تقييم شامل لسيارات هيونداى ... من تجارب الأعضاء

[Amrrr]

انا أعرف كذا واحد عنده جيتز ومحدش لشتكى منها خالص ومعظم الناس قالوا عنها مجازا ان غبور بيحاول ينافس جولف او بيحاول يعمل جولف
كل الناس قالت عنها :( ثابتة على الأرض ولو ركبنلها جنوط انسى بقى الموضوع خالص (وزنها طن وكام كيلو)) ومش تقفيل مصري والموتور بتاعها طلقة بجد وعندك الفيرنا 1600 شوف عاملة ازاي !!دي زيها كدة بس مش مصري يعني هتحس بالنظافة وانت راكبها وفي نفس الوقت مفيش بقى الحدف يمين ولا الكلام الفارغ دا
مافيهاش امبير حرارة - فيها لمبة بس - مش عارف دا عيب ولا لأ ويمكن عشان التعود على الأمبير لما تشوف لمبة بيبقى الموضوع غريب شوية
ودا كل اللي أعرفه عن العربية
واللي راكبها قاللي بالظبط وهو مبسوط منها : عربية غريبة اوي في التجميع والثبات !! غريبة على هيونداي!!

[shoudy2005]

معلش انا ليا تجربه مع جيتز بتاعت واحد صاحبى اول حاجه هى عامله دلوقتى 2300 كم و مش عايز اقولك من ساعة ما جابها متهناش بيها راح بيها التوكيل بدون مبالغه 6 مرات مره فوجئ ان اللوك بتاعها مبيقفلش ثانى مره و هو بيركن حك حكه بسيطه فى الرصيف الأكصدام فك من الجمبين ثالث مره جه يدورها زرجنت معاه ده غير ان المكنه بقت بتطلع صوت تاكيهات و كزا حاجه دول المرات اللى انا كنت حاضر فيها معاه و بعد كده كتن ماشى على 80 حب ياخد غرز علشان يورينى الثبات اول غرزه تمام تانى و احده العربيه اعدت تعوم من ورا زى ديل السمكه ز من ساعتها بقى اخرو فى الجرى 80

[Amrrr]

-مش خفيفه ولا حاجه يا عم و الله جايب عليه 150 علي طريق مرسي مطروح الي كله مطبات هواء و كانت ذي الفل علي الأقل احسن من الياريس بتاعت اخويا مع انها هاتشباك و مش ينفس العرض و كمان عاليه

-دي معاك حق فيها بس لاحظ انها من غير شنطه يعني ورا مفيش حمل خالص و لكن بيختفي العيب ده لو نفر واحد ركب ورا

-مش عارف الموضوع ده محستوش والمفروض متحسوش انت كمان لأن الـecu بيعدل معطيات العربيه علي حسب الحمل عليها ومع ذلك ده مقبول في عربيه 1100 سي سي

-حكاية الدريكسيون ديه متهيألي ظبطه من البلستيكه الصغيره الي موجوده في الدركسيون عند التوكيل لأنها بصراحه محصلتش معايا قبل كده

-حكاية عضة الفتيس دي تظبيط من الرجلاش بتاع الدبرياج و بيعملوها في التوكيل




بص يا سيدي :
اول حاجة انت كنت قايل عربيتك خليجي فممكن تلاقي فيها حاجات مختلفة زي موضوع التكييف دا انا متأكد انه مش عندي لأن التكييف وهو شغال مع الحركة الطبيئة ( أول تاني تالت بس هتحس بيه أوي وبعد كدة مافيش مشاكل) وهي في الاجمالي عربية عشرة على عشرة ولو ربنا كرمني وجيت أكبر العربية (يارب) هحاول احتفظ بيها لأنها اقتصادية وبتديك جوة البلد أداء حلو ومعقول على أد اللي عايزة غير موضوع الركنة بتساعدك على انك تلاقي مكان بسرعة ودا المطلوب جوة البلد

حكاية العضة جربنا ريجلاش الدبرياج في التوكيل وبرضة بتعض وشيلت الدواسات اللي انا حاططها من تحت دواسة الدبرياج وبرضة بيعض وهو عيب في التكنولوجيا بتاعة الفتيس وفي عربيات كتير (مش هيونداي بس ) فيها الموضوع دا
الاشارة لقيت الموضوع مش مستاهل بصراحة اقول عليه ويفكوا بقى الدريكسيون ومعرفشي ايه بصراحة خفت مش طالبة والعيب مش جامد
فلتر الزيت فعلا مكانة غبي ومعرفتش اغيرة برة التوكيل لقيت الراجل بتاع البنزينة هيفكة بحاجة غريبة (عافية) وهيركب واحد شكلة مختلف فغيرت زيت بس

[Amrrr]

شودي:
عربية صاحبك دي اكي فيها عيب وممكن تكون كانت واخدة خبطة أو حاجة زي كدة وكتموا عالموضوع وصلحوها واتحطت في المعرض ةاتباعت ودي بتحصل ساعات حظ وحش بقى بس خليه يكشف عليها كويس ومن تحت والحوض بتاعها عشان الكلام اللي انت قلته دا ينطبق على عربية عاملة حادثة واتلمت وانا شفت في التوكيل واحد مغير الفيرنا بتاعته عشان اكتشف انهاكانت رشة حتة من عند القايم أو الحوض مش فاكر حرام دول سبعين تمانين ألف جنيه ولو بعشرة آلاف حتى دا حق مش كفاية عيوب الصناعة وطمنا عالعربية دي عشان انا مشفتش حد اشتكى منها فعلا

[halawa10001]

