زيادة أسعار الإلنترا 2013

[A.Adel]

بس هل ياترى العربيات دي هتفضل بنفس سعرها الفترة الجاية ولا هتغلى ؟

نقطة كويسة قوي
بس حتى لو غليوا ,مفيش أي حاجة زادت 12000 في سنة وشوية

بالنسبة للأوروبي, مظنش هيغلى عشان الجمارك هتقل

[Samir Elshahawy]

لا

بس هل ياترى العربيات دي هتفضل بنفس سعرها الفترة الجاية ولا هتغلى ؟

على الهامش : التحقير من العربية لا يفقدها قيمتها ... الألنترا عربية محترمة ومكانتها محفوظة في السوق والا مكوناش قاعدين بنتكلم عليها دلوقتي .

ده في رأيي الخلاصة و اللي أنا بأحاول أفهمه للبعض اللي ساب زي مابيقولوا في المثل الحمار و مسك في البردعة

الايام هاتثبت لكم صحة الكلام ده و هاتشوفوا أسعار العربيات كلها طالعة و مولعة و برضه الالنترا هاتكون بالنسبة لهم ارخص و الناس هاتشتريها

معلش .. غبور مش غبي و تاجر شاطر جدا , لو هو مش عارف أن العربيات (اللي بتقولوا انها أحسن من الالنترا) مش هاتزيد و توصل اقل عربية فيها ل 200 ألف جنيه ماكانش زود العربية بالشكل ده

و علي رأي رئيسنا "مرسي اللي علي الكرسي" :

أن غدا لناظره قريب

[m_aash]

ده في رأيي الخلاصة و اللي أنا بأحاول أفهمه للبعض اللي ساب زي مابيقولوا في المثل الحمار و مسك في البردعة

الايام هاتثبت لكم صحة الكلام ده و هاتشوفوا أسعار العربيات كلها طالعة و مولعة و برضه الالنترا هاتكون بالنسبة لهم ارخص و الناس هاتشتريها

معلش .. غبور مش غبي و تاجر شاطر جدا , لو هو مش عارف أن العربيات (اللي بتقولوا انها أحسن من الالنترا) مش هاتزيد و توصل اقل عربية فيها ل 200 ألف جنيه ماكانش زود العربية بالشكل ده

و علي رأي رئيسنا "مرسي اللي علي الكرسي" :

أن غدا لناظره قريب

+111111111111111
هو الموضوع بس شوية وقت و الأسعار كلها هاتزيد لأن غبور مش أهبل علشان يوقع ال market share بتاعه أو يخسر شريحة العملاء بتوعه

[hossam_elwani]

+111111111111111
هو الموضوع بس شوية وقت و الأسعار كلها هاتزيد لأن غبور مش أهبل علشان يوقع ال market share بتاعه أو يخسر شريحة العملاء بتوعه

غبى ولا مش غبى ليه زود السعر قبل الاخرين ... ليه يخلى الانطباع عنه سلبى حتى ولو كان مؤقت عشان العربيات التانيه هيا كمان حتغلى... ليه مركبش الموجه معاهم


اعتقد ان كلامكم تبرير غير منطقى لكن مش تحليل

[Formulator]

نتكلم بجد العربية دي لما جبتها كانت أفضل سعر مقابل قيمة ليه ؟
أنا جبتها ب 135 ألف فيها 2 airbag و abs في وقت كانت فيه الكروز بنفس السعر والمازدا 3 كانت أرخص بس ضيقة جداً وقطع غيار هلامية خزعبلية ( غبور تاني ) ....
والتيدا مش حلوة ومكسيكي والشارك غالية ومفيهاش عوامل أمان ولو فيها بتبقى مش أقل من 145 ألف على ما أفتكر .....

حلو أوى الكلام ده ياأشرف بيه :)
- انت بتتكلم -كنت بتتكلم- فـ كروز ومازدا3 وتيدا وشارك..
- دلوقتى غبور بيتكلم فـ: فوكاس، أسترا، فلوينس و5-6 آلاف زيادة = أوكتافيا وسيفيك؟!!!
ينفع كده ياbro؟؟!!!

