تقييم شامل لسيارات هيونداى ... من تجارب الأعضاء

[Khalid_Mostafa]

الف شكر ياباشا وجارى التحميل
وبكده إنت خدمت ناس كتير وانا بعد إذنك أنشرة على المنتدى كله عشان فيه ناس كتير محتاجه الكتالوج
بس بعد ردك بالموافقة طبعاً
شكراً مرة تانية وتالتة ورابعة كمان مش خسارة فيك وفى الناس الحلوة دى

يا عم انشره برحتك انشالله توزعوا علي العربيات الي ماشيه في الشارع...هو انا يعني كنت انا الي رفعته ...انا بس لقيته بالصدفه قبل ما انتا تسأل عليه بيوم واحد وكأني ليقته عشانك :)
بس خلي بالك ده WORKSHOP MANUAL مش USER MANUAL

[elayat]

يا عم انشره برحتك انشالله توزعوا علي العربيات الي ماشيه في الشارع...هو انا يعني كنت انا الي رفعته ...انا بس لقيته بالصدفه قبل ما انتا تسأل عليه بيوم واحد وكأني ليقته عشانك :)
بس خلي بالك ده WORKSHOP MANUAL مش USER MANUAL

معلش انا عارف انى تقلت عليك
الملف مضغوط بباس وورد
ممكن تبعتلى الباس وورد؟

[Khalid_Mostafa]

معلش انا عارف انى تقلت عليك
الملف مضغوط بباس وورد
ممكن تبعتلى الباس وورد؟

انا اسف معلش ...نسيت اكتبه..... :o

الباسورد هو : pdftown.com

جرب وقلي

[elayat]

انا اسف معلش ...نسيت اكتبه..... :o

الباسورد هو : pdftown.com

جرب وقلي

مفيش أسف ولا حاجه ياباشا
الملف تمام الباس وورد شغال 100 100
والف شكر ياباشا على تعبك:):):)

[AhmedReda]

hi All,
i'm going to buy a used car, i'm thinking on Excell used and need your advices, what about Excell Model 94 with good conditions, how much does it cost?

regards
Ahmed

[elayat]

hi All,
i'm going to buy a used car, i'm thinking on Excell used and need your advices, what about Excell Model 94 with good conditions, how much does it cost?

regards
Ahmed

أنا عربيتى هيونداى إكسيل 1994 1300 خليجى كاملة كنت مشتريها من فترة قصيرة ب35000
حالتها كويسة كانت عاملة 110000 كم والموتور حالته كويسة مع العلم إنى مقيم بسوهاج والعربية مشتريها من سوهاج
لو كانت اللى قدامك حالتها كويسة إتكل على الله وصلى إستخارة والله المستعان بس حاول تاخدها بسعر أقل من كده
وطبعاً بنسمع عن حاجه إسمها إستعمال طبيب (كلمة إستعمال طبيب يعنى إللى كان بيسوق العربية مش بيعرف يسوق أى حاجه توديه المستشفى للعياده للبيت وخلاص يعنى مش لازم صيانة مفيش أى إهتمام ده إللى أنا شايفه مع إحترامى لكل الأطباء)مع العلم إن ابويا دكتور وشايف الدنيا ماشيا إزاى

[وحش التجارة]

انا من وجهة نظرى ان العربية الكورية اقوى عربية فى مصر واضعف عربية دوليا وذلك لان السوق المصر الى بيبص تحت رجله هو الى فرضها علينا مع العلم انا العربية مش وحشة هى عربية كويسة بس تعتبر احس الوحشين

[Ahmed Anwer]

انا من وجهة نظرى ان العربية الكورية اقوى عربية فى مصر واضعف عربية دوليا وذلك لان السوق المصر الى بيبص تحت رجله هو الى فرضها علينا مع العلم انا العربية مش وحشة هى عربية كويسة بس تعتبر احس الوحشين

مين حضرتك اللي قال الكلام ده ؟؟؟؟

العربية الكورية بتتباع في 130 دولة حول العالم ،،

هيونداي من المركز 27 تقريبا سنة 2000 إلي المركز الخامس سنة 2007

مراكز متقدمة في تقييمات الجودة

اصبح ليها ابتكارات باسمها رغم انها من بضع سنين كنت بتعتمد علي تكنولوجيا الغير

مراكز تصميم و تطوير في المانيا و امريكا و اليابان

اسرع شركة سيارات نموا في العالم

الراعي الرسمي للفيفا و اليوفا كاس العالم و كاس الأمم الأوروبية بس دي حاجة مش مهمة اوي

