زيادة أسعار الإلنترا 2013

[Samir Elshahawy]

خلونا نبقى بس موضوعين فى كلامنا احنا مشكلتنا مش مع العربيه الهيواندى و العربيه ده بتبقى اقتناع
كفايه نقول ان الدفعه الاولى من امينجراد الصينى ده اتحجزت كلها فالموضوع اقتناع مع تسويق
و بردو اظن ان استاذ سمير اكيد مش مقتنع بالتسعير ده و فيه اسباب منطقيه زى ان العماله ارخص فى كوريا عن اوروبا
و كمان الاوبشنز اقل عن العربيات الاوروبى فالمفروض بالمنطق تكون ارخص و ده لا خلاف عليه مع اعتبار ان الدولار سعر متحركش فالمشكله تتلخص فى غبور و توكيلات عربيات تانيه عايزه الحرق
طيب الحل ليه يا جماعه واحنا اكبر منتدى عربيات مش بنفكر نعمل مثلا واقفه ضد توكيل زى غبور و انا مش بهزر فكروا فيها هتلاقو ان الموضوع منطقى اوى احنا مستهلكين و هو مستورد محتكر فده حقنا

حضرتك جبت المفيد ..
المشكلة مش بس في غبور لأ ده كل التوكيلات غبور و لكن بدرجات متفاوتة

المشكلة فينا احنا ... يعني لما العربية تزيد 12000 جنيه بدون أي مبرر خلال سنة و ألاقي واحد راح أشتراها في نفس اليوم يبقي أحنا شعب عايز الحرق و يستاهل اللي يتعمل فيه

الحل و ده رأيي الشخصي ..

تدشين حملة مقاطعة ضد كل توكيلات السيارات في مصر تهدف الي :
1- الضغط علي الحكومة لتخفيض الجمارك عن السيارات
2- المطالبة بتحسين نوعية السيارات المستوردة و عدم التهاون في مواصفات الامان
3- توفير قطع الغيار المناسبة و المطابقة للمواصفات و بسعر موحد
4- الأهتمام بخدمة مابعد البيع و تحسين و زيادة عدد مراكز الخدمة
5- الضغط علي الحكومة لتحسين الطرق و خدمات الطرق و الانتظار
6- تشديد الرقابة علي التوكيلات و مراكز الخدمة و منافذ بيع قطع الغيار

و ده لن يحدث و احنا قاعدين نتريق و نتهكم علي بعض بأن عربيتك كوري و عربيتي أوروبي او ياباني و أحنا في الاخر كلنا في الهوا سوا

[Mohab.Nabil]

بعد الزيادات ديه

نفسى اقرأ افكار واحد سايب الاسترا الهاى لاين و الفلوينس هاى لاين و بيجيب الالنترا هاى لاين اغلى من الاثنين

مع احترامى للالنترا و الله بس الموضوع بجد بقى زيادة اوى انا مكنتش فاهم انه وصل لـ 170 الف خالص

[Samir Elshahawy]

هيا الالنترا فعلا عربية محترمة جدا كمان بس السعر مبالغ فيه أوي
لسه بأتكلم مع واحد صاحبي أخوه معاه الالنترا الفولي لودد في الكويت جايبها بما يعادل 100 ألف جنيه عندنا يعني أرخص من الفئة الاولي ب 35 ألف جنيه

طبعا قيس علي كده كل الموديلات التانية من الكوري للياباني للاوروبي
بجد كده حرام و كفاية بقي

[dozo]

بعد الزيادات ديه

نفسى اقرأ افكار واحد سايب الاسترا الهاى لاين و الفلوينس هاى لاين و بيجيب الالنترا هاى لاين اغلى من الاثنين

مع احترامى للالنترا و الله بس الموضوع بجد بقى زيادة اوى انا مكنتش فاهم انه وصل لـ 170 الف خالص