الفكرة أن العربية ساعتها كانت محققة معادلة بت ستين في سبعين وهي شكل تحفة ساعة ما جبتها كان في منها في أسكندرية يمكن عربيتين ولا حاجة اللي هو الناس كانت بتفتكرها طيارة مش عربية ...
ووسع صعب يبقى موجود في فئتها خدوها من واحد جته يعني مش أي كلام ... وموتور جاحد معلش مع أحترامي للجميع في فئتها عدا العربيات التربو طبعاً .
نيجي دلوقتي نحسبها نلاقيها خرجت برة المعادلة تماماً بالسعر ده لأنها دخلت في شريحة سعرية تقيلة مليانة أوبشنز وعوامل أمان وخامات محترمة سليم ؟
بس هل ياترى العربيات دي هتفضل بنفس سعرها الفترة الجاية ولا هتغلى ؟

أولا: أحييك عـ المصداقية والأمانة..
ثانيا: أختلف معاك بقى فـ حته الموتور-الفتيس، لا مؤاخذة ياباشا:
أنا مش هتكلم عـ التربو -انت قولتها خلاص، 1.4 تربو = 1800 و1.6 تربو = 2000

هنتكلم على الـ1.6 N/A (معلش عشان الناس فاكرة الإلنترا جراية)؟؟!!!
ومش هقول ثبات وفرامل على قدها.. يعنى مش قادرة تستفيد بالباور بتاع الموتور.. لأ

- كورولا 122/124 حصان بتخيطها فـ الطلعة ومن 80-100 وفوق فـ السرعات العالية 160-170 كمان
(ودى أنا شوفتها كتيييييير وكنت بقول عيب سواق-ظروف طريق، لحد مانفخت عربيتين إلانترا بعربية صاحبى 2009 MMT الجنوب أفريقى)

- فوكاس بالموتور الجديد 125 حصان، وفتيس PowerShift وسيدان كمان مش هاتش!! Lol
وإحنا 3 فـ العربية وهو واحد.. وزعله جااااااااااامد على كل السرعات
(آه كان فيه ملفات وغرز -والإلنترا مالهاش ياعينى- بس برضه فـ الـStraight كان بيزعله)؟!!

معلش أنا Off-Topic فـ الحته دى.. بس عشان أقول ان الإلنترا مش عربية جرى؟؟!!!
وياريت مانتكلمش عـ الجرى وانتو بتعددوا فـ مميزاتها!

على الهامش : التحقير من العربية لا يفقدها قيمتها ... الألنترا عربية محترمة ومكانتها محفوظة في السوق والا مكوناش قاعدين بنتكلم عليها دلوقتي .

ياأشرف أنا مش بحقر منها
بس الصراحة فيه كلام كتييييييييييييييييير غلط؟؟!!!

الهونضاى -والكورى عموما- كان بالنسبة للمصريين:
1- عربيات رخيصة
2- قطع غيارها متوفرة ورخيصة
3- أى حد يشتغل فيها
4- إعادة بيع سهلة وكويسة

النهاردة بيبيعلك عربية بـ170 ألف جنيه (بصرف النظر تستاهل ولا ماتستاهلش)
تفتكر هيبيعلك قطع الغيار على أى أساس؟؟
على أساس انها هيونداى = رخيصة؟!! ولا بالنظر لسعر العربية أصلا

تعالى بقد للـresale:
اللى بـ170 دى تفتكر لما يبيعها بعد 3 سنين مثلا -مستعمل- هتفرق كتير عن اللى بـ124؟؟؟!!
ههههههههههههههههههههه
جاوب عـ السؤال ده انت ومهندس منسق..

