ليه بنقارن الكوري بالياباني وهو بيكسب الألماني

[Samir Elshahawy]

حضرتك ركبت يابانى اية اللى قعد معاك فترة طويلة ؟؟؟

وانا نفسى اعرف هيونداى اتقدمت فى اية نفسى حد يرد عليا كل مرة بتيجوا عند السؤال دة ومابتعرفوش تردوا

- تويوتا ياريس أوتوماتيك كاملة 2008 (من ديسمبر 2008 - حتي سبتمبر 2012)
- تويوتا كورولا جنوب أفريقي 2008 (من ديسمبر 2010 - حتي أبريل 2011)
- تويوتا كورولا ياباني 2010 (من أبريل 2011 حتي يونيو 2011)
- ميتسوبيشي لانسر 1300 أوتو (من أغسطس 2008 - حتي ديسمبر 2008)
- ميتسوبيشي لانسر 1600 مانيوال (شهر واحد في 2008)

أما هيونداي أتقدمت في أيه مش هأقدر افيدك لأني من ملاك هيونداي الجدد ماكانش معايا هيونداي قديمة علشان اقول لك الفرق في ايه لكن أنا باقارنها باللي كنت راكبهم قبل كده و علي السمع من الملاك القدامي اقدر اقول أنها أتقدمت في التالي :
- المحرك أكيد حصل فيه تقدم و تطور و ده حتي بيظهر بوضوح في محركات هيونداي بين طرازات جاما المختلفة
- العزل : أتحسن عن الموديلات السابقة
- الفرامل : حصل فيها تحسن كبير جدا عن الموديلات السابقة
- الثبات : مش هاقدر اقارنه بموديلات سابقة من هيونداي لأنه لاتتوافر لدي معلومات كافية لكن أقدر اقارن مابين الالنترا اللي معايا بموديلات تويوتا و ميتسوبيشي اللي كانت معايا برضه

[ahmedeihab]

يا بشمهندس سمير

الكلام اللى بتقوله ده عييييييييييب و حرااااااااااام

يا باشا كورى ايه اللى بياكل الالمانى و اليابانى

الكلام ده بجد يعنى انت مبتهرجش

اقدر اقولك الكلام ده غلط و ده بقا تحيز واضح للعلامه المايله بتاعتكوا

و والله يا باشا انت لو ركبت هوندا هتروح تدى هيونداى بل

و الله يا باشا فكرتنى بأعلانات هيونداى

يقولك الجينيسيس احسن من الفئه الخامسه

و الاغرب ان الناس بتصدق منهم ركيبيه الكورى حاليا

لكن طبعا هاتلى كده واحد كان راكب مثلا ( بى ام E30 ولا راكب هوندا EX مش هقولك SIR ولا واحد راكب لانسر كريستاله )

صدقنى يا باشا لو ركب الكورى و قعد معاه 5 ايام بحق

لانه فرق السما و الارض

و الاغرب بقا ان الكوريين بيعملوا فورمات لدماغ الناس اللى مش هنقول ركبوا عربيات فارهه

ينزلوا اوبشن كتير و خامات بلاستيك و بسعر رخيص بجانب انها مش معمره + ثبات غير متواجد + حاجات كتير تانى

و على فكره انا كرهت الكورى فعلا دلوقتى و انتوا اللى كرهتوا الواحد فيها من تحيزكوا ده و انكوا بتدوا العربيه اكتر من حجمها

^_^

[SAMEH_FOUAD]

- تويوتا ياريس أوتوماتيك كاملة 2008 (من ديسمبر 2008 - حتي سبتمبر 2012)
- تويوتا كورولا جنوب أفريقي 2008 (من ديسمبر 2010 - حتي أبريل 2011)
- تويوتا كورولا ياباني 2010 (من أبريل 2011 حتي يونيو 2011)
- ميتسوبيشي لانسر 1300 أوتو (من أغسطس 2008 - حتي ديسمبر 2008)
- ميتسوبيشي لانسر 1600 مانيوال (شهر واحد في 2008)

أما هيونداي أتقدمت في أيه مش هأقدر افيدك لأني من ملاك هيونداي الجدد ماكانش معايا هيونداي قديمة علشان اقول لك الفرق في ايه لكن أنا باقارنها باللي كنت راكبهم قبل كده و علي السمع من الملاك القدامي اقدر اقول أنها أتقدمت في التالي :
- المحرك أكيد حصل فيه تقدم و تطور و ده حتي بيظهر بوضوح في محركات هيونداي بين طرازات جاما المختلفة
- العزل : أتحسن عن الموديلات السابقة
- الفرامل : حصل فيها تحسن كبير جدا عن الموديلات السابقة
- الثبات : مش هاقدر اقارنه بموديلات سابقة من هيونداي لأنه لاتتوافر لدي معلومات كافية لكن أقدر اقارن مابين الالنترا اللي معايا بموديلات تويوتا و ميتسوبيشي اللي كانت معايا برضه

