تويوتا , 70 عاما من التقليد!

[Chicco]

لا أعرف ما هذا الكلام الغريب, Total Cost To own تعنى التكلفة الكلية لشراء السيارة, و لا أعتقد أنها التكلفة بعد 5 سنوات أو 10 سنوات من أين لك بهذا الكلام الغريب!!أعتقد انها تعنى التكلفة بعد الضرائب و الجمارك و نسبة التاجر الى أخره.

يا عم فادي كلام استاذ شيكو صح توتال كوست تو اون بعد 5 سنين من امتلاك العربيه

ألف شكر يا برو باشا
بص يا عم فادي في اللنك اللي حضرتك جبته حتلاقي علامة + جنب Total cost to own بص بأه على أسفل الصفحة حتلاقي الشرح زاي ما قولتهولك بالظبط

أنا مشفتش أغلى رقم و حطيته أنا حطيت الرقم ده على أساس انو بيقولك التكلفة الكلية, و ده أقرب تعبير لسعر المبيع, لأنى لاقيت أرقام كتيرة و مش عارف أنهى فيهم السعر

حاقولك الاسعار معناها إيه مش خسارة فيك يا صديقي اللدود:D

MSRP = manufacturer suggested retail price
و ده السعر المقترح للبيع المحدد من المصنع

Invoice price
ده السعر اللي تاجر التجزئة إشترى العربية بيه (عشان تبقى عارف هامش الربح أد إيه ....شوف الافتراء)

Estimated Market price
ده السعر التقديري (الفعلي) للعربية في السوق في الوقت الحالي و ده ممكن يبقى أقل أو أكتر من ال-MSRP حسب سوق العربية و عروض التجار

Total cost to own
ده حسبة ل تكلفة إمتلاك العربية بعد ٥ سنين من الاستخدام بمعدل ١٥ ألف ميل في السنة

الtoyota celsior هي هي lexus ls بس بتاعت اليابان قبل ما يبدوا يبيعوا اسم lexus فاليابان

ألف شكر يا mtema باشا على المعلومة

[Megane]

"برضه يا أستاذ فادي رد حضرتك دائما ناقص ............. و عائم
تقوم شركة ميتسوبيشي بصناعة السفن العملاقة بالكامل ( محرك و جسم السفينة و العدد و الالات الأخرى ( و أيضا تقوم بصناعة معدات نووية مدنية و تقوم ببناء مفاعلات نووية مدنية
تقوم شركة ميتسوبيشي بصناعة مولدات الطاقة العملاقة
تنتج اليابان أفضل قطارات في العالم و أسرعها -- فرنسا أيضا لها باع طويل في موضوع القطارات -
تصنع ميتسوبيشي أيضا غواصات و رافعات و لودر و كراكات إلى أخر تلك القائمة من المعدات الثقيلة
هذا ناهيك عن الشركات العملاقة الأخرى مثل هيتاشي و ياماها و غيرهم
يعني رأي حضرتك إن مصر رقم واحد تكنولوجيا
و لكن هل هذه حقيقة
الإجابة لا
مصر أصلا دولة غير منتجة للتكنولوجيا اطلاقا لأنه لا يوجد برنامج بحث علمي
أه بالمناسبة برنامج البحث العلمي الياباني يتكلف سنويا فوق 100 مليار دولار أمريكي
يعني ميزانية مصر في 3 سنوات
أما موضوع روسيا و الزمن البائد
ففيما يبدوا إن حضرتك تعيش في كبسولة زمنية لم يتحرك بك الزمن لتواكب التطور الحادث في العالم من حولنا
و شكرا "
لا يا سيدى موضوع الابرة للصاروخ ده كان فى مصر بس!!
و عموما احنا بنصنع صواريخ (فاكر صاروخ الظافر بتاع عبد الناصر؟:)) و سيبنا الابرة لليابانيين.

السلام عليكم
*أنا متفق مع الكلام الى بالون البرتقالى و بالطبع ده مش كلام أستاذ فادى إلى بيقول إن مصر بتصنع من الإبرة للصاروخ- يا ريت يكون صحيح - كنت عملت حفلة على حسابى عزمت فيها كل أعضاء المنتدى.
*أما بالنسبة للصاروخ القاهر و الظافر فهما بالمناسبة سبب نكسة 1967 الله لا يسامح إلى كان السبب فى موت الاف المصرين و مع ذلك أستاذ فادى فرحان به و بيقول انة صنع الظافر و القاهر.