أصلها مش جولف-برافو-أسترا.. هيقوله عادى ولا تربو؟!!
ولا هى BM هيشوفها 318 ولا 320

وقت إعادة البيع الـ30 ألف فرق الأوبشنز بين أقل وأعلى فئة هيبقى 3-4 آلاف جنيه؟؟!!!
ههههههههههههههههههه
يبقى هى أصلا كان over-priced -وغبور سارق- فيها من الأول ولا لأ؟؟
ههههههههههه

[AshTurbo]

مانا قولتلك هي خلاص طلعت من اللعبة دلوقتي دي خلصنا منها ... بالنسبة لحتتة أن العربية مش جراية يعني لو هطلب منك تصدقني هترتاح ... أنا ياسيدي راجل فلاتي وهلاس بتاع شد وجري ( مخكم راح لي فين ) ومفيش عربية عرفت تعلم على الألنترا في نفس فئتها ( علشان منعرضهاش ) ماعدا الفوكس بصراحة اللي أتوقع أنها تعمل شغل عالي مع الألنترا فمش مقتنع تماماً بحتتة الكورولا اللي علمت عالألنترا وأقدر بكل أقتناع ( على الأقل لنفسي ) أقولك أنه عيب سواق .

بالنسبة لأعادة البيع دة سوق ملوش قواعد لأن المستهلكين أصلاً معندهمش وعي أنت فاهم أنا فاهم مش شرط غيرنا يبقوا فاهمين وللأسف هم أغلبية السوق .

على فكرة هيونداي رفعت السعر عالمياً وغبور مش عاوز ينزل قرش من اللي بيكسبه علشان ميقللش من مستوى الخدمة اللي بيعافر أصلاً علشان يحافظ عليه .

[thisisman]

صدقوني العيب فينا مثال على كده اول ما الالنترا الجديدة نزلت كانت معروضه في سيتي ستارز فرحت اتكلم مع مندوب غبور الي واقف جنبها بقوله مش كثير السعر ده على عربية فاضيه ؟؟ قام رد عليا بكل غرور اه كثير و برضه الناس هتستريها و هفكرك

[Youssef.Awad]

بصراحة لعبة قديمة اوى وكيل هيونداى بيطبقها من 10 سنوات واكتر وهى رفع الاسعار بصفة دورية كل فترة وييجى فى الاعياد ورمضان وقبل نزول الشكل الجديد ويعمل خصومات وهمية من 2000-3000 ولا حتى 5000 ج كمان

يعنى من الاخر بيعمل زى محلات اللبس اللى بترفع الاسعار قبل الاوكازيون عشان لما يعمل تخفيض يبقى رجع لنفس السعر اللى كان بيبيع بيه قبل كده !!!

ربنا يكون فى عوننا جميعا ويرحمنا برحمته من الجشع والطمع والاستغفال

بياخد حق زيادة الضمان اللى رفعه خمس سنين او 100000 كيلو

وده مش مبرر لرفع الاسعار بالشكل ده لأنه للمعلومية ضمان كيا وهيونداى فى العالم من اول 2010 اصبح 5 سنوات / 100 الف كم
وفى اوروبا تحديدا بقى 7 سنوات / 150 الف كم !!!
ومش هبور باشا اللى هايمن ع الشعب المصرى بالضمان اللى زوده .. بالعكس ده المفروض يتحاسب على استغفاله للى اشتروا منه على ضمان 3 سنوات الفترة اللى فاتت دى كلها ويوم ما طبق سياسات الشركة الام رفع الاسعار !!!!
وكلنا عارفين مستوى خدمات ما بعد البيع وتفعيل الضمان شكله ايه فى مراكز الصيانة
ده غير الاسعار المبالغ فيها لقطع الغيار !!!