يعنى كلهم كورولا وياريس وميتسوبيشى

1- المحرك مافيش فية اى تقدم هو اللى نافع المحرك دة ان العربية وزنها خفيف وبتحسسك انك طاير وانت لسة على 40 كم بس

2- العزل ماشى اتفق معاك فى النقطة دية بس من 2007 زى ماهو ماتغيرش لكن قبل كدة معاك اتقدم فعلا

3- الفرامل اصبحت اسؤ من الاول ودة بقى عن تجربة ( حضرتك ازاى بتقول بقت افضل وانت مجربتش موديلات اقدم )

4- الثبات هو هو خفيفة على الطريق - دركسيون مية بعد 100 كم - ملفات مانصحكش - تنطيط بعد مطبات الهواء- اى فواصل بتعوم العربية من الخلف - عفشة ناشفة

5- خامات بلاسيتك مع ان الالنترا 2007 كان فيها جلد مضغوط كتيييييييير

6- التكييف ضعف مقارنة بالموديلات السابقة

7- قطع الغيار غليت مع انها نفس الكفاءة ان ماكنتش اسؤ

8- العربية وطيت على الارض ولسة محلوش مشكلة السوست الضعيفة

9- صوت الطريق اصبح واضح جدا بالرغم من انة كان اقل فى الموديلات السابقة

10- تمن العربية غلى 28 الف جنية مرة واحدة مابين اعلى فئة موديل 2010 ومابين اعلى فئة موديل 2012

قولى بقى فين التقدم

[i_Am_Legend]

الباشا اللي بيتريق علي عربيتي السمارا..ومش عجبة شركة لادا...العربية اللادا سماراا ..اثبت واحسن 1000 مرة من الهيونداي الاكسيل والاكسنت..وصاجها اتقل ...جرب تركب اللادا اللي مش عاجباك 1600 سي سي ..وبتكييف..وشوف الثبات علي الطريق والسحب ... والله السمارا لو دخلت في اكسيل ممكن تشيها اساسا..

[AshTurbo]

يا بشمهندس سمير

الكلام اللى بتقوله ده عييييييييييب و حرااااااااااام

عيب وحرام ؟ في أيه ياعمنا هو الراجل قال كلام قبيح يعني وأحنا مش واخدين بالنا ؟ أهدى كدة شوية علشان نعرف نتكلم .

[ahmedeihab]

عيب وحرام ؟ في أيه ياعمنا هو الراجل قال كلام قبيح يعني وأحنا مش واخدين بالنا ؟ أهدى كدة شوية علشان نعرف نتكلم .

يا باشا انا موجه كلامى لبشمهندس سمير الشهاوى

حضرتك النائب بتاعه و انا معرفش

اولا حضرتك انا بتكلم على ان الكلام اللى بيقوله مش تمام من ناحيه ان الكورى بياكل الالمانى

فا ازاى بنقارنوا بليابانى

بزمتك ده كلام يتقال مش عيب

^_^

[Samir Elshahawy]

يعنى كلهم كورولا وياريس وميتسوبيشى

1- المحرك مافيش فية اى تقدم هو اللى نافع المحرك دة ان العربية وزنها خفيف وبتحسسك انك طاير وانت لسة على 40 كم بس
كويس أوي ... منين كنت بتقول في مشاركات سابقة أن العربية مابتجريش و أن المحرك غير مناسب لوزن العربية و أن القدرة الزيادة للمحركات راحت في وزن العربية ؟؟


2- العزل ماشى اتفق معاك فى النقطة دية بس من 2007 زى ماهو ماتغيرش لكن قبل كدة معاك اتقدم فعلا
نقطة متفقين فيها


3- الفرامل اصبحت اسؤ من الاول ودة بقى عن تجربة ( حضرتك ازاى بتقول بقت افضل وانت مجربتش موديلات اقدم )
معايا الجيتز موديل 2007 و لو أن مافيش مجال برضه للمقارنة