هوا يمكن سمعتها بس مازالت سيئة من بعض الموديلات القديمة

[momomania22]

اولا استعمال الاطباء ده احسن استعمال
هههههههههههههههه
انا والدي طبيب ونا في خامسة طب
وعندنا الانترا وماتريكس
ابدأ بالماتريكس 2006
استلمتها في 28/10/2005
وعاملة 33 الف كيلو والحمد لله تمام
اقتنعت بيها لما رحت معرض اوتوماك 2005 وقرنت بينها وبين حاجات كتير لقيتها احسنهم وحجزتها يومها من فرع غبور الزراعي
واول ماستلمتها كنت خايف من حاجتين العفشة والثبات
ورحت لواحد مهندس اعرفه وكشفلي عالعفشة وقالي دي تمام وتستحمل وقالي كمان على موضوع الدعائم اللي في العربية واللي متقلة وزنها شوية
وبعدين وبعد التليييين طلعت بالعربية عالطريق السريع لأني من مدينة شبين الكوم منوفية
وجبت بيها 150 ونا لوحدي في العربية وكان الثبات ممتاز والغرز والمناورات زي الفل
وبعدين رحت عملت الصيانة كان الموضوع سهل وبسيط والمعاملة ممتازة اصلي انا بروح بدري خالص تقريبا بفتح المركز
وشويه ركبتلها فرش جلد ورف وكاسيت Dvd
وجربتها على جميع انواع الطرق اللي ممكن تتخيلوها
وسافرت بيها مسافات طويلة ، شرم الشيخ ، الغردقة ، مطروح والعريش وبصراحة ممتازة
وواسعة قوي وبحس معاها اني مالك الطريق كده وشايف كل حاجة كويس
بس التكييف حلو وساعات بعليه لحد 3 وقت الحر الجامد لأن المساحة الداخلية للعربية كبيرة قوي وحجم الزجاج كبيييير وشوية عملت فاميه غامق شوية عشان الشمس لأني لقيت الفي كوول مكلف قوي
وساعدتنا العربية كتيييير في نقل حاجات كتييير لشقة اسكندرية ، كنت بتني الكراسي واحمل واطلع
والتسارع جمييييل قوي بس الالنترا افضل طبعا
بصراحة العربية حلوة قوي ويوم عن يوم بحبها بس كان ناقصها بس Abs
ومن كام يوم غيرت الكاوتش بتاعها وعرضته 195/60
وجبت طقم جنووووط Ssw
والعربية تمام بس مشكلتي الوحيدة في جهاز الانذار الغبي والمفتاح اللي كل شوية يتكسر
وسأوافيكم بتجربة الالنترا لاحقا
اما بالنسبة لقطع الغيار واحد حبيبي بيجيبلي قطع الغيار الاصلي زاقل من سعر الوكيل بكتيييييير
ومغيرتش الا فلتر الزيت كام مرة كده وخلاص
وعال 40 هغير فلتر البنزين واكشف عالتيل ، يعني الصيانة الدورية
انا بروح التوكيل عالاصفار 20 ، 30 ، 40 ، 50 ، كده يعني والباقي معايا جدول الصيانة وبعمله في مركز واحد اعرفه بس شاطر جدا

[jojocar]

يا ترىحد جرب اكسنت 98 اوتوماتك هى ولا اللانوس مع العلم الاتنين قدامى وبنفس السعر

[jojocar]

نسيت اقول ان السعر45الف واللانوس اوتوماتك

[jojocar]

يا باشمهندس احمد هل انت من الاسكندرية

[elayat]

نسيت اقول ان السعر45الف واللانوس اوتوماتك

أولاً أنا خبرتى ضعيفه شويتين
بلاش الأوتوماتيك فى الكورى مشاكله كتييير
وخدها منى كلمة أوعى تستعجل فى شراء عربيه مهما كانت وخليك تقيل

[gharraz]

أرجو تقييمكم للسيارة فيرنا 1600 أتوماتيك موديل 2008
وشكراً لحسن تعاونكم

[qwertyqwerty]

ارجو من السادة المشاركين ان يساعدونى فى تقييم النترا 2008
اوتوماتيك من حيث:
- الاداء
-السعر مقارنة بسيارات اخرى مثل سنى لنسر الخ
-سعر قطع الغيار
- قدر الخسارة فى حالة اعادة البيع وها هناك اقبال على السيارة فى مصر وكم سعرها وهل سعر التوكيل ارخص
بصراحة التعليقات التى قرأتها لا تشجع على شراء السيارة