40.000 لعربيتي الياريس وعربية كريم فوزي الالنترا Md

العربيتين موديل 2007 والاتنين عاملين 40 الف كيلو والاتنين متغيرش فيهم حاجة من سعت مالعربيتين اتجابو

شوف قطع الغيار طالعة من عندي عاملة ازاي وطالعة من عربيته عاملة ازاي !!؟

قارن مابين حالة العربية عندي وعنده قبل وبعد الصيانة !! ؟

انا عايز اقول لحضرتك اني اول ماعملت الصيانة عارف لما تبقى لسه عامل حاجة جديدة - وحاسس ان العربية بقت احسن وانعم واهدى - مجرد الاحساس اللى بيجيلك اول مابتغير حاجة

بعدها حسيت العربية طبيعي وزي الاول ومافيش اي فرق نهائي !! بالعكس ده انا كمان ندمت اني غيرت البوجيهات والسير لان مافيش اي فروق نهائي واللى طلعو من العربية شكلهم لسه فيهم يشتغلو تاني وماقالوش لاء

مع العلم اني يوم ماببقاش ماشي هادي بكون بنقل عند 4000 Rpm ! ومع الجري مش بنقل الا لما الماتور يفصل عند 7000 وده الطبيعي بتاع سواقتي !! ومش هحكيلك عن ال Drift اللى كنت قبل كدة بعمله بشكل يومي

يعني مافتكرش ان ممكن يكون فيه حد سواقته اصعب من كدة !!

يمكن الحاجة الوحيدة اللى كانت فعلا محتاجة تتغير عندي هي فلتر البنزين وده برضوا مش عشان حاجة لا !! ده عشان انا ماكنتش بحط بنزين الا لما اللمبة تنور ومع ازمة البنزين اللى فاتت الدنيا ضربت

بلاش ده

هات اي واحد معاه الانترا سوا شكل جديد او قديم وبقالها معاه اكتر من سنتين تلاتة ومش بيعملها الصيانة بتاعتها وقارنها مابين واحد معاه نفس الموديل وبيعملها الصيانة بتاعتها !! هتحس انك ركبت عربية تانية

في المقابل جيب كورولا بقالها 5/6 سنين ماشية على الطريق من غير صيانات ولا اي حاجة وكورولا تانية بيتعملها الصيانة بتاعتها !! ؟ ان لقيت فرق هيبقى طفيف

ده الفرق في الاعتمادية وجودة قطع الغيار الاستهلاكية

الكورى وصل لاعتمادية اليابانى وعداها بقاله كذا سنه والتقارير موجوده على JD Power

دا موضوع كنت عامله عن تقارير السنه دى 2012 شوفها وقوللى رأيك

http://www.nilemotors.net/Nile/267358-2011.html

دا السنه دى بس لكن فى تقارير تانيه متفوقه فيها هيونداى فى السنين اللى فاتت برضه

ومين قال ان الكورولا اقل فنيا من اللى في فئتها ؟ ؟

الكورولا كماتور معروفة انها من اقوى العربيات ال 1.6 اللى في السوق

الثبات كان عليها كلام بالنسبة للشكل القديم بس الشكل الجديد ثباتها معقول وماينفعش يتقال عليها ضعيفة في الثبات

كعفشة عالية عن الارض ومش بتحك في المطبات وطبعا مش هحكيلك عن نعومة وراحة الكورولا لانها غنية عن التعريف

الهاندلنج بتاع العربية ممتاز والباور الكهرباء اللى فيها هايل

الكماليات والاوبشنز اللى فيها معقولة

كسعر اعادة بيع وقطع غيار متوفرة ومافيش فيها مشكلة

ايه اللى يخليها بقى فنيا اقل من اللى في فئتها ؟؟

معظم الى قيموها وجربوها وامتلكوها قالوا كدا

موتور 122 حصان عزم 154 بيطلع متأخر جدا 5200 Rpm يعنى فى مواتير زيه وافضل منه لو اتكلمنا على النترا

فتيس 4 سرعات , الجديد دلوقتى المفروض كله 6

عفشه تورشن بيم مش ملتى , هى ناعمه بس على حساب الثبات

ثبات ضعيف

كماليات مفيش

شكل سئ والقادم اسوأ

والاهم من دا كله السعر

[Hosam_Optrawy]

حاجة اخيرة :

معلش اسمحولي بس سؤال !! دلوقتي السيفيك ب حوالي 190 الف الالنترا الفول لودد 156 الف

فرق 40 الف جنيه !! بالتالي كل عربية فيهم في شريحة غير التانية

سعر السيفيك دخلها في المقارنة مع الفانتزيا والجيتا والفورد فوكس !! ماينفعش مع الالنترا لان بالمنطق

اللى مستعد يدفع 200 الف في عربية وفكر في السيفيك هيفكر معاها في الفانتزيا والجيتا والفوكس مش هيفكر في الالنترا اللى ارخص منهم بحوالي 40 الف جنيه

كذلك اللى معاه 150 الف وبيفكر في الالنترا مش هيفكر في السيفيك لانه مش هيقدر على تمنها !!