[Megane]

"
بالنسبة للسيارة اللادا فلازم حضرتك تقارنها فى فئتها, اللادا هى سيارة اقتصادية صنعت لتكون سيارة رخيصة و قادرة على تلبية حاجات محدودى الدخل و تمكينهم من امتلاك سيارة متينة و قوية و لا تحتوى على الكثير من الترفيه, هى صنعت للشعب الروسى محدود الدخل و للجيش الروسى و طبعا حضرتك عارف انو سيارات الجيش لا يهم فيها عوامل الراحة و لا الرفاهية. لذا عندما تتحدث عن اللادا لازم تقارنها على أساس فئتها و سعرها, و لكن هذا لا يمنع مثلا وجود سيارات رائعة من لادا مثل نيفا ال4*4 ذات القدرات الجيدة على الطرق غير المعبدة. بالاضافة الى سيارات لادا الجديدة و لاسيما ال2110 التى تتمتع بأداء لا بأس به أبدا.

.

السلام عليكم
اللادا دى عربية كارو بيجرها حمارين و على العموم لو إعتبرناها عربية مش كنبة هنكون ادناها أكثر من حقها و ظلمنا الحمارين. :):):):)
و النيفا مش عربية أصلا دى صالون حلاقة متحرك و شكلها زبالة و غير مصنفة فى فئة 4X4 علشان دى ممكن تغرز فى الأسفلت مش فى الرملة.:):):)
و لاسيما الـ 2110 التى تتمتع بأداء لا بأس بة فى التعويم و الإنقلاب و ثقل الدريكسيون و هى بصراحة ممتازة لعمل الشاى و القهوة فى صالونها الواسع الذى أشهد بة للصناعة الروسية المتطورة.:):):)
و سلملى على Mother Russia رائدة التطور و التكنولوجيا فى نظرك أنت فقط.

[Megane]

حضرتك كنت بتحارب لوقت قريب جدا بطائرات روسية الصنع, و صناعة الحديد و الصلب دخلت مصر بفضل الروس, و بفضلهم أصبحت مصر أكبر مصنع للصلب فى الشرق الأوسط.
كون انها لا تصنع الألكترونيات الاستهلاكية (التى يأخذها الكثيرون دليلا على التقدم) ليس معناه أنهم لا يصنعون الالكترونيات , و فى مجال عملى, نستورد كثير من المعدات الاكترونية الدقيقة من الروس, و معظمها لا نجدها الا لدى الأمريكيين.

السلام عليكم
تصحيحا لهذة المعلومة إنت كنت بتحارب بأسلحة ليست روسية فقط و لكن أيضا من تشيكزلوفاكيا و قمت بتطوير 90% من أسلحتك الدفاعية إلى هجومية بأيدى مصرية 100 فى 100
أما بالنسبة للصناعة الإلكترونية فى Mother Russia معظم مكوناتها صناعة تايوانية 100 فى 100 و ليست حتى يابانية.

[Megane]

حضرتك أنا وقت ما اتشريت الشاهين كان سعرها 68 ألف بالتمام و الكمال, و سعر الفيرنا على ما أذكر كان 62 ألف تقريبا و اللانوس كانت 56 ألف و كل دول فيهم امكانيات أكتر من الشاهين و مع كده الناس بتسيبهم و تروح تشترى الشاهين, مش بس كده, موديل ال1400 سعره كان 58 ألف و 59 ألف الميتاليك, يعنى قريب جدا من سعر الفيرنا و أغلى من اللانوس, ملحوظة أخيرة ال1400 فيها كاسيت بس!! و الناس بتشتريها و تستغنى عن التكييف و الباور عشان اسم الشاهين فقط!
و أتذكر أن المسئول عن توكيل فيات الجديد فى مصر قد أدلى بتصريح للأهرام للسيارات قال فيه بالحرف الواحد ان سيارات فيات مازالت تتمتع بسمعة جيدة فى مصر بفضل الشاهين و أنه سوف يستغل هذه السمعة لترويج موديلات فيات الجديدة.

