زيادة أسعار الإلنترا 2013

[Dr.Mostafa Anwar]

في تفسير إقتصادي تاني للي غبور وغيره من توكيلات السيارات بتعمله

السبب ده إن التوكيل نفسه بيكون عنده قدرة محددة ومعروفة للإدارة بتاعته لتحمل عدد معين ومعروف من السيارات كصيانة وقطع غيار وبيبقى في حسابات معقدة للموضوع ده وشغل حصص سوقية شهرية وربع ونصف سنوية عشان يقدر الوكيل المحترم يقدم خدمة عملاء وصيانة بمستوى لائق

بالتالي ده بيؤدي إنه بعد فترة لما يبدأ يوصل لأقصى إمكانياته في تغطية عدد السيارات المباعة عن طريقه بيبدأ يقلل حجم مبيعاته وده اللي بيخليه يرفع سعر العربية عشان يدخلها في شريحة ضيقة من المستهليكن اللي مش فارق معاها تركب العربية دي بأي سعر لأن شكلها أو إسمها أو ماركتها عاجباه "واحد مش في دماغه الحوارات بتاعتنا دي يعني"


مش شرط دايما إن رفع السعر يكون عشان يلهف فلوس زيادة وخلاص ...

[A.Adel]

طيب انا فهمى على قدى .............. عايز اعرف بيلعبها صح بمعنى ايه ؟؟؟؟

وايه النتيجه المنتظره غير قلة المبيعات بشكل حاد مفيش كلام

يا باشا لا فهمك على ادك ولا حاجة

اللي يخليه باع أول دفعة من العربية الجيلي الجديدة قبل ما تنزل
و كلنا عارفين خف المصريين من الصيني عامل إزاي

هو كل مرة بيعمل نفس الحركة

1.دعاية جامدة جدا
والشغل بتاع- جيت اكشف عليها ملقتش فيها عيوب- اللي مكتوب في إعلانات جيلي
و إنها اشترت VOLVO و إن عمللها اختبار سنتين ولا سنة مش فاكر

بالبلدي بيعرف ياكل بعقل الناس حلاوة ,عارف الناس عايزة تسمع إيه

2.ينزل العربية بسعر مناسب الاول وبعد كده يفضل يرفع فيه واحدة واحدة
لحد مارفع سعرها 12000 جنيه

3.مستغل عدم وجود عربيات تنافسه في الفئة السعرية دي
فلوينس الناس بتقول فرنساوي وبتاع
كورولا من ساعة ال mmt وهي معدتش زي الاول
الشارك برده مبيعاتها مش كتير ,الناس بتحب البومة أكتر
السيراتو قدمت خلاص

4.العربية شكلها جذاب ,عكس الياباني مثلا وده مساعده

[A.Adel]

ده غير طبعا ظروف السوق اللي مساعداه
الناس اللي فاهمة إن الكوري لسة قطع غياره برخص التراب و أي حد يشتغل فيه

طب بالذمة ,الضمان بقى 5 سنين أهو
في حد هيجيب عربية بـ 136000 و يروح يعمل صيانتها عند ميكانيكي
يعني إنت مربوط بالتوكيل 5 سنين
و كلنا عارفين اسعار الانترا مش رخيصة في التوكيل و ده بان في موضوع هنا قبل كده

الكوري عربياته كويسة ,بس كده السعر بقى مبالغ فيه بصراحة
أكتر ميزة ليه كانت القيمة مقابل السعر و هو عمال يفقدها دلوقتي

[A.Adel]

في تفسير إقتصادي تاني للي غبور وغيره من توكيلات السيارات بتعمله

وجهة نظر محترمة
بس فكر حضرتك هو لو يهمه العميل أساسا ,كان نزل العربية من غير أي عوامل أمان و شال بارات الحماية من البيبان ؟؟!!!!
ده منزلها من غير immobilizer !!!!!!

ده غير إن مراكز الخدمة مغرقة البلد ,مظنش ده السبب خالص

[olver]

في تفسير إقتصادي تاني للي غبور وغيره من توكيلات السيارات بتعمله

السبب ده إن التوكيل نفسه بيكون عنده قدرة محددة ومعروفة للإدارة بتاعته لتحمل عدد معين ومعروف من السيارات كصيانة وقطع غيار وبيبقى في حسابات معقدة للموضوع ده وشغل حصص سوقية شهرية وربع ونصف سنوية عشان يقدر الوكيل المحترم يقدم خدمة عملاء وصيانة بمستوى لائق

بالتالي ده بيؤدي إنه بعد فترة لما يبدأ يوصل لأقصى إمكانياته في تغطية عدد السيارات المباعة عن طريقه بيبدأ يقلل حجم مبيعاته وده اللي بيخليه يرفع سعر العربية عشان يدخلها في شريحة ضيقة من المستهليكن اللي مش فارق معاها تركب العربية دي بأي سعر لأن شكلها أو إسمها أو ماركتها عاجباه "واحد مش في دماغه الحوارات بتاعتنا دي يعني"


مش شرط دايما إن رفع السعر يكون عشان يلهف فلوس زيادة وخلاص ...

