تقييم شامل لسيارات هيونداى ... من تجارب الأعضاء

[sindrela_az]

لو سمحتم حد ينجدنى من ترددى
دى اول مره هشترى عربيه يا ناس ومحتاره جدا لانى هدفع فيها اللى حلتى كله
انا معى 40000 كنت عايزه اجيب عربيه واوفر منهم كمان لكن نزلت السوق لقيت العربيات لا نازله ولا حاجه وفى نصب فرجعت انا واللى معايا
المهم اتعرض على سيارتين واحده هونداى اكسيل ( 1998) بحاله جيده مطلوب فيها (35000)
ووحده كيا بيكانتو (2006) بحاله جيده جدا مطلوب فيها (45000) وفيها تفاوض تمام
ومش عارفه اعمل ايه
محتاااااااااااااااااره جدا ودى اول عربيه لى واول سواقه
انا حديثه سواقه للعلم
ارجوكم ردو على بسرعه جدا لو تقدرو لانى لازم اخد قرار بكره
شكرا مقدما

[alivara]

انا لسة شاري النترا مانوال 2009 و فعلا عربية ممتازة و ناعمة جدا و تفوق اي عربية في فئتها
حتى خالي عنده لانسر الشكل القديم لما جرب النترا قاللي فيه فرق واضح في النعومة و الباور و التكييف لصالح النترا
يعني الكوري ما بقاش اقل من الياباني في حاجة

[ahmody44]

يا جماعه لو سمحتم..... انا فى قدامى النترا 97 كامله.... حالتها كويسة... بس فى كام واحد خوفونى منها .... ايه رأيكم

[Amrrr]

لو سمحتم حد ينجدنى من ترددى
دى اول مره هشترى عربيه يا ناس ومحتاره جدا لانى هدفع فيها اللى حلتى كله
انا معى 40000 كنت عايزه اجيب عربيه واوفر منهم كمان لكن نزلت السوق لقيت العربيات لا نازله ولا حاجه وفى نصب فرجعت انا واللى معايا
المهم اتعرض على سيارتين واحده هونداى اكسيل ( 1998) بحاله جيده مطلوب فيها (35000)
ووحده كيا بيكانتو (2006) بحاله جيده جدا مطلوب فيها (45000) وفيها تفاوض تمام
ومش عارفه اعمل ايه
محتاااااااااااااااااره جدا ودى اول عربيه لى واول سواقه
انا حديثه سواقه للعلم
ارجوكم ردو على بسرعه جدا لو تقدرو لانى لازم اخد قرار بكره
شكرا مقدما

خليكي في البيكانتو أحدث وهتلاقي لسة فيها خير عن الاكسيل - بس اكشفي عليها كويسسسسسسسسسسسسسسسسسسسسس جداً

[getzawee]

السلام عليكم بالنسبه للاخوه اللى سالوا على الgetz

انا معي getz 2008 auto عمله 25 الف كيلو

العربيه تقفيل كورى 100 % لغايه النهارده أدائها ذى يوم ما اشترتها مفيهاش مشاكل و الحمد لله

العربيه ثابته على عكس اللى بيقال عنها على السرعات العاليه جبت 180 على طريق و لولا صفاره التنبيه مكنتش

خدت بالى اصلا

من الداخل حجمها معقول جدا مش صغيره خالص و عاليه عن الارض و الشنطه مش كبيره و مش صغيره عربيه

تعتمد عليها فى السفر و البهدله

سرعتها خرافيه بسبب موتورها 1600 مع حجمها طلقه و أبشن الأكساليراتور بيخليك تعمل غرز عجيبه بالعربيه

بالنسبه للعيوب

تجميع العربيه فى اول طالعه مش سريع اوى و انا برجع ده لأنها أتوماتك جايز

التوكيل شايل منها اوبشنس كتير أوى لما تمسك الكتالوج تحس انك ماسك كتالوج عربيه تانيه

عربيتى وقع عليه طوب من الدور التالت some one كان بيكسر حيطه و الدبش كلوا نزل على وش عربيتى و الله

العربيه مجرلهاش حاجه غير شويه خربشه وحفر فى لون الصاج بس

[Amrrr]

محدش عنده كوبيه خالص ؟

[mtc]

برجاء الافاده لو احد يمتلك النترا 2006 ان شاء الله انا ناوي اشتريها مستعمله ارجوا الافاده عن قطع الغيار واستهلاك الوقود ومميزات وعيوب السياره وهل اشتري النترا 2006 مستعمله ام فيرنا جديده 1600 gls رغم اختلاف الاراء حول الفيرنا المحيره وشكرا

[حماده المصري]

لو قصدك على 2006 الشيب القديم اشتريها وانت مغمض عربيه حلوه جدا وانا لسه عامل عنها موضوع

[mtc]

الحمد لله ربنا كرمني واشتريت سياره هيونداي اكسنت موديل 2001 مستعمله والحمد لله استعمال نظيف بصراحه الهيونداي من السيارات الجميله ونعمه في المشي سؤال افضل زيت للمحرك بسعر مناسب ايه وايه الي مفروض افحصه في السياره وجزاكم الله خير السياره 1300 cc

[kledlnaql]

لو سمحت انا عايز اشتري كوبيه موديل 2005 ياريت حد يقولي رأيه فيها

[m7mda7md]

الفيرنا
موتور متبري من باقي العربيه