السلام عليكم
شاهين إية و بتاع إية إلى بتقارنها بالانوس و الفيرنا دى عربيات قدام الشاهين مليون سنة علشان تذكرها اصلا فى نفس السطر
ناس مين إلى بتسبهم و تشترى الشاهين دة فى خيالك بس
و مسئول توكيل فيات لو سمع إنك بتقول علية كدة و إنة معتمد مثلا فى ترويج البونتو على سمعة الشاهين كان إنتحر و ضرب نفسة بالرصاص الظافر و القاهر.

[Megane]

أشعر و كأنني أتحاور مع إنسان نقوله ده ثور يقول أحلبوه
نرجع نقول بس ده مش بقرة ........ ده ثور و مازال الرد واحد
يجب أن نخرج لبن من هذا الثور

يا أستاذ فادي
اليابان أغلى عمالة في العالم أجمع
الحياة في اليابان و الأيدي العاملة في اليابان أغلى من أمريكا و أوروبا يا أستاذ فادي
نحلفلك على أيه علشان تصدق

السلام عليكم
على رأى علاء ولى الدين فى فيلم الناظر (يا أستاذ لمبى دى شهادة وفاة بابا) :):):):)

[Megane]

"اليابان عزيزى تنتج اروع وافضل السيارات بشهادة العالم اجمع, سياراتهم تتمتع بالجوده الممتازه والسعر المتوسط والعمر الطويل (من واحد عاش فى كندا وامريكا 11 سنه)
عدا ذلك هو بالفعل ضلالات"

ايه الكلام الجميل ده دانتا الريس اليابانى لازم يديك حزام يابانى من الدرجة الأولى. بجد ترجم جمتلك لليابانى و ابعتهالوا:)
على فكرة الجملة "المنتجات اليابانية قطع من الخردة" سمعتها قبل ذلك كثيرا من أوروبيين و من العديد من الناس الذين سافروا الى تلك البلدان (و منهم أبى مع انه لا يؤمن بذلك) مما يدل أن سمعة اليابانى فى مصر و دول الشرق الأوسط و الولايات المتحدة شىء, و فى أوروبا و بقية الدول شىء أخر! و هى تلك الدول التى لم تصلها الحملة الاعلامية اليابانية المباركة.

السلام عليكم أنا مش هقولك واحد صاحبى عاش فى أوربا أنا نفسى عشت فى ألمانيا و فرنسا و إنجلترا ثلاث أعوام و لم أسمع أحد هناك يعيب فى التكنولوجيا اليابانى بل بالعكس جميع الألكترونيات اليابانية الموجودة هناك أغلى من المعروض المحلى و الإقبال عليها أكثر بكثير.

[Megane]

و بلاش نفتح فى موضوع نيسان لأنى عندى كلام كتير أقوله فيها, و كفاية نقول ان شركة نيسان (العملاقة) كانت لوقت قريب بتعتمد على أستون مارتن و كانت شركة تجميع لسيارات أستون مارتن, و لما تركتها أستون مارتن وقعت فى دوامات الفشل الى أن جاءت رينو و انتشلتها(اتلم المتعوس على خايب الرجا).

السلام عليكم
رينو و أستون مارتن (المتعوس و خايب الرجا) و الشاهين و اللادة إية (خنزير و صرصار؟؟؟) مش لائى كلام أمسح بة هاتين السيارتين من على الوجود و لكن بأحس إنى أصلا بتدنا بمستوايا الزهنى لما أصلا بيختروا على بالى.:D:D:D

[Megane]

"هي مش رينو ديه من الشركات الاوروبيه اللي انت بتمجدها باين ولا هترجع تقول كلام مختلف"

لا يا سيدى أنا مش بمجد الأوروبى و لا حاجة عموما أنا بحب ثلاثة سيارات فى الأوروبى فقط مرسيدس و بيجو و فيات بفروعها.و مش كل الأوروبى فى سلة واحدة حضرتك!