انا بتكلم دلوقتي كشخص معاه فلوس وناوي ينزل يشتري اكيد المقارنة دي مش هتبقى موجودة في حساباته نهائيا

هى فى شريحه سعريه مختلفه لكن مش فى فئه مختلفه , يعنى اللى عايز يدفع 40 الف زياده عشان هى يابانى او هوندا او موتور اقوى شويه ولا اثبت شويه ولا ولا , هو حر بيشوف اللى محتاجه من وجهة نظره , لكن العربيتين كفئه حجميه متساويين راس براس

لو بنتكلم فى السعر بس فمحدش بيوصل 190-200 ويفكر فى سيفيك المعظم بيتجه للاوروبى فوكس جيتا فانتازيا , او يعلى بالفئه ويركب C5 او 508 او باسات , او يركب هاتش باك او Suv كل واحد ودماغه

[Mohamed.Ramah]

["]-انا عاوز اوضح نقطة يمكن اغفل عنها الكثير مش كل المستهليكن فى مصر بيتجهو للكورى لانة افضل من اى سيارة اخرى بالطبع لا وكلنا محتاجين نركب سيارات افضل حتى من اليابانى لاكن سعرا ايضا فى متناول الجميع

-مش من الذكاء تسويق سيارة حصدت عدة تقييمات اقل من مثيلاتها الكورى ومع ذلك تباع بسعر عالى بالنسبة لكل السيارات فى السوق المصرى عموما

-مش السعر العالى هو البيحدد السيارة تتقارن باية او تقيم مع مين النصب الهنا بيحسسنا ان العربية دة بسعرها دة متتقارنش الا بالمانى دة بالنسبة للكل مش بتكلم على الهوندا تحديدا وفى سيارات تباع بسعر اقل من قيمتها لثقافة سوق

-مش مقياس مدى انتشار او قلة انتشار سيارة ودة نرجع للسبب الاول ولاكن السيارة منتشرتش اصلا لانها سعرا مبالغ فية وامكانيات لا تليق باسم الشركة وهنا اقصد هوندا يبقى دة عمرها ما حتحقق مبيعات زى مثيلاتها فى نفس الفئة سواء كورى او يابانى

-فى النهاية اهم شىء ان كل من اشترى او مقبل على شراء ويشعر برضاء تام لسيارتة وهو فضلها وادرى لاحتياجاتة ومش مطلوب مننا اننا نقولهم الاشترى كورى يبانى المانى صينى هندى دة بلاش او انتو لا مش فاهمين اوى او لا منعرفش مين اليدفع المبلغ العالى دة فى عربية متستاهلش كل الكلام دة قليل الاهمية ولايفيد بشىء الاهم والفيصل النهائى دائما هو التقييم بموضوعية واى كلام اخر دة راى شخصى يعبر عن فكر صاحبة ولاكن ياريت بموضوعية وبدليل

[/

[SAMEH_FOUAD]

السلام عليكم
مش لدرجة مراحل يا استاذ سامح فين المراحل دى , ياريت مانديش الحاجه اكبر من حجمها خصوصا اننا بنتكلم فى فئه من العربيات الفروق بينها مش مراحل ولا حاجه وكل واحده ليها عيوب ومميزات , والسيفيك ممتازه ومن افضل العربيات اليابانى بس هى مش اكورد عشان نقول مراحل

وعليكم السلام ياباشا

انا ركبت الاتنين وفعلا لقيت فرق فى الثبات على السرعات كبير , فرق فى التجميع خصوصا بعد ال140 ( كلامى طبعا على موديل 2010 ) فرق الخامات لصالح السيفيك + مواصفات الامان

ماشى اللى بيركبوا كورى مش فاهمين وعشان رخيص وعلى اد ايديهم , طب واللى بيشترى يابانى عشان الماركه او العلامه بس هو دا اللى فاهم ؟