اقدر اقول لحضرتك مع انى معييش النترا او اى من العربيتين التانيين :-
1- الشكل لا خلاف على ان شكل الانترا من احسن الاشكال اللى فى السوق
2- الانتشار و اعاده البيع

[dozo]

حضرتك جبت المفيد ..
المشكلة مش بس في غبور لأ ده كل التوكيلات غبور و لكن بدرجات متفاوتة

المشكلة فينا احنا ... يعني لما العربية تزيد 12000 جنيه بدون أي مبرر خلال سنة و ألاقي واحد راح أشتراها في نفس اليوم يبقي أحنا شعب عايز الحرق و يستاهل اللي يتعمل فيه

الحل و ده رأيي الشخصي ..

تدشين حملة مقاطعة ضد كل توكيلات السيارات في مصر تهدف الي :
1- الضغط علي الحكومة لتخفيض الجمارك عن السيارات
2- المطالبة بتحسين نوعية السيارات المستوردة و عدم التهاون في مواصفات الامان
3- توفير قطع الغيار المناسبة و المطابقة للمواصفات و بسعر موحد
4- الأهتمام بخدمة مابعد البيع و تحسين و زيادة عدد مراكز الخدمة
5- الضغط علي الحكومة لتحسين الطرق و خدمات الطرق و الانتظار
6- تشديد الرقابة علي التوكيلات و مراكز الخدمة و منافذ بيع قطع الغيار

و ده لن يحدث و احنا قاعدين نتريق و نتهكم علي بعض بأن عربيتك كوري و عربيتي أوروبي او ياباني و أحنا في الاخر كلنا في الهوا سوا

مع تقديرى لاقتراح حضرتك الشعب لوحده مينفعش لانك مش حتقدر تسيطر على الناس كلها يعنى اكيد فيه ناس حتروح تشترى.
الحكومه لازم تتحرك و مترفعش ايدها عن كل واى حاجه تخص المستهلك و تبقى واقفه تتفرج عن الخناقه بين التوكيلات و الناس . اى بلد محترم التوكيلات لا تتلاعب بالاسعار لانها عارفه ان بالاضافه للناس اللى مش حيعجبها التلاعب فى الاسعار فيه حكومه و اجهزه حمايه مستهلك مش حتسمح بكده من الاخر فيه حاجه افتقدناها اسمها دوله

[A.Adel]

اقدر اقول لحضرتك مع انى معييش النترا او اى من العربيتين التانيين :-
1- الشكل لا خلاف على ان شكل الانترا من احسن الاشكال اللى فى السوق
2- الانتشار و اعاده البيع

ما هو ده الغلط

فيه حاجات تانية أهم زي

عوامل الامان (ثبات و فرامل .....)
القيمة مقابل السعر
توكيل العربية
جودة الخامات
.
.
حتة ال options ,هي دلوقتي بقت أقل من منافسينها اللي بنفس تمنها

المبررات دي كانت ممكن تتقال بتمنها الاولاني
بس هي دخلت في فئة ,هيبقى مطلوب منها أكتر من كده بكتير

[mahmoud_afifi]

ايه البجاحه بتاعة غبور الزفت ده بقى !!
مش يخلي عنده دم طيب وينزلها بعوامل امان زي البلاد المحترمه الاول وبعدين يغليها براحته على الاقل ينفع تتقارن بباقي العربيات! :@
خبر يحرق الدم

[Mohamed.Ramah]

انا من راى غبور خرج السيارة من المنافسة لانها دخلت فئة اعلى منها وهنا مش حجما لاكن كعوامل امان - تجهيزات اساسية - تجهيزات رفاهية - جودة تصنيع

والبدائل معروفة :

فورد فوكاس يليها سوبارو امبريزا - اوبل استرا سيدان

[Ultramisho]

و ممكن يبقوا سنتين كمان
عرفتوا بقي يعني أيه ..