السلام عليكم
سلة إية ؟ هى سلة خضار
رينو إية إلى أصلا بتقارنها بالفيات -إنت عملت زى الذى يقارن السما بالأرض - فيات إية و بتاع إية دى اخر سيارة ممكن تفكر تتكلم عنها فى أوروبا مش عارف أنت بتجيب الأفكار دى من إين.
وشكرا و تحيا Mother Russia :):):) ههههههههههههههههههههههه

[hazem_khidr]

السلام عليكم
سلة إية ؟ هى سلة خضار
رينو إية إلى أصلا بتقارنها بالفيات -إنت عملت زى الذى يقارن السما بالأرض - فيات إية و بتاع إية دى اخر سيارة ممكن تفكر تتكلم عنها فى أوروبا مش عارف أنت بتجيب الأفكار دى من إين.
وشكرا و تحيا Mother Russia :):):) ههههههههههههههههههههههه

و هو مين لوصل لحضرتك الكلام دا يا استاذ حاتم؟؟؟
مين قال لحضرتك ان فيات اخر عربيه تتكلم عنها في اوربا؟؟؟؟

[PRO-DRIVE]

^^^بصراحه هي مش الاخر :) لادا و اوتوفاز بعدها

[hazem_khidr]

يااااااااااااااااااه
معقول.
فيات اللي هيا مجموعه فيات يعني فيات و الفا و لانشيا و فيراري يدوب قبل لادا و توفاز.\
شكرا اوي علي المعلومه العظيمه دي

[hero]

يا جماعه انتوا بتتجادلوا لية....

ايلي عاجبو الياباني ....اهلا وسهلا يشترية....
وايلي عاجبو الامريكي....اهلا وسهلا برضة ويشترية...
وايلي عاجبو الاوروبي ....اهلا وسهلا ويشترية...

وايلي معجب قوي بالصيني وبالهندي وبالروسي...وباي شيء يشترية....

يا جماعه ...سنة الاختلاف دي سنة كونية ....يعني من سنن الكون...ايلي ربنا خلقها..

واذا كانت الناس لم تتفق علي الآتي :
1- وجود اله واحد للكون...
2-الاتفاق علي نبي او رسول...اثناء بعثتة ...ناس آمنت بية وناس كفرت بية..
3- حاكم او حكومة...ناس مبسوطة منها ...وناس بتلعن فيها...

يبقي انتوا عايزين الناس تتفق علي سيارة او مصنع سيارات....

روى أبو داود عن أبي أمامة -رضي الله عنه- أن رسول الله -صلى الله عليه وسلم- قال
"أنا زعيم ببيت في ربض الجنة لمن ترك المراء وإن كان محقا، وببيت في وسط الجنة لمن ترك الكذب وإن كان مازحاً، وببيت في أعلى الجنة لمن حسَّن خُلُقَه "
صدق رسول الله صلي الله علية وسلم....

[فادى]

"السلام عليكم
سلة إية ؟ هى سلة خضار
رينو إية إلى أصلا بتقارنها بالفيات -إنت عملت زى الذى يقارن السما بالأرض - فيات إية و بتاع إية دى اخر سيارة ممكن تفكر تتكلم عنها فى أوروبا مش عارف أنت بتجيب الأفكار دى من إين.
وشكرا و تحيا Mother Russia ههههههههههههههههههههههه"