4- الثبات هو هو خفيفة على الطريق - دركسيون مية بعد 100 كم - ملفات مانصحكش - تنطيط بعد مطبات الهواء- اى فواصل بتعوم العربية من الخلف - عفشة ناشفة
طيب أيه رايك أني بامشي من 120 الي 140 علي طرق السفر و اقري اول تقرير عملته عن العربية في طريق السخنة هتلاقي اني كاتب اني واخد ملفات علي سرعة 140 كم/ساعة
و علي الكباري و الفواصل لم أواجه مشاكل و ماشوفتش التنطيط اللي أنت بتقول عليه ده
أما موضوع العفشة الناشفة ده مش عارف أنت جبته منين ؟؟ بأقولك عفشة الألنترا الجديدة تحديدا زي الكورولا و بشهادة سبعاوي نفسه اللي ركب العربية و جربها

http://www.nilemotors.net/Nile/252045-a.html

5- خامات بلاسيتك مع ان الالنترا 2007 كان فيها جلد مضغوط كتيييييييير
عاجباني و بالمناسبة شوف السيتي الجديدة عملوا ايه في الخامات


6- التكييف ضعف مقارنة بالموديلات السابقة
أقرأ تقريري عن تكييف العربية
http://www.nilemotors.net/Nile/299232-md-3-a.html
و بالمناسبة أنا اقدر أقولك و بمنتهي الثقة أن التكييف اللي مش عاجبك ده أفضل من تكييف الباسات و الجيتا اللي كنا مشغلينه في نفس الظروف علي 3 و ماكانش عامل حاجة


7- قطع الغيار غليت مع انها نفس الكفاءة ان ماكنتش اسؤ
يبقي أنت ماشوفتش قطع الغيار لأنها مختلفة و أصبحت معمرة أكثر من الموديلات السابقة


8- العربية وطيت على الارض ولسة محلوش مشكلة السوست الضعيفة
ايه دليلك أنها أنخفضت ؟


9- صوت الطريق اصبح واضح جدا بالرغم من انة كان اقل فى الموديلات السابقة
غريبة مع أنك لسه قايل فوق في البند رقم (2) ان العزل أتحسن


10- تمن العربية غلى 28 الف جنية مرة واحدة مابين اعلى فئة موديل 2010 ومابين اعلى فئة موديل 2012
طبيعي يغلي لأن العربية أختلفت و أتطورت كمحرك و فتيس و كنترول


قولى بقى فين التقدم
و أيه رأيك في مبيعات هيونداي في مصر و أمريكا و دول الخليج (اللي كانوا مؤمنين بالياباني) , مش ده دليل علي التقدم و لا مش دليل ؟
و بالمناسبة فين تقدم هوندا ؟ ماشوفناش حاجة جديدة منهم و لما عملوا حاجة طلعت خايبة

[Samir Elshahawy]

يا بشمهندس سمير

الكلام اللى بتقوله ده عييييييييييب و حرااااااااااام

يا باشا كورى ايه اللى بياكل الالمانى و اليابانى

الكلام ده بجد يعنى انت مبتهرجش

كلام أيه اللي انا قولته و طلع عيب
ياريت تجيب المشاركة اللي أنا قولت فيها الكلام ده

و حتي لو قولت كده ... أيه العيب في ده ؟
و بعدين اي حد في هيونداي يقدر يرد حضرتك مش هاتحجر علي أراء الناس لأننا هنا في قسم هيونداي تيم واحد و مافيش فرق بيننا

و رمضان كريم

[ahmedeihab]

كلام أيه اللي انا قولته و طلع عيب
ياريت تجيب المشاركة اللي أنا قولت فيها الكلام ده

و حتي لو قولت كده ... أيه العيب في ده ؟
و بعدين اي حد في هيونداي يقدر يرد حضرتك مش هاتحجر علي أراء الناس لأننا هنا في قسم هيونداي تيم واحد و مافيش فرق بيننا

و رمضان كريم

احنا أسره مع بعضينا :d:d:d

يا باشا حصل خير

و رمضان كريم و الواحد زهق من كتر ما اننا بنقنعكوا ان الكورى ده لا يصلح للاستخدام الادمى

بس هنعمل ايه كل واحد راكب دماغه

^_^

[AshTurbo]

يا باشا كورى ايه اللى بياكل الالمانى و اليابانى

الكلام ده بجد يعنى انت مبتهرجش

اقدر اقولك الكلام ده غلط و ده بقا تحيز واضح للعلامه المايله بتاعتكوا

الواحد زهق من كتر ما اننا بنقنعكوا ان الكورى ده لا يصلح للاستخدام الادمى

بس هنعمل ايه كل واحد راكب دماغه

^_^

أنا عاوزك بقى تقولي تعليقك عالفيديو ده

IAA 2011 Hyundai new generation i30 and Martin Winterkorn (Chairman of the Volkswagen AG) - YouTube