الدرس القاسى ليه لو وكيل كيا نزل السيراتو الجديده بسعر وكماليات يحطمله الانترا تماما ... ساعتها حيتعلم الادب

مش هاتفرق كتير لأن الاتنين وجهان لعملة واحدة وكله هايدخل جيب واحد فى الاخر

لو بالمنطق ده
حضرتك خسران من الاول
عشان شاري حاجة باغلي من اللي تستاهله أساسا ;)

الكوري في مصر بقى سعره مبالغ فيه جدا

وبالمناسبة اسعار كل موديلات كيا وهيونداى بتزيد فى كافة اسواق العالم سنة ورا سنة مش فى مصر بس
وربنا يزيد ويبارك فى الزباين اللى بيشتروا عشان التصميمات والاوبشنات والحبشتكنات

والله ياباشا انا مش شايف ان السيفيك تمنها خرافى اوى كدة على الاقل واخد كل اوبشن الامان والحماية , السوبارو كويسة وكل حاجة بس كأداء محرك مش هتيجى زى السيفيك , اعادة بيع مش زى السيفيك , توافر قطع الغيار مش زى السيفيك , لكن الثبات اعتقد هتكون افضل من السيفيك الجديدة , وبردة فيها اوبشن كتير بس دة مايمنعش ان حاجاتها غالية اوى ومش اى حد بيقدر على تمن قطع الغيار السوبارو

ده جدول لاسعار قطع غيار الامبريزا ومنافساتها من نفس الفئة :

[Ultramisho]

مش ملاحظين أننا كلنا زعلانين أوي من غلاء الالنترا وخشع غبور
بس مش ده دليل برضه ان العربية عجبانا حتى لو سعرها لا يعبر عن قيمتها

وعلى فكرة لما العربيات التانية هتغلى الالنترا هتغلى تاني ومش هتبقى ارخص منهم ولا حاجة هو غبور بيلعب

طب ليه الغلاء ده
أنا قلتلكم تهافت مشتري المستعمل على الهيونداى بيطمن الي بيشتريها جديدة ان سعرها فيها
هو طبعا المفروض ان الواحد يقدر القيمة مقابل السعر لكن ده مابيحصلش مع ناس كتير
والا كانت الالنترا سوقها وقف مع اسعارها الجديدة دي

لا الي بيشتري مابيفكرش بياخد ايه مقابل السعر غير الشكل والبريستيج ويقولك سعرها فيها والي دفعته النهاردة زيادة ماراحش حتى لو مش هيبيع
يعني اكيد الي سبق واشترى قبل الغلاء مبسوط داخليا ان عربيته غليت لو فكر يبيعها، وبالتالي غيره هيشتري دلوقتي لانه متوقع انها هيغلى سعرها حتى لو ماكانش سعرها معبر عن قيمتها
للاسف دي سيكولوجية كتير ودي سبب الاقبال على عربية تجاوزت سعرها الحقيقي من زمان

وابشركم توقعي مبيعات الالنترا هتزيد للاسف
ومبروك للهبور الي دارس السوق وسيكولوجية كتير من المشترين للاسف

اتمسوا بالخير

[bakkarahmed]

انا شايف ان ارتفاع السعر له جانب ايجابي !!!!
ليـــــــــــــــه
الواحد كان بيراهن ان كوريا هي الحصان الاسود في الفتره القادمه وانها بتتطور بسرعه وبتحقق المعادله الصعبه في فئه السيارات العائليه الاقتصاديه.. رخيصه وشكل ووسع واوبشنز وتوفر قطع غيار وانتشار وسعر اعاده بيع ( وامان علي حسب فلوسك..ولو استخدامك بيتوتي هاتبقي فله)
انما لو كيرف غلاء الاسعار مشي بالتوازي مع كيرف التطور هاتقعد في قرابيزهم..يعني فعلا هاتدخل عربيات جديده السوق وناس كتير هاتتجه للاوروبي وغيره ولما العربيه بتنتشر المستوردين بيوفروا قطع غيارها
الكلام ده مش هياخد يوم وليله..الكلام ده هياخد سنين لان الناس هايبقي قدامها مقارنه بين كوري والماني ..الكوري شكل واوبشنز وتكنولوجي اقل ..مقابل متانه الاوروبي ووسائل الامان
واتمني ان الكلام ده يحصل وان ثقافه المستهلك تتغير ولو بالتدريج علشان الواحد نفسه يركب عربيات انواع كتير وما يشغلش باله باعاده البيع وقطع الغيار