hyundai is the best car of resale value

:018a1d~146: مالكي ألنترا 2012 , أختيار موفق

وبنفس المنطق سنقول لمالكي النترا 2013 اختيار موفق ايضا بس على 2014
الحقيقة ان سبب غلاء الالنترا يبدأ من تكالب مشتريي المستعمل عليها
وبالتالي سعر اعادة البيع الي بيقنع مشتري الجديد ان فلوسه مش بتضيع

الحقيقة الالنترا حلوة رغم كل ماقيل عنها يعني سحب وموتور وشكل وصالون وتكييف وصيانة (بس مش توكيل) وسعر اعادة بيع بس مش معنى الكلام ده انها تبقى بسعر الياباني الي زيها

انا بدأت افكر انسى شكلها الجذاب وافكر في التيدا لتحقيق بقية رغباتي خاصة اني مش هاغير تاني قريب بس برضه متردد نفسي اكرهها بجد والكل يكرهها علشان ترجع لسعرها الطبيعي والا سيستمر مسلسل غبور الهبور

[dozo]

ما هو ده الغلط

فيه حاجات تانية أهم زي

عوامل الامان (ثبات و فرامل .....)
القيمة مقابل السعر
توكيل العربية
جودة الخامات
.
.
حتة ال options ,هي دلوقتي بقت أقل من منافسينها اللي بنفس تمنها

المبررات دي كانت ممكن تتقال بتمنها الاولاني
بس هي دخلت في فئة ,هيبقى مطلوب منها أكتر من كده بكتير

انا مع حضرتك فى كل كلمه بس عندى راى :-
اللى حيشترى الانترا و خصوصا fully louded 170000 حيشتريها لانه غاويها فقط اما اللى بيقارن قبل ميشترى حيتجه للفانتازيا 175000 او الاسترا السيدان الجديده168000
و اعتقد ان الانترا fl مش حتبيع زى الاول و المبيعات حتتجه للفئات الاقل و اللى عايز fl حيجيبها كسر زيرو

[zangry]

هيا الالنترا فعلا عربية محترمة جدا كمان بس السعر مبالغ فيه أوي
لسه بأتكلم مع واحد صاحبي أخوه معاه الالنترا الفولي لودد في الكويت جايبها بما يعادل 100 ألف جنيه عندنا يعني أرخص من الفئة الاولي ب 35 ألف جنيه

طبعا قيس علي كده كل الموديلات التانية من الكوري للياباني للاوروبي
بجد كده حرام و كفاية بقي

على فكرة الفولى لودد اللى معاه دى فيها esp وكراسي كهربة و4 ايرباج كمان !! مش زى اللى بتنزل هنا

[devil_storm]

على فكرة الفولى لودد اللى معاه دى فيها esp وكراسي كهربة و4 ايرباج كمان !! مش زى اللى بتنزل هنا

و ماتور ١٨٠٠

[Formulator]

مع العلم الراجل ده يقدر يجيب أي عربية ممكن تتخيلوها و مش هايفرق معاه ثمنها و عنده عربيتين كمان غير الي هو بيركبها من الحاجات اللي مش بنسمع عنها الا في توب جير , يعني بيفهم كويس اوي في العربيات

ماهو عشان مش فارق معاه الفلوس.. بيجيب أى حاجة للواد يلعب بيها ويخبطها، ولما ييجى يبيعها 1000 junk هيشتروها منه؟!!
بس معرفش برضه إزاى واحد عايش فـ أوروبا.. ويركب إبنه عربية Un-Safe زى دى؟؟!!!