انا ماقولتش ان اللى بيركب الكورى بيشترية عشان مش فاهم لا سمح الله , بس احنا كل اختلاف وجهات النظر مابينا مش على العربية اكتر من الخلاف على المبالغة فى اعطاء انطباع انها لامبورجينى مش النترا + انتوا مقتنعين انها افضل قيمة مقابل السعر

على فكرة طلعلى كدة عيوب السيفيك اية ؟ وساعتها هتعرف يعنى اية بنشترى يابانى عشان العلامة , وبعدين اليابانى درجات مش مثلا هتجيب هوندا زى سوزوكى

طب هانبعد عن الكورى ( النترا - سيراتو ) ومعظم اليابانى طب هانجيب ايه وبكام ؟ فى نقطة مهمه جدا فى الشراء بيتاخد بيها فى كل دول العالم , القيمه مقابل السعر , دفعت كام اخدت بيه ايه

معلش ياياشا الاسعار دية فيها اخطاء + ان بردة الكماليات فيها اخطاء

ب 132,500 فئة GL فيها 2 ايرباج و ABS

ب 138,500 فئة HighLine فيها ايرباج و ABS وجنوط وفتحة سقف

الفئة دية تمنها 138 الف جنية ومافيهاش abs ولا جنوط رياضية ولا فتحة سقف

ب 144,000 فئة GLS فيها 2 ايرباج و ABS وجنوط وباركنج سنسور وحساس مطر وتكيف اوتوماتيك مش فاكر ايه تانى

والفئة دية مافيش فيها حاجة ب144 الف خالص , هو فية فئة ب 141,500 ودية مافيهاش غير airbag واحدة بس وبدون abs

والتانية ب147 ودية بردة مافيهاش غير airbag واحدة

الصراحة توزيع غريب للاوبشن واول مرة اشوفة فى عربية

فولى لودد ب 156


الفولى لودد ب 159 الف جنية

طب ودهان السيفيك ؟ والعزل ؟ وتزييق البطاحات ؟ مش دى برضه عيوب اشتكى منها ملاكها مش انا

دهان السيفيك ممتاز , العيب اللى فى السيفيك ان الاكصدام لما بياخد خبطة بيطق على طول من الكلبسات , العزل كويس جدا بس مشكلتة مع الاسفلت المحبب بيكون صوت الكاوتش مسموع واعتقد دة هتلاقية فى اى عربية لكن اللى غريب انك تسمعة على طريق اسفلت عادى ودة مش موجود فى السيفيك , تزييق البطاحات ياة ياباشا دة كان عيب فى 2007 واول 2008 واتحل خلاص وكمان عشان ماننساش وعلبة الدركسيون والقاعدة كل دة اتحل تماما فى موديل 2009-2010 وبقت السيارة لا يوجد منها اى مشاكل

جميل جدا طيب لما احب اركب سيفيك اعمل ايه لازم اجيب مستعمل ؟ فين الجديد بتاع الهوندا ( اللى خيب امال الكل ) وحتى لو قبلت بالجديد واقتنعت بيه هل فرق السعر منطقى ؟

ماشى انا معاك ان الجديد بتاع السيفيك جاء على غير المتوقع , وانا ماقولتش لازم تشترى سيفيك دية حرية اختيارك

وحتى لو افترضنا ان فى سيفيك VTi جديده ب 190 ينفع يبقى الفرق دا وهل تستاهل تمنها

اكيد طبعا مغالى فى تمنها بس شوف انت واخد اوبشن امان قد اية يكفيى كدة ان الانظمة دية اساسية فىة كل فئة

( abs- 2 airbag - ebd - immobliazer - cruise conntrol ) دية انظمة امان لا غنى عنها فى اى شركة بتحترم العميل ( وبعدين غبور ماعليهوش كل اللاوم لان المفروض ان يكون فية رقابة من الشركة الام وهية فعلا لو يهمها امان العملاء كانت خلت الانظمة دية standard فى كل عربياتها مع ارتفاع اسعارها

ولا السيفيك ولا السيتى مبالغين فى اسعارهم ؟؟؟!!