السلام عليكم
دي اول مرة اشترك في المنتدى بس الفكرة ممتازة انك تحكي عن تجربتك مع عربيتك
المهم انا اشتريت اكسنت2005 من الوكيل وهي معي للان وبصراحة مستخصر ابيعها لانها زي الفل وعلى فكرة هي عاملة 72000 يعني اتنين وسبعين الف ك م وللان مغيرتش لها تيل فرامل و ده لان الفرامل ليها زي الحديد وده يعني جودة خامات التصنيع ليها ولكن العيب اللي شوفتو فيها ان صوت الماتور بيعلى بعد اول سنة استعمال (حوالي20000كم) مع العلم اني محافظ عليها جدا وملتزم بمواعيد الصيانة ليها (مش في التوكيل)
والكاوتش اللي بينزل معاها من الشركة وحش وبيعمل صوت بعد 30000 كم ولازم يتغير بنوع افضل وده هيدي راحة للعربية وصوت هادي على السرعة العالية وعلى فكرة انا جريت بيها على سرعة 160كم/ساعة ولقيتها ثابتة جدا بس والزحاح مغلق فقط
ولو حد عايز اي سؤال ممكن يراسلني وانا هارد عليه
احمد

[tefeamer]

انا مع الاستاذ احمد انور هو بيتكلم بمنتها المنطق ما بقتش تفرق بين الكورى واليابانى بدليل ان الانترا منتشره جدا وطبعا الناس اللى شرينها درسوا الموضوع كويس ولو اليابانى الفرق بينه وبين الكورى السما والعمى كانو اشتروا ستى او يارس وارخص كمان من النترا صح

[tefeamer]

انا مع الرأى ان الكورى بقى قريب من اليابانى والا ماكنش انتشار الانترا والاوبترا بهذا الحجم

[tefeamer]

اختلف معاك قليلآ يا أخ Mohamed Hatem ، اعتقد إن الفرق بين الياباني و الكوري بقي قريب جدا،
و اعتقد إن لحد 100 ألف هيبقي الأفضل الكوري لأنك هتاخد مواصفات و اوبشن كتير و جودة بسعر معقول في الكوري لكن في الياباني في الحدود دي مش هتاخد غير إن اسمها ياباني ده رأيي الشخصي و قارن بين الياريس و الأوبترا مثلآ
طبعا ، الناس اللي بتشتري بفلوس اكتر من كده مبتفرقش معاهم اوي فرق 10 الاف او حتي 20 الف من كوري لياباني فطبعا بيجيبوا الياباني و عشان كده تلاقي هيونداي مبتبعيش اوي في الموديلات العالية زي السوناتا لكن في الموديلات الشعبية هيا مكتسحة
بخصوص عمر العربية و التحمل فبصراحة في كل أنواع الصناعات و كل فئاتها و بلادها مبقاش حد يهتم بحكاية العمر و التحمل دي شوف الربيات بقي كلها فيبر و صفيح مش صاج لأنك لو مش هتغير عشان العربية فتحت بقها هتغير عشان التطور بقي أسرع بكتير
هضربلك مثل للمقارنة بين الكوري و الياباني في الفئة دي ، واحد قريبي كان عنده نوبيرا اتوماتيك (و انتا عارف سمعة النوبيرا و كمان تجميع مصري) و باعها فنجرة كده و قال اجيب ياباني اللي بنفس السعر كان ساعتها المرحومة الإيكو سيدان اتوماتيك برده (تويوتا بقه ،حاسب يعني) و ما استحملش الإيكو ست اشهر وكان بقوللي انا حسيت إنها عربية لعبة بالنسبة للنوبيرا و ندم اشد الندم علي التغيير ده

انا معاك يا ا/ احمد انور

[SMHM2008]

السلام عليكم
انا عندى هيونداى اكسنت اوتوماتيك موديل2002 عندى من سنة الصنع الى الآن وماشية 256000 كم
اجريت صيانة مرة واحدة للمحرك بعد انقطاع الكاتينة فى سرعة عالية
اجريت صيانة (كامبيو)فتيس فى شهر 6/2008
والى الآن السيارة ماشاء الله زى الفل
وبعد الصيانة سافرت بيها لمصر مرتين وتقريبا لفت مصر كلها
واتمنى لو اجد سيارة مثلها جديدة نيو اشتريها مهما يكون سعرها

وشكرا

[loverwomens]

نفسى حد يكلمنى عن السيارة هيونداى اتوس موديل 98 بكام واسعارها ايه ومميزاتها وعيوبها افيدونى افادكم الله

[dolly13]

ارجو من لديه فيرنا ان يفيدنى انا كتير قوى اسمع ان ليها مشاكل لكن ولامشكلة منهم عرفتها
ياؤيت ياجماعة تردوا بسرعة لانى ناوى اشترى خلاص

[ADELHASANALSHAAIRYN6]

اشترى الفيرنا ومش هتندم لانك هتحط فلوسك فى عربية محترمة - صدقنى عن تجربة - فيرنا 1600 مصرى مانيوال كاملة - ولا تنسانى فى الدعاء

[A.Saad]

يا ريت الاخوة اللى جربوا اتوس 2004 يكلموا عنها لان فيه واحدة قدامى وعايز اعرف عنها اى حاجة

[ابو حسين]

انا مع الرأى ان الكورى بقى قريب من اليابانى

[El Prince]

اشترى الفيرنا ومش هتندم لانك هتحط فلوسك فى عربية محترمة - صدقنى عن تجربة - فيرنا 1600 مصرى مانيوال كاملة - ولا تنسانى فى الدعاء

+ 111111111