[elwaa_2007]

مساء الفل
يا جماعة انا ليا نص ساعة وشوفت كل التعليقات فى الموضوع من اولة لاخرة
بس ملقتش ولا تعليق بيقول اهم سبب لزيادة السعر ؟ بغض النظر عن ذكر بعض الاسباب اللى ممكن تكون صحيحة وممكن لا !!!
بس من كلام موثوق فية اسباب زيادة اسعار السيارات الهيونداى هى
1- السيارة الفيرنا اخر موديل ليها هو موديل 2013 واخر دفعة شهر12/2012 وبداية شراء بعض التجار لها بكميات عشان لما تبطل تنزل من التوكيل يزود السعر برحتة !!! (جشع تجار)
2- السيارات الكورى وهى اكسنت rb والالنترا md
غير متوافرة فى التوكيل وكمياتها قليلة جدا جدا ومعظم فئتها غير متاحة ويتم الحجز والاستلام فى مدة قد تصل الى شهر ودة خلى التجار تبيع العربية فى المعارض بى اوفر بريس 6 او 7 الاف جنية عن التوكيل ويسلمهالك فى خلال يوم ولا اتنين ودة بقى شغل حيتان خلى غبور يقطع عليهم عن طريق زيادة السعر فالتاجر مش هيقدر يزود فى كل فئة الاسعار الخيالية دى تانى عشان المشترى هيشوف تمنها بقى زيادة جداا فطبعا يروج للتوكيل افضل
3- زيادة صغيرة جدا فى سعر الدولار
اجمع كل الاسباب دى وفكر فيها وانت هتلاقى ان السبب الفعلى لزيادة الاسعار هو
1- اللى عايز يشترى ويستلم فورى وبيروح للتجار شجع الطمع وزيادة السعر والعربية لا نقاش مرغوبة جدا كهيونداى
2- هناك خلل فى التوكيل بسبب عدم توافر السيارات وزيادة الطلب عليها والعرض يعتبر قليل جدا ( مش عارف دى سياسة توكيل ولا مش بمزاجة وفى مشكلة فى كوريا ) مما ادى الى حدوث خلل فى السوق

من الاخر يا شباب العربية لو بقيت ب 150 اول فئة هتتباع عشان مرغوبة فى مصر ليس اكثر ولا اقل وتصروفات المشترى هى اللى بتحدد كدة 2 يقولو لا مش هشترى و100 يدفعو اى فلوس عشان يستلمو فورى

وشكراااا

[Ultramisho]

مساء الفل
يا جماعة انا ليا نص ساعة وشوفت كل التعليقات فى الموضوع من اولة لاخرة
بس ملقتش ولا تعليق بيقول اهم سبب لزيادة السعر ؟ بغض النظر عن ذكر بعض الاسباب اللى ممكن تكون صحيحة وممكن لا !!!
بس من كلام موثوق فية اسباب زيادة اسعار السيارات الهيونداى هى
1- السيارة الفيرنا اخر موديل ليها هو موديل 2013 واخر دفعة شهر12/2012 وبداية شراء بعض التجار لها بكميات عشان لما تبطل تنزل من التوكيل يزود السعر برحتة !!! (جشع تجار)
2- السيارات الكورى وهى اكسنت rb والالنترا md
غير متوافرة فى التوكيل وكمياتها قليلة جدا جدا ومعظم فئتها غير متاحة ويتم الحجز والاستلام فى مدة قد تصل الى شهر ودة خلى التجار تبيع العربية فى المعارض بى اوفر بريس 6 او 7 الاف جنية عن التوكيل ويسلمهالك فى خلال يوم ولا اتنين ودة بقى شغل حيتان خلى غبور يقطع عليهم عن طريق زيادة السعر فالتاجر مش هيقدر يزود فى كل فئة الاسعار الخيالية دى تانى عشان المشترى هيشوف تمنها بقى زيادة جداا فطبعا يروج للتوكيل افضل
3- زيادة صغيرة جدا فى سعر الدولار
اجمع كل الاسباب دى وفكر فيها وانت هتلاقى ان السبب الفعلى لزيادة الاسعار هو
1- اللى عايز يشترى ويستلم فورى وبيروح للتجار شجع الطمع وزيادة السعر والعربية لا نقاش مرغوبة جدا كهيونداى
2- هناك خلل فى التوكيل بسبب عدم توافر السيارات وزيادة الطلب عليها والعرض يعتبر قليل جدا ( مش عارف دى سياسة توكيل ولا مش بمزاجة وفى مشكلة فى كوريا ) مما ادى الى حدوث خلل فى السوق