- ياإما هو مش عارف ان مفيهاش أى عوامل أمان -وساعتها يبقى مالوش فـ العربيات! Lol
- أو مش متخيل ان فيه شركة فـ الدنيا ممكن تنزل عربية كرتون من غير ABS وإيرباجز!!
وبرضه يبقى مالوش فيها!!

btw: مش معنى انه بيركب عربيات Top-Gear أنه كده بقى بيفهم فـ العربيات؟؟؟!!
واضح أصلا فـ إختياره للإلنترا؟!!! هههههههههههههه

و بردو اظن ان استاذ سمير اكيد مش مقتنع بالتسعير ده و فيه اسباب منطقيه زى ان العماله ارخص فى كوريا عن اوروبا
و كمان الاوبشنز اقل عن العربيات الاوروبى فالمفروض بالمنطق تكون ارخص و ده لا خلاف عليه

ياباشا هى العمالة بس اللى أرخص؟!!! دا كل حاجة أرخص فـ كوريا دى؟؟!!
- كفاية المكونات والـmaterials والتقفيل..
الأوروبى كله Bosch و Marelli و ZF و BorgWarner
والكورى كله ماركات حقيرة ومجهولة -فـ صناعة العربيات- زى Tycho و Mando

وكمان كمية الهندسة والتكنولوجى اللى بتحط فـ عربية Euro من Aero و Safety و Stability ووو...etc
أضعاف اللى تقدر هيونداى-كيا تحطها فـ عربياتها (وده معروف لأنها لا تمتلك أكثر-ببساطة)!! Lol

ودى حاجات مش بتبان طبعا لعين المشترى العادى- ومش بقول ان المستهلك المصرى لازم يبقى عارف التقاصيل دى؟؟!!!
بس عـ الأقل يسأل ويقارن قبل مايلبس!!

و ده لن يحدث و احنا قاعدين نتريق و نتهكم علي بعض بأن عربيتك كوري و عربيتي أوروبي او ياباني و أحنا في الاخر كلنا في الهوا سوا

هو بصرف النظر ان كلامك متناقض من post لـpost؟؟!!!

بس مش كلنا فـ الهواء سوا ولا حاجة -لأ معلش:

زى ماتقالك قبل كده: أنت دافع أكثر بكتيييييييييير من اللى المفروض تدفعه فـ عربيتك!!
ياريت نقول الحق؟؟ السؤال أمانة!!

انا مع حضرتك فى كل كلمه بس عندى راى :-
اللى حيشترى الانترا و خصوصا fully louded 170000 حيشتريها لانه غاويها فقط اما اللى بيقارن قبل ميشترى حيتجه للفانتازيا 175000 او الاسترا السيدان الجديده168000

هو انت عندك حق..
بس هو فيه حد فـ مصر "غاوى" هيونداى؟؟!!! يعنى Enthusiasm أو Fans حتى؟؟ للهونضاى؟؟!!!
مش تحقير للماركة ولا حاجة.. هى مش مستنيانى عشان أحقرها؟!!!
بس أنا مش متخيل ان فيه حد فـ مصر يدفع 170 ألف فـ إلانترا؟؟!!!

أصل غاوى دى.. يعنى ركيب، يعنى بيفهم فـ العربيات وسواقتها.. معتقدش ان واحد بيدور على Driver's Car هيشترى إلانترا؟؟!!!

على فكرة الفولى لودد اللى معاه دى فيها esp وكراسي كهربة و4 ايرباج كمان !! مش زى اللى بتنزل هنا

و ماتور ١٨٠٠

شوفوا بقى:
أنا شايف ان الإلنترا عشان تتباع فـ مصر بـ170 ألف.. يبقى تنزل زى مانتو قلتو كده:

- موتور 1800cc (ماليش دعوة أنا بالضريبة)؟!! ما التيجو والبريليانس بينزلوا 2000cc
- Fully Fffffff Loaded بكل عوامل الأمان والأوبشنز اللى فـ التاريخ!
ساعتها تسوى ثمنها!!
ده رأيى،

[Formulator]

العربيات اللى نسيت نفسها..؟؟!!!
دا إحنا كنا بنقول الكورولا نسيت نفسها؟!!! عشان تتباع بـ170 ألف!!
وهى عربية أقل من عادية بتكنولوجى 8-10 سنين فاتوا؟؟؟!!!
ومحدش يقوللى إعتمادية والكلام الفاضى ده؟؟ أصلا ركيبة التويوتا معروفين يعنى؟!! Lol