ماشى مبالغين فى سعرهم بس مدينك كل اللى تحتاجة + كمان اداء واعتمادية وثبات ومحرك

اولا مينفعش نجيب سيرة السيتى مع الالنترا دى تتقارن بالاكسنت

انا مادخلتش حاجة mody3on هو اللى دخلها وانا رديت علية

وبعدين محدش بيجبر حد يشترى الالنترا من غير وسائل امان الزبون هو اللى بيختار , عندك حوالى 10 فئات منهم 4 فيهم وسائل امان اساسى 2 ايرباج و ABS بسعر يبدأ من 132 , ايه المشكله فى السعر ؟ وفين البديل الافضل

عشان الزبون مش هيدفع 160 الف جنية فى عربية كورى وقدامة فئات تانية اشد واحسن بكتير واغلى حاجة بسيطة الا بقى اللى غاوى وبيحب الكورى , لكن فعلا انا نادرا مابشوف الكاملة ماشية فى الشارع
هو الفطيم بيجيب نفس اوبشنز وكماليات ومواصفات امريكا ماعدا الموتور بس ؟

لو الفطيم نزل السيفيك اللى بتنزل برة بالاوبشن والكماليات اللى نزلت برة هتعدى تمنها ال230 الف جنية وساعتها هتفشل , لكن الفرق مابين الخارج وهنا هو فقط الاوبشن الزيادة غير كدة كل حاجة زى ماهية , لكن المواصفات طبعا بنفس الجودة انا ركبت السيفيك الامريكى كانت تحفة وكلها اوبشن بس كقيادة واحدة طبعا بخلاف المحرك اقوى

[mody3on]

( abs- 2 airbag - ebd - immobliazer - cruise conntrol ) هما دول مش موجودين في الفولي لودد ؟ انا برضه مش فاهم انت ازاي مقتنع ان عربية زي السيفيك هي اللي افضل قيمة مقابل السعر , على فكرة الفولي لودد ب 156 لان في خصم 3000 جنيه , هاتلي عربية ب 155 الف وفيها اللي في الالنترا , وكمان مقتنع ان السيفيك عربية من غير مشاكل , ومصر تقارن بين عربية قديمة وعربية جديدة مع ان الجديد بتاع هوندا زبالة , معنى كده ان هوندا شركة كويسة وهيونداي تعبانة ؟ , وعلى فكرة لو قاعد في بلد نضيفة كانوا هيجبروا غبور يجيب العربية بمواصفات امان standard مش يخلوها اوبشن , السيفيك اللي ب 200 الف بتديني ايه مقابل السعر ده مش موجود في المنافسين ( النترا-فوكاس) اللي ارخص منها ب 45 الف ؟ , الزبون لو معندوش عقدة الكوري هيشوف انه ب 156 الف ياخد امكانيات مش موجودة في المنافسين , وبعدين هي 45 الف دي حاجة بسيطة ؟ دي تجيب عربية تانية لانوس ولا فيرنا !!!
وبعدين السيفيك في امريكا بتنزل بمواصفات امان اعلى و 6 ايرباج , على اساس ايه مش فاهم تنزل ب 230 الف والمنافسين ب 155 الف ؟ ليه هي باسات ؟
قول الالنترا لا تصل لمستوى الالماني ( فوكاس - جولف ) مش تقولي لا تصل لمستوى السيفيك !
شوف المقارنات اللي حطيتها فوق وقولي مين اللي لا يصل لمستوى مين

[mody3on]