من الاخر يا شباب العربية لو بقيت ب 150 اول فئة هتتباع عشان مرغوبة فى مصر ليس اكثر ولا اقل وتصروفات المشترى هى اللى بتحدد كدة 2 يقولو لا مش هشترى و100 يدفعو اى فلوس عشان يستلمو فورى

وشكراااا

مع تقديري لتحليلكم القيم والذي اتفق معه باستثناء موضوع الفيرنا لانها فئة تانية خالص لها مشترين مختلفين
بس من تحليلكم رهنت ذلك في النهاية بان السيارة مرغوبة وهو ده الي انا كنت باقوله
ليه السيارة مرغوبة رغم ان قيمتها لا تساوي سعرها
علشان سيكولوجية كثير من المشترين الي مش بيفكروا في قيمتها لكن في بريستيجها وسعر اعادة بيعها فبيحسوا انهم ماخسروش الي دفعوه زيادة رغم انهم خسروا فعلا امكانيات كان ممكن يجيبوها في عربية تانية بنفس سعرها
والدليل على هذه السيكولوجية هو من كلامكم عن الاوفر بريس والتوكيل الي مش ملاحق
ده غير بعض النقاط الصحيحة التي اضفتموها في تعليقكم الكريم

خالص تحياتي

[SAMEH_FOUAD]

ده جدول لاسعار قطع غيار الامبريزا ومنافساتها من نفس الفئة :

معلش ياباشا الاسعار دية قديمة جدا ومعظمها غلط , انا هتكلم عن اللى انا اعرفة السيفيك

لان السيفيك كل الاسعار اللى موجودة غلط مش هية اللى موجودة فى التوكيل نهائى

[SAMEH_FOUAD]

يااخ كريم

انا محايد جدا ومش عارف لية مش عايزين تقتنعوا ان الكورى بالطريقة فقد كل حاجة ( سعر غالى - قطع غيار غالية - عدم مصداقية فى ارقام المحركات واى عربية 1600 اقل منها فى القوة الحصانية بتعلم عليها - ثبات قليل مقارنة بسيارات فئتها - مافيش عوامل امان حتى فى الفئات العالية يعنى لو شوفت السيارات اللى فئتها هتلاقيها فيها الاوبشن دة واقل منها سعرا او حتى توازيها - خامات بلاستيك - حتى الكاوتش اللى بتنزل بية تعباااااااااااااان جدا عايزين اية تانى )

معلش انتوا بتقولوا فتيس متطور , والله انا لو شوفت الفتيس دة فعلا اتطور وبقى بيقوم بدورة على اكمل وجة كنت هاقول اتطور لكن فتيس كل اللى اقدر اقول علية انة متخلف ولا يقوم ابدا بمتطلبات السائق

شوفوا اعتبروها وجهة نظر انا شايف ان حرام بالطريقة دية ادفع 170 الف جنية فى عربية تفتقر لكل هذة المميزات

[Youssef.Awad]

معلش ياباشا الاسعار دية قديمة جدا ومعظمها غلط , انا هتكلم عن اللى انا اعرفة السيفيك

لان السيفيك كل الاسعار اللى موجودة غلط مش هية اللى موجودة فى التوكيل نهائى

دى منقولة من احد مشاركات الاعضاء فى قسم سوبارو
وياريت حضرتك تقولنا اسعار قطع غيار السيفيك هنا او فى تقرير منفصل للمعلومية