رينو ايه بس الى انت بتتكلم عليها ما بلاش نتكلم! والله العظيم أنا أعرف ميكانيكية مبيرضوش يشتغلوا فى الرينو, عشان بيقولوا العربية نصلحها تانى يوم تجيلنا عطلانة و الزبون يزعق.
طب اخطف رجلك كده بعربيتك الرينو لغايت الزتون (ده لو قدرت توصل أصلا) هتلاقى واحد بتاع زوايا, و هتلاقى ورقة متعلقة فى الحيطة و مكتوب عليها بالحرف "لا نقوم بضبط السيارة رينو 12 منعا للاحراج".
نرجع لفيات.
فيات هى الى أول سيارة :
- تضع محرك بالعرض(128).
- أول سيارة تربو ديزل حقن مباشر (فيات كروما 1986)
- من أول الشركات التى طورت علبة تروس ذكية (السيلسبيد) ووضعتها فى سيارة الفومولا واحد ثم ألفاروميو و فيرارى ثم فيات.
- صحيح أن سيتروين(البعض يقول فورد) كانت أول سيارة دفع أمامى , الا أن نموذج الدفع الأمامى الحقيقى كان من فيات 128 و بعدها أصبح نموذج فيات هو الطريق الذى يحتذى فى صناعة السيارات الصغيرة.
- جنرال موتورز بجلالة قدرها كانت بتاخد محركات من فيات وقت أن كانت تملك 20% من أسهمها.
- فيات هى الى بتصمم و بتصنع الكثير من أجزاء سيارات ألفاروميو و لانسيا, و نجحت فيات فى انتشال ألفاروميو من كبوتها و اعادتها مرة أخرى الى سابق عهدها و مازالت تحاول مع لانسيا, و معظم سيارات ألفاروميو و فيات و لانسيا تصنع على شاسيه واحد و غالبا نفس المحرك, و كلها شاسيهات و محركات من تصميم فيات.
و كون فيات شركة يغلب عليها الطابع الرياضى الخشن( صوت المحرك المرتفع, قساوة التعليق, وضعية القيادة المائلة ناحية اليمين), فان هذا يحسب لها لا عليها, الا أن الكثيرون لا يحبون هذا الطابع الرياضى الذى يأتى على حساب الراحة دائما.
فلسفة فيات هى كيف تصنع سيارة اقتصادية و لكن رياضية فى الوقت نفسه, رياضية لكن عملانية, صغيرة لكن فسيحة من الداخل, و هى نجحت فى هذا تماما, فياترى رينو نجحت فى ايه بقى؟!!
بالنسبة لروسيا فحضرتك أنا فى مجال عملى بنستورد أجهزة الكترونية دقيقة جدا من روسيا بالذات, و مفيهاش أى حاجة تايوانى, معرفش انت بتجيب الكلام العجيب ده منين!
من الواضح انك بتقيم العربيات بحسب الشكل و الشكل فقط, و كلما كان شكل السيارة أجمل كلما كانت أفضل عشان كده هتبقى الرينو (البلاستيك) أفضل سيارة فى العالم, و اللادا سيارة متخلفة و النيفا السيارة 4*4 (على فكرة النيفا ميزتها الوحيدة هو قدراتها غير العادية على الطرق الوعرة) مجرد علبة مربعة! و اللانوس طبعا أحسن من الشاهين (بمقياس الشكل فقط), انت بتفكرنى بواحد صاحبى قاللى بلاش الشاهين و هات الهيونداى عشان البنات مش بتحب الشاهين.
سلام.

[Megane]

"السلام عليكم
سلة إية ؟ هى سلة خضار
رينو إية إلى أصلا بتقارنها بالفيات -إنت عملت زى الذى يقارن السما بالأرض - فيات إية و بتاع إية دى اخر سيارة ممكن تفكر تتكلم عنها فى أوروبا مش عارف أنت بتجيب الأفكار دى من إين.
وشكرا و تحيا Mother Russia ههههههههههههههههههههههه"

رينو ايه بس الى انت بتتكلم عليها ما بلاش نتكلم! والله العظيم أنا أعرف ميكانيكية مبيرضوش يشتغلوا فى الرينو, عشان بيقولوا العربية نصلحها تانى يوم تجيلنا عطلانة و الزبون يزعق.
طب اخطف رجلك كده بعربيتك الرينو لغايت الزتون (ده لو قدرت توصل أصلا) هتلاقى واحد بتاع زوايا, و هتلاقى ورقة متعلقة فى الحيطة و مكتوب عليها بالحرف "لا نقوم بضبط السيارة رينو 12 منعا للاحراج".

السلام عليكم
أنا عمرى متعاملت مع ميكانيكى إلا أيام مكان معى 128 من 12 سنة دة طبعا علشان مكنش ليها توكيل و لمعلومات حضرتك الميكانيكى - اللى ديما حضرتك بتضرب بة المثل - دة صنيعى يعنى متخلف مش مهندس خريج جامعة و غير مؤتمن على أى عربية و لازم يكتب كدة لأنة حمار ما بيفهمش فى العربيات المتطورة زى الرينو و الدايو و الهوندا و الفيات - طبعا مش 128 - الخ (دة كبيرة يصلح شاهين أو 128 أو لادا )
و أيضا لمعلوماتك أنا كان عندى 128 و دايو جوليت و سوزوكى فيتارا و هايونداى أكسل و بيجو 505 و 207 و الأن رينو ميجان و لم أذهب لميكانيكى إلا فى حالة أعطال 128 فقط و دة طبعا لانى ممكن أتصف بالهبل لو فكرت أبحث لها على توكيل و مش كل ما واحد يكلمك فى موضوع تضربلة مثل بالميكانيكى لان زى ما ذكرت سابقا أى صنيعى فى مصر لا يستطيع تصليح أو عمل أى شىء إلا و كان و راه مهندس (و إلا لو العالم طبق نظريتك كنا أفلنا كلية الهندسة و سرحنا الطلبة ببطاطة )