اختلف مع حضرتك فى النظريه ده لان بالتفكير المنطقى احسنلو ان يستثمر فلوس اكتر فى مراكز صيانه و قطع غيار و يستغل انو محتكر لهيواندى فى مصر انما انو يرفع سعر العربيه عشان يقلل البيع فده ضد مبادئ التسويق و كمان هو ليه market share مش هيخسرو عشان انو يقدر يقدم سيرفس على مستوى معين لان ببساطه اخر حاجه ممكن تفرق مع توكيل فى مصر خدمه العملاء

[MohssenRashed]

كتيررررررررررررررر جدا على الالنترا في بدايل احسن منها دلوقتي كتير جدا.

[olver]

3.مستغل عدم وجود عربيات تنافسه في الفئة السعرية دي
فلوينس الناس بتقول فرنساوي وبتاع
كورولا من ساعة ال mmt وهي معدتش زي الاول
الشارك برده مبيعاتها مش كتير ,الناس بتحب البومة أكتر
السيراتو قدمت خلاص

4.العربية شكلها جذاب ,عكس الياباني مثلا وده مساعده

انا كده اقدر اقول ان حضرتك قولت اسباب ان الهيواندى عربيه بياعه مش الالنترا بس انما فيه سبب كمان مهم اووووووووى اعاده البيع احنا السوق بتاعنا بيقيم العربيات غلط خالص مين يقول عربيه النترا موديل 2004 ولا 2005 يبقى مطلوب فيها 70-65 و هى كانت زيرو ب 90 يعنى صاحبها خسران 20 الف بس فى 7 سنين و تلاقى العربيه عامله 100 الف و بدون ايرباج ولا abs ده معقول !!!!!!!!!
و بردو هارجع و اقول الناس بكره هتشترى !!!!!

[hossam_elwani]

الدرس القاسى ليه لو وكيل كيا نزل السيراتو الجديده بسعر وكماليات يحطمله الانترا تماما ... ساعتها حيتعلم الادب

[A.Adel]

الدرس القاسى ليه لو وكيل كيا نزل السيراتو الجديده بسعر وكماليات يحطمله الانترا تماما ... ساعتها حيتعلم الادب

ممكن فعلا يكون بيلم فلوس قبل ما السيراتو تنزل و تقطع عليه

[ahmad--ezzat]

السيفيك بقت ب 172 الف اول فئة بدل من 176 يعنى نزلت 4 الاف جنية وطبعا كلنا عارفين ان مواصفات الامان فى السيفيك واحدة ( يعنى مش بتفرق مابين فئات )

وال vti زى ماهية ب199 الف جنية

الرينو مش متابع الصراحة , ولا التويوتا بس معلش يعنى هو حضرتك هتجيب الفلوانس زى الهيونداى !!!!!!!!!!!!!!!!!!!!!!!

متفرحش اوى كده ههههههههه
برضه غاليه
ومتبصش للالنترا لان سعرها سرقه علنى

لو بصيت على السوبارو هتعرف ان سعر السيفيك زباله

[devil_storm]

حد يا جماعة ركب البيجو 508, عربية خرافة فى كل حاجة و وهمية فعلا... انا ركبيتها اتحولت بجد و مكنتش عايز انزل منها خالص, كدة لو اعلى فئة فى الالنترا 169 الف يبقى فرق 40 الف بينها و بين البيجو... بصراحة اللى يجيب الالنترا سعتها يستاهل ضرب ..... هاهاهاها.

بس سيبكم من ده فيرنتى غليت و انا كده عايز ابيع فيرنا 2009 مانيوال هاف اوبشن على 80 الف هاهاها مهى هيونداى بقى و الناس بتشترى يلا حد شارى؟؟؟

[Mohab.Nabil]

و الناس هتشترى برضه

لا تعليق

[bakkarahmed]

يعني اللي بيبيع النترا 2012 هايبعها بنفس تمنها زيرو سنه 2012...يعني ركب سنه ببلاش

[Samir Elshahawy]

يعني اللي بيبيع النترا 2012 هايبعها بنفس تمنها زيرو سنه 2012...يعني ركب سنه ببلاش

و ممكن يبقوا سنتين كمان
عرفتوا بقي يعني أيه ..

HYUNDAI IS THE BEST CAR OF RESALE VALUE

مالكي ألنترا 2012 , أختيار موفق

[A.Adel]

و ممكن يبقوا سنتين كمان
عرفتوا بقي يعني أيه ..

hyundai is the best car of resale value

:018a1d~146: مالكي ألنترا 2012 , أختيار موفق

لو بالمنطق ده
حضرتك خسران من الاول
عشان شاري حاجة باغلي من اللي تستاهله أساسا ;)

الكوري في مصر بقى سعره مبالغ فيه جدا