انا عن نفسي صعب يكون قدامي مستعمل بقاله سنتين وزيرو واختار المستعمل , لو مستعمل بمستعمل السيفيك احسن من الالنترا القديمة بس اغلى مش اقل من 40 الف
انما لو قارنت زيرو بزيرو , مستحيل تكون السيفيك اللي ب 200 الف احسن قيمة مقابل السعر , وفر 45 الف وهات النترا , وفر 20 الف وهات فوكاس "الماني" , عربية شكلها من اوحش تصميمات العربيات خصوصا من ورا عاملة زي العربيات الصيني , انا مش فاهم ايه الابداع في هوندا العظيمة لما بعد سيفيك 2010 تعمل السيفيك الجديدة دي , ولسه برضه هوندا خارقة ومينفعش نقارنها بهيونداي , الكلام ده كان من 5 سنين , شوف الاجيال الجديدة وانت تعرف الفرق , الشركة الوحيدة مع تويوتا اللي بتعمل عربية جديدة بتتاخر فيها عن القديمة , شوف التطور بين السيفيك القديمة والجديدة والتطور بين الالنترا القديمة والجديدة هتعرف الكسل والافلاس الفكري بتاع هوندا وتعرف قد ايه هيونداي عملت تطورات في عربيتها , شوف كمان ال interior بتاع الاتنين , لما ركبت السيفيك في معرض عربيات وحطيت المفتاح تلاقي العربية كلها بتنور ولا اكنك في مركبة فضائية , شوف الاوبشن اللي بتقدمه السيفيك , هي يستحق يخليها ب 200 الف ؟ , معاك انها فعلا احسن في وسائل الامان في الفئات الاولى فعلا وانا قلت كذا مرة ان ده عيب من غبور والبلد والشركة الام , ولكن اعلى فئة في الاتنين متقاربة في وسائل الامان ما عدا ال vsa وده تتفوق فيه السيفيك , شوف الكنبة الخلفية ووسعها وقارن بين الاتنين , الالنترا اوسع بكتير ما عدا ال headroom في الاتنين وحش لان السقف مايل ورا والجولف-الجيتا احسن في الموضوع ده لان سقفهم مش مايل , ماشي الهوندا تتفوق في الثبات فعلا ورياضية نوعا ما , ولكن بالنسبة ليا ده مش سبب كافي اني ادفع 40-45 الف جنيه زيادة اللي هما في رايك (حاجة بسيطة) , وعلى فكرة كراسي الهوندا مش مريحة اوي زي ما انت بتقول يعني , وخامات بلاستيك في كل حتة , انا عايزك تجيبلي سيفيك 2012 اعلى فئة والنترا 2012 فولي لودد وتقارن بين الخامات في الاتنين , كعزل السيفيك برضه مش التوب في الحتة دي , ده غير ان السيفيك مفيهاش حامل اكواب لا قدام ولا ورا , وكمان فتيس مش ستيبترونيك , شوف بقى الكماليات في الالنترا فرش جلد-بصمة-start&stop-فتحة سقف-اشارات في المرايات-تكييف اوتوماتيك ( تاتش)-مثبت سرعة-دركسيون telescopic- حساس نور-حساس مطر-بلوتوث-فوج لايت-جنوط سبور-سنسور بارك او كاميرا خلفية , الاوبشن ده مش موجود في اي اوروبي او ياباني تحت 155 الف جنيه , السيفيك اللي ب 200 الف : طارة ملتي , مثبت سرعة , شاشة معلومات , جنوط وفتحة سقف !!!!

[SAMEH_FOUAD]

( abs- 2 airbag - ebd - immobliazer - cruise conntrol ) هما دول مش موجودين في الفولي لودد ؟ انا برضه مش فاهم انت ازاي مقتنع ان عربية زي السيفيك هي اللي افضل قيمة مقابل السعر , على فكرة الفولي لودد ب 156 لان في خصم 3000 جنيه , هاتلي عربية ب 155 الف وفيها اللي في الالنترا , وكمان مقتنع ان السيفيك عربية من غير مشاكل , ومصر تقارن بين عربية قديمة وعربية جديدة مع ان الجديد بتاع هوندا زبالة , معنى كده ان هوندا شركة كويسة وهيونداي تعبانة ؟ , وعلى فكرة لو قاعد في بلد نضيفة كانوا هيجبروا غبور يجيب العربية بمواصفات امان standard مش يخلوها اوبشن , السيفيك اللي ب 200 الف بتديني ايه مقابل السعر ده مش موجود في المنافسين ( النترا-فوكاس) اللي ارخص منها ب 45 الف ؟ , الزبون لو معندوش عقدة الكوري هيشوف انه ب 156 الف ياخد امكانيات مش موجودة في المنافسين , وبعدين هي 45 الف دي حاجة بسيطة ؟ دي تجيب عربية تانية لانوس ولا فيرنا !!!
وبعدين السيفيك في امريكا بتنزل بمواصفات امان اعلى و 6 ايرباج , على اساس ايه مش فاهم تنزل ب 230 الف والمنافسين ب 155 الف ؟ ليه هي باسات ؟
قول الالنترا لا تصل لمستوى الالماني ( فوكاس - جولف ) مش تقولي لا تصل لمستوى السيفيك !
شوف المقارنات اللي حطيتها فوق وقولي مين اللي لا يصل لمستوى مين

الالنترا فيها ebd مافيهاش

ومعلش ياباشا ماينفعش تقول على السيفيك زبالة ال2012 يعيبها فقط ( الشكل - الخامات - الاوبشن اللى اتشال والسيارة سعرها ارتفع غير كدة مافيش سيعنى مستواها عالى جدا بردجة بس احنا اللى مضايقنا فيها الحاجات دية واتعودنا من هوندا على ان العربية بتكون فى كل حاجة