ده رئيس شركة فولكس فاجن بنفس ذات نفسه جايب متر ياعيني وقاعد يجرب الهيونداي الألنترا هاتش باك الكوري وعمال يقيس ويحسس ويفعص هو والفريق بتاعه في العربية يبقى أكيد أكيد الراجل ده مبيفهمش وأنتو أحفاد هوندا وتويوتا ماشاء الله عباقرة ومبتعترفوش بالكوري


خد ياعم الفيديو بالترجمة أحسن تقولي أن أنا بفتي ولا حاجة

Winterkorn and the Hyundai - YouTube

ده الألمان نفسهم أعترفوا وأنتم لسة أنتم حالكم صعبان علينا مش أكتر لأنك مش مستوعبين الحقيقة من قوة الصدمة فجأة لقيتم التويوتا والميتسوبيشي والهوندا في النازل وهوب هيونداي على القمة أنا مش هقولكم غير حاجة واحدة بس

さようなら

دوروا عليها بقى في المعجم الياباني ومتوجعوش دماغنا والنبي أصلاً أحنا ملناش فيه دول كوريين ودول يابانيين وأحنا بنتباها بشعر بت أختهم وأحنا قرع أساساً بس الواحد أتخنق من هجومكم على الكوري لا أكثر ولا أقل ومع ذلك أنتو منورين القسم والنعمة .... شاي للشباب يابني أو أقولك هاتلهم ليمون يروق دمهم .

[Samir Elshahawy]

احنا أسره مع بعضينا :d:d:d

يا باشا حصل خير

و رمضان كريم و الواحد زهق من كتر ما اننا بنقنعكوا ان الكورى ده لا يصلح للاستخدام الادمى

بس هنعمل ايه كل واحد راكب دماغه

^_^

طبعا أحنا اخوات قبل اي شي و لو عربية ألماني أو ياباني وقفت علي الطريق و أتعطلت اللي هايلحقها عربية كوري مخصصة للمواشي مش للبني أدمين.

متشكرين جدا يا ذوق .... فعلا أنتوا خليتونا نكره حاجة أسمها ياباني و أوروبي

[Samir Elshahawy]

Winterkorn and the Hyundai - YouTube

أعتراف رئيس شركة فولكس فاجن

هيونداي تتفوق علي بي أم دبليو و فولكس فاكن و مش بعيد يستعينوا بالتكنولوجيا الكورية بعد كده في عربياتهم

بصراحة الفيديو ده كفاية .... ماحدش يجيب سيرة الياباني و الأوروبي تاني
من الان فصاعدا و فقط بقسم هيونداي - نايل موتورز :

فقط هيونداي تصنع المستحيل

[A7medelfe2y]

ياراجل اتقي الله كوري ايه الي يتقارن بالالماني

[AshTurbo]

Hopless Case hhhhhhh

[mody3on]

يا عم اتوقفت ولا متوقفتش هيونداي هتعرف تعمل زيها ؟ وعموما الايفو نازل منها شكل جديد 2014

انا عايز اسألك هيونداي هتعرف تعمل موتور 1300 سي سي يطلع 223 حصان زي مازدا rx8

هتعرف تعمل موتور 2000 سي سي يطلع 409 حصان زي موتور اللانسر evo fq400

هتعرف تعمل موتور 3800 سي سي زي موتور nissan skyline gtr بيطلع اكتر من 530 حصان

هتعرف تعمل زي toyota supra mazda rx7 rx8 3 6speed nissan 240 z350 z370 mitsubishi eclipse honda nsx civic prelude


بتهيألي هيونداي عايزة وقت علشان تعمل عربيات قريبة من الياباني مش الالماني


بس هيونداي فعلا بتتقدم محدش ينكر ده لكن لسه الياباني اعلى بفرق مش قليل

معظم عربيات هوندا وميتسوبيشي الرياضية اتوقفت خلاص وكله بيقولك 2014 وعليك خير ، انا مش لاقي موديل 2012 دلوقتي خالص ، وانا قلت عشان كده التعميم مش حلو عشان في ياباني كويس جدا زي نيسان ومازدا وتويوتا وسوبارو وفي شركات افلست فكريا
الياباني كان متطور جدا على عيني وراسي بس خلاص بص عالمضارع مش الماضي