تقوم الإلنترا... تبقى بـ170 ألف؟؟

ليـــــــه؟؟ هو غبور فاكر نفسه وكيل Ducati؟؟!!! دانا أركب بيهم بايك هيبقى فيها تكنولوجى سابقة الهونضاى بـ20 سنة!!
- ولا على أساس ان العربيات دى بتبيع فـ السوق التايوانى -مش المصرى:
أوكتافيا
فوكاس
أسترا
فلوينس
وحتى الإمبريزا والشارك

يضربوها بالـTyre -زى ماقولتلك Lol
ههههههههههه

إعادة بيع؟؟!!!
Fffffff إعادة البيع اللى هتخلينى أركب عربية ششششيت بـ 30-40 ألف زيادة فـ ثمنها، عشان لما آجى أبيعها تتباع بسرعة -ومن غير خسارة كبيرة!!

أيــــــــه ياعم هو إحنا تجار؟؟ ما اللى هأخسره فـ Resale (ومش كبير على فكرة زى ما الناس متخيلة) هأركب بيه عربية محترمة؟!!

هه فيه حد هيجرؤ يقوللى أسعار قطع غيار وكلام كده؟؟ أصل أنا شوفت بعينى!!
فانوس الإلنترا المعفن (صينى-كورى) اللى مافيهوش عدسة ولا موتور أصلا..
بيتباع بثمن فانوس الـBosch والـMarelli AL والـDelphi الأوروبى؟؟!!! شششششيت!

سؤال -لا مؤاخذة: تيل فرامل الإلنترا أمامى بكام؟؟!!! الـoem؟!! (وخد بالك أنا عارف ثمنه)!
ههههههههههههههههه -أيوه عشان أضعف حته فيها فراملها، وهأقولك: طب ده يسوى الـEfficiency فـ سعره حتى؟؟!!!
هههههههههههههه

[AshTurbo]

لا مؤاخذة أباشا العربية أكلت السوق ولسة بياعة وماسكة سعرها بعد البيع ودي حكيكة لا يمكن أنكارها أسديكي ده فيما يتعلق بهبل الجبل في السوق المصري .

نتكلم بجد العربية دي لما جبتها كانت أفضل سعر مقابل قيمة ليه ؟

أنا جبتها ب 135 ألف فيها 2 airbag و abs في وقت كانت فيه الكروز بنفس السعر والمازدا 3 كانت أرخص بس ضيقة جداً وقطع غيار هلامية خزعبلية ( غبور تاني ) ....

والتيدا مش حلوة ومكسيكي والشارك غالية ومفيهاش عوامل أمان ولو فيها بتبقى مش أقل من 145 ألف على ما أفتكر ..... فالفكرة أن العربية ساعتها كانت محققة معادلة بت ستين في سبعين وهي شكل تحفة ساعة ما جبتها كان في منها في أسكندرية يمكن عربيتين ولا حاجة اللي هو الناس كانت بتفتكرها طيارة مش عربية ...

ووسع صعب يبقى موجود في فئتها خدوها من واحد جته يعني مش أي كلام ... وموتور جاحد معلش مع أحترامي للجميع في فئتها عدا العربيات التربو طبعاً .

نيجي دلوقتي نحسبها نلاقيها خرجت برة المعادلة تماماً بالسعر ده لأنها دخلت في شريحة سعرية تقيلة مليانة أوبشنز وعوامل أمان وخامات محترمة سليم ؟

بس هل ياترى العربيات دي هتفضل بنفس سعرها الفترة الجاية ولا هتغلى ؟

على الهامش : التحقير من العربية لا يفقدها قيمتها ... الألنترا عربية محترمة ومكانتها محفوظة في السوق والا مكوناش قاعدين بنتكلم عليها دلوقتي .