- اشمعنى السيفيك نازلة اساسية فيها المواصفات دية

ياباشا معلش مع احترامى للشركات الاخرى انت بتحكم على تقدم شركة من اول ماتعملت على كل المنافسين فى 8 اجيال ناجحة جدا وممتازة , وجاى فى جيل واحد هوندا اخفقت فية وبدأ الكورى يشم نفسة ويسيطر امال ماكناش سامعين لية صوت الفئات التانية والسيفيك 2010 كانت مسيطرة على السوق بمعنى الكلمة ومافيش عربية عارفة تتكلم معاها كلمة لحد دلوقتى بالرغم من نزول 2012 وصدقنى السيفيك 2010 صفقة رابحة بكل المقاييس ومافيش حد بيندم انة اشتراها

انا معاك ان السيفيك مغالى فى تمنها زى مالالنترا بردة مغالى فى تمنها

يعنى انا من وجهة نظرى السيفيك الكاملة اخرها 170 الف جنية ,

والbase line اخرها 140 الف جنية

الالنترا الفئة الفاضية اخرها 110 الف جنية

الفولى لودد اخرها 130 الف جنية

ال rb الفئة الاولى اخرها 80 الف جنية

ال high line اخرها 105 الف جنية

دة اللى المفروض يمشوا علية

وبعدين هما كفاية ثلاث فئات بس

base line , gls , fully loaded غير كدة يبقى استعباط واى مصلحة وخلاص عايز يطلعها

[SAMEH_FOUAD]

انا عن نفسي صعب يكون قدامي مستعمل بقاله سنتين وزيرو واختار المستعمل , لو مستعمل بمستعمل السيفيك احسن من الالنترا القديمة بس اغلى مش اقل من 40 الف
انما لو قارنت زيرو بزيرو , مستحيل تكون السيفيك اللي ب 200 الف احسن قيمة مقابل السعر , وفر 45 الف وهات النترا , وفر 20 الف وهات فوكاس "الماني" , عربية شكلها من اوحش تصميمات العربيات خصوصا من ورا عاملة زي العربيات الصيني , انا مش فاهم ايه الابداع في هوندا العظيمة لما بعد سيفيك 2010 تعمل السيفيك الجديدة دي , ولسه برضه هوندا خارقة ومينفعش نقارنها بهيونداي , الكلام ده كان من 5 سنين , شوف الاجيال الجديدة وانت تعرف الفرق , الشركة الوحيدة مع تويوتا اللي بتعمل عربية جديدة بتتاخر فيها عن القديمة , شوف التطور بين السيفيك القديمة والجديدة والتطور بين الالنترا القديمة والجديدة هتعرف الكسل والافلاس الفكري بتاع هوندا وتعرف قد ايه هيونداي عملت تطورات في عربيتها , شوف كمان ال interior بتاع الاتنين , لما ركبت السيفيك في معرض عربيات وحطيت المفتاح تلاقي العربية كلها بتنور ولا اكنك في مركبة فضائية , شوف الاوبشن اللي بتقدمه السيفيك , هي يستحق يخليها ب 200 الف ؟ , معاك انها فعلا احسن في وسائل الامان في الفئات الاولى فعلا وانا قلت كذا مرة ان ده عيب من غبور والبلد والشركة الام , ولكن اعلى فئة في الاتنين متقاربة في وسائل الامان ما عدا ال vsa وده تتفوق فيه السيفيك , شوف الكنبة الخلفية ووسعها وقارن بين الاتنين , الالنترا اوسع بكتير ما عدا ال headroom في الاتنين وحش لان السقف مايل ورا والجولف-الجيتا احسن في الموضوع ده لان سقفهم مش مايل , ماشي الهوندا تتفوق في الثبات فعلا ورياضية نوعا ما , ولكن بالنسبة ليا ده مش سبب كافي اني ادفع 40-45 الف جنيه زيادة اللي هما في رايك (حاجة بسيطة) , وعلى فكرة كراسي الهوندا مش مريحة اوي زي ما انت بتقول يعني , وخامات بلاستيك في كل حتة , انا عايزك تجيبلي سيفيك 2012 اعلى فئة والنترا 2012 فولي لودد وتقارن بين الخامات في الاتنين , كعزل السيفيك برضه مش التوب في الحتة دي , ده غير ان السيفيك مفيهاش حامل اكواب لا قدام ولا ورا , وكمان فتيس مش ستيبترونيك , شوف بقى الكماليات في الالنترا فرش جلد-بصمة-start&stop-فتحة سقف-اشارات في المرايات-تكييف اوتوماتيك ( تاتش)-مثبت سرعة-دركسيون telescopic- حساس نور-حساس مطر-بلوتوث-فوج لايت-جنوط سبور-سنسور بارك او كاميرا خلفية , الاوبشن ده مش موجود في اي اوروبي او ياباني تحت 155 الف جنيه , السيفيك اللي ب 200 الف : طارة ملتي , مثبت سرعة , شاشة معلومات , جنوط وفتحة سقف !!!!

لو عايز مقارنة مابين السيفيك 2012 والالنترا 2012 انا هاقولك الاتى :

1- المحرك : السيفيك اقوى

2- الثبات : السيفيك

3- الامان : السيفيك

4 - الشكل : الالنترا

5- الاوبشن : الالنترا

6- الاعتمادية : السيفيك

7- الوسع والراحة : الاتنين زى بعض تقريبا

8- التكييف : متقاربين

9- الخامات : الاتنين اصبحوا بلاستيك لما اركب الفولى لودد ابقى احكم لكن لحد الفئة اللى ب 147 الف بلاستيك

10- الارتفاع عن الارض : السيفيك اعلى ( الالنترا بتهبط جامد جدا )

11- العفشة : السيفيك انعم + نظام تعليق افضل

12- العزل : السيفيك والالنترا بردة كويسة يس ماوصلتش للسيفيك

13- استهلاك البنزين : الالنترا افضل بحاجة قليلة

14- الفرامل : لم تجرب بس فرامل الالنترا مستواها جيد بوجود ال abs من غير ال abs متوسط

دية مقارنة سريعة كدة

النتيجة النهائية :

* السيفيك : تفوقت فى 7 نقاط

* الالنترا : تفوقت فى 3 نقاط ( بدون نقطة خامات التابلوة للالنترا فاذا اصبحت احسن فهتكون النتجية 4 نقاط تفوق

التعادل : 4 نقاط

[mody3on]

طب ما ده اللي انا بقوله , الجيل اللي فات كان متفوق ومحدش يقدر يقول انه كان وحش , بس شوف الاجيال الجديدة وقارن انت ليه بتتكلم في الماضي , وبعدين برضه ما انا بقولك كل العربيات مغالى فيها , مهو لما الياريس ب 135 الف يبقى طبيعي الالنترا تبقى ب 155 الف
موضوع الفئات ده عيب فعلا في غبور بس انت ليك حق الاختيار , وهي مفروض تنزل بفئتين GLS-Fully Loaded بس هنعمل ايه في غبور

[CryptonX]

يا لهوي ... 11 صفحة من الرغي الازلي و الموضوع اصلا ليس لمقارنة السيفيك بالانترا ... سبحان الله !

ياجدعان خلاص .. الهوندا هي امريكا في العربيات و هيونداي دي التقليد الصيني بتاعها .. حتى سموا نفسهم هونداي تيمنا بهوندا و عملوا العلامة h تيمنا بهوندا و عملوا عنيهم ضيقة علشان يبقوا شبه اليابانيين !

وغلوا عربياتهم برده علشان يقلدوا هوندا !
وحاولوا حتى يبيعوا اكتر من هوندا وللاسف نجحوا وبقى رابع اكبر مصنع سيارات في العالم بينما هوندا في السابع.

بس طبعا ده ملوش دعوة المهم الثبات !

[devil_storm]

يعنى انا من وجهة نظرى السيفيك الكاملة اخرها 170 الف جنية ,

لفولى لودد اخرها 130 الف جنية

بردة!!! تانى!!! يعنى انت شايف ان الفولى لودد اللى خامتها انضف و اوبشن اكتر تستاهل 130 و الهوندا تستاهل 170 بفرق 40 الف!!!
على العموم انت تشوف اللى تشوفة و دى وجهة نظرك و تحترم... انا بقى شايف حاجة تانية و من حقى اقول وجهة نظرى و القرار الاخير للمشترى... انا شايف ان لو الالنترا الفولى لودد سعرها 130 الف يبقى السيفيك اعلى فئة بالكماليات اللى فيها لا تزيد عن 140 الف ... و بردة حسبها و حشترى الفولى لودد
لية علشان خامات الفولى لودد افضل و جلد - شكل افضل بمراحل - صالون اوسع بفارق كبير جدا- فتيس 6 سرعات باستجابة ممتازة - كماليات اكتر بكتير و تحسسك انك راكب فئة اعلى من الفئة دى - و اوفر 10 الاف هاهاها

على فكرة انا سوقت الاثنين كتير و اختلف معاك فى :

لو عايز مقارنة مابين السيفيك 2012 والالنترا 2012 انا هاقولك الاتى :

1- المحرك : السيفيك اقوى اختلف معاك محرك الالنترا اقوى

2- الثبات : السيفيك الله اعلم بس انا محستش بالفرق ده لما كنت بسوق لحد 180 و باخد غرز و الالنترا 2012 عليت شوية و ده حياثر على الثبات بجانب قاعدة عجلات الالنترا اكبر فيديها ثبات افضل.... اعتقد العربيتن متساوين فى التقطة دى.

3- الامان : السيفيك

4 - الشكل : الالنترا

5- الاوبشن : الالنترا

6- الاعتمادية : السيفيك

7- الوسع والراحة : الاتنين زى بعض تقريبا بجد دى نقطة الموسم هاهاها انت متاكد انك ركبت العربيتن؟؟؟ على فكرة الالنترا مصنفة من فئة mid size not compact يعنى فئة الاكورد و الكامرى و صالونها اوسع من الباسات و النيسان الماكسيما... ده مش كلامى و لو مش مصدق قولى و انا اجبلك الدليل.

8- التكييف : متقاربين

9- الخامات : الاتنين اصبحوا بلاستيك لما اركب الفولى لودد ابقى احكم لكن لحد الفئة اللى ب 147 الف بلاستيك خامات الفولى لودد افضل بمراحل

10- الارتفاع عن الارض : السيفيك اعلى ( الالنترا بتهبط جامد جدا ) مش شايف كدة و الالنترا الجديدة عالية و مش بتهبط ذى القديمة خالص.

11- العفشة : السيفيك انعم + نظام تعليق افضل

12- العزل : السيفيك والالنترا بردة كويسة يس ماوصلتش للسيفيك عزل الالنترا بردة ممتاز و السفيك مش افضل

13- استهلاك البنزين : الالنترا افضل بحاجة قليلة

14- الفرامل : لم تجرب بس فرامل الالنترا مستواها جيد بوجود ال abs من غير ال abs متوسط

دية مقارنة سريعة كدة
15- سعر اعادة بيع النترا افضل طبعا
16- توافر قطع الغيار و بسعر مناسب النترا طبعا
17- سهولة الصيانة و انتشار مراكز الصيانة النترا طبعا
18- value for money النترا طبعا
19- وسع الشنطة النترا طبعا
20- فتيس النترا افضل طبعا بفتيس 6 سرعات ستبترونيك و استجابة سريعة جدا



النتيجة النهائية :

* السيفيك : تفوقت فى 7 نقاط

* الالنترا : تفوقت فى 3 نقاط ( بدون نقطة خامات التابلوة للالنترا فاذا اصبحت احسن فهتكون النتجية 4 نقاط تفوق

التعادل : 4 نقاط

النتيجة النهائية اجمع كدة تانى:
الالنترا: تفوقت فى 12 نقطة
السيفيك: تفوقت فى 3 نقاط
التعادل: 5 نقاط

[AshTurbo]

انا بشوف المشاركات من بدري ومكنتش حابب اتكلمبس انا مش عارف انتوا بتجادلوا في ايه يعني مش كفاية هيونداي اصلا لما فكرت تشتغل راحت سرقت اول حرف من هوندا وشعارها كثر خيرهم انهم مخدهوش كوبي بيست

هيونداي كلمة كورية تعني الحداثة والعصرية .... ياريت متحرمناش من مشاركاتك المفيدة .

[AshTurbo]

ان كانت السوناتا اللي سعرها مقرب من نص مليون اتقسمت نصين بحادثة ال هيونداي ال وبيدافعوا عنها ولا كانها مصنوعة بمصر

دي بي أم دبليو أغلى من السوناتا على فكرة ومقسومة نصين عاااادي ولو عاوز أربع تربع في كمان ولو عاوز حتت نجيبلك بس عاوزك تدخل قسم قسم تقول أن البي أم كحيانة وبتتقسم نصين أتفقنا دة من باب العدل والأنصاف أنت راجل محترف يعني ومينفعش تبقى متحيز لعربية عن التانية .

[mody3on]

دي بي أم دبليو أغلى من السوناتا على فكرة ومقسومة نصين عاااادي ولو عاوز أربع تربع في كمان ولو عاوز حتت نجيبلك بس عاوزك تدخل قسم قسم تقول أن البي أم كحيانة وبتتقسم نصين أتفقنا دة من باب العدل والأنصاف أنت راجل محترف يعني ومينفعش تبقى متحيز لعربية عن التانية .

اوبا اوبا انت بتقارن بي ام بهيونداي اللي بتقلد هوندا اصلا لا لا لا يا عم البي ام صاج خرساني عمره ما يحصل فيه كده اكيد اكيد دي